Luke 9 — TCG

Jesus Sends Out the Twelve Apostles

9Verse 1⁺Συγκαλεσάμενος δὲ τοὺς⁺δώδεκα, ἔδωκεν αὐτοῖς δύναμιν καὶ ἐξουσίαν ἐπὶ πάντα τὰ δαιμόνια, καὶ νόσους θεραπεύειν.^{Verse 2}Καὶ ἀπέστειλεν αὐτοὺς κηρύσσειν τὴν βασιλείαν τοῦ Θεοῦ, καὶ ἰᾶσθαι⁺τοὺς ἀσθενοῦντας.^{Verse 3}Καὶ εἶπε πρὸς αὐτούς,Μηδὲν αἴρετε εἰς τὴν ὁδόν· μήτε⁺ῥάβδους, μήτε πήραν, μήτε ἄρτον, μήτε ἀργύριον, μήτε⁺ἀνὰ δύο χιτῶνας ἔχειν.^{Verse 4}Καὶ εἰς ἣν⁺ἂν οἰκίαν εἰσέλθητε, ἐκεῖ μένετε, καὶ ἐκεῖθεν ἐξέρχεσθε.^{Verse 5}Καὶ ὅσοι⁺ἐὰν μὴ⁺δέξωνται ὑμᾶς, ἐξερχόμενοι ἀπὸ τῆς πόλεως ἐκείνης⁺καὶ τὸν κονιορτὸν ἀπὸ τῶν ποδῶν ὑμῶν⁺ἀποτινάξατε εἰς μαρτύριον ἐπ᾽ αὐτούς.^{Verse 6}Ἐξερχόμενοι δὲ διήρχοντο κατὰ τὰς κώμας, εὐαγγελιζόμενοι καὶ θεραπεύοντες πανταχοῦ.

Herod is Perplexed About Jesus

^{Verse 7}Ἤκουσε δὲ Ἡρῴδης ὁ⁺τετράρχης τὰ⁺γινόμενα⁺ὑπ᾽ αὐτοῦ πάντα· καὶ διηπόρει, διὰ τὸ λέγεσθαι ὑπό τινων ὅτι⁺Ἰωάννης⁺ἐγήγερται ἐκ⁺νεκρῶν·^{Verse 8}ὑπό τινων δὲ ὅτι⁺Ἠλίας ἐφάνη· ἄλλων δὲ ὅτι Προφήτης⁺εἷς τῶν ἀρχαίων ἀνέστη.^{Verse 9+}Καὶ εἶπεν⁺Ἡρῴδης,⁺Ἰωάννην ἐγὼ ἀπεκεφάλισα· τίς δέ ἐστιν οὗτος, περὶ οὗ⁺ἐγὼ ἀκούω τοιαῦτα; Καὶ ἐζήτει ἰδεῖν αὐτόν.

