Revelation 6 — TCG

The Seven Seals

6Verse 1Καὶ εἶδον⁺ὅτι ἤνοιξε τὸ ἀρνίον μίαν ἐκ τῶν⁺ἑπτὰ σφραγίδων, καὶ ἤκουσα ἑνὸς ἐκ τῶν τεσσάρων ζῴων λέγοντος ὡς⁺φωνὴ βροντῆς, Ἔρχου καὶ⁺ἴδε.^{Verse 2}Καὶ ἰδού, ἵππος λευκός, καὶ ὁ καθήμενος ἐπ᾽⁺αὐτὸν ἔχων τόξον· καὶ ἐδόθη αὐτῷ στέφανος, καὶ ἐξῆλθε νικῶν καὶ ἵνα νικήσῃ.^{Verse 3}Καὶ ὅτε ἤνοιξε τὴν⁺δευτέραν σφραγῖδα, ἤκουσα τοῦ δευτέρου ζῴου λέγοντος,⁺Ἔρχου.^{Verse 4}Καὶ ἐξῆλθεν ἄλλος ἵππος⁺πυρός, καὶ τῷ καθημένῳ ἐπ᾽⁺αὐτὸν ἐδόθη αὐτῷ λαβεῖν τὴν εἰρήνην⁺ἐκ τῆς γῆς⁺ἵνα ἀλλήλους⁺σφάξωσι, καὶ ἐδόθη αὐτῷ μάχαιρα μεγάλη.^{Verse 5}Καὶ ὅτε ἤνοιξε τὴν⁺σφραγῖδα τὴν τρίτην, ἤκουσα τοῦ τρίτου ζῴου λέγοντος, Ἔρχου⁺καὶ ἴδε. Καὶ ἰδού, ἵππος μέλας, καὶ ὁ καθήμενος ἐπ᾽⁺αὐτὸν ἔχων ζυγὸν ἐν τῇ χειρὶ αὐτοῦ.^{Verse 6}Καὶ ἤκουσα⁺φωνὴν ἐν μέσῳ τῶν τεσσάρων ζῴων λέγουσαν, Χοῖνιξ σίτου δηναρίου, καὶ τρεῖς χοίνικες⁺κριθῆς δηναρίου· καὶ τὸ ἔλαιον καὶ τὸν οἶνον μὴ ἀδικήσῃς.^{Verse 7}Καὶ ὅτε ἤνοιξε τὴν σφραγῖδα τὴν τετάρτην,⁺ἤκουσα τοῦ τετάρτου ζῴου⁺λέγοντος, Ἔρχου καὶ⁺ἴδε.^{Verse 8}Καὶ ἰδού, ἵππος χλωρός, καὶ ὁ καθήμενος ἐπάνω⁺αὐτοῦ ὄνομα αὐτῷ⁺ὁ Θάνατος, καὶ ὁ ᾍδης⁺ἠκολούθει⁺αὐτῷ. Καὶ ἐδόθη⁺αὐτῷ ἐξουσία⁺ἐπὶ τὸ τέταρτον τῆς γῆς ἀποκτεῖναι ἐν ῥομφαίᾳ καὶ ἐν λιμῷ καὶ ἐν θανάτῳ καὶ ὑπὸ τῶν θηρίων τῆς γῆς.^{Verse 9}Καὶ ὅτε ἤνοιξε τὴν πέμπτην σφραγῖδα, εἶδον ὑποκάτω τοῦ θυσιαστηρίου τὰς⁺ψυχὰς τῶν ἐσφαγμένων διὰ τὸν λόγον τοῦ Θεοῦ καὶ διὰ τὴν μαρτυρίαν⁺τοῦ ἀρνίου ἣν εἶχον.^{Verse 10}Καὶ⁺ἔκραξαν⁺φωνὴν μεγάλην, λέγοντες, Ἕως πότε, ὁ δεσπότης, ὁ ἅγιος καὶ⁺ἀληθινός, οὐ κρίνεις καὶ ἐκδικεῖς τὸ αἷμα ἡμῶν⁺ἐκ τῶν κατοικούντων ἐπὶ τῆς γῆς;^{Verse 11}Καὶ⁺ἐδόθη⁺αὐτοῖς⁺στολὴ λευκή, καὶ ἐρρέθη αὐτοῖς ἵνα⁺ἀναπαύσωνται⁺ἔτι χρόνον,⁺ἕως⁺πληρώσωσι καὶ οἱ σύνδουλοι αὐτῶν καὶ οἱ ἀδελφοὶ αὐτῶν⁺καὶ οἱ μέλλοντες⁺ἀποκτένεσθαι ὡς καὶ αὐτοί.^{Verse 12}Καὶ εἶδον⁺ὅτε ἤνοιξε τὴν σφραγῖδα τὴν ἕκτην,⁺καὶ σεισμὸς μέγας ἐγένετο, καὶ ὁ ἥλιος⁺μέλας ἐγένετο ὡς σάκκος τρίχινος, καὶ ἡ σελήνη⁺ὅλη ἐγένετο ὡς αἷμα,^{Verse 13}καὶ οἱ ἀστέρες τοῦ οὐρανοῦ⁺ἔπεσον εἰς τὴν γῆν, ὡς συκῆ⁺βαλοῦσα τοὺς ὀλύνθους αὐτῆς ὑπὸ⁺ἀνέμου μεγάλου σειομένη.^{Verse 14}Καὶ⁺ὁ οὐρανὸς ἀπεχωρίσθη ὡς βιβλίον⁺ἑλισσόμενος, καὶ πᾶν ὄρος καὶ νῆσος ἐκ τῶν τόπων αὐτῶν ἐκινήθησαν.^{Verse 15}Καὶ οἱ βασιλεῖς τῆς γῆς καὶ οἱ μεγιστᾶνες καὶ οἱ⁺χιλίαρχοι καὶ οἱ πλούσιοι καὶ οἱ⁺ἰσχυροὶ καὶ πᾶς δοῦλος καὶ⁺ἐλεύθερος ἔκρυψαν ἑαυτοὺς εἰς τὰ σπήλαια καὶ εἰς τὰς πέτρας τῶν ὀρέων.^{Verse 16}Καὶ λέγουσι τοῖς ὄρεσι καὶ ταῖς πέτραις,⁺Πέσετε ἐφ᾽ ἡμᾶς καὶ κρύψατε ἡμᾶς ἀπὸ προσώπου τοῦ καθημένου ἐπὶ⁺τῷ θρόνῳ καὶ ἀπὸ τῆς ὀργῆς τοῦ ἀρνίου,^{Verse 17}ὅτι ἦλθεν ἡ ἡμέρα ἡ μεγάλη τῆς ὀργῆς⁺αὐτοῦ, καὶ τίς δύναται σταθῆναι;