Luke 8 — TCG

Some Women Accompany Jesus

8Verse 1Καὶ ἐγένετο ἐν τῷ καθεξῆς, καὶ αὐτὸς διώδευε κατὰ πόλιν καὶ κώμην, κηρύσσων καὶ εὐαγγελιζόμενος τὴν βασιλείαν τοῦ Θεοῦ· καὶ οἱ δώδεκα σὺν αὐτῷ,^{Verse 2}καὶ γυναῖκές τινες αἳ ἦσαν τεθεραπευμέναι⁺ἀπὸ πνευμάτων πονηρῶν καὶ ἀσθενειῶν, Μαρία ἡ καλουμένη Μαγδαληνή, ἀφ᾽ ἧς δαιμόνια ἑπτὰ ἐξεληλύθει,^{Verse 3}καὶ⁺Ἰωάννα γυνὴ Χουζᾶ ἐπιτρόπου Ἡρῴδου, καὶ⁺Σουσάννα, καὶ ἕτεραι πολλαί, αἵτινες διηκόνουν⁺αὐτοῖς⁺ἀπὸ τῶν ὑπαρχόντων αὐταῖς.

The Parable of the Sower

^{Verse 4}Συνιόντος δὲ ὄχλου πολλοῦ, καὶ τῶν κατὰ πόλιν ἐπιπορευομένων πρὸς αὐτόν, εἶπε διὰ παραβολῆς,^{Verse 5}Ἐξῆλθεν ὁ σπείρων τοῦ σπεῖραι τὸν σπόρον αὐτοῦ. Καὶ ἐν τῷ σπείρειν αὐτόν, ὃ μὲν ἔπεσε παρὰ τὴν ὁδόν, καὶ κατεπατήθη, καὶ τὰ πετεινὰ τοῦ οὐρανοῦ κατέφαγεν αὐτό.^{Verse 6}Καὶ ἕτερον⁺ἔπεσεν ἐπὶ τὴν πέτραν, καὶ φυὲν ἐξηράνθη, διὰ τὸ μὴ ἔχειν ἰκμάδα.^{Verse 7}Καὶ ἕτερον ἔπεσεν ἐν μέσῳ τῶν ἀκανθῶν, καὶ⁺συμφυεῖσαι αἱ ἄκανθαι ἀπέπνιξαν αὐτό.^{Verse 8}Καὶ ἕτερον ἔπεσεν⁺εἰς τὴν γῆν τὴν ἀγαθήν, καὶ φυὲν ἐποίησε καρπὸν ἑκατονταπλασίονα.Ταῦτα λέγων ἐφώνει,Ὁ ἔχων ὦτα ἀκούειν ἀκουέτω.

The Purpose of Speaking in Parables

^{Verse 9}Ἐπηρώτων δὲ αὐτὸν οἱ μαθηταὶ αὐτοῦ,⁺λέγοντες, Τίς⁺εἴη ἡ παραβολὴ αὕτη;^{Verse 10}Ὁ δὲ εἶπεν,Ὑμῖν δέδοται γνῶναι τὰ μυστήρια τῆς βασιλείας τοῦ Θεοῦ· τοῖς δὲ λοιποῖς ἐν παραβολαῖς, ἵνα βλέποντες μὴ βλέπωσι, καὶ ἀκούοντες μὴ συνιῶσιν.

