Mark 10 — TCG

Questions About Divorce

10Verse 1⁺Κἀκεῖθεν ἀναστὰς ἔρχεται εἰς τὰ ὅρια τῆς Ἰουδαίας⁺διὰ τοῦ πέραν τοῦ Ἰορδάνου· καὶ⁺συμπορεύονται πάλιν ὄχλοι πρὸς αὐτόν· καί, ὡς εἰώθει, πάλιν ἐδίδασκεν αὐτούς.^{Verse 2}Καὶ⁺προσελθόντες Φαρισαῖοι⁺ἐπηρώτησαν αὐτόν, Εἰ ἔξεστιν ἀνδρὶ γυναῖκα ἀπολῦσαι, πειράζοντες αὐτόν.^{Verse 3}Ὁ δὲ ἀποκριθεὶς εἶπεν αὐτοῖς,Τί ὑμῖν ἐνετείλατο⁺Μωσῆς;^{Verse 4}Οἱ δὲ⁺εἶπον,⁺Μωσῆς ἐπέτρεψε βιβλίον ἀποστασίου γράψαι, καὶ ἀπολῦσαι.^{Verse 5+}Καὶ ἀποκριθεὶς ὁ Ἰησοῦς εἶπεν αὐτοῖς,Πρὸς τὴν σκληροκαρδίαν ὑμῶν ἔγραψεν ὑμῖν τὴν ἐντολὴν ταύτην·^{Verse 6}ἀπὸ δὲ ἀρχῆς κτίσεως, ἄρσεν καὶ θῆλυ ἐποίησεν αὐτοὺς⁺ὁ Θεός.^{Verse 7}Ἕνεκεν τούτου καταλείψει ἄνθρωπος τὸν πατέρα αὐτοῦ καὶ τὴν μητέρα,⁺καὶ προσκολληθήσεται πρὸς τὴν γυναῖκα αὐτοῦ,^{Verse 8}καὶ ἔσονται οἱ δύο εἰς σάρκα μίαν. Ὥστε οὐκέτι εἰσὶ δύο, ἀλλὰ⁺μία σάρξ.^{Verse 9}Ὃ οὖν ὁ Θεὸς συνέζευξεν, ἄνθρωπος μὴ χωριζέτω.^{Verse 10}Καὶ⁺ἐν τῇ οἰκίᾳ πάλιν οἱ μαθηταὶ⁺αὐτοῦ περὶ⁺τοῦ αὐτοῦ ἐπηρώτησαν αὐτόν.^{Verse 11}Καὶ λέγει αὐτοῖς,Ὃς⁺ἐὰν ἀπολύσῃ τὴν γυναῖκα αὐτοῦ καὶ γαμήσῃ ἄλλην, μοιχᾶται ἐπ᾽ αὐτήν·^{Verse 12}καὶ ἐὰν⁺γυνὴ ἀπολύσῃ τὸν ἄνδρα αὐτῆς καὶ γαμηθῇ ἄλλῳ, μοιχᾶται.

Let the Little Children Come to Me

^{Verse 13}Καὶ προσέφερον αὐτῷ παιδία, ἵνα⁺ἅψηται αὐτῶν· οἱ δὲ μαθηταὶ⁺ἐπετίμων τοῖς προσφέρουσιν.^{Verse 14}Ἰδὼν δὲ ὁ Ἰησοῦς ἠγανάκτησε, καὶ εἶπεν αὐτοῖς,Ἄφετε τὰ παιδία ἔρχεσθαι πρός με·⁺μὴ κωλύετε αὐτά· τῶν γὰρ τοιούτων ἐστὶν ἡ βασιλεία τοῦ Θεοῦ.^{Verse 15}Ἀμὴν λέγω ὑμῖν, ὃς⁺ἐὰν μὴ δέξηται τὴν βασιλείαν τοῦ Θεοῦ ὡς παιδίον, οὐ μὴ εἰσέλθῃ εἰς αὐτήν.^{Verse 16}Καὶ ἐναγκαλισάμενος αὐτά,⁺τιθεὶς τὰς χεῖρας ἐπ᾽ αὐτά, εὐλόγει αὐτά.

