Luke 7 — TCG

Jesus Heals a Centurion's Servant

7Verse 1⁺Ἐπεὶ δὲ ἐπλήρωσε πάντα τὰ ῥήματα αὐτοῦ εἰς τὰς ἀκοὰς τοῦ λαοῦ, εἰσῆλθεν εἰς⁺Καπερναούμ.^{Verse 2}Ἑκατοντάρχου δέ τινος δοῦλος κακῶς ἔχων⁺ἔμελλε τελευτᾷν, ὃς ἦν αὐτῷ ἔντιμος.^{Verse 3}Ἀκούσας δὲ περὶ τοῦ Ἰησοῦ, ἀπέστειλε πρὸς αὐτὸν πρεσβυτέρους τῶν Ἰουδαίων, ἐρωτῶν αὐτὸν ὅπως ἐλθὼν διασώσῃ τὸν δοῦλον αὐτοῦ.^{Verse 4}Οἱ δέ, παραγενόμενοι πρὸς τὸν Ἰησοῦν, παρεκάλουν αὐτὸν σπουδαίως, λέγοντες ὅτι ἄξιός ἐστιν ᾧ⁺παρέξει τοῦτο·^{Verse 5}ἀγαπᾷ γὰρ τὸ ἔθνος ἡμῶν, καὶ τὴν συναγωγὴν αὐτὸς ᾠκοδόμησεν ἡμῖν.^{Verse 6}Ὁ δὲ Ἰησοῦς ἐπορεύετο σὺν αὐτοῖς. Ἤδη δὲ αὐτοῦ οὐ μακρὰν ἀπέχοντος ἀπὸ τῆς οἰκίας, ἔπεμψε⁺πρὸς αὐτὸν ὁ ἑκατόνταρχος φίλους, λέγων αὐτῷ, Κύριε, μὴ σκύλλου· οὐ γάρ⁺εἰμι ἱκανὸς ἵνα⁺ὑπὸ τὴν στέγην μου εἰσέλθῃς·^{Verse 7}διὸ οὐδὲ ἐμαυτὸν ἠξίωσα πρός σε ἐλθεῖν·⁺ἀλλ᾽ εἰπὲ λόγῳ, καὶ⁺ἰαθήσεται ὁ παῖς μου.^{Verse 8}Καὶ γὰρ ἐγὼ ἄνθρωπός εἰμι ὑπὸ ἐξουσίαν τασσόμενος, ἔχων ὑπ᾽ ἐμαυτὸν στρατιώτας, καὶ λέγω τούτῳ, Πορεύθητι, καὶ πορεύεται· καὶ ἄλλῳ, Ἔρχου, καὶ ἔρχεται· καὶ τῷ δούλῳ μου, Ποίησον τοῦτο, καὶ ποιεῖ.^{Verse 9}Ἀκούσας δὲ ταῦτα ὁ Ἰησοῦς ἐθαύμασεν αὐτόν, καὶ στραφεὶς τῷ ἀκολουθοῦντι αὐτῷ ὄχλῳ εἶπε,Λέγω ὑμῖν,⁺οὔτε ἐν τῷ Ἰσραὴλ τοσαύτην πίστιν εὗρον.^{Verse 10}Καὶ ὑποστρέψαντες⁺οἱ πεμφθέντες εἰς τὸν οἶκον εὗρον τὸν⁺ἀσθενοῦντα δοῦλον ὑγιαίνοντα.

