Luke 4 — TCG

The Temptation of Jesus

4Verse 1Ἰησοῦς δὲ⁺Πνεύματος Ἁγίου πλήρης ὑπέστρεψεν ἀπὸ τοῦ Ἰορδάνου, καὶ ἤγετο ἐν τῷ πνεύματι⁺εἰς τὴν ἔρημον,^{Verse 2}ἡμέρας⁺τεσσαράκοντα πειραζόμενος ὑπὸ τοῦ διαβόλου. Καὶ οὐκ ἔφαγεν οὐδὲν ἐν ταῖς ἡμέραις ἐκείναις· καὶ συντελεσθεισῶν αὐτῶν,⁺ὕστερον ἐπείνασε.^{Verse 3+}Καὶ εἶπεν αὐτῷ ὁ διάβολος, Εἰ υἱὸς εἶ τοῦ Θεοῦ, εἰπὲ τῷ λίθῳ τούτῳ ἵνα γένηται ἄρτος.^{Verse 4}Καὶ ἀπεκρίθη⁺Ἰησοῦς πρὸς αὐτόν,⁺λέγων,Γέγραπται ὅτι Οὐκ ἐπ᾽ ἄρτῳ μόνῳ ζήσεται⁺ἄνθρωπος,⁺ἀλλ᾽ ἐπὶ παντὶ ῥήματι Θεοῦ.^{Verse 5}Καὶ ἀναγαγὼν αὐτὸν⁺ὁ διάβολος εἰς ὄρος ὑψηλὸν ἔδειξεν αὐτῷ πάσας τὰς βασιλείας τῆς οἰκουμένης ἐν στιγμῇ χρόνου.^{Verse 6}Καὶ εἶπεν αὐτῷ ὁ διάβολος, Σοὶ δώσω τὴν ἐξουσίαν ταύτην ἅπασαν καὶ τὴν δόξαν αὐτῶν· ὅτι ἐμοὶ παραδέδοται, καὶ ᾧ⁺ἐὰν θέλω δίδωμι αὐτήν.^{Verse 7}Σὺ οὖν ἐὰν προσκυνήσῃς ἐνώπιον⁺ἐμοῦ, ἔσται⁺σοῦ⁺πᾶσα.^{Verse 8}Καὶ ἀποκριθεὶς⁺αὐτῷ εἶπεν ὁ Ἰησοῦς,⁺Ὕπαγε ὀπίσω μου, Σατανᾶ·⁺γέγραπται,
⁺Προσκυνήσεις Κύριον τὸν Θεόν σου,
καὶ αὐτῷ μόνῳ λατρεύσεις.^{Verse 9+}Καὶ ἤγαγεν αὐτὸν εἰς⁺Ἱερουσαλήμ, καὶ ἔστησεν⁺αὐτὸν ἐπὶ τὸ πτερύγιον τοῦ ἱεροῦ, καὶ εἶπεν αὐτῷ, Εἰ⁺υἱὸς εἶ τοῦ Θεοῦ, βάλε σεαυτὸν ἐντεῦθεν κάτω·^{Verse 10}γέγραπται γὰρ ὅτι
Τοῖς ἀγγέλοις αὐτοῦ ἐντελεῖται περὶ σοῦ,
τοῦ διαφυλάξαι σε·^{Verse 11+}καί,
Ἐπὶ χειρῶν ἀροῦσί σε,
μήποτε προσκόψῃς πρὸς λίθον τὸν πόδα σου.^{Verse 12}Καὶ ἀποκριθεὶς εἶπεν αὐτῷ ὁ Ἰησοῦς ὅτι Εἴρηται,Οὐκ ἐκπειράσεις Κύριον τὸν Θεόν σου.^{Verse 13}Καὶ συντελέσας πάντα πειρασμὸν ὁ διάβολος ἀπέστη ἀπ᾽ αὐτοῦ ἄχρι καιροῦ.

Jesus Begins His Ministry

^{Verse 14}Καὶ ὑπέστρεψεν ὁ Ἰησοῦς ἐν τῇ δυνάμει τοῦ πνεύματος εἰς τὴν Γαλιλαίαν· καὶ φήμη ἐξῆλθε καθ᾽ ὅλης τῆς περιχώρου περὶ αὐτοῦ.^{Verse 15}Καὶ αὐτὸς ἐδίδασκεν ἐν ταῖς συναγωγαῖς αὐτῶν, δοξαζόμενος ὑπὸ πάντων.