The Rich Young Ruler

^{Verse 17}Καὶ ἐκπορευομένου αὐτοῦ εἰς ὁδόν, προσδραμὼν⁺εἷς καὶ γονυπετήσας αὐτὸν ἐπηρώτα αὐτόν, Διδάσκαλε ἀγαθέ, τί ποιήσω ἵνα ζωὴν αἰώνιον κληρονομήσω;^{Verse 18}Ὁ δὲ Ἰησοῦς εἶπεν αὐτῷ,Τί με λέγεις ἀγαθόν; Οὐδεὶς ἀγαθός, εἰ μὴ εἷς, ὁ Θεός.^{Verse 19}Τὰς ἐντολὰς οἶδας, Μὴ⁺μοιχεύσῃς, μὴ φονεύσῃς, μὴ κλέψῃς, μὴ ψευδομαρτυρήσῃς, μὴ ἀποστερήσῃς, τίμα τὸν πατέρα σου καὶ τὴν μητέρα.^{Verse 20}Ὁ δὲ⁺ἀποκριθεὶς εἶπεν αὐτῷ, Διδάσκαλε, ταῦτα πάντα ἐφυλαξάμην ἐκ νεότητός μου.^{Verse 21}Ὁ δὲ Ἰησοῦς ἐμβλέψας αὐτῷ ἠγάπησεν αὐτόν, καὶ εἶπεν αὐτῷ,Ἕν⁺σοι ὑστερεῖ·⁺ὕπαγε, ὅσα ἔχεις πώλησον, καὶ δὸς⁺πτωχοῖς, καὶ ἕξεις θησαυρὸν ἐν οὐρανῷ· καὶ δεῦρο, ἀκολούθει μοι,⁺ἄρας τὸν σταυρόν.^{Verse 22}Ὁ δὲ στυγνάσας ἐπὶ τῷ λόγῳ ἀπῆλθε λυπούμενος· ἦν γὰρ ἔχων κτήματα πολλά.^{Verse 23}Καὶ περιβλεψάμενος ὁ Ἰησοῦς λέγει τοῖς μαθηταῖς αὐτοῦ,Πῶς δυσκόλως οἱ τὰ χρήματα ἔχοντες εἰς τὴν βασιλείαν τοῦ Θεοῦ εἰσελεύσονται.^{Verse 24}Οἱ δὲ μαθηταὶ ἐθαμβοῦντο ἐπὶ τοῖς λόγοις αὐτοῦ. Ὁ δὲ Ἰησοῦς πάλιν ἀποκριθεὶς λέγει αὐτοῖς,Τέκνα, πῶς δύσκολόν ἐστι⁺τοὺς πεποιθότας ἐπὶ χρήμασιν εἰς τὴν βασιλείαν τοῦ Θεοῦ εἰσελθεῖν.^{Verse 25+}Εὐκοπώτερόν ἐστι κάμηλον διὰ⁺τῆς τρυμαλιᾶς⁺τῆς ῥαφίδος⁺εἰσελθεῖν, ἢ πλούσιον εἰς τὴν βασιλείαν τοῦ Θεοῦ εἰσελθεῖν.^{Verse 26}Οἱ δὲ περισσῶς ἐξεπλήσσοντο, λέγοντες πρὸς⁺ἑαυτούς, Καὶ τίς δύναται σωθῆναι;^{Verse 27}Ἐμβλέψας⁺δὲ αὐτοῖς ὁ Ἰησοῦς λέγει,Παρὰ ἀνθρώποις ἀδύνατον, ἀλλ᾽ οὐ παρὰ⁺Θεῷ· πάντα γὰρ δυνατά⁺ἐστι παρὰ τῷ Θεῷ.^{Verse 28+}Ἤρξατο⁺ὁ Πέτρος λέγειν αὐτῷ, Ἰδού, ἡμεῖς ἀφήκαμεν πάντα καὶ⁺ἠκολουθήσαμέν σοι.^{Verse 29+}Ἀποκριθεὶς ὁ Ἰησοῦς εἶπεν,Ἀμὴν λέγω ὑμῖν, οὐδείς ἐστιν ὃς ἀφῆκεν οἰκίαν, ἢ ἀδελφούς, ἢ ἀδελφάς, ἢ⁺πατέρα, ἢ μητέρα,⁺ἢ γυναῖκα, ἢ τέκνα, ἢ ἀγρούς, ἕνεκεν ἐμοῦ καὶ⁺ἕνεκεν τοῦ εὐαγγελίου,^{Verse 30}ἐὰν μὴ λάβῃ ἑκατονταπλασίονα νῦν ἐν τῷ καιρῷ τούτῳ, οἰκίας καὶ ἀδελφοὺς καὶ ἀδελφὰς καὶ⁺μητέρας καὶ τέκνα καὶ ἀγρούς, μετὰ διωγμῶν, καὶ ἐν τῷ αἰῶνι τῷ ἐρχομένῳ ζωὴν αἰώνιον.^{Verse 31}Πολλοὶ δὲ ἔσονται πρῶτοι ἔσχατοι, καὶ⁺ἔσχατοι πρῶτοι.

