Revelation 4 — TCG

Worship in Heaven

4Verse 1Μετὰ ταῦτα εἶδον, καὶ ἰδού, θύρα⁺ἀνεῳγμένη ἐν τῷ οὐρανῷ, καὶ ἡ φωνὴ ἡ πρώτη ἣν ἤκουσα ὡς σάλπιγγος λαλούσης μετ᾽ ἐμοῦ,⁺λέγων,Ἀνάβα ὧδε, καὶ δείξω σοι ἃ δεῖ γενέσθαι μετὰ ταῦτα.^{Verse 2+}Εὐθέως ἐγενόμην ἐν πνεύματι, καὶ ἰδού, θρόνος ἔκειτο ἐν τῷ οὐρανῷ, καὶ ἐπὶ⁺τὸν θρόνον καθήμενος,^{Verse 3+}ὅμοιος ὁράσει λίθῳ ἰάσπιδι καὶ⁺σαρδίῳ, καὶ ἶρις κυκλόθεν τοῦ θρόνου⁺ὁμοίως ὅρασις σμαραγδίνων.^{Verse 4+}Κυκλόθεν τοῦ θρόνου⁺θρόνοι⁺εἴκοσι τέσσαρες, καὶ ἐπὶ τοὺς θρόνους⁺τοὺς⁺εἴκοσι τέσσαρας πρεσβυτέρους καθημένους, περιβεβλημένους⁺ἐν ἱματίοις λευκοῖς,⁺καὶ ἐπὶ τὰς κεφαλὰς αὐτῶν στεφάνους χρυσοῦς.^{Verse 5}Καὶ ἐκ τοῦ θρόνου ἐκπορεύονται ἀστραπαὶ καὶ⁺φωναὶ καὶ βρονταί· καὶ ἑπτὰ λαμπάδες πυρὸς καιόμεναι ἐνώπιον τοῦ θρόνου⁺αὐτοῦ,⁺αἵ εἰσιν ἑπτὰ πνεύματα τοῦ Θεοῦ·^{Verse 6}καὶ ἐνώπιον τοῦ θρόνου⁺ὡς θάλασσα ὑαλίνη ὁμοία⁺κρυστάλλῳ. Καὶ ἐν μέσῳ τοῦ θρόνου καὶ κύκλῳ τοῦ θρόνου⁺τέσσαρα ζῷα γέμοντα ὀφθαλμῶν ἔμπροσθεν καὶ ὄπισθεν.^{Verse 7}Καὶ τὸ ζῷον τὸ πρῶτον ὅμοιον λέοντι, καὶ τὸ δεύτερον ζῷον ὅμοιον μόσχῳ, καὶ τὸ τρίτον ζῷον⁺ἔχον⁺πρόσωπον ἀνθρώπου, καὶ τὸ τέταρτον⁺ζῷον ὅμοιον ἀετῷ⁺πετομένῳ·^{Verse 8+}καὶ⁺τέσσαρα ζῷα, ἓν καθ᾽⁺ἓν⁺ἔχον ἀνὰ πτέρυγας ἕξ, κυκλόθεν καὶ ἔσωθεν⁺γέμουσιν ὀφθαλμῶν. Καὶ ἀνάπαυσιν οὐκ ἔχουσιν ἡμέρας καὶ νυκτός,⁺λέγοντες,
⁺Ἅγιος, ἅγιος, ἅγιος,
Κύριος ὁ Θεὸς ὁ παντοκράτωρ,
ὁ ἦν καὶ ὁ ὢν καὶ ὁ ἐρχόμενος.^{Verse 9}Καὶ ὅταν⁺δῶσι τὰ ζῷα δόξαν καὶ τιμὴν καὶ εὐχαριστίαν τῷ καθημένῳ ἐπὶ⁺τοῦ θρόνου, τῷ ζῶντι εἰς τοὺς αἰῶνας τῶν αἰώνων,^{Verse 10}πεσοῦνται οἱ⁺εἴκοσι τέσσαρες πρεσβύτεροι ἐνώπιον τοῦ καθημένου ἐπὶ τοῦ θρόνου, καὶ⁺προσκυνήσουσι τῷ ζῶντι εἰς τοὺς αἰῶνας τῶν αἰώνων, καὶ⁺βαλοῦσι τοὺς στεφάνους αὐτῶν ἐνώπιον τοῦ θρόνου, λέγοντες,^{Verse 11}Ἄξιος εἶ,⁺ὁ Κύριος καὶ ὁ Θεὸς ἡμῶν, ὁ ἅγιος,
λαβεῖν τὴν δόξαν καὶ τὴν τιμὴν καὶ τὴν δύναμιν,
ὅτι σὺ ἔκτισας⁺πάντα,
καὶ διὰ τὸ θέλημά σου⁺ἦσαν καὶ ἐκτίσθησαν.