Mark 9 — TCG

9Verse 1Καὶ ἔλεγεν αὐτοῖς,Ἀμὴν λέγω ὑμῖν ὅτι εἰσί τινες⁺τῶν ὧδε ἑστηκότων, οἵτινες οὐ μὴ γεύσωνται θανάτου, ἕως ἂν ἴδωσι τὴν βασιλείαν τοῦ Θεοῦ ἐληλυθυῖαν ἐν δυνάμει.

The Transfiguration

^{Verse 2}Καὶ⁺μεθ᾽ ἡμέρας ἓξ παραλαμβάνει ὁ Ἰησοῦς τὸν Πέτρον καὶ τὸν Ἰάκωβον καὶ⁺Ἰωάννην, καὶ ἀναφέρει αὐτοὺς εἰς ὄρος ὑψηλὸν κατ᾽ ἰδίαν μόνους. Καὶ μετεμορφώθη ἔμπροσθεν αὐτῶν,^{Verse 3}καὶ τὰ ἱμάτια αὐτοῦ⁺ἐγένοντο στίλβοντα, λευκὰ λίαν⁺ὡς χιών, οἷα⁺γναφεὺς ἐπὶ τῆς γῆς οὐ δύναται⁺λευκᾶναι.^{Verse 4}Καὶ ὤφθη αὐτοῖς⁺Ἠλίας σὺν⁺Μωσῇ, καὶ ἦσαν⁺συλλαλοῦντες τῷ Ἰησοῦ.^{Verse 5}Καὶ ἀποκριθεὶς ὁ Πέτρος λέγει τῷ Ἰησοῦ,⁺Ῥαββί, καλόν ἐστιν ἡμᾶς ὧδε εἶναι· καὶ ποιήσωμεν⁺σκηνὰς τρεῖς, σοὶ μίαν, καὶ⁺Μωσῇ μίαν, καὶ⁺Ἠλίᾳ μίαν.^{Verse 6}Οὐ γὰρ ᾔδει τί⁺λαλήσει·⁺ἦσαν γὰρ ἔκφοβοι.^{Verse 7}Καὶ ἐγένετο νεφέλη ἐπισκιάζουσα αὐτοῖς· καὶ⁺ἦλθε φωνὴ ἐκ τῆς⁺νεφέλης, Οὗτός ἐστιν ὁ υἱός μου ὁ ἀγαπητός·⁺αὐτοῦ ἀκούετε.^{Verse 8}Καὶ ἐξάπινα περιβλεψάμενοι, οὐκέτι οὐδένα εἶδον,⁺ἀλλὰ τὸν Ἰησοῦν μόνον μεθ᾽ ἑαυτῶν.^{Verse 9+}Καταβαινόντων δὲ αὐτῶν⁺ἀπὸ τοῦ ὄρους, διεστείλατο αὐτοῖς ἵνα μηδενὶ⁺διηγήσωνται ἃ εἶδον, εἰ μὴ ὅταν ὁ υἱὸς τοῦ ἀνθρώπου ἐκ νεκρῶν ἀναστῇ.^{Verse 10}Καὶ τὸν λόγον ἐκράτησαν πρὸς ἑαυτούς,⁺συζητοῦντες τί ἐστι τὸ ἐκ νεκρῶν ἀναστῆναι.^{Verse 11}Καὶ ἐπηρώτων αὐτόν, λέγοντες ὅτι Λέγουσιν οἱ γραμματεῖς ὅτι⁺Ἠλίαν δεῖ ἐλθεῖν πρῶτον;^{Verse 12}Ὁ δὲ⁺ἀποκριθείς, εἶπεν αὐτοῖς,⁺Ἠλίας μὲν ἐλθὼν πρῶτον,⁺ἀποκαθιστᾷ πάντα· καὶ πῶς γέγραπται ἐπὶ τὸν υἱὸν τοῦ ἀνθρώπου, ἵνα πολλὰ πάθῃ καὶ⁺ἐξουδενωθῇ.^{Verse 13}Ἀλλὰ λέγω ὑμῖν ὅτι καὶ⁺Ἠλίας ἐλήλυθε, καὶ ἐποίησαν αὐτῷ ὅσα⁺ἠθέλησαν, καθὼς γέγραπται ἐπ᾽ αὐτόν.

