Luke 3 — TCG

The Preaching of John the Baptist

3Verse 1Ἐν ἔτει δὲ πεντεκαιδεκάτῳ τῆς ἡγεμονίας Τιβερίου Καίσαρος, ἡγεμονεύοντος Ποντίου⁺Πιλάτου τῆς Ἰουδαίας, καὶ⁺τετραρχοῦντος τῆς Γαλιλαίας Ἡρῴδου, Φιλίππου δὲ τοῦ ἀδελφοῦ αὐτοῦ⁺τετραρχοῦντος τῆς Ἰτουραίας καὶ Τραχωνίτιδος χώρας, καὶ Λυσανίου τῆς⁺Ἀβιληνῆς⁺τετραρχοῦντος,^{Verse 2+}ἐπὶ⁺ἀρχιερέως Ἄννα καὶ Καϊάφα, ἐγένετο ῥῆμα Θεοῦ ἐπὶ⁺Ἰωάννην τὸν⁺Ζαχαρίου υἱὸν ἐν τῇ ἐρήμῳ.^{Verse 3}Καὶ ἦλθεν εἰς πᾶσαν⁺τὴν περίχωρον τοῦ Ἰορδάνου, κηρύσσων βάπτισμα μετανοίας εἰς ἄφεσιν ἁμαρτιῶν·^{Verse 4}ὡς γέγραπται ἐν βίβλῳ λόγων Ἠσαΐου τοῦ προφήτου,⁺λέγοντος,
Φωνὴ βοῶντος ἐν τῇ ἐρήμῳ,
Ἑτοιμάσατε τὴν ὁδὸν Κυρίου·
εὐθείας ποιεῖτε τὰς τρίβους αὐτοῦ.
^{Verse 5}Πᾶσα φάραγξ πληρωθήσεται,
καὶ πᾶν ὄρος καὶ βουνὸς ταπεινωθήσεται·
καὶ ἔσται τὰ σκολιὰ εἰς⁺εὐθεῖαν,
καὶ αἱ τραχεῖαι εἰς ὁδοὺς λείας·
^{Verse 6}καὶ ὄψεται πᾶσα σὰρξ τὸ σωτήριον τοῦ Θεοῦ.^{Verse 7}Ἔλεγεν οὖν τοῖς ἐκπορευομένοις ὄχλοις βαπτισθῆναι ὑπ᾽ αὐτοῦ, Γεννήματα ἐχιδνῶν, τίς ὑπέδειξεν ὑμῖν φυγεῖν ἀπὸ τῆς μελλούσης ὀργῆς;^{Verse 8}Ποιήσατε οὖν καρποὺς ἀξίους τῆς μετανοίας· καὶ μὴ ἄρξησθε λέγειν ἐν ἑαυτοῖς, Πατέρα ἔχομεν τὸν Ἀβραάμ· λέγω γὰρ ὑμῖν ὅτι δύναται ὁ Θεὸς ἐκ τῶν λίθων τούτων ἐγεῖραι τέκνα τῷ Ἀβραάμ.^{Verse 9}Ἤδη δὲ καὶ ἡ ἀξίνη πρὸς τὴν ῥίζαν τῶν δένδρων κεῖται· πᾶν οὖν δένδρον μὴ ποιοῦν καρπὸν καλὸν ἐκκόπτεται καὶ εἰς πῦρ βάλλεται.^{Verse 10}Καὶ ἐπηρώτων αὐτὸν οἱ ὄχλοι λέγοντες, Τί οὖν⁺ποιήσομεν;^{Verse 11}Ἀποκριθεὶς δὲ⁺λέγει αὐτοῖς, Ὁ ἔχων δύο χιτῶνας μεταδότω τῷ μὴ ἔχοντι· καὶ ὁ ἔχων βρώματα ὁμοίως ποιείτω.^{Verse 12}Ἦλθον δὲ καὶ τελῶναι⁺βαπτισθῆναι, καὶ⁺εἶπον πρὸς αὐτόν, Διδάσκαλε, τί⁺ποιήσομεν;^{Verse 13}Ὁ δὲ εἶπε πρὸς αὐτούς, Μηδὲν πλέον παρὰ τὸ διατεταγμένον ὑμῖν πράσσετε.^{Verse 14}Ἐπηρώτων δὲ αὐτὸν καὶ στρατευόμενοι, λέγοντες,⁺Καὶ ἡμεῖς τί ποιήσομεν; Καὶ εἶπε⁺πρὸς αὐτούς, Μηδένα⁺διασείσητε, μηδὲ συκοφαντήσητε· καὶ ἀρκεῖσθε τοῖς ὀψωνίοις ὑμῶν.^{Verse 15}Προσδοκῶντος δὲ τοῦ λαοῦ, καὶ διαλογιζομένων πάντων ἐν ταῖς καρδίαις αὐτῶν περὶ τοῦ⁺Ἰωάννου, μήποτε αὐτὸς εἴη ὁ Χριστός,^{Verse 16}ἀπεκρίνατο⁺ὁ Ἰωάννης, ἅπασι λέγων, Ἐγὼ μὲν ὕδατι βαπτίζω ὑμᾶς· ἔρχεται δὲ ὁ ἰσχυρότερός μου, οὗ οὐκ εἰμὶ ἱκανὸς λῦσαι τὸν ἱμάντα τῶν ὑποδημάτων αὐτοῦ· αὐτὸς ὑμᾶς βαπτίσει ἐν Πνεύματι Ἁγίῳ καὶ πυρί·^{Verse 17}οὗ τὸ πτύον ἐν τῇ χειρὶ αὐτοῦ,⁺καὶ διακαθαριεῖ τὴν ἅλωνα αὐτοῦ, καὶ συνάξει τὸν σῖτον εἰς τὴν ἀποθήκην αὐτοῦ, τὸ δὲ ἄχυρον κατακαύσει πυρὶ ἀσβέστῳ.^{Verse 18}Πολλὰ μὲν οὖν καὶ ἕτερα παρακαλῶν εὐηγγελίζετο⁺τὸν λαόν·^{Verse 19}ὁ δὲ Ἡρῴδης ὁ⁺τετράρχης, ἐλεγχόμενος ὑπ᾽ αὐτοῦ περὶ Ἡρῳδιάδος τῆς γυναικὸς⁺τοῦ ἀδελφοῦ αὐτοῦ, καὶ περὶ πάντων ὧν ἐποίησε πονηρῶν ὁ Ἡρῴδης,^{Verse 20}προσέθηκε καὶ τοῦτο ἐπὶ πᾶσι,⁺καὶ κατέκλεισε τὸν⁺Ἰωάννην ἐν⁺τῇ φυλακῇ.