The Feeding of the Five Thousand

^{Verse 10}Καὶ ὑποστρέψαντες οἱ ἀπόστολοι διηγήσαντο αὐτῷ ὅσα ἐποίησαν. Καὶ παραλαβὼν αὐτούς, ὑπεχώρησε κατ᾽ ἰδίαν εἰς⁺τόπον ἔρημον πόλεως καλουμένης⁺Βηθσαϊδάν.^{Verse 11}Οἱ δὲ ὄχλοι γνόντες ἠκολούθησαν αὐτῷ· καὶ⁺δεξάμενος αὐτούς, ἐλάλει αὐτοῖς περὶ τῆς βασιλείας τοῦ Θεοῦ, καὶ τοὺς χρείαν ἔχοντας θεραπείας⁺ἰᾶτο.^{Verse 12}Ἡ δὲ ἡμέρα ἤρξατο⁺κλίνειν· προσελθόντες δὲ οἱ δώδεκα⁺εἶπον αὐτῷ, Ἀπόλυσον τὸν ὄχλον, ἵνα⁺ἀπελθόντες εἰς τὰς κύκλῳ κώμας καὶ⁺τοὺς ἀγροὺς καταλύσωσι, καὶ εὕρωσιν ἐπισιτισμόν· ὅτι ὧδε ἐν ἐρήμῳ τόπῳ ἐσμέν.^{Verse 13}Εἶπε δὲ πρὸς αὐτούς,Δότε αὐτοῖς⁺ὑμεῖς φαγεῖν.Οἱ δὲ⁺εἶπον, Οὐκ εἰσὶν ἡμῖν πλεῖον ἢ⁺πέντε ἄρτοι καὶ⁺ἰχθύες δύο, εἰ μήτι πορευθέντες ἡμεῖς⁺ἀγοράσωμεν εἰς πάντα τὸν λαὸν τοῦτον βρώματα.^{Verse 14}Ἦσαν γὰρ ὡσεὶ ἄνδρες⁺πεντακισχίλιοι. Εἶπε δὲ πρὸς τοὺς μαθητὰς αὐτοῦ,Κατακλίνατε αὐτοὺς κλισίας⁺ἀνὰ πεντήκοντα.^{Verse 15}Καὶ ἐποίησαν οὕτω, καὶ⁺ἀνέκλιναν ἅπαντας.^{Verse 16}Λαβὼν δὲ τοὺς πέντε ἄρτους καὶ τοὺς δύο ἰχθύας, ἀναβλέψας εἰς τὸν οὐρανόν, εὐλόγησεν αὐτούς, καὶ κατέκλασε, καὶ ἐδίδου τοῖς μαθηταῖς⁺παρατιθέναι τῷ ὄχλῳ.^{Verse 17}Καὶ ἔφαγον καὶ ἐχορτάσθησαν πάντες· καὶ ἤρθη τὸ περισσεῦσαν αὐτοῖς κλασμάτων, κόφινοι δώδεκα.

Peter Declares That Jesus Is the Christ

^{Verse 18}Καὶ ἐγένετο ἐν τῷ εἶναι αὐτὸν προσευχόμενον καταμόνας, συνῆσαν αὐτῷ οἱ μαθηταί· καὶ ἐπηρώτησεν αὐτούς, λέγων,Τίνα με⁺λέγουσιν οἱ ὄχλοι εἶναι;^{Verse 19}Οἱ δὲ ἀποκριθέντες⁺εἶπον,⁺Ἰωάννην τὸν βαπτιστήν· ἄλλοι δὲ⁺Ἠλίαν· ἄλλοι δὲ ὅτι Προφήτης τις τῶν ἀρχαίων ἀνέστη.^{Verse 20}Εἶπε δὲ αὐτοῖς,Ὑμεῖς δὲ τίνα με λέγετε εἶναι;⁺Ἀποκριθεὶς δὲ ὁ Πέτρος εἶπε, Τὸν Χριστὸν τοῦ Θεοῦ.

Jesus Predicts His Death and Resurrection

^{Verse 21}Ὁ δὲ ἐπιτιμήσας αὐτοῖς παρήγγειλε μηδενὶ⁺εἰπεῖν τοῦτο,^{Verse 22}εἰπὼν ὅτιΔεῖ τὸν υἱὸν τοῦ ἀνθρώπου πολλὰ παθεῖν, καὶ ἀποδοκιμασθῆναι ἀπὸ τῶν πρεσβυτέρων καὶ ἀρχιερέων καὶ γραμματέων, καὶ ἀποκτανθῆναι, καὶ τῇ τρίτῃ ἡμέρᾳ⁺ἀναστῆναι.^{Verse 23}Ἔλεγε δὲ πρὸς πάντας,Εἴ τις θέλει ὀπίσω μου⁺ἐλθεῖν,⁺ἀπαρνησάσθω ἑαυτόν, καὶ ἀράτω τὸν σταυρὸν⁺αὐτοῦ, καὶ ἀκολουθείτω μοι.^{Verse 24}Ὃς γὰρ⁺ἐὰν θέλῃ τὴν ψυχὴν αὐτοῦ σῶσαι, ἀπολέσει αὐτήν· ὃς δ᾽ ἂν ἀπολέσῃ τὴν ψυχὴν αὐτοῦ ἕνεκεν ἐμοῦ, οὗτος σώσει αὐτήν.^{Verse 25}Τί γὰρ ὠφελεῖται ἄνθρωπος, κερδήσας τὸν κόσμον ὅλον, ἑαυτὸν δὲ ἀπολέσας ἢ ζημιωθείς;^{Verse 26}Ὃς γὰρ⁺ἂν ἐπαισχυνθῇ με καὶ τοὺς ἐμοὺς λόγους, τοῦτον ὁ υἱὸς τοῦ ἀνθρώπου ἐπαισχυνθήσεται, ὅταν ἔλθῃ ἐν τῇ δόξῃ αὐτοῦ καὶ τοῦ πατρὸς καὶ τῶν ἁγίων ἀγγέλων.^{Verse 27}Λέγω δὲ ὑμῖν ἀληθῶς, εἰσί τινες τῶν⁺ὧδε⁺ἑστώτων, οἳ οὐ μὴ⁺γεύσωνται θανάτου, ἕως ἂν ἴδωσι τὴν βασιλείαν τοῦ Θεοῦ.