Jesus Predicts His Death and Resurrection a Third Time

^{Verse 32}Ἦσαν δὲ ἐν τῇ ὁδῷ ἀναβαίνοντες εἰς Ἱεροσόλυμα· καὶ ἦν προάγων αὐτοὺς ὁ Ἰησοῦς, καὶ ἐθαμβοῦντο,⁺καὶ ἀκολουθοῦντες ἐφοβοῦντο. Καὶ παραλαβὼν πάλιν τοὺς δώδεκα, ἤρξατο αὐτοῖς λέγειν τὰ μέλλοντα αὐτῷ συμβαίνειν·^{Verse 33}ὅτιἸδού, ἀναβαίνομεν εἰς Ἱεροσόλυμα, καὶ ὁ υἱὸς τοῦ ἀνθρώπου παραδοθήσεται τοῖς ἀρχιερεῦσι καὶ⁺γραμματεῦσι, καὶ κατακρινοῦσιν αὐτὸν θανάτῳ, καὶ παραδώσουσιν αὐτὸν τοῖς ἔθνεσι,^{Verse 34}καὶ ἐμπαίξουσιν αὐτῷ, καὶ⁺μαστιγώσουσιν αὐτόν, καὶ ἐμπτύσουσιν αὐτῷ, καὶ ἀποκτενοῦσιν αὐτόν· καὶ⁺τῇ τρίτῃ ἡμέρᾳ ἀναστήσεται.