Jesus Rejected at Nazareth

^{Verse 16}Καὶ ἦλθεν εἰς⁺τὴν⁺Ναζαρέτ, οὗ ἦν τεθραμμένος· καὶ εἰσῆλθε, κατὰ τὸ εἰωθὸς αὐτῷ, ἐν τῇ ἡμέρᾳ τῶν σαββάτων εἰς τὴν συναγωγήν, καὶ ἀνέστη ἀναγνῶναι.^{Verse 17}Καὶ ἐπεδόθη αὐτῷ βιβλίον⁺Ἠσαΐου τοῦ προφήτου. Καὶ⁺ἀναπτύξας τὸ βιβλίον, εὗρε τὸν τόπον οὗ ἦν γεγραμμένον,^{Verse 18}Πνεῦμα Κυρίου ἐπ᾽ ἐμέ,
οὗ⁺εἵνεκεν ἔχρισέ με
⁺εὐαγγελίσασθαι πτωχοῖς·
ἀπέσταλκέ με⁺ἰάσασθαι τοὺς συντετριμμένους τὴν καρδίαν·
κηρύξαι αἰχμαλώτοις ἄφεσιν,
καὶ τυφλοῖς ἀνάβλεψιν,
ἀποστεῖλαι τεθραυσμένους ἐν ἀφέσει,
^{Verse 19}κηρύξαι ἐνιαυτὸν Κυρίου δεκτόν.^{Verse 20}Καὶ πτύξας τὸ βιβλίον, ἀποδοὺς τῷ ὑπηρέτῃ, ἐκάθισε· καὶ πάντων⁺ἐν τῇ συναγωγῇ οἱ ὀφθαλμοὶ ἦσαν ἀτενίζοντες αὐτῷ.^{Verse 21}Ἤρξατο δὲ λέγειν πρὸς αὐτοὺς ὅτιΣήμερον πεπλήρωται ἡ γραφὴ αὕτη ἐν τοῖς ὠσὶν ὑμῶν.^{Verse 22}Καὶ πάντες ἐμαρτύρουν αὐτῷ, καὶ ἐθαύμαζον ἐπὶ τοῖς λόγοις τῆς χάριτος τοῖς ἐκπορευομένοις ἐκ τοῦ στόματος αὐτοῦ, καὶ ἔλεγον,⁺Οὐχ οὗτός ἐστιν ὁ υἱὸς Ἰωσήφ;^{Verse 23}Καὶ εἶπε πρὸς αὐτούς,Πάντως ἐρεῖτέ μοι τὴν παραβολὴν ταύτην, Ἰατρέ, θεράπευσον σεαυτόν· ὅσα ἠκούσαμεν γενόμενα⁺ἐν τῇ⁺Καπερναούμ, ποίησον καὶ ὧδε ἐν τῇ πατρίδι σου.^{Verse 24}Εἶπε δέ,Ἀμὴν λέγω ὑμῖν ὅτι οὐδεὶς προφήτης δεκτός ἐστιν ἐν τῇ πατρίδι αὐτοῦ.^{Verse 25}Ἐπ᾽ ἀληθείας δὲ λέγω ὑμῖν, πολλαὶ χῆραι ἦσαν ἐν ταῖς ἡμέραις⁺Ἠλίου ἐν τῷ Ἰσραήλ, ὅτε ἐκλείσθη ὁ οὐρανὸς⁺ἐπὶ ἔτη τρία καὶ μῆνας ἕξ, ὡς ἐγένετο⁺λιμὸς μέγας ἐπὶ πᾶσαν τὴν γῆν·^{Verse 26}καὶ πρὸς οὐδεμίαν αὐτῶν ἐπέμφθη⁺Ἠλίας, εἰ μὴ εἰς⁺Σάρεπτα τῆς⁺Σιδῶνος πρὸς γυναῖκα χήραν.^{Verse 27}Καὶ πολλοὶ λεπροὶ ἦσαν⁺ἐπὶ Ἐλισσαίου τοῦ προφήτου ἐν τῷ Ἰσραήλ· καὶ οὐδεὶς αὐτῶν ἐκαθαρίσθη, εἰ μὴ⁺Νεεμὰν ὁ Σύρος.^{Verse 28}Καὶ ἐπλήσθησαν πάντες θυμοῦ ἐν τῇ συναγωγῇ, ἀκούοντες ταῦτα,^{Verse 29}καὶ ἀναστάντες ἐξέβαλον αὐτὸν ἔξω τῆς πόλεως, καὶ ἤγαγον αὐτὸν ἕως⁺ὀφρύος τοῦ ὄρους ἐφ᾽ οὗ ἡ πόλις⁺αὐτῶν ᾠκοδόμητο,⁺εἰς τὸ κατακρημνίσαι αὐτόν.^{Verse 30}Αὐτὸς δὲ διελθὼν διὰ μέσου αὐτῶν ἐπορεύετο.