The Transfiguration

^{Verse 28}Ἐγένετο δὲ μετὰ τοὺς λόγους τούτους ὡσεὶ ἡμέραι ὀκτώ,⁺καὶ παραλαβὼν⁺Πέτρον καὶ⁺Ἰωάννην καὶ Ἰάκωβον, ἀνέβη εἰς τὸ ὄρος προσεύξασθαι.^{Verse 29}Καὶ ἐγένετο, ἐν τῷ προσεύχεσθαι αὐτόν, τὸ εἶδος τοῦ προσώπου αὐτοῦ ἕτερον, καὶ ὁ ἱματισμὸς αὐτοῦ λευκὸς ἐξαστράπτων.^{Verse 30}Καὶ ἰδού, ἄνδρες δύο συνελάλουν αὐτῷ, οἵτινες ἦσαν⁺Μωσῆς καὶ⁺Ἠλίας,^{Verse 31}οἳ ὀφθέντες ἐν δόξῃ ἔλεγον τὴν ἔξοδον αὐτοῦ ἣν⁺ἔμελλε πληροῦν ἐν Ἱερουσαλήμ.^{Verse 32}Ὁ δὲ Πέτρος καὶ οἱ σὺν αὐτῷ ἦσαν βεβαρημένοι ὕπνῳ· διαγρηγορήσαντες δὲ⁺εἶδον τὴν δόξαν αὐτοῦ, καὶ τοὺς δύο ἄνδρας τοὺς συνεστῶτας αὐτῷ.^{Verse 33}Καὶ ἐγένετο, ἐν τῷ διαχωρίζεσθαι αὐτοὺς ἀπ᾽ αὐτοῦ, εἶπε⁺Πέτρος πρὸς τὸν Ἰησοῦν, Ἐπιστάτα, καλόν ἐστιν ἡμᾶς ὧδε εἶναι· καὶ ποιήσωμεν σκηνὰς τρεῖς, μίαν σοί, καὶ⁺μίαν Μωσῇ, καὶ μίαν⁺Ἠλίᾳ· μὴ εἰδὼς ὃ λέγει.^{Verse 34}Ταῦτα δὲ αὐτοῦ λέγοντος, ἐγένετο νεφέλη καὶ⁺ἐπεσκίασεν αὐτούς· ἐφοβήθησαν δὲ ἐν τῷ⁺ἐκείνους εἰσελθεῖν εἰς τὴν νεφέλην.^{Verse 35}Καὶ φωνὴ ἐγένετο ἐκ τῆς νεφέλης, λέγουσα, Οὗτός ἐστιν ὁ υἱός μου ὁ⁺ἀγαπητός· αὐτοῦ ἀκούετε.^{Verse 36}Καὶ ἐν τῷ γενέσθαι τὴν φωνήν, εὑρέθη⁺ὁ Ἰησοῦς μόνος. Καὶ αὐτοὶ ἐσίγησαν, καὶ οὐδενὶ ἀπήγγειλαν ἐν ἐκείναις ταῖς ἡμέραις οὐδὲν ὧν⁺ἑωράκασιν.

