Luke 24 — TCG

The Resurrection

24Verse 1Τῇ δὲ μιᾷ τῶν σαββάτων, ὄρθρου⁺βαθέος,⁺ἦλθον ἐπὶ τὸ μνῆμα, φέρουσαι ἃ ἡτοίμασαν ἀρώματα,⁺καί τινες σὺν αὐταῖς.^{Verse 2}Εὗρον δὲ τὸν λίθον ἀποκεκυλισμένον ἀπὸ τοῦ μνημείου.^{Verse 3+}Καὶ εἰσελθοῦσαι οὐχ εὗρον τὸ σῶμα⁺τοῦ Κυρίου Ἰησοῦ.^{Verse 4}Καὶ ἐγένετο ἐν τῷ⁺διαπορεῖσθαι αὐτὰς περὶ τούτου, καὶ ἰδού,⁺ἄνδρες δύο ἐπέστησαν αὐταῖς ἐν⁺ἐσθήσεσιν ἀστραπτούσαις·^{Verse 5}ἐμφόβων δὲ γενομένων αὐτῶν, καὶ⁺κλινουσῶν τὸ πρόσωπον εἰς τὴν γῆν,⁺εἶπον πρὸς αὐτάς, Τί ζητεῖτε τὸν ζῶντα μετὰ τῶν νεκρῶν;^{Verse 6}Οὐκ ἔστιν ὧδε,⁺ἀλλ᾽ ἠγέρθη· μνήσθητε ὡς ἐλάλησεν ὑμῖν, ἔτι ὢν ἐν τῇ Γαλιλαίᾳ,^{Verse 7}λέγων⁺ὅτι δεῖ τὸν υἱὸν τοῦ ἀνθρώπου παραδοθῆναι εἰς χεῖρας ἀνθρώπων ἁμαρτωλῶν, καὶ σταυρωθῆναι, καὶ τῇ τρίτῃ ἡμέρᾳ ἀναστῆναι.^{Verse 8}Καὶ ἐμνήσθησαν τῶν ῥημάτων αὐτοῦ,^{Verse 9}καὶ ὑποστρέψασαι ἀπὸ τοῦ μνημείου, ἀπήγγειλαν ταῦτα πάντα τοῖς ἕνδεκα καὶ πᾶσι τοῖς λοιποῖς.^{Verse 10}Ἦσαν δὲ ἡ Μαγδαληνὴ Μαρία καὶ⁺Ἰωάννα καὶ Μαρία⁺Ἰακώβου, καὶ αἱ λοιπαὶ σὺν αὐταῖς,⁺αἳ ἔλεγον πρὸς τοὺς ἀποστόλους ταῦτα.^{Verse 11}Καὶ ἐφάνησαν ἐνώπιον αὐτῶν ὡσεὶ λῆρος τὰ ῥήματα⁺αὐτῶν, καὶ ἠπίστουν αὐταῖς.^{Verse 12}Ὁ δὲ Πέτρος ἀναστὰς ἔδραμεν ἐπὶ τὸ μνημεῖον, καὶ παρακύψας βλέπει τὰ ὀθόνια⁺κείμενα μόνα· καὶ ἀπῆλθε πρὸς⁺ἑαυτὸν θαυμάζων τὸ γεγονός.