Jesus Casts Out an Unclean Spirit

^{Verse 31}Καὶ κατῆλθεν εἰς⁺Καπερναοὺμ πόλιν τῆς Γαλιλαίας· καὶ ἦν διδάσκων αὐτοὺς ἐν τοῖς σάββασι.^{Verse 32}Καὶ ἐξεπλήσσοντο ἐπὶ τῇ διδαχῇ αὐτοῦ, ὅτι ἐν ἐξουσίᾳ ἦν ὁ λόγος αὐτοῦ.^{Verse 33}Καὶ ἐν τῇ συναγωγῇ ἦν ἄνθρωπος ἔχων πνεῦμα δαιμονίου ἀκαθάρτου, καὶ ἀνέκραξε φωνῇ μεγάλῃ,^{Verse 34+}λέγων, Ἔα, τί ἡμῖν καὶ σοί, Ἰησοῦ Ναζαρηνέ; Ἦλθες ἀπολέσαι ἡμᾶς; Οἶδά σε τίς εἶ, ὁ ἅγιος τοῦ Θεοῦ.^{Verse 35}Καὶ ἐπετίμησεν αὐτῷ ὁ Ἰησοῦς, λέγων,Φιμώθητι, καὶ ἔξελθε⁺ἐξ αὐτοῦ.Καὶ ῥίψαν αὐτὸν τὸ δαιμόνιον εἰς⁺μέσον ἐξῆλθεν ἀπ᾽ αὐτοῦ, μηδὲν βλάψαν αὐτόν.^{Verse 36}Καὶ ἐγένετο θάμβος ἐπὶ πάντας, καὶ συνελάλουν πρὸς ἀλλήλους, λέγοντες, Τίς ὁ λόγος οὗτος, ὅτι ἐν ἐξουσίᾳ καὶ δυνάμει ἐπιτάσσει τοῖς ἀκαθάρτοις πνεύμασι, καὶ ἐξέρχονται;^{Verse 37}Καὶ ἐξεπορεύετο ἦχος περὶ αὐτοῦ εἰς πάντα τόπον τῆς περιχώρου.

Jesus Heals Many

^{Verse 38}Ἀναστὰς δὲ⁺ἐκ τῆς συναγωγῆς, εἰσῆλθεν εἰς τὴν οἰκίαν Σίμωνος·⁺πενθερὰ δὲ τοῦ Σίμωνος ἦν συνεχομένη πυρετῷ μεγάλῳ· καὶ ἠρώτησαν αὐτὸν περὶ αὐτῆς.^{Verse 39}Καὶ ἐπιστὰς ἐπάνω αὐτῆς, ἐπετίμησε τῷ πυρετῷ, καὶ ἀφῆκεν αὐτήν· παραχρῆμα δὲ ἀναστᾶσα διηκόνει αὐτοῖς.^{Verse 40}Δύνοντος δὲ τοῦ ἡλίου,⁺πάντες ὅσοι εἶχον ἀσθενοῦντας νόσοις ποικίλαις ἤγαγον αὐτοὺς πρὸς αὐτόν· ὁ δὲ ἑνὶ ἑκάστῳ αὐτῶν τὰς χεῖρας⁺ἐπιθεὶς⁺ἐθεράπευσεν αὐτούς.^{Verse 41}Ἐξήρχετο δὲ καὶ δαιμόνια ἀπὸ πολλῶν,⁺κράζοντα καὶ λέγοντα ὅτι Σὺ εἶ⁺ὁ Χριστὸς ὁ υἱὸς τοῦ Θεοῦ. Καὶ ἐπιτιμῶν οὐκ εἴα αὐτὰ λαλεῖν, ὅτι ᾔδεισαν τὸν Χριστὸν αὐτὸν εἶναι.

Jesus Preaches in Galilee

^{Verse 42}Γενομένης δὲ ἡμέρας, ἐξελθὼν ἐπορεύθη εἰς ἔρημον τόπον, καὶ οἱ ὄχλοι⁺ἐπεζήτουν αὐτόν, καὶ ἦλθον ἕως αὐτοῦ, καὶ κατεῖχον αὐτὸν τοῦ μὴ πορεύεσθαι ἀπ᾽ αὐτῶν.^{Verse 43}Ὁ δὲ εἶπε πρὸς αὐτοὺς ὅτιΚαὶ ταῖς ἑτέραις πόλεσιν εὐαγγελίσασθαί με δεῖ τὴν βασιλείαν τοῦ Θεοῦ· ὅτι⁺εἰς τοῦτο⁺ἀπέσταλμαι.^{Verse 44}Καὶ ἦν κηρύσσων⁺ἐν ταῖς συναγωγαῖς τῆς Γαλιλαίας.