Jesus Heals a Boy with an Unclean Spirit

^{Verse 37}Ἐγένετο δὲ⁺ἐν τῇ ἑξῆς ἡμέρᾳ, κατελθόντων αὐτῶν ἀπὸ τοῦ ὄρους, συνήντησεν αὐτῷ ὄχλος πολύς.^{Verse 38}Καὶ ἰδού, ἀνὴρ ἀπὸ τοῦ ὄχλου⁺ἀνεβόησε, λέγων, Διδάσκαλε, δέομαί σου,⁺ἐπίβλεψαι ἐπὶ τὸν υἱόν μου, ὅτι μονογενής⁺ἐστί μοι·^{Verse 39}καὶ ἰδού, πνεῦμα λαμβάνει αὐτόν, καὶ⁺ἐξαίφνης κράζει, καὶ σπαράσσει αὐτὸν μετὰ ἀφροῦ, καὶ⁺μόγις ἀποχωρεῖ ἀπ᾽ αὐτοῦ, συντρῖβον αὐτόν.^{Verse 40}Καὶ ἐδεήθην τῶν μαθητῶν σου ἵνα⁺ἐκβάλωσιν αὐτό, καὶ οὐκ ἠδυνήθησαν.^{Verse 41}Ἀποκριθεὶς δὲ ὁ Ἰησοῦς εἶπεν,Ὦ γενεὰ ἄπιστος καὶ διεστραμμένη, ἕως πότε ἔσομαι πρὸς ὑμᾶς, καὶ ἀνέξομαι ὑμῶν; Προσάγαγε⁺τὸν υἱόν σου ὧδε.^{Verse 42}Ἔτι δὲ προσερχομένου αὐτοῦ, ἔρρηξεν αὐτὸν τὸ δαιμόνιον καὶ συνεσπάραξεν· ἐπετίμησε δὲ ὁ Ἰησοῦς τῷ πνεύματι τῷ ἀκαθάρτῳ, καὶ ἰάσατο τὸν παῖδα, καὶ ἀπέδωκεν αὐτὸν τῷ πατρὶ αὐτοῦ.^{Verse 43}Ἐξεπλήσσοντο δὲ πάντες ἐπὶ τῇ μεγαλειότητι τοῦ Θεοῦ. Jesus Predicts His Death a Second Time Πάντων δὲ θαυμαζόντων ἐπὶ πᾶσιν οἷς⁺ἐποίησεν ὁ Ἰησοῦς, εἶπε πρὸς τοὺς μαθητὰς αὐτοῦ,^{Verse 44}Θέσθε ὑμεῖς εἰς τὰ ὦτα ὑμῶν τοὺς λόγους τούτους· ὁ γὰρ υἱὸς τοῦ ἀνθρώπου μέλλει παραδίδοσθαι εἰς χεῖρας ἀνθρώπων.^{Verse 45}Οἱ δὲ ἠγνόουν τὸ ῥῆμα τοῦτο, καὶ ἦν παρακεκαλυμμένον ἀπ᾽ αὐτῶν, ἵνα μὴ αἴσθωνται αὐτό· καὶ ἐφοβοῦντο ἐρωτῆσαι αὐτὸν περὶ τοῦ ῥήματος τούτου.

True Greatness

^{Verse 46}Εἰσῆλθε δὲ διαλογισμὸς ἐν αὐτοῖς, τὸ τίς ἂν εἴη μείζων αὐτῶν.^{Verse 47}Ὁ δὲ Ἰησοῦς⁺ἰδὼν τὸν διαλογισμὸν τῆς καρδίας αὐτῶν, ἐπιλαβόμενος⁺παιδίου, ἔστησεν αὐτὸ παρ᾽ ἑαυτῷ,^{Verse 48}καὶ εἶπεν αὐτοῖς,Ὃς⁺ἐὰν δέξηται τοῦτο τὸ παιδίον ἐπὶ τῷ ὀνόματί μου ἐμὲ δέχεται· καὶ ὃς⁺ἐὰν ἐμὲ δέξηται δέχεται τὸν ἀποστείλαντά με· ὁ γὰρ⁺μικρότερος ἐν πᾶσιν⁺ὑμῖν ὑπάρχων οὗτος⁺ἔσται μέγας.

Whoever Is Not Against Us Is for Us

^{Verse 49}Ἀποκριθεὶς δὲ⁺ὁ⁺Ἰωάννης εἶπεν, Ἐπιστάτα,⁺εἴδομέν τινα⁺ἐπὶ τῷ ὀνόματί σου ἐκβάλλοντα⁺δαιμόνια· καὶ⁺ἐκωλύσαμεν αὐτόν, ὅτι οὐκ ἀκολουθεῖ μεθ᾽ ἡμῶν.^{Verse 50+}Καὶ εἶπε πρὸς αὐτὸν⁺ὁ Ἰησοῦς,Μὴ⁺κωλύετε· ὃς γὰρ οὐκ ἔστι καθ᾽⁺ἡμῶν ὑπὲρ ἡμῶν ἐστιν.

