Matthew 14 — TCG

The Death of John the Baptist

14Verse 1Ἐν ἐκείνῳ τῷ καιρῷ ἤκουσεν Ἡρῴδης ὁ⁺τετράρχης τὴν ἀκοὴν Ἰησοῦ,^{Verse 2}καὶ εἶπε τοῖς παισὶν αὐτοῦ, Οὗτός ἐστιν⁺Ἰωάννης ὁ βαπτιστής· αὐτὸς ἠγέρθη ἀπὸ τῶν νεκρῶν, καὶ διὰ τοῦτο αἱ δυνάμεις ἐνεργοῦσιν ἐν αὐτῷ.^{Verse 3}Ὁ γὰρ Ἡρῴδης κρατήσας τὸν⁺Ἰωάννην ἔδησεν⁺αὐτὸν καὶ⁺ἔθετο ἐν φυλακῇ, διὰ Ἡρῳδιάδα τὴν γυναῖκα Φιλίππου τοῦ ἀδελφοῦ αὐτοῦ.^{Verse 4}Ἔλεγε γὰρ⁺αὐτῷ ὁ Ἰωάννης, Οὐκ ἔξεστί σοι ἔχειν αὐτήν.^{Verse 5}Καὶ θέλων αὐτὸν ἀποκτεῖναι,⁺ἐφοβήθη τὸν ὄχλον, ὅτι ὡς προφήτην αὐτὸν εἶχον.^{Verse 6+}Γενεσίων δὲ ἀγομένων τοῦ Ἡρῴδου, ὠρχήσατο ἡ θυγάτηρ τῆς Ἡρῳδιάδος ἐν τῷ μέσῳ, καὶ ἤρεσε τῷ Ἡρῴδῃ·^{Verse 7}ὅθεν⁺μεθ᾽ ὅρκου ὡμολόγησεν αὐτῇ δοῦναι ὃ ἐὰν αἰτήσηται.^{Verse 8}Ἡ δέ, προβιβασθεῖσα ὑπὸ τῆς μητρὸς αὐτῆς, Δός μοι, φησίν, ὧδε ἐπὶ πίνακι τὴν κεφαλὴν⁺Ἰωάννου τοῦ βαπτιστοῦ.^{Verse 9}Καὶ⁺ἐλυπήθη ὁ βασιλεύς, διὰ δὲ τοὺς ὅρκους καὶ τοὺς συνανακειμένους ἐκέλευσε δοθῆναι·^{Verse 10}καὶ πέμψας ἀπεκεφάλισε⁺τὸν Ἰωάννην ἐν τῇ φυλακῇ.^{Verse 11}Καὶ ἠνέχθη ἡ κεφαλὴ αὐτοῦ ἐπὶ πίνακι, καὶ ἐδόθη τῷ κορασίῳ· καὶ ἤνεγκε τῇ μητρὶ αὐτῆς.^{Verse 12}Καὶ προσελθόντες οἱ μαθηταὶ αὐτοῦ ἦραν τὸ⁺σῶμα, καὶ ἔθαψαν⁺αὐτό· καὶ ἐλθόντες ἀπήγγειλαν τῷ Ἰησοῦ.

The Feeding of the Five Thousand

^{Verse 13+}Καὶ ἀκούσας ὁ Ἰησοῦς ἀνεχώρησεν ἐκεῖθεν ἐν πλοίῳ εἰς ἔρημον τόπον κατ᾽ ἰδίαν· καὶ ἀκούσαντες οἱ ὄχλοι ἠκολούθησαν αὐτῷ πεζῇ ἀπὸ τῶν πόλεων.^{Verse 14}Καὶ ἐξελθὼν⁺ὁ Ἰησοῦς εἶδε πολὺν ὄχλον, καὶ ἐσπλαγχνίσθη ἐπ᾽⁺αὐτοῖς, καὶ ἐθεράπευσε τοὺς ἀρρώστους αὐτῶν.^{Verse 15}Ὀψίας δὲ γενομένης,⁺προσῆλθον αὐτῷ οἱ μαθηταὶ⁺αὐτοῦ, λέγοντες, Ἔρημός ἐστιν ὁ τόπος, καὶ ἡ ὥρα ἤδη παρῆλθεν· ἀπόλυσον τοὺς ὄχλους, ἵνα ἀπελθόντες εἰς τὰς κώμας ἀγοράσωσιν ἑαυτοῖς βρώματα.^{Verse 16}Ὁ δὲ Ἰησοῦς εἶπεν αὐτοῖς,Οὐ χρείαν ἔχουσιν ἀπελθεῖν· δότε αὐτοῖς ὑμεῖς φαγεῖν.^{Verse 17}Οἱ δὲ λέγουσιν αὐτῷ, Οὐκ ἔχομεν ὧδε εἰ μὴ πέντε ἄρτους καὶ δύο ἰχθύας.^{Verse 18}Ὁ δὲ εἶπε,Φέρετέ μοι⁺αὐτοὺς ὧδε.^{Verse 19}Καὶ κελεύσας τοὺς ὄχλους ἀνακλιθῆναι ἐπὶ⁺τοὺς χόρτους,⁺λαβὼν τοὺς πέντε ἄρτους καὶ τοὺς δύο ἰχθύας, ἀναβλέψας εἰς τὸν οὐρανόν, εὐλόγησε, καὶ κλάσας ἔδωκε τοῖς μαθηταῖς τοὺς ἄρτους, οἱ δὲ μαθηταὶ τοῖς ὄχλοις.^{Verse 20}Καὶ ἔφαγον πάντες, καὶ ἐχορτάσθησαν· καὶ ἦραν τὸ περισσεῦον τῶν κλασμάτων, δώδεκα κοφίνους πλήρεις.^{Verse 21}Οἱ δὲ ἐσθίοντες ἦσαν ἄνδρες ὡσεὶ πεντακισχίλιοι, χωρὶς γυναικῶν καὶ παιδίων.

