John 1 — TCG

The Word Became Flesh

1Verse 1Ἐν ἀρχῇ ἦν ὁ λόγος, καὶ ὁ λόγος ἦν πρὸς τὸν Θεόν, καὶ Θεὸς ἦν ὁ λόγος.^{Verse 2}Οὗτος ἦν ἐν ἀρχῇ πρὸς τὸν Θεόν.^{Verse 3}Πάντα δι᾽ αὐτοῦ ἐγένετο, καὶ χωρὶς αὐτοῦ ἐγένετο οὐδὲ ἓν ὃ γέγονεν.^{Verse 4}Ἐν αὐτῷ ζωὴ ἦν, καὶ ἡ ζωὴ ἦν τὸ φῶς τῶν ἀνθρώπων,^{Verse 5}καὶ τὸ φῶς ἐν τῇ σκοτίᾳ φαίνει, καὶ ἡ σκοτία αὐτὸ οὐ κατέλαβεν.^{Verse 6}Ἐγένετο ἄνθρωπος ἀπεσταλμένος παρὰ Θεοῦ, ὄνομα αὐτῷ⁺Ἰωάννης.^{Verse 7}Οὗτος ἦλθεν εἰς μαρτυρίαν, ἵνα μαρτυρήσῃ περὶ τοῦ φωτός, ἵνα πάντες πιστεύσωσι δι᾽ αὐτοῦ.^{Verse 8}Οὐκ ἦν ἐκεῖνος τὸ φῶς, ἀλλ᾽ ἵνα μαρτυρήσῃ περὶ τοῦ φωτός.^{Verse 9}Ἦν τὸ φῶς τὸ ἀληθινόν, ὃ φωτίζει πάντα ἄνθρωπον ἐρχόμενον εἰς τὸν κόσμον.^{Verse 10}Ἐν τῷ κόσμῳ ἦν, καὶ ὁ κόσμος δι᾽ αὐτοῦ ἐγένετο, καὶ ὁ κόσμος αὐτὸν οὐκ ἔγνω.^{Verse 11}Εἰς τὰ ἴδια ἦλθε, καὶ οἱ ἴδιοι αὐτὸν οὐ παρέλαβον.^{Verse 12}Ὅσοι δὲ ἔλαβον αὐτόν, ἔδωκεν αὐτοῖς ἐξουσίαν τέκνα Θεοῦ γενέσθαι, τοῖς πιστεύουσιν εἰς τὸ ὄνομα αὐτοῦ·^{Verse 13}οἳ οὐκ ἐξ αἱμάτων, οὐδὲ ἐκ θελήματος σαρκός, οὐδὲ ἐκ θελήματος ἀνδρός, ἀλλ᾽ ἐκ Θεοῦ ἐγεννήθησαν.^{Verse 14}Καὶ ὁ λόγος σὰρξ ἐγένετο, καὶ ἐσκήνωσεν ἐν ἡμῖν—καὶ ἐθεασάμεθα τὴν δόξαν αὐτοῦ, δόξαν ὡς μονογενοῦς παρὰ πατρός—πλήρης χάριτος καὶ ἀληθείας.^{Verse 15+}Ἰωάννης μαρτυρεῖ περὶ αὐτοῦ, καὶ κέκραγε λέγων, Οὗτος ἦν⁺ὃν εἶπον, Ὁ ὀπίσω μου ἐρχόμενος ἔμπροσθέν μου γέγονεν· ὅτι πρῶτός μου ἦν.^{Verse 16+}Καὶ ἐκ τοῦ πληρώματος αὐτοῦ ἡμεῖς πάντες ἐλάβομεν, καὶ χάριν ἀντὶ χάριτος.^{Verse 17}Ὅτι ὁ νόμος διὰ⁺Μωσέως ἐδόθη, ἡ χάρις καὶ ἡ ἀλήθεια διὰ Ἰησοῦ Χριστοῦ ἐγένετο.^{Verse 18}Θεὸν οὐδεὶς ἑώρακε πώποτε·⁺ὁ μονογενὴς υἱός, ὁ ὢν εἰς τὸν κόλπον τοῦ πατρός, ἐκεῖνος ἐξηγήσατο.