A Samaritan Village Refuses to Receive Jesus

^{Verse 51}Ἐγένετο δὲ ἐν τῷ συμπληροῦσθαι τὰς ἡμέρας τῆς⁺ἀναλήψεως αὐτοῦ, καὶ αὐτὸς⁺τὸ πρόσωπον αὐτοῦ ἐστήριξε τοῦ πορεύεσθαι εἰς Ἱερουσαλήμ,^{Verse 52}καὶ ἀπέστειλεν ἀγγέλους πρὸ προσώπου⁺αὐτοῦ· καὶ πορευθέντες εἰσῆλθον εἰς κώμην⁺Σαμαρειτῶν,⁺ὥστε ἑτοιμάσαι αὐτῷ.^{Verse 53}Καὶ οὐκ ἐδέξαντο αὐτόν, ὅτι τὸ πρόσωπον αὐτοῦ ἦν πορευόμενον εἰς Ἱερουσαλήμ.^{Verse 54}Ἰδόντες δὲ οἱ μαθηταὶ⁺αὐτοῦ Ἰάκωβος καὶ⁺Ἰωάννης⁺εἶπον, Κύριε, θέλεις εἴπωμεν πῦρ καταβῆναι ἀπὸ⁺τοῦ οὐρανοῦ, καὶ ἀναλῶσαι αὐτούς,⁺ὡς καὶ Ἠλίας ἐποίησε;^{Verse 55}Στραφεὶς δὲ ἐπετίμησεν αὐτοῖς,⁺καὶ εἶπεν,Οὐκ οἴδατε οἵου πνεύματός ἐστε ὑμεῖς·^{Verse 56+}ὁ γὰρ υἱὸς τοῦ ἀνθρώπου οὐκ ἦλθε ψυχὰς ἀνθρώπων ἀπολέσαι, ἀλλὰ σῶσαι.Καὶ ἐπορεύθησαν εἰς ἑτέραν κώμην.

Would-Be Followers of Jesus

^{Verse 57+}Ἐγένετο δὲ πορευομένων αὐτῶν ἐν τῇ ὁδῷ, εἶπέ τις πρὸς αὐτόν, Ἀκολουθήσω σοι ὅπου⁺ἂν ἀπέρχῃ,⁺Κύριε.^{Verse 58}Καὶ εἶπεν αὐτῷ ὁ Ἰησοῦς,Αἱ ἀλώπεκες φωλεοὺς ἔχουσι, καὶ τὰ πετεινὰ τοῦ οὐρανοῦ κατασκηνώσεις· ὁ δὲ υἱὸς τοῦ ἀνθρώπου οὐκ ἔχει ποῦ τὴν κεφαλὴν⁺κλίνῃ.^{Verse 59}Εἶπε δὲ πρὸς ἕτερον,Ἀκολούθει μοι.Ὁ δὲ εἶπε,⁺Κύριε, ἐπίτρεψόν μοι⁺ἀπελθόντι πρῶτον θάψαι τὸν πατέρα μου.^{Verse 60}Εἶπε δὲ αὐτῷ⁺ὁ Ἰησοῦς,Ἄφες τοὺς νεκροὺς θάψαι τοὺς ἑαυτῶν νεκρούς· σὺ δὲ ἀπελθὼν διάγγελλε τὴν βασιλείαν τοῦ Θεοῦ.^{Verse 61}Εἶπε δὲ καὶ ἕτερος, Ἀκολουθήσω σοι, Κύριε· πρῶτον δὲ ἐπίτρεψόν μοι ἀποτάξασθαι τοῖς εἰς τὸν οἶκόν μου.^{Verse 62}Εἶπε δὲ⁺ὁ Ἰησοῦς πρὸς αὐτόν,Οὐδείς, ἐπιβαλὼν τὴν χεῖρα⁺αὐτοῦ ἐπ᾽ ἄροτρον, καὶ βλέπων εἰς τὰ ὀπίσω, εὔθετός ἐστιν⁺εἰς τὴν βασιλείαν τοῦ Θεοῦ.