The Baptism of Jesus

^{Verse 21}Ἐγένετο δὲ ἐν τῷ βαπτισθῆναι ἅπαντα τὸν λαόν, καὶ Ἰησοῦ βαπτισθέντος καὶ προσευχομένου, ἀνεῳχθῆναι τὸν οὐρανόν,^{Verse 22}καὶ καταβῆναι τὸ Πνεῦμα τὸ Ἅγιον σωματικῷ εἴδει⁺ὡσεὶ περιστερὰν ἐπ᾽ αὐτόν, καὶ φωνὴν ἐξ οὐρανοῦ γενέσθαι,⁺λέγουσαν, Σὺ εἶ ὁ υἱός μου ὁ ἀγαπητός, ἐν σοὶ⁺εὐδόκησα.

The Genealogy of Jesus

^{Verse 23}Καὶ αὐτὸς ἦν⁺ὁ Ἰησοῦς⁺ὡσεὶ ἐτῶν τριάκοντα ἀρχόμενος, ὢν—⁺ὡς ἐνομίζετο—υἱὸς Ἰωσήφ, τοῦ⁺Ἡλί,^{Verse 24}τοῦ⁺Ματθάτ, τοῦ⁺Λευΐ, τοῦ⁺Μελχί, τοῦ⁺Ἰαννά, τοῦ Ἰωσήφ,^{Verse 25}τοῦ Ματταθίου, τοῦ Ἀμώς, τοῦ Ναούμ, τοῦ⁺Ἐσλί, τοῦ Ναγγαί,^{Verse 26}τοῦ Μαάθ, τοῦ Ματταθίου, τοῦ⁺Σεμεΐ, τοῦ⁺Ἰωσήφ, τοῦ⁺Ἰούδα,^{Verse 27}τοῦ⁺Ἰωανάν, τοῦ Ῥησά, τοῦ Ζοροβάβελ, τοῦ Σαλαθιήλ, τοῦ⁺Νηρί,^{Verse 28}τοῦ⁺Μελχί, τοῦ⁺Ἀδδί, τοῦ Κωσάμ, τοῦ⁺Ἐλμωδάμ, τοῦ Ἤρ,^{Verse 29}τοῦ⁺Ἰωσή, τοῦ Ἐλιέζερ, τοῦ⁺Ἰωρείμ, τοῦ⁺Ματθάτ, τοῦ⁺Λευΐ,^{Verse 30}τοῦ⁺Συμεών, τοῦ Ἰούδα, τοῦ Ἰωσήφ, τοῦ⁺Ἰωνάν, τοῦ⁺Ἐλιακείμ,^{Verse 31}τοῦ Μελεᾶ, τοῦ⁺Μαϊνάν, τοῦ Ματταθά, τοῦ⁺Ναθάν, τοῦ⁺Δαυίδ,^{Verse 32}τοῦ Ἰεσσαί, τοῦ⁺Ὠβήδ, τοῦ⁺Βοόζ, τοῦ⁺Σαλμών, τοῦ Ναασσών,^{Verse 33}τοῦ⁺Ἀμιναδάβ, τοῦ⁺Ἀράμ, τοῦ⁺Ἑσρώμ, τοῦ Φαρές, τοῦ Ἰούδα,^{Verse 34}τοῦ Ἰακώβ, τοῦ Ἰσαάκ, τοῦ Ἀβραάμ, τοῦ⁺Θάρα, τοῦ Ναχώρ,^{Verse 35}τοῦ⁺Σερούχ, τοῦ⁺Ῥαγαῦ, τοῦ⁺Φάλεγ, τοῦ Ἑβέρ, τοῦ Σαλά,^{Verse 36}τοῦ⁺Καϊνάν, τοῦ Ἀρφαξάδ, τοῦ Σήμ, τοῦ Νῶε, τοῦ Λάμεχ,^{Verse 37}τοῦ Μαθουσάλα, τοῦ Ἐνώχ, τοῦ⁺Ἰαρέδ, τοῦ Μαλελεήλ, τοῦ⁺Καϊνάν,^{Verse 38}τοῦ Ἐνώς, τοῦ Σήθ, τοῦ Ἀδάμ, τοῦ Θεοῦ.