The Road to Emmaus

^{Verse 13}Καὶ ἰδού, δύο ἐξ αὐτῶν⁺ἦσαν πορευόμενοι ἐν αὐτῇ τῇ ἡμέρᾳ εἰς κώμην ἀπέχουσαν σταδίους ἑξήκοντα ἀπὸ Ἱερουσαλήμ, ᾗ ὄνομα Ἐμμαούς.^{Verse 14}Καὶ αὐτοὶ ὡμίλουν πρὸς ἀλλήλους περὶ πάντων τῶν συμβεβηκότων τούτων.^{Verse 15}Καὶ ἐγένετο ἐν τῷ ὁμιλεῖν αὐτοὺς καὶ⁺συζητεῖν, καὶ αὐτὸς⁺ὁ Ἰησοῦς ἐγγίσας συνεπορεύετο αὐτοῖς.^{Verse 16}Οἱ δὲ ὀφθαλμοὶ αὐτῶν ἐκρατοῦντο τοῦ μὴ ἐπιγνῶναι αὐτόν.^{Verse 17}Εἶπε δὲ πρὸς αὐτούς,Τίνες οἱ λόγοι οὗτοι οὓς ἀντιβάλλετε πρὸς ἀλλήλους περιπατοῦντες, καί⁺ἐστε σκυθρωποί;^{Verse 18}Ἀποκριθεὶς δὲ⁺ὁ εἷς, ᾧ ὄνομα Κλεοπᾶς, εἶπε πρὸς αὐτόν, Σὺ μόνος παροικεῖς⁺Ἱερουσαλήμ, καὶ οὐκ ἔγνως τὰ γενόμενα ἐν αὐτῇ ἐν ταῖς ἡμέραις ταύταις;^{Verse 19}Καὶ εἶπεν αὐτοῖς,Ποῖα;Οἱ δὲ⁺εἶπον αὐτῷ, Τὰ περὶ Ἰησοῦ τοῦ⁺Ναζωραίου,⁺ὃς ἐγένετο ἀνὴρ προφήτης δυνατὸς ἐν ἔργῳ καὶ λόγῳ ἐναντίον τοῦ Θεοῦ καὶ παντὸς τοῦ λαοῦ·^{Verse 20}ὅπως τε παρέδωκαν αὐτὸν οἱ ἀρχιερεῖς καὶ οἱ ἄρχοντες ἡμῶν εἰς κρίμα θανάτου, καὶ ἐσταύρωσαν αὐτόν.^{Verse 21}Ἡμεῖς δὲ ἠλπίζομεν ὅτι αὐτός ἐστιν ὁ μέλλων λυτροῦσθαι τὸν Ἰσραήλ. Ἀλλά⁺γε σὺν πᾶσι τούτοις τρίτην ταύτην ἡμέραν ἄγει⁺σήμερον ἀφ᾽ οὗ ταῦτα ἐγένετο.^{Verse 22}Ἀλλὰ καὶ γυναῖκές τινες ἐξ ἡμῶν ἐξέστησαν ἡμᾶς, γενόμεναι⁺ὄρθριαι ἐπὶ τὸ μνημεῖον·^{Verse 23}καὶ μὴ εὑροῦσαι τὸ σῶμα αὐτοῦ,⁺ἦλθον λέγουσαι καὶ ὀπτασίαν ἀγγέλων ἑωρακέναι, οἳ λέγουσιν αὐτὸν ζῇν.^{Verse 24}Καὶ⁺ἀπῆλθόν τινες τῶν σὺν ἡμῖν ἐπὶ τὸ μνημεῖον, καὶ εὗρον οὕτω καθὼς⁺καὶ αἱ γυναῖκες εἶπον· αὐτὸν δὲ οὐκ εἶδον.^{Verse 25}Καὶ αὐτὸς εἶπε πρὸς αὐτούς,Ὦ ἀνόητοι καὶ βραδεῖς τῇ καρδίᾳ τοῦ πιστεύειν ἐπὶ πᾶσιν οἷς ἐλάλησαν οἱ προφῆται·^{Verse 26}οὐχὶ ταῦτα ἔδει παθεῖν τὸν Χριστόν, καὶ εἰσελθεῖν εἰς τὴν δόξαν αὐτοῦ;^{Verse 27}Καὶ ἀρξάμενος ἀπὸ⁺Μωσέως καὶ ἀπὸ πάντων τῶν προφητῶν,⁺διηρμήνευεν αὐτοῖς ἐν πάσαις ταῖς γραφαῖς τὰ περὶ ἑαυτοῦ.^{Verse 28}Καὶ ἤγγισαν εἰς τὴν κώμην οὗ ἐπορεύοντο· καὶ αὐτὸς⁺προσεποιεῖτο⁺πορρωτέρω πορεύεσθαι.^{Verse 29}Καὶ παρεβιάσαντο αὐτόν, λέγοντες, Μεῖνον μεθ᾽ ἡμῶν, ὅτι πρὸς ἑσπέραν ἐστί, καὶ⁺κέκλικεν ἡ ἡμέρα. Καὶ εἰσῆλθε τοῦ μεῖναι σὺν αὐτοῖς.^{Verse 30}Καὶ ἐγένετο ἐν τῷ κατακλιθῆναι αὐτὸν μετ᾽ αὐτῶν, λαβὼν τὸν ἄρτον εὐλόγησε, καὶ κλάσας ἐπεδίδου αὐτοῖς.^{Verse 31}Αὐτῶν δὲ διηνοίχθησαν οἱ ὀφθαλμοί, καὶ ἐπέγνωσαν αὐτόν· καὶ αὐτὸς ἄφαντος ἐγένετο ἀπ᾽ αὐτῶν.^{Verse 32}Καὶ⁺εἶπον πρὸς ἀλλήλους, Οὐχὶ ἡ καρδία ἡμῶν καιομένη ἦν⁺ἐν ἡμῖν, ὡς ἐλάλει ἡμῖν ἐν τῇ ὁδῷ,⁺καὶ ὡς διήνοιγεν ἡμῖν τὰς γραφάς;^{Verse 33}Καὶ ἀναστάντες αὐτῇ τῇ ὥρᾳ ὑπέστρεψαν εἰς Ἱερουσαλήμ, καὶ εὗρον⁺συνηθροισμένους τοὺς ἕνδεκα καὶ τοὺς σὺν αὐτοῖς,^{Verse 34}λέγοντας ὅτι⁺Ἠγέρθη ὁ Κύριος ὄντως, καὶ ὤφθη Σίμωνι.^{Verse 35}Καὶ αὐτοὶ ἐξηγοῦντο τὰ ἐν τῇ ὁδῷ, καὶ ὡς ἐγνώσθη αὐτοῖς ἐν τῇ κλάσει τοῦ ἄρτου.