The Parable of the Sower Explained

^{Verse 11}Ἔστι δὲ αὕτη ἡ παραβολή· Ὁ σπόρος ἐστὶν ὁ λόγος τοῦ Θεοῦ.^{Verse 12}Οἱ δὲ παρὰ τὴν ὁδόν εἰσιν οἱ⁺ἀκούοντες, εἶτα ἔρχεται ὁ διάβολος καὶ αἴρει τὸν λόγον ἀπὸ τῆς καρδίας αὐτῶν, ἵνα μὴ πιστεύσαντες σωθῶσιν.^{Verse 13}Οἱ δὲ ἐπὶ τῆς πέτρας οἵ, ὅταν ἀκούσωσι, μετὰ χαρᾶς δέχονται τὸν λόγον, καὶ οὗτοι ῥίζαν οὐκ ἔχουσιν, οἳ πρὸς καιρὸν πιστεύουσι, καὶ ἐν καιρῷ πειρασμοῦ ἀφίστανται.^{Verse 14}Τὸ δὲ εἰς τὰς ἀκάνθας πεσόν, οὗτοί εἰσιν οἱ ἀκούσαντες, καὶ ὑπὸ μεριμνῶν καὶ πλούτου καὶ ἡδονῶν τοῦ βίου πορευόμενοι⁺συμπνίγονται, καὶ οὐ τελεσφοροῦσι.^{Verse 15}Τὸ δὲ ἐν τῇ καλῇ γῇ, οὗτοί εἰσιν οἵτινες ἐν καρδίᾳ καλῇ καὶ ἀγαθῇ, ἀκούσαντες τὸν λόγον κατέχουσι, καὶ καρποφοροῦσιν ἐν ὑπομονῇ.

A Lamp Under a Container

^{Verse 16+}Οὐδεὶς δὲ λύχνον ἅψας καλύπτει αὐτὸν σκεύει, ἢ ὑποκάτω⁺κλίνης τίθησιν, ἀλλ᾽ ἐπὶ λυχνίας⁺ἐπιτίθησιν, ἵνα οἱ εἰσπορευόμενοι βλέπωσι τὸ φῶς.^{Verse 17}Οὐ γάρ ἐστι κρυπτόν, ὃ οὐ φανερὸν γενήσεται· οὐδὲ ἀπόκρυφον, ὃ οὐ⁺γνωσθήσεται καὶ εἰς φανερὸν ἔλθῃ.^{Verse 18}Βλέπετε οὖν πῶς ἀκούετε· ὃς⁺γὰρ ἐὰν ἔχῃ, δοθήσεται αὐτῷ· καὶ ὃς⁺ἐὰν μὴ ἔχῃ, καὶ ὃ δοκεῖ ἔχειν ἀρθήσεται ἀπ᾽ αὐτοῦ.

Jesus' Mother and Brothers

^{Verse 19+}Παρεγένοντο δὲ πρὸς αὐτὸν ἡ μήτηρ καὶ οἱ ἀδελφοὶ αὐτοῦ, καὶ οὐκ⁺ἠδύναντο συντυχεῖν αὐτῷ διὰ τὸν ὄχλον.^{Verse 20+}Καὶ ἀπηγγέλη αὐτῷ,⁺λεγόντων, Ἡ μήτηρ σου καὶ οἱ ἀδελφοί σου ἑστήκασιν ἔξω, ἰδεῖν⁺σε θέλοντες.^{Verse 21}Ὁ δὲ ἀποκριθεὶς εἶπε πρὸς αὐτούς,Μήτηρ μου καὶ ἀδελφοί μου οὗτοί εἰσιν, οἱ τὸν λόγον τοῦ Θεοῦ ἀκούοντες καὶ ποιοῦντες⁺αὐτόν.