Jesus Raises a Widow's Son

^{Verse 11}Καὶ ἐγένετο ἐν⁺τῷ ἑξῆς,⁺ἐπορεύετο εἰς πόλιν καλουμένην Ναΐν· καὶ συνεπορεύοντο αὐτῷ οἱ μαθηταὶ αὐτοῦ⁺ἱκανοί, καὶ ὄχλος πολύς.^{Verse 12}Ὡς δὲ ἤγγισε τῇ πύλῃ τῆς πόλεως, καὶ ἰδού, ἐξεκομίζετο τεθνηκώς,⁺υἱὸς μονογενὴς τῇ μητρὶ αὐτοῦ, καὶ⁺αὐτὴ χήρα· καὶ ὄχλος τῆς πόλεως ἱκανὸς⁺σὺν αὐτῇ.^{Verse 13}Καὶ ἰδὼν αὐτὴν ὁ Κύριος ἐσπλαγχνίσθη ἐπ᾽ αὐτῇ, καὶ εἶπεν αὐτῇ,Μὴ κλαῖε.^{Verse 14}Καὶ προσελθὼν ἥψατο τῆς σοροῦ· οἱ δὲ βαστάζοντες ἔστησαν. Καὶ εἶπε,Νεανίσκε, σοὶ λέγω, ἐγέρθητι.^{Verse 15}Καὶ ἀνεκάθισεν ὁ νεκρός, καὶ ἤρξατο λαλεῖν. Καὶ ἔδωκεν αὐτὸν τῇ μητρὶ αὐτοῦ.^{Verse 16}Ἔλαβε δὲ φόβος⁺πάντας, καὶ ἐδόξαζον τὸν Θεόν, λέγοντες ὅτι Προφήτης μέγας⁺ἐγήγερται ἐν ἡμῖν, καὶ ὅτι Ἐπεσκέψατο ὁ Θεὸς τὸν λαὸν αὐτοῦ.^{Verse 17}Καὶ ἐξῆλθεν ὁ λόγος οὗτος ἐν ὅλῃ τῇ Ἰουδαίᾳ περὶ αὐτοῦ, καὶ⁺ἐν πάσῃ τῇ περιχώρῳ.