Jesus Walks on Water

^{Verse 22}Καὶ εὐθέως ἠνάγκασεν⁺ὁ Ἰησοῦς τοὺς⁺μαθητὰς ἐμβῆναι εἰς⁺τὸ πλοῖον, καὶ προάγειν αὐτὸν εἰς τὸ πέραν, ἕως οὗ ἀπολύσῃ τοὺς ὄχλους.^{Verse 23}Καὶ ἀπολύσας τοὺς ὄχλους, ἀνέβη εἰς τὸ ὄρος κατ᾽ ἰδίαν προσεύξασθαι· ὀψίας δὲ γενομένης, μόνος ἦν ἐκεῖ.^{Verse 24}Τὸ δὲ πλοῖον ἤδη⁺μέσον τῆς θαλάσσης ἦν, βασανιζόμενον ὑπὸ τῶν κυμάτων· ἦν γὰρ ἐναντίος ὁ ἄνεμος.^{Verse 25}Τετάρτῃ δὲ φυλακῇ τῆς νυκτὸς⁺ἀπῆλθε πρὸς αὐτοὺς⁺ὁ Ἰησοῦς, περιπατῶν ἐπὶ⁺τῆς θαλάσσης.^{Verse 26+}Καὶ ἰδόντες αὐτὸν οἱ μαθηταὶ ἐπὶ⁺τὴν θάλασσαν περιπατοῦντα ἐταράχθησαν, λέγοντες ὅτι Φάντασμά ἐστι· καὶ ἀπὸ τοῦ φόβου ἔκραξαν.^{Verse 27+}Εὐθέως δὲ ἐλάλησεν⁺αὐτοῖς ὁ Ἰησοῦς, λέγων,Θαρσεῖτε· ἐγώ εἰμι· μὴ φοβεῖσθε.^{Verse 28}Ἀποκριθεὶς δὲ⁺αὐτῷ ὁ Πέτρος εἶπε, Κύριε, εἰ σὺ εἶ, κέλευσόν με⁺πρός σε ἐλθεῖν ἐπὶ τὰ ὕδατα.^{Verse 29}Ὁ δὲ εἶπεν,Ἐλθέ.Καὶ καταβὰς ἀπὸ τοῦ πλοίου⁺ὁ Πέτρος περιεπάτησεν ἐπὶ τὰ ὕδατα,⁺ἐλθεῖν πρὸς τὸν Ἰησοῦν.^{Verse 30}Βλέπων δὲ τὸν ἄνεμον⁺ἰσχυρὸν ἐφοβήθη· καὶ ἀρξάμενος καταποντίζεσθαι ἔκραξε, λέγων, Κύριε, σῶσόν με.^{Verse 31+}Εὐθέως δὲ ὁ Ἰησοῦς ἐκτείνας τὴν χεῖρα ἐπελάβετο αὐτοῦ, καὶ λέγει αὐτῷ,Ὀλιγόπιστε, εἰς τί ἐδίστασας;^{Verse 32}Καὶ⁺ἐμβάντων αὐτῶν εἰς τὸ πλοῖον, ἐκόπασεν ὁ ἄνεμος·^{Verse 33}οἱ δὲ ἐν τῷ πλοίῳ⁺ἐλθόντες προσεκύνησαν αὐτῷ, λέγοντες, Ἀληθῶς Θεοῦ υἱὸς εἶ.

Jesus Heals the Sick in Gennesaret

^{Verse 34}Καὶ διαπεράσαντες⁺ἦλθον⁺εἰς τὴν γῆν⁺Γεννησαρέτ.^{Verse 35}Καὶ ἐπιγνόντες αὐτὸν οἱ ἄνδρες τοῦ τόπου ἐκείνου ἀπέστειλαν εἰς ὅλην τὴν περίχωρον ἐκείνην, καὶ προσήνεγκαν αὐτῷ πάντας τοὺς κακῶς ἔχοντας·^{Verse 36}καὶ παρεκάλουν αὐτόν, ἵνα⁺μόνον ἅψωνται τοῦ κρασπέδου τοῦ ἱματίου αὐτοῦ· καὶ ὅσοι ἥψαντο διεσώθησαν.