Jesus Calms a Storm

^{Verse 22+}Καὶ ἐγένετο ἐν μιᾷ τῶν ἡμερῶν, καὶ αὐτὸς ἐνέβη εἰς πλοῖον καὶ οἱ μαθηταὶ αὐτοῦ, καὶ εἶπε πρὸς αὐτούς,Διέλθωμεν εἰς τὸ πέραν τῆς λίμνης.Καὶ ἀνήχθησαν.^{Verse 23}Πλεόντων δὲ αὐτῶν ἀφύπνωσε· καὶ κατέβη λαῖλαψ ἀνέμου εἰς τὴν λίμνην, καὶ συνεπληροῦντο, καὶ ἐκινδύνευον.^{Verse 24+}Προσελθόντες δὲ διήγειραν αὐτόν, λέγοντες, Ἐπιστάτα, ἐπιστάτα, ἀπολλύμεθα. Ὁ δὲ⁺ἐγερθεὶς ἐπετίμησε τῷ ἀνέμῳ καὶ τῷ κλύδωνι τοῦ ὕδατος· καὶ ἐπαύσαντο, καὶ ἐγένετο γαλήνη.^{Verse 25}Εἶπε δὲ αὐτοῖς,Ποῦ⁺ἐστιν ἡ πίστις ὑμῶν;Φοβηθέντες δὲ ἐθαύμασαν, λέγοντες πρὸς ἀλλήλους, Τίς ἄρα οὗτός ἐστιν, ὅτι καὶ τοῖς ἀνέμοις ἐπιτάσσει καὶ τῷ ὕδατι, καὶ ὑπακούουσιν αὐτῷ;

Jesus Heals a Demon-Possessed Man

^{Verse 26}Καὶ⁺κατέπλευσαν εἰς τὴν χώραν τῶν⁺Γαδαρηνῶν, ἥτις ἐστὶν⁺ἀντιπέραν τῆς Γαλιλαίας.^{Verse 27}Ἐξελθόντι δὲ αὐτῷ ἐπὶ τὴν γῆν, ὑπήντησεν⁺αὐτῷ ἀνήρ τις ἐκ τῆς πόλεως,⁺ὃς εἶχε δαιμόνια⁺ἐκ χρόνων ἱκανῶν, καὶ⁺ἱμάτιον οὐκ ἐνεδιδύσκετο, καὶ ἐν οἰκίᾳ οὐκ ἔμενεν, ἀλλ᾽ ἐν τοῖς μνήμασιν.^{Verse 28}Ἰδὼν δὲ τὸν Ἰησοῦν,⁺καὶ ἀνακράξας, προσέπεσεν αὐτῷ, καὶ φωνῇ μεγάλῃ εἶπε, Τί ἐμοὶ καὶ σοί, Ἰησοῦ, υἱὲ τοῦ Θεοῦ τοῦ ὑψίστου; Δέομαί σου, μή με βασανίσῃς.^{Verse 29+}Παρήγγειλε γὰρ τῷ πνεύματι τῷ ἀκαθάρτῳ ἐξελθεῖν ἀπὸ τοῦ ἀνθρώπου· πολλοῖς γὰρ χρόνοις συνηρπάκει αὐτόν, καὶ⁺ἐδεσμεῖτο ἁλύσεσι καὶ πέδαις φυλασσόμενος, καὶ⁺διαρρήσσων τὰ δεσμὰ ἠλαύνετο⁺ὑπὸ τοῦ⁺δαίμονος εἰς τὰς ἐρήμους.