Messengers from John the Baptist

^{Verse 18}Καὶ ἀπήγγειλαν⁺Ἰωάννῃ οἱ μαθηταὶ αὐτοῦ περὶ πάντων τούτων.^{Verse 19}Καὶ προσκαλεσάμενος δύο τινὰς τῶν μαθητῶν αὐτοῦ ὁ⁺Ἰωάννης ἔπεμψε πρὸς τὸν⁺Ἰησοῦν, λέγων, Σὺ εἶ ὁ ἐρχόμενος, ἢ⁺ἄλλον προσδοκῶμεν;^{Verse 20}Παραγενόμενοι δὲ πρὸς αὐτὸν οἱ ἄνδρες⁺εἶπον,⁺Ἰωάννης ὁ βαπτιστὴς⁺ἀπέσταλκεν ἡμᾶς πρός σε, λέγων, Σὺ εἶ ὁ ἐρχόμενος, ἢ⁺ἄλλον προσδοκῶμεν;^{Verse 21}Ἐν⁺αὐτῇ δὲ τῇ ὥρᾳ ἐθεράπευσε πολλοὺς ἀπὸ νόσων καὶ μαστίγων καὶ πνευμάτων πονηρῶν, καὶ τυφλοῖς πολλοῖς ἐχαρίσατο⁺τὸ βλέπειν.^{Verse 22}Καὶ ἀποκριθεὶς⁺ὁ Ἰησοῦς εἶπεν αὐτοῖς,Πορευθέντες ἀπαγγείλατε⁺Ἰωάννῃ ἃ εἴδετε καὶ ἠκούσατε·⁺ὅτι τυφλοὶ ἀναβλέπουσι,⁺χωλοὶ περιπατοῦσι, λεπροὶ καθαρίζονται,⁺κωφοὶ ἀκούουσι, νεκροὶ ἐγείρονται, πτωχοὶ εὐαγγελίζονται·^{Verse 23}καὶ μακάριός ἐστιν, ὃς ἐὰν μὴ σκανδαλισθῇ ἐν ἐμοί.^{Verse 24}Ἀπελθόντων δὲ τῶν⁺ἀγγέλων⁺Ἰωάννου, ἤρξατο λέγειν⁺τοῖς ὄχλοις περὶ⁺Ἰωάννου,Τί⁺ἐξεληλύθατε εἰς τὴν ἔρημον θεάσασθαι; Κάλαμον ὑπὸ ἀνέμου σαλευόμενον;^{Verse 25}Ἀλλὰ τί⁺ἐξεληλύθατε ἰδεῖν; Ἄνθρωπον ἐν μαλακοῖς ἱματίοις ἠμφιεσμένον; Ἰδού, οἱ ἐν ἱματισμῷ ἐνδόξῳ καὶ τρυφῇ ὑπάρχοντες ἐν τοῖς βασιλείοις εἰσίν.^{Verse 26}Ἀλλὰ τί⁺ἐξεληλύθατε ἰδεῖν; Προφήτην; Ναί, λέγω ὑμῖν, καὶ περισσότερον προφήτου.^{Verse 27}Οὗτός ἐστι περὶ οὗ γέγραπται,
Ἰδού,⁺ἐγὼ ἀποστέλλω τὸν ἄγγελόν μου πρὸ προσώπου σου,
ὃς κατασκευάσει τὴν ὁδόν σου ἔμπροσθέν σου.^{Verse 28}Λέγω⁺γὰρ ὑμῖν, μείζων ἐν γεννητοῖς γυναικῶν⁺προφήτης⁺Ἰωάννου τοῦ βαπτιστοῦ οὐδείς ἐστιν· ὁ δὲ⁺μικρότερος ἐν τῇ βασιλείᾳ τοῦ Θεοῦ μείζων αὐτοῦ ἐστι.^{Verse 29}Καὶ πᾶς ὁ λαὸς ἀκούσας καὶ οἱ τελῶναι ἐδικαίωσαν τὸν Θεόν, βαπτισθέντες τὸ βάπτισμα⁺Ἰωάννου·^{Verse 30}οἱ δὲ Φαρισαῖοι καὶ οἱ νομικοὶ τὴν βουλὴν τοῦ Θεοῦ ἠθέτησαν εἰς ἑαυτούς, μὴ βαπτισθέντες ὑπ᾽ αὐτοῦ.^{Verse 31+}Τίνι οὖν ὁμοιώσω τοὺς ἀνθρώπους τῆς γενεᾶς ταύτης, καὶ τίνι εἰσὶν ὅμοιοι;^{Verse 32}Ὅμοιοί εἰσι παιδίοις τοῖς ἐν ἀγορᾷ καθημένοις, καὶ προσφωνοῦσιν ἀλλήλοις,⁺καὶ λέγουσιν,
Ηὐλήσαμεν ὑμῖν, καὶ οὐκ ὠρχήσασθε·
ἐθρηνήσαμεν⁺ὑμῖν, καὶ οὐκ ἐκλαύσατε.^{Verse 33}Ἐλήλυθε γὰρ⁺Ἰωάννης ὁ βαπτιστὴς⁺μήτε ἄρτον ἐσθίων μήτε⁺οἶνον πίνων, καὶ λέγετε, Δαιμόνιον ἔχει·^{Verse 34}ἐλήλυθεν ὁ υἱὸς τοῦ ἀνθρώπου⁺ἐσθίων καὶ πίνων, καὶ λέγετε, Ἰδού, ἄνθρωπος φάγος καὶ οἰνοπότης,⁺φίλος τελωνῶν καὶ ἁμαρτωλῶν.^{Verse 35}Καὶ ἐδικαιώθη ἡ σοφία ἀπὸ⁺τῶν τέκνων αὐτῆς πάντων.