Jesus Heals a Boy with an Unclean Spirit

^{Verse 14}Καὶ⁺ἐλθὼν πρὸς τοὺς μαθητάς, εἶδεν ὄχλον πολὺν περὶ αὐτούς, καὶ γραμματεῖς⁺συζητοῦντας⁺αὐτοῖς.^{Verse 15}Καὶ⁺εὐθέως πᾶς ὁ ὄχλος⁺ἰδὼν αὐτὸν ἐξεθαμβήθη, καὶ προστρέχοντες ἠσπάζοντο αὐτόν.^{Verse 16}Καὶ ἐπηρώτησε⁺τοὺς γραμματεῖς,Τί⁺συζητεῖτε πρὸς⁺αὐτούς;^{Verse 17}Καὶ⁺ἀποκριθεὶς εἷς ἐκ τοῦ ὄχλου εἶπε, Διδάσκαλε, ἤνεγκα τὸν υἱόν μου πρός σε, ἔχοντα πνεῦμα ἄλαλον.^{Verse 18}Καὶ ὅπου⁺ἂν αὐτὸν καταλάβῃ, ῥήσσει αὐτόν· καὶ ἀφρίζει, καὶ τρίζει τοὺς ὀδόντας⁺αὐτοῦ, καὶ ξηραίνεται· καὶ⁺εἶπον τοῖς μαθηταῖς σου ἵνα αὐτὸ ἐκβάλωσι, καὶ οὐκ ἴσχυσαν.^{Verse 19}Ὁ δὲ ἀποκριθεὶς⁺αὐτῷ λέγει,Ὦ γενεὰ ἄπιστος, ἕως πότε πρὸς ὑμᾶς ἔσομαι; Ἕως πότε ἀνέξομαι ὑμῶν; Φέρετε αὐτὸν πρός με.^{Verse 20}Καὶ ἤνεγκαν αὐτὸν πρὸς αὐτόν· καὶ⁺ἰδὼν αὐτόν,⁺εὐθέως τὸ πνεῦμα⁺ἐσπάραξεν αὐτόν· καὶ πεσὼν ἐπὶ τῆς γῆς, ἐκυλίετο ἀφρίζων.^{Verse 21}Καὶ ἐπηρώτησε τὸν πατέρα αὐτοῦ,Πόσος χρόνος ἐστίν,⁺ὡς τοῦτο γέγονεν αὐτῷ;Ὁ δὲ εἶπε,⁺Παιδιόθεν.^{Verse 22}Καὶ πολλάκις⁺αὐτὸν καὶ εἰς τὸ πῦρ ἔβαλε καὶ εἰς ὕδατα, ἵνα ἀπολέσῃ αὐτόν· ἀλλ᾽ εἴ τι⁺δύνασαι, βοήθησον ἡμῖν, σπλαγχνισθεὶς ἐφ᾽ ἡμᾶς.^{Verse 23}Ὁ δὲ Ἰησοῦς εἶπεν αὐτῷ,Τὸ εἰ⁺δύνασαι πιστεῦσαι, πάντα δυνατὰ τῷ πιστεύοντι.^{Verse 24+}Καὶ⁺εὐθέως κράξας ὁ πατὴρ τοῦ παιδίου,⁺μετὰ δακρύων ἔλεγε, Πιστεύω,⁺Κύριε, βοήθει μου τῇ ἀπιστίᾳ.^{Verse 25}Ἰδὼν δὲ ὁ Ἰησοῦς ὅτι ἐπισυντρέχει⁺ὄχλος, ἐπετίμησε τῷ πνεύματι τῷ ἀκαθάρτῳ, λέγων αὐτῷ,Τὸ⁺πνεῦμα τὸ ἄλαλον καὶ κωφόν, ἐγώ⁺σοι ἐπιτάσσω, ἔξελθε ἐξ αὐτοῦ, καὶ μηκέτι εἰσέλθῃς εἰς αὐτόν.^{Verse 26}Καὶ⁺κράξαν, καὶ πολλὰ σπαράξαν⁺αὐτόν, ἐξῆλθε· καὶ ἐγένετο ὡσεὶ νεκρός, ὥστε⁺πολλοὺς λέγειν ὅτι ἀπέθανεν.^{Verse 27}Ὁ δὲ Ἰησοῦς κρατήσας⁺αὐτὸν τῆς χειρός, ἤγειρεν αὐτόν· καὶ ἀνέστη.^{Verse 28}Καὶ⁺εἰσελθόντα αὐτὸν εἰς οἶκον, οἱ μαθηταὶ αὐτοῦ⁺ἐπηρώτων αὐτὸν κατ᾽ ἰδίαν ὅτι Ἡμεῖς οὐκ ἠδυνήθημεν ἐκβαλεῖν αὐτό;^{Verse 29}Καὶ εἶπεν αὐτοῖς,Τοῦτο τὸ γένος ἐν οὐδενὶ δύναται ἐξελθεῖν, εἰ μὴ ἐν προσευχῇ⁺καὶ νηστείᾳ.