^{Verse 30}Ἐπηρώτησε δὲ αὐτὸν ὁ Ἰησοῦς,⁺λέγων,Τί σοί⁺ἐστιν ὄνομα;Ὁ δὲ εἶπε,⁺Λεγεών, ὅτι⁺δαιμόνια πολλὰ εἰσῆλθεν εἰς αὐτόν.^{Verse 31}Καὶ⁺παρεκάλει αὐτὸν ἵνα μὴ ἐπιτάξῃ αὐτοῖς εἰς τὴν ἄβυσσον ἀπελθεῖν.^{Verse 32}Ἦν δὲ ἐκεῖ ἀγέλη χοίρων ἱκανῶν⁺βοσκομένων ἐν τῷ ὄρει· καὶ⁺παρεκάλουν αὐτὸν ἵνα ἐπιτρέψῃ αὐτοῖς εἰς ἐκείνους εἰσελθεῖν. Καὶ ἐπέτρεψεν αὐτοῖς.^{Verse 33}Ἐξελθόντα δὲ τὰ δαιμόνια ἀπὸ τοῦ ἀνθρώπου⁺εἰσῆλθον εἰς τοὺς χοίρους· καὶ ὥρμησεν ἡ ἀγέλη κατὰ τοῦ κρημνοῦ εἰς τὴν λίμνην, καὶ ἀπεπνίγη.^{Verse 34}Ἰδόντες δὲ οἱ βόσκοντες τὸ⁺γεγενημένον ἔφυγον,⁺καὶ ἀπήγγειλαν εἰς τὴν πόλιν καὶ εἰς τοὺς ἀγρούς.^{Verse 35}Ἐξῆλθον δὲ ἰδεῖν τὸ γεγονός· καὶ⁺ἦλθον πρὸς τὸν Ἰησοῦν, καὶ⁺εὗρον καθήμενον τὸν ἄνθρωπον ἀφ᾽ οὗ τὰ δαιμόνια⁺ἐξεληλύθει, ἱματισμένον καὶ σωφρονοῦντα, παρὰ τοὺς πόδας τοῦ Ἰησοῦ· καὶ ἐφοβήθησαν.^{Verse 36}Ἀπήγγειλαν δὲ αὐτοῖς⁺καὶ οἱ ἰδόντες πῶς ἐσώθη ὁ δαιμονισθείς.^{Verse 37}Καὶ⁺ἠρώτησαν αὐτὸν ἅπαν τὸ πλῆθος τῆς περιχώρου τῶν⁺Γαδαρηνῶν ἀπελθεῖν ἀπ᾽ αὐτῶν, ὅτι φόβῳ μεγάλῳ συνείχοντο· αὐτὸς δὲ ἐμβὰς εἰς⁺τὸ πλοῖον ὑπέστρεψεν.^{Verse 38+}Ἐδέετο δὲ αὐτοῦ ὁ ἀνὴρ ἀφ᾽ οὗ ἐξεληλύθει τὰ δαιμόνια εἶναι σὺν αὐτῷ. Ἀπέλυσε δὲ αὐτὸν⁺ὁ Ἰησοῦς λέγων,^{Verse 39}Ὑπόστρεφε εἰς τὸν οἶκόν σου, καὶ διηγοῦ ὅσα⁺ἐποίησέ σοι ὁ Θεός.Καὶ ἀπῆλθε, καθ᾽ ὅλην τὴν πόλιν κηρύσσων ὅσα ἐποίησεν αὐτῷ ὁ Ἰησοῦς.