The Request of James and John

^{Verse 35}Καὶ προσπορεύονται αὐτῷ Ἰάκωβος καὶ⁺Ἰωάννης⁺οἱ υἱοὶ Ζεβεδαίου,⁺λέγοντες, Διδάσκαλε, θέλομεν ἵνα ὃ ἐὰν⁺αἰτήσωμεν, ποιήσῃς ἡμῖν.^{Verse 36}Ὁ δὲ εἶπεν αὐτοῖς,Τί θέλετε⁺ποιῆσαί με ὑμῖν;^{Verse 37}Οἱ δὲ⁺εἶπον αὐτῷ, Δὸς ἡμῖν, ἵνα εἷς⁺ἐκ δεξιῶν σου καὶ εἷς ἐξ⁺εὐωνύμων σου καθίσωμεν ἐν τῇ δόξῃ σου.^{Verse 38}Ὁ δὲ Ἰησοῦς εἶπεν αὐτοῖς,Οὐκ οἴδατε τί αἰτεῖσθε. Δύνασθε πιεῖν τὸ ποτήριον ὃ ἐγὼ πίνω,⁺καὶ τὸ βάπτισμα ὃ ἐγὼ βαπτίζομαι βαπτισθῆναι;^{Verse 39}Οἱ δὲ⁺εἶπον αὐτῷ, Δυνάμεθα. Ὁ δὲ Ἰησοῦς εἶπεν αὐτοῖς,Τὸ⁺μὲν ποτήριον ὃ ἐγὼ πίνω πίεσθε, καὶ τὸ βάπτισμα ὃ ἐγὼ βαπτίζομαι βαπτισθήσεσθε·^{Verse 40}τὸ δὲ καθίσαι ἐκ δεξιῶν μου⁺καὶ ἐξ⁺εὐωνύμων οὐκ ἔστιν ἐμὸν δοῦναι, ἀλλ᾽ οἷς ἡτοίμασται.^{Verse 41}Καὶ ἀκούσαντες οἱ δέκα ἤρξαντο ἀγανακτεῖν περὶ Ἰακώβου καὶ⁺Ἰωάννου.^{Verse 42+}Ὁ δὲ Ἰησοῦς προσκαλεσάμενος αὐτοὺς λέγει αὐτοῖς,Οἴδατε ὅτι οἱ δοκοῦντες ἄρχειν τῶν ἐθνῶν κατακυριεύουσιν αὐτῶν, καὶ οἱ μεγάλοι αὐτῶν κατεξουσιάζουσιν αὐτῶν.^{Verse 43}Οὐχ οὕτω δὲ⁺ἔσται ἐν ὑμῖν· ἀλλ᾽ ὃς⁺ἐὰν θέλῃ⁺γενέσθαι μέγας ἐν ὑμῖν ἔσται⁺ὑμῶν διάκονος·^{Verse 44}καὶ ὃς⁺ἐὰν θέλῃ⁺ὑμῶν γενέσθαι πρῶτος, ἔσται πάντων δοῦλος.^{Verse 45}Καὶ γὰρ ὁ υἱὸς τοῦ ἀνθρώπου οὐκ ἦλθε διακονηθῆναι, ἀλλὰ διακονῆσαι, καὶ δοῦναι τὴν ψυχὴν αὐτοῦ λύτρον ἀντὶ πολλῶν.

Jesus Heals Blind Bartimaeus

^{Verse 46}Καὶ ἔρχονται εἰς⁺Ἰεριχώ· καὶ ἐκπορευομένου αὐτοῦ ἀπὸ⁺Ἰεριχώ, καὶ τῶν μαθητῶν αὐτοῦ, καὶ ὄχλου ἱκανοῦ,⁺υἱὸς Τιμαίου Βαρτίμαιος⁺ὁ τυφλὸς⁺ἐκάθητο παρὰ τὴν ὁδὸν προσαιτῶν.^{Verse 47}Καὶ ἀκούσας ὅτι Ἰησοῦς ὁ⁺Ναζωραῖός ἐστιν, ἤρξατο κράζειν καὶ λέγειν,⁺Ὁ υἱὸς⁺Δαυίδ, Ἰησοῦ, ἐλέησόν με.^{Verse 48}Καὶ ἐπετίμων αὐτῷ πολλοί, ἵνα σιωπήσῃ· ὁ δὲ πολλῷ μᾶλλον ἔκραζεν, Υἱὲ⁺Δαυίδ, ἐλέησόν με.^{Verse 49}Καὶ στὰς ὁ Ἰησοῦς εἶπεν⁺αὐτὸν φωνηθῆναι· καὶ φωνοῦσι τὸν τυφλόν, λέγοντες αὐτῷ, Θάρσει·⁺ἔγειραι, φωνεῖ σε.^{Verse 50}Ὁ δὲ ἀποβαλὼν τὸ ἱμάτιον αὐτοῦ⁺ἀναστὰς ἦλθε πρὸς τὸν Ἰησοῦν.^{Verse 51}Καὶ ἀποκριθεὶς⁺λέγει αὐτῷ ὁ Ἰησοῦς,Τί⁺θέλεις ποιήσω σοί;Ὁ δὲ τυφλὸς εἶπεν αὐτῷ,⁺Ῥαββουνί, ἵνα ἀναβλέψω.^{Verse 52+}Ὁ δὲ Ἰησοῦς εἶπεν αὐτῷ,Ὕπαγε· ἡ πίστις σου σέσωκέ σε.Καὶ⁺εὐθέως ἀνέβλεψε, καὶ⁺ἠκολούθει⁺τῷ Ἰησοῦ ἐν τῇ ὁδῷ.