Jesus Forgives a Sinful Woman

^{Verse 36}Ἠρώτα δέ τις αὐτὸν τῶν Φαρισαίων ἵνα φάγῃ μετ᾽ αὐτοῦ· καὶ εἰσελθὼν εἰς⁺τὴν οἰκίαν τοῦ Φαρισαίου⁺ἀνεκλίθη.^{Verse 37}Καὶ ἰδού, γυνὴ⁺ἐν τῇ πόλει, ἥτις ἦν ἁμαρτωλός,⁺ἐπιγνοῦσα ὅτι⁺ἀνάκειται ἐν τῇ οἰκίᾳ τοῦ Φαρισαίου, κομίσασα ἀλάβαστρον μύρου,^{Verse 38}καὶ στᾶσα⁺παρὰ τοὺς πόδας αὐτοῦ ὀπίσω κλαίουσα,⁺ἤρξατο βρέχειν τοὺς πόδας αὐτοῦ τοῖς δάκρυσι, καὶ ταῖς θριξὶ τῆς κεφαλῆς αὐτῆς ἐξέμασσε, καὶ κατεφίλει τοὺς πόδας αὐτοῦ, καὶ ἤλειφε τῷ μύρῳ.^{Verse 39}Ἰδὼν δὲ ὁ Φαρισαῖος ὁ καλέσας αὐτὸν εἶπεν ἐν ἑαυτῷ λέγων, Οὗτος, εἰ ἦν⁺προφήτης,⁺ἐγίνωσκεν ἂν τίς καὶ ποταπὴ ἡ γυνὴ ἥτις ἅπτεται αὐτοῦ, ὅτι ἁμαρτωλός ἐστι.^{Verse 40}Καὶ ἀποκριθεὶς ὁ Ἰησοῦς εἶπε πρὸς αὐτόν,Σίμων, ἔχω σοί τι εἰπεῖν.Ὁ δέ⁺φησι, Διδάσκαλε, εἰπέ.^{Verse 41}Δύο⁺χρεωφειλέται ἦσαν⁺δανειστῇ τινι· ὁ εἷς ὤφειλε δηνάρια πεντακόσια, ὁ δὲ ἕτερος πεντήκοντα.^{Verse 42}Μὴ ἐχόντων⁺δὲ αὐτῶν ἀποδοῦναι, ἀμφοτέροις ἐχαρίσατο. Τίς οὖν αὐτῶν,⁺εἰπέ, πλεῖον⁺αὐτὸν ἀγαπήσει;^{Verse 43}Ἀποκριθεὶς⁺δὲ⁺ὁ Σίμων εἶπεν, Ὑπολαμβάνω ὅτι ᾧ τὸ πλεῖον ἐχαρίσατο. Ὁ δὲ εἶπεν αὐτῷ,Ὀρθῶς ἔκρινας.^{Verse 44}Καὶ στραφεὶς πρὸς τὴν γυναῖκα, τῷ Σίμωνι ἔφη,Βλέπεις ταύτην τὴν γυναῖκα; Εἰσῆλθόν σου εἰς τὴν οἰκίαν, ὕδωρ⁺ἐπὶ τοὺς πόδας μου οὐκ ἔδωκας· αὕτη δὲ τοῖς δάκρυσιν ἔβρεξέ μου τοὺς πόδας, καὶ ταῖς θριξὶ⁺τῆς κεφαλῆς αὐτῆς ἐξέμαξε.^{Verse 45}Φίλημά μοι οὐκ ἔδωκας· αὕτη δέ, ἀφ᾽ ἧς⁺εἰσῆλθον, οὐ διέλιπε καταφιλοῦσά μου τοὺς πόδας.^{Verse 46}Ἐλαίῳ τὴν κεφαλήν μου οὐκ ἤλειψας· αὕτη δὲ μύρῳ ἤλειψέ⁺μου τοὺς πόδας.^{Verse 47}Οὗ χάριν, λέγω σοι, ἀφέωνται αἱ ἁμαρτίαι αὐτῆς αἱ πολλαί, ὅτι ἠγάπησε πολύ· ᾧ δὲ ὀλίγον ἀφίεται, ὀλίγον ἀγαπᾷ.^{Verse 48}Εἶπε δὲ αὐτῇ,Ἀφέωνταί σου αἱ ἁμαρτίαι.^{Verse 49}Καὶ ἤρξαντο οἱ συνανακείμενοι λέγειν ἐν ἑαυτοῖς, Τίς οὗτός ἐστιν ὃς καὶ ἁμαρτίας ἀφίησιν;^{Verse 50}Εἶπε δὲ πρὸς τὴν γυναῖκα,Ἡ πίστις σου σέσωκέ σε· πορεύου εἰς εἰρήνην.