Revelation 7 — TCG

The Sealing of the 144,000

7Verse 1⁺Καὶ μετὰ⁺τοῦτο εἶδον τέσσαρας ἀγγέλους ἑστῶτας ἐπὶ τὰς τέσσαρας γωνίας τῆς γῆς, κρατοῦντας τοὺς τέσσαρας ἀνέμους τῆς γῆς, ἵνα μὴ πνέῃ ἄνεμος ἐπὶ τῆς γῆς μήτε ἐπὶ τῆς θαλάσσης μήτε ἐπί⁺τι δένδρον.^{Verse 2}Καὶ εἶδον ἄλλον ἄγγελον⁺ἀναβαίνοντα ἀπὸ ἀνατολῆς ἡλίου, ἔχοντα σφραγῖδα Θεοῦ ζῶντος. Καὶ ἔκραξε φωνῇ μεγάλῃ τοῖς τέσσαρσιν ἀγγέλοις, οἷς ἐδόθη αὐτοῖς ἀδικῆσαι τὴν γῆν καὶ τὴν θάλασσαν,^{Verse 3}λέγων, Μὴ ἀδικήσητε τὴν γῆν μήτε τὴν θάλασσαν μήτε τὰ δένδρα,⁺ἄχρις οὗ⁺σφραγίσωμεν τοὺς δούλους τοῦ Θεοῦ ἡμῶν ἐπὶ τῶν μετώπων αὐτῶν.^{Verse 4}Καὶ ἤκουσα τὸν ἀριθμὸν τῶν ἐσφραγισμένων,⁺ἑκατὸν καὶ τεσσαράκοντα τέσσαρες χιλιάδες,⁺ἐσφραγισμένων ἐκ πάσης φυλῆς υἱῶν Ἰσραήλ·^{Verse 5}ἐκ φυλῆς Ἰούδα⁺δώδεκα χιλιάδες⁺ἐσφραγισμέναι,
ἐκ φυλῆς⁺Ῥουβὶμ⁺δώδεκα⁺χιλιάδες,
ἐκ φυλῆς Γὰδ⁺δώδεκα⁺χιλιάδες,
^{Verse 6}ἐκ φυλῆς Ἀσὴρ⁺δώδεκα⁺χιλιάδες,
ἐκ φυλῆς⁺Νεφθαλεὶμ⁺δώδεκα⁺χιλιάδες,
ἐκ φυλῆς Μανασσῆ⁺δώδεκα⁺χιλιάδες,
^{Verse 7}ἐκ φυλῆς Συμεὼν⁺δώδεκα⁺χιλιάδες,
ἐκ φυλῆς⁺Λευῒ⁺δώδεκα⁺χιλιάδες,
ἐκ φυλῆς⁺Ἰσαχὰρ⁺δώδεκα⁺χιλιάδες,
^{Verse 8}ἐκ φυλῆς Ζαβουλὼν⁺δώδεκα⁺χιλιάδες,
ἐκ φυλῆς Ἰωσὴφ⁺δώδεκα⁺χιλιάδες,
ἐκ φυλῆς⁺Βενιαμὶν⁺δώδεκα χιλιάδες⁺ἐσφραγισμέναι.

Praise from the Great Multitude

^{Verse 9}Μετὰ ταῦτα⁺εἶδον, καὶ ἰδού, ὄχλος πολύς, ὃν⁺ἀριθμῆσαι οὐδεὶς⁺ἐδύνατο, ἐκ παντὸς ἔθνους καὶ φυλῶν καὶ λαῶν καὶ γλωσσῶν,⁺ἑστῶτας ἐνώπιον τοῦ θρόνου καὶ ἐνώπιον τοῦ ἀρνίου, περιβεβλημένους στολὰς λευκάς, καὶ⁺φοίνικας ἐν ταῖς χερσὶν αὐτῶν.^{Verse 10}Καὶ⁺κράζουσι φωνῇ μεγάλῃ, λέγοντες, Ἡ⁺σωτηρία τῷ Θεῷ ἡμῶν τῷ καθημένῳ ἐπὶ τῷ θρόνῳ, καὶ τῷ ἀρνίῳ.^{Verse 11}Καὶ πάντες οἱ ἄγγελοι⁺εἱστήκεισαν κύκλῳ τοῦ θρόνου καὶ τῶν πρεσβυτέρων καὶ τῶν τεσσάρων ζῴων, καὶ⁺ἔπεσον ἐνώπιον τοῦ θρόνου⁺αὐτοῦ ἐπὶ⁺τὰ πρόσωπα αὐτῶν καὶ προσεκύνησαν τῷ Θεῷ,^{Verse 12}λέγοντες,
Ἀμήν· ἡ εὐλογία καὶ ἡ δόξα καὶ ἡ σοφία
καὶ ἡ εὐχαριστία καὶ ἡ τιμὴ
καὶ ἡ δύναμις καὶ ἡ ἰσχὺς
τῷ Θεῷ ἡμῶν εἰς τοὺς αἰῶνας τῶν αἰώνων. Ἀμήν.^{Verse 13}Καὶ ἀπεκρίθη εἷς ἐκ τῶν πρεσβυτέρων, λέγων μοι, Οὗτοι οἱ περιβεβλημένοι τὰς στολὰς τὰς λευκάς, τίνες εἰσὶ καὶ πόθεν ἦλθον;^{Verse 14}Καὶ⁺εἶπον αὐτῷ, Κύριέ⁺μου, σὺ οἶδας. Καὶ εἶπέ μοι, Οὗτοί εἰσιν οἱ ἐρχόμενοι ἐκ τῆς θλίψεως τῆς μεγάλης, καὶ⁺ἔπλυναν τὰς στολὰς αὐτῶν καὶ⁺ἐλεύκαναν ἐν τῷ αἵματι τοῦ ἀρνίου.^{Verse 15}Διὰ τοῦτό εἰσιν ἐνώπιον τοῦ θρόνου τοῦ Θεοῦ,
καὶ λατρεύουσιν αὐτῷ ἡμέρας καὶ νυκτὸς ἐν τῷ ναῷ αὐτοῦ,
καὶ ὁ καθήμενος ἐπὶ⁺τῷ θρόνῳ σκηνώσει ἐπ᾽ αὐτούς.
^{Verse 16}Οὐ πεινάσουσιν ἔτι οὐδὲ διψήσουσιν⁺ἔτι,
⁺οὐδ᾽ οὐ μὴ πέσῃ ἐπ᾽ αὐτοὺς ὁ ἥλιος οὐδὲ πᾶν καῦμα·
^{Verse 17}ὅτι τὸ ἀρνίον τὸ ἀνὰ μέσον τοῦ θρόνου⁺ποιμαίνει αὐτούς,
καὶ⁺ὁδηγεῖ αὐτοὺς ἐπὶ⁺ζωῆς πηγὰς ὑδάτων,
καὶ ἐξαλείψει ὁ Θεὸς πᾶν δάκρυον⁺ἐκ τῶν ὀφθαλμῶν αὐτῶν.