The Identity of John the Baptist

^{Verse 19}Καὶ αὕτη ἐστὶν ἡ μαρτυρία τοῦ⁺Ἰωάννου, ὅτε⁺ἀπέστειλαν οἱ Ἰουδαῖοι ἐξ Ἱεροσολύμων ἱερεῖς καὶ⁺Λευΐτας ἵνα ἐρωτήσωσιν αὐτόν, Σὺ τίς εἶ;^{Verse 20}Καὶ ὡμολόγησε, καὶ οὐκ ἠρνήσατο· καὶ ὡμολόγησεν ὅτι⁺Οὐκ εἰμὶ ἐγὼ ὁ Χριστός.^{Verse 21}Καὶ ἠρώτησαν αὐτόν, Τί οὖν;⁺Ἠλίας εἶ σύ; Καὶ λέγει, Οὐκ εἰμί. Ὁ προφήτης εἶ σύ; Καὶ ἀπεκρίθη, Οὔ.^{Verse 22+}Εἶπον οὖν αὐτῷ, Τίς εἶ; Ἵνα ἀπόκρισιν δῶμεν τοῖς πέμψασιν ἡμᾶς. Τί λέγεις περὶ σεαυτοῦ;^{Verse 23}Ἔφη, Ἐγὼ φωνὴ βοῶντος ἐν τῇ ἐρήμῳ, Εὐθύνατε τὴν ὁδὸν Κυρίου, καθὼς εἶπεν Ἠσαΐας ὁ προφήτης.^{Verse 24}Καὶ⁺οἱ ἀπεσταλμένοι ἦσαν ἐκ τῶν Φαρισαίων.^{Verse 25}Καὶ ἠρώτησαν αὐτόν, καὶ⁺εἶπον αὐτῷ, Τί οὖν βαπτίζεις, εἰ σὺ οὐκ εἶ ὁ Χριστός,⁺οὔτε Ἠλίας, οὔτε ὁ προφήτης;^{Verse 26}Ἀπεκρίθη αὐτοῖς ὁ⁺Ἰωάννης λέγων, Ἐγὼ βαπτίζω ἐν ὕδατι· μέσος⁺δὲ ὑμῶν⁺ἕστηκεν ὃν ὑμεῖς οὐκ οἴδατε.^{Verse 27+}Αὐτός ἐστιν ὁ ὀπίσω μου ἐρχόμενος,⁺ὃς ἔμπροσθέν μου γέγονεν· οὗ⁺ἐγὼ οὐκ εἰμὶ ἄξιος ἵνα λύσω αὐτοῦ τὸν ἱμάντα τοῦ ὑποδήματος.^{Verse 28}Ταῦτα ἐν⁺Βηθανίᾳ ἐγένετο πέραν τοῦ Ἰορδάνου, ὅπου ἦν⁺Ἰωάννης βαπτίζων.

The Lamb of God

^{Verse 29}Τῇ ἐπαύριον⁺βλέπει τὸν Ἰησοῦν ἐρχόμενον πρὸς αὐτόν, καὶ λέγει, Ἴδε ὁ ἀμνὸς τοῦ Θεοῦ, ὁ αἴρων τὴν ἁμαρτίαν τοῦ κόσμου.^{Verse 30}Οὗτός ἐστι⁺περὶ οὗ ἐγὼ εἶπον, Ὀπίσω μου ἔρχεται ἀνὴρ ὃς ἔμπροσθέν μου γέγονεν, ὅτι πρῶτός μου ἦν.^{Verse 31}Κἀγὼ οὐκ ᾔδειν αὐτόν· ἀλλ᾽ ἵνα φανερωθῇ τῷ Ἰσραήλ, διὰ τοῦτο ἦλθον ἐγὼ ἐν⁺τῷ ὕδατι βαπτίζων.^{Verse 32}Καὶ ἐμαρτύρησεν⁺Ἰωάννης λέγων ὅτι Τεθέαμαι τὸ πνεῦμα καταβαῖνον⁺ὡσεὶ περιστερὰν ἐξ οὐρανοῦ, καὶ ἔμεινεν ἐπ᾽ αὐτόν.^{Verse 33}Κἀγὼ οὐκ ᾔδειν αὐτόν· ἀλλ᾽ ὁ πέμψας με βαπτίζειν ἐν ὕδατι, ἐκεῖνός μοι εἶπεν, Ἐφ᾽ ὃν ἂν ἴδῃς τὸ πνεῦμα καταβαῖνον καὶ μένον ἐπ᾽ αὐτόν, οὗτός ἐστιν ὁ βαπτίζων ἐν Πνεύματι Ἁγίῳ.^{Verse 34}Κἀγὼ ἑώρακα, καὶ μεμαρτύρηκα ὅτι οὗτός ἐστιν ὁ⁺υἱὸς τοῦ Θεοῦ.