Jesus Appears to the Disciples

^{Verse 36}Ταῦτα δὲ αὐτῶν λαλούντων,⁺αὐτὸς⁺ὁ Ἰησοῦς ἔστη ἐν μέσῳ αὐτῶν,⁺καὶ λέγει αὐτοῖς,Εἰρήνη ὑμῖν.^{Verse 37}Πτοηθέντες δὲ καὶ ἔμφοβοι γενόμενοι ἐδόκουν πνεῦμα θεωρεῖν.^{Verse 38}Καὶ εἶπεν αὐτοῖς,Τί τεταραγμένοι ἐστέ, καὶ διὰ τί διαλογισμοὶ ἀναβαίνουσιν ἐν⁺ταῖς καρδίαις ὑμῶν;^{Verse 39}Ἴδετε τὰς χεῖράς μου καὶ τοὺς πόδας μου, ὅτι⁺αὐτὸς ἐγώ εἰμι· ψηλαφήσατέ με καὶ ἴδετε, ὅτι πνεῦμα σάρκα καὶ ὀστέα οὐκ ἔχει, καθὼς ἐμὲ θεωρεῖτε ἔχοντα.^{Verse 40}Καὶ τοῦτο εἰπὼν⁺ἐπέδειξεν αὐτοῖς τὰς χεῖρας καὶ τοὺς πόδας.^{Verse 41}Ἔτι δὲ ἀπιστούντων αὐτῶν ἀπὸ τῆς χαρᾶς καὶ θαυμαζόντων, εἶπεν αὐτοῖς,Ἔχετέ τι βρώσιμον ἐνθάδε;^{Verse 42}Οἱ δὲ ἐπέδωκαν αὐτῷ ἰχθύος ὀπτοῦ μέρος,⁺καὶ ἀπὸ μελισσίου κηρίου.^{Verse 43}Καὶ λαβὼν ἐνώπιον αὐτῶν ἔφαγεν.^{Verse 44}Εἶπε δὲ⁺αὐτοῖς,Οὗτοι οἱ⁺λόγοι οὓς ἐλάλησα πρὸς ὑμᾶς ἔτι ὢν σὺν ὑμῖν, ὅτι δεῖ πληρωθῆναι πάντα τὰ γεγραμμένα ἐν τῷ νόμῳ⁺Μωσέως καὶ⁺προφήταις καὶ ψαλμοῖς περὶ ἐμοῦ.^{Verse 45}Τότε διήνοιξεν αὐτῶν τὸν νοῦν, τοῦ συνιέναι τὰς γραφάς·^{Verse 46}καὶ εἶπεν αὐτοῖς ὅτιΟὕτω γέγραπται,⁺καὶ οὕτως ἔδει παθεῖν τὸν Χριστόν, καὶ ἀναστῆναι ἐκ νεκρῶν τῇ τρίτῃ ἡμέρᾳ,^{Verse 47}καὶ κηρυχθῆναι ἐπὶ τῷ ὀνόματι αὐτοῦ μετάνοιαν⁺καὶ ἄφεσιν ἁμαρτιῶν εἰς πάντα τὰ ἔθνη,⁺ἀρξάμενον ἀπὸ Ἱερουσαλήμ.^{Verse 48}Ὑμεῖς⁺δέ ἐστε μάρτυρες τούτων.^{Verse 49+}Καὶ ἰδού, ἐγὼ ἀποστέλλω τὴν ἐπαγγελίαν τοῦ πατρός μου ἐφ᾽ ὑμᾶς· ὑμεῖς δὲ καθίσατε ἐν τῇ πόλει⁺Ἱερουσαλήμ, ἕως οὗ ἐνδύσησθε⁺δύναμιν ἐξ ὕψους.

The Ascension

^{Verse 50}Ἐξήγαγε δὲ αὐτοὺς⁺ἔξω ἕως⁺εἰς Βηθανίαν· καὶ ἐπάρας τὰς χεῖρας αὐτοῦ εὐλόγησεν αὐτούς.^{Verse 51}Καὶ ἐγένετο ἐν τῷ εὐλογεῖν αὐτὸν αὐτούς, διέστη ἀπ᾽ αὐτῶν, καὶ ἀνεφέρετο εἰς τὸν οὐρανόν.^{Verse 52}Καὶ αὐτοὶ προσκυνήσαντες αὐτόν, ὑπέστρεψαν εἰς Ἱερουσαλὴμ μετὰ χαρᾶς μεγάλης·^{Verse 53}καὶ ἦσαν διὰ παντὸς ἐν τῷ ἱερῷ,⁺αἰνοῦντες καὶ εὐλογοῦντες τὸν Θεόν.⁺Ἀμήν.⁺