Jesus Predicts His Death and Resurrection a Second Time

^{Verse 30+}Καὶ ἐκεῖθεν ἐξελθόντες⁺παρεπορεύοντο διὰ τῆς Γαλιλαίας· καὶ οὐκ ἤθελεν ἵνα τις⁺γνῷ.^{Verse 31}Ἐδίδασκε γὰρ τοὺς μαθητὰς αὐτοῦ, καὶ ἔλεγεν αὐτοῖς ὅτιὉ υἱὸς τοῦ ἀνθρώπου παραδίδοται εἰς χεῖρας ἀνθρώπων, καὶ ἀποκτενοῦσιν αὐτόν· καὶ ἀποκτανθείς,⁺τῇ τρίτῃ ἡμέρᾳ ἀναστήσεται.^{Verse 32}Οἱ δὲ ἠγνόουν τὸ ῥῆμα, καὶ ἐφοβοῦντο αὐτὸν ἐπερωτῆσαι.

True Greatness

^{Verse 33}Καὶ⁺ἦλθεν εἰς⁺Καπερναούμ· καὶ ἐν τῇ οἰκίᾳ γενόμενος ἐπηρώτα αὐτούς,Τί ἐν τῇ ὁδῷ⁺πρὸς ἑαυτοὺς διελογίζεσθε;^{Verse 34}Οἱ δὲ ἐσιώπων· πρὸς ἀλλήλους γὰρ διελέχθησαν ἐν τῇ ὁδῷ, τίς μείζων.^{Verse 35}Καὶ καθίσας ἐφώνησε τοὺς δώδεκα, καὶ λέγει αὐτοῖς,Εἴ τις θέλει πρῶτος εἶναι, ἔσται πάντων ἔσχατος, καὶ πάντων διάκονος.^{Verse 36}Καὶ λαβὼν παιδίον, ἔστησεν αὐτὸ ἐν μέσῳ αὐτῶν· καὶ ἐναγκαλισάμενος αὐτό, εἶπεν αὐτοῖς·^{Verse 37}Ὃς⁺ἐὰν ἓν τῶν τοιούτων παιδίων δέξηται ἐπὶ τῷ ὀνόματί μου, ἐμὲ δέχεται· καὶ ὃς⁺ἐὰν ἐμὲ⁺δέξηται, οὐκ ἐμὲ δέχεται, ἀλλὰ τὸν ἀποστείλαντά με.