A Girl Restored to Life and a Woman Healed

^{Verse 40+}Ἐγένετο δὲ ἐν τῷ⁺ὑποστρέψαι τὸν Ἰησοῦν, ἀπεδέξατο αὐτὸν ὁ ὄχλος· ἦσαν γὰρ πάντες προσδοκῶντες αὐτόν.^{Verse 41}Καὶ ἰδού, ἦλθεν ἀνὴρ ᾧ ὄνομα⁺Ἰάειρος, καὶ⁺αὐτὸς ἄρχων τῆς συναγωγῆς ὑπῆρχε, καὶ πεσὼν παρὰ τοὺς πόδας⁺τοῦ Ἰησοῦ παρεκάλει αὐτὸν εἰσελθεῖν εἰς τὸν οἶκον αὐτοῦ·^{Verse 42}ὅτι θυγάτηρ μονογενὴς ἦν αὐτῷ ὡς ἐτῶν δώδεκα, καὶ⁺αὕτη ἀπέθνῃσκεν. Ἐν δὲ τῷ ὑπάγειν αὐτὸν οἱ ὄχλοι συνέπνιγον αὐτόν.^{Verse 43}Καὶ γυνὴ οὖσα ἐν ῥύσει αἵματος ἀπὸ ἐτῶν δώδεκα, ἥτις⁺ἰατροῖς προσαναλώσασα ὅλον τὸν βίον οὐκ ἴσχυσεν⁺ὑπ᾽ οὐδενὸς θεραπευθῆναι,^{Verse 44}προσελθοῦσα ὄπισθεν, ἥψατο τοῦ κρασπέδου τοῦ ἱματίου αὐτοῦ· καὶ παραχρῆμα ἔστη ἡ ῥύσις τοῦ αἵματος αὐτῆς.^{Verse 45}Καὶ εἶπεν ὁ Ἰησοῦς,Τίς ὁ ἁψάμενός μου;Ἀρνουμένων δὲ πάντων, εἶπεν ὁ Πέτρος⁺καὶ οἱ μετ᾽ αὐτοῦ, Ἐπιστάτα, οἱ ὄχλοι συνέχουσί σε καὶ ἀποθλίβουσι,⁺καὶ λέγεις,Τίς ὁ ἁψάμενός μου;^{Verse 46}Ὁ δὲ Ἰησοῦς εἶπεν,Ἥψατό μού τις· ἐγὼ γὰρ ἔγνων δύναμιν⁺ἐξελθοῦσαν ἀπ᾽ ἐμοῦ.^{Verse 47}Ἰδοῦσα δὲ ἡ γυνὴ ὅτι οὐκ ἔλαθε, τρέμουσα ἦλθε, καὶ προσπεσοῦσα αὐτῷ, δι᾽ ἣν αἰτίαν ἥψατο αὐτοῦ ἀπήγγειλεν⁺αὐτῷ ἐνώπιον παντὸς τοῦ λαοῦ, καὶ ὡς ἰάθη παραχρῆμα.^{Verse 48}Ὁ δὲ εἶπεν αὐτῇ,⁺Θάρσει,⁺θύγατερ, ἡ πίστις σου σέσωκέ σε· πορεύου εἰς εἰρήνην.^{Verse 49}Ἔτι αὐτοῦ λαλοῦντος, ἔρχεταί τις παρὰ τοῦ ἀρχισυναγώγου, λέγων⁺αὐτῷ ὅτι Τέθνηκεν ἡ θυγάτηρ σου·⁺μὴ σκύλλε τὸν διδάσκαλον.^{Verse 50}Ὁ δὲ Ἰησοῦς ἀκούσας ἀπεκρίθη αὐτῷ,⁺λέγων,Μὴ φοβοῦ· μόνον⁺πίστευε, καὶ σωθήσεται.^{Verse 51+}Ἐλθὼν δὲ εἰς τὴν οἰκίαν, οὐκ ἀφῆκεν εἰσελθεῖν⁺οὐδένα, εἰ μὴ Πέτρον καὶ⁺Ἰωάννην καὶ Ἰάκωβον, καὶ τὸν πατέρα τῆς παιδὸς καὶ τὴν μητέρα.^{Verse 52}Ἔκλαιον δὲ πάντες, καὶ ἐκόπτοντο αὐτήν. Ὁ δὲ εἶπε,Μὴ κλαίετε·⁺οὐκ ἀπέθανεν, ἀλλὰ καθεύδει.^{Verse 53}Καὶ κατεγέλων αὐτοῦ, εἰδότες ὅτι ἀπέθανεν.^{Verse 54}Αὐτὸς δὲ⁺ἐκβαλὼν ἔξω πάντας, καὶ κρατήσας τῆς χειρὸς αὐτῆς, ἐφώνησε λέγων,Ἡ παῖς,⁺ἐγείρου.^{Verse 55}Καὶ ἐπέστρεψε τὸ πνεῦμα αὐτῆς, καὶ ἀνέστη παραχρῆμα· καὶ διέταξεν αὐτῇ δοθῆναι φαγεῖν.^{Verse 56}Καὶ ἐξέστησαν οἱ γονεῖς αὐτῆς· ὁ δὲ παρήγγειλεν αὐτοῖς μηδενὶ εἰπεῖν τὸ γεγονός.