Jesus Calls His First Disciples

^{Verse 35}Τῇ ἐπαύριον πάλιν⁺εἱστήκει⁺ὁ Ἰωάννης, καὶ ἐκ τῶν μαθητῶν αὐτοῦ δύο·^{Verse 36}καὶ ἐμβλέψας τῷ Ἰησοῦ περιπατοῦντι, λέγει, Ἴδε ὁ ἀμνὸς τοῦ Θεοῦ.^{Verse 37}Καὶ ἤκουσαν⁺αὐτοῦ οἱ δύο μαθηταὶ λαλοῦντος, καὶ ἠκολούθησαν τῷ Ἰησοῦ.^{Verse 38}Στραφεὶς δὲ ὁ Ἰησοῦς καὶ θεασάμενος αὐτοὺς ἀκολουθοῦντας, λέγει αὐτοῖς,Τί ζητεῖτε;Οἱ δὲ⁺εἶπον αὐτῷ,⁺Ῥαββί—ὃ λέγεται⁺ἑρμηνευόμενον, Διδάσκαλε—ποῦ μένεις;^{Verse 39}Λέγει αὐτοῖς,Ἔρχεσθε καὶ⁺ἴδετε.⁺Ἦλθον καὶ⁺εἶδον ποῦ μένει· καὶ παρ᾽ αὐτῷ ἔμειναν τὴν ἡμέραν ἐκείνην·⁺ὥρα ἦν ὡς δεκάτη.^{Verse 40}Ἦν Ἀνδρέας ὁ ἀδελφὸς Σίμωνος Πέτρου εἷς ἐκ τῶν δύο τῶν ἀκουσάντων παρὰ⁺Ἰωάννου καὶ ἀκολουθησάντων αὐτῷ.^{Verse 41}Εὑρίσκει οὗτος⁺πρῶτος τὸν ἀδελφὸν τὸν ἴδιον Σίμωνα, καὶ λέγει αὐτῷ, Εὑρήκαμεν τὸν⁺Μεσίαν—ὅ ἐστι μεθερμηνευόμενον,⁺Χριστός.^{Verse 42+}Καὶ ἤγαγεν αὐτὸν πρὸς τὸν Ἰησοῦν.⁺Ἐμβλέψας αὐτῷ ὁ Ἰησοῦς εἶπε,Σὺ εἶ Σίμων ὁ υἱὸς⁺Ἰωνᾶ· σὺ κληθήσῃ Κηφᾶς—ὃ ἑρμηνεύεται Πέτρος.

Jesus Calls Philip and Nathanael

^{Verse 43}Τῇ ἐπαύριον⁺ἠθέλησεν ἐξελθεῖν εἰς τὴν Γαλιλαίαν, καὶ εὑρίσκει Φίλιππον, καὶ λέγει αὐτῷ⁺ὁ Ἰησοῦς,Ἀκολούθει μοι.^{Verse 44}Ἦν δὲ ὁ Φίλιππος ἀπὸ Βηθσαϊδά, ἐκ τῆς πόλεως Ἀνδρέου καὶ Πέτρου.^{Verse 45}Εὑρίσκει Φίλιππος τὸν Ναθαναήλ, καὶ λέγει αὐτῷ, Ὃν ἔγραψε⁺Μωσῆς ἐν τῷ νόμῳ καὶ οἱ προφῆται εὑρήκαμεν, Ἰησοῦν⁺τὸν υἱὸν⁺τοῦ Ἰωσὴφ τὸν ἀπὸ⁺Ναζαρέτ.^{Verse 46}Καὶ εἶπεν αὐτῷ Ναθαναήλ, Ἐκ⁺Ναζαρὲτ δύναταί τι ἀγαθὸν εἶναι; Λέγει αὐτῷ⁺Φίλιππος, Ἔρχου καὶ ἴδε.^{Verse 47}Εἶδεν⁺ὁ Ἰησοῦς τὸν Ναθαναὴλ ἐρχόμενον πρὸς αὐτόν, καὶ λέγει περὶ αὐτοῦ,Ἴδε ἀληθῶς⁺Ἰσραηλίτης, ἐν ᾧ δόλος οὐκ ἔστι.^{Verse 48}Λέγει αὐτῷ Ναθαναήλ, Πόθεν με γινώσκεις; Ἀπεκρίθη⁺Ἰησοῦς καὶ εἶπεν αὐτῷ,Πρὸ τοῦ σε Φίλιππον φωνῆσαι, ὄντα ὑπὸ τὴν συκῆν, εἶδόν σε.^{Verse 49}Ἀπεκρίθη⁺Ναθαναὴλ καὶ λέγει αὐτῷ,⁺Ῥαββί, σὺ εἶ ὁ υἱὸς τοῦ Θεοῦ, σὺ⁺εἶ ὁ βασιλεὺς τοῦ Ἰσραήλ.^{Verse 50}Ἀπεκρίθη Ἰησοῦς καὶ εἶπεν αὐτῷ,Ὅτι εἶπόν⁺σοι, Εἶδόν σε ὑποκάτω τῆς συκῆς, πιστεύεις; Μείζω τούτων⁺ὄψει.^{Verse 51}Καὶ λέγει αὐτῷ,Ἀμὴν ἀμὴν λέγω ὑμῖν,⁺ἀπ᾽ ἄρτι ὄψεσθε τὸν οὐρανὸν ἀνεῳγότα, καὶ τοὺς ἀγγέλους τοῦ Θεοῦ ἀναβαίνοντας καὶ καταβαίνοντας ἐπὶ τὸν υἱὸν τοῦ ἀνθρώπου.