Whoever Is Not Against You Is for You

^{Verse 38+}Ἀπεκρίθη⁺δὲ αὐτῷ⁺Ἰωάννης,⁺λέγων, Διδάσκαλε,⁺εἴδομέν τινα⁺τῷ ὀνόματί σου ἐκβάλλοντα δαιμόνια,⁺ὃς οὐκ ἀκολουθεῖ ἡμῖν· καὶ ἐκωλύσαμεν αὐτόν, ὅτι οὐκ ἀκολουθεῖ ἡμῖν.^{Verse 39}Ὁ δὲ Ἰησοῦς εἶπε,Μὴ κωλύετε αὐτόν· οὐδεὶς γάρ ἐστιν ὃς ποιήσει δύναμιν ἐπὶ τῷ ὀνόματί μου, καὶ δυνήσεται ταχὺ κακολογῆσαί με.^{Verse 40}Ὃς γὰρ οὐκ ἔστι καθ᾽⁺ὑμῶν ὑπὲρ ὑμῶν ἐστιν.^{Verse 41}Ὃς γὰρ ἂν ποτίσῃ ὑμᾶς ποτήριον ὕδατος ἐν⁺ὀνόματί μου, ὅτι Χριστοῦ ἐστε, ἀμὴν λέγω⁺ὑμῖν, οὐ μὴ ἀπολέσῃ τὸν μισθὸν αὐτοῦ.

Temptations to Sin

^{Verse 42}Καὶ ὃς⁺ἐὰν σκανδαλίσῃ ἕνα τῶν⁺μικρῶν τῶν πιστευόντων⁺εἰς ἐμέ, καλόν ἐστιν αὐτῷ μᾶλλον εἰ περίκειται⁺λίθος μυλικὸς περὶ τὸν τράχηλον αὐτοῦ, καὶ βέβληται εἰς τὴν θάλασσαν.^{Verse 43}Καὶ ἐὰν⁺σκανδαλίζῃ σε ἡ χείρ σου, ἀπόκοψον αὐτήν· καλόν⁺σοί ἐστι κυλλὸν⁺εἰς τὴν ζωὴν εἰσελθεῖν, ἢ τὰς δύο χεῖρας ἔχοντα ἀπελθεῖν εἰς τὴν γέενναν, εἰς τὸ πῦρ τὸ ἄσβεστον,^{Verse 44+}ὅπου ὁ σκώληξ αὐτῶν οὐ τελευτᾷ, καὶ τὸ πῦρ οὐ σβέννυται.^{Verse 45}Καὶ ἐὰν ὁ πούς σου σκανδαλίζῃ σε, ἀπόκοψον αὐτόν· καλόν⁺ἐστί σοι εἰσελθεῖν εἰς τὴν ζωὴν χωλόν, ἢ τοὺς δύο πόδας ἔχοντα βληθῆναι εἰς τὴν γέενναν,⁺εἰς τὸ πῦρ τὸ ἄσβεστον,^{Verse 46}ὅπου ὁ σκώληξ αὐτῶν οὐ τελευτᾷ, καὶ τὸ πῦρ οὐ σβέννυται.^{Verse 47}Καὶ ἐὰν ὁ ὀφθαλμός σου σκανδαλίζῃ σε, ἔκβαλε αὐτόν· καλόν⁺σοί ἐστι μονόφθαλμον εἰσελθεῖν εἰς τὴν βασιλείαν τοῦ Θεοῦ, ἢ⁺δύο ὀφθαλμοὺς ἔχοντα⁺βληθῆναι εἰς⁺τὴν γέενναν⁺τοῦ πυρός,^{Verse 48}ὅπου ὁ σκώληξ⁺αὐτῶν οὐ τελευτᾷ, καὶ τὸ πῦρ οὐ σβέννυται.^{Verse 49}Πᾶς γὰρ πυρὶ ἁλισθήσεται,⁺καὶ πᾶσα θυσία ἁλὶ ἁλισθήσεται.^{Verse 50}Καλὸν τὸ ἅλας· ἐὰν δὲ τὸ ἅλας ἄναλον γένηται, ἐν τίνι αὐτὸ ἀρτύσετε; Ἔχετε ἐν ἑαυτοῖς⁺ἅλας, καὶ εἰρηνεύετε ἐν ἀλλήλοις.