Luke 21 — TCG

The Widow's Offering

21Verse 1Ἀναβλέψας δὲ εἶδε τοὺς βάλλοντας⁺τὰ δῶρα αὐτῶν εἰς τὸ γαζοφυλάκιον πλουσίους·^{Verse 2}εἶδε δέ⁺τινα καὶ χήραν πενιχρὰν βάλλουσαν ἐκεῖ⁺δύο λεπτά,^{Verse 3}καὶ εἶπεν,Ἀληθῶς λέγω ὑμῖν ὅτι ἡ χήρα⁺ἡ πτωχὴ αὕτη πλεῖον πάντων ἔβαλεν·^{Verse 4+}ἅπαντες γὰρ οὗτοι ἐκ τοῦ περισσεύοντος αὐτοῖς ἔβαλον εἰς τὰ δῶρα⁺τοῦ Θεοῦ· αὕτη δὲ ἐκ τοῦ ὑστερήματος αὐτῆς⁺ἅπαντα τὸν βίον ὃν εἶχεν ἔβαλε.

Jesus Predicts the Destruction of the Temple

^{Verse 5}Καί τινων λεγόντων περὶ τοῦ ἱεροῦ, ὅτι λίθοις καλοῖς καὶ ἀναθήμασι κεκόσμηται, εἶπε,^{Verse 6}Ταῦτα ἃ θεωρεῖτε, ἐλεύσονται ἡμέραι ἐν αἷς οὐκ ἀφεθήσεται λίθος ἐπὶ⁺λίθῳ, ὃς οὐ καταλυθήσεται.

Signs and Persecutions

^{Verse 7}Ἐπηρώτησαν δὲ αὐτόν, λέγοντες, Διδάσκαλε, πότε οὖν ταῦτα ἔσται; Καὶ τί τὸ σημεῖον ὅταν μέλλῃ ταῦτα⁺γίνεσθαι;^{Verse 8}Ὁ δὲ εἶπε,Βλέπετε μὴ πλανηθῆτε· πολλοὶ γὰρ ἐλεύσονται ἐπὶ τῷ ὀνόματί μου, λέγοντες⁺ὅτι Ἐγώ εἰμι· καί, Ὁ καιρὸς ἤγγικε, μὴ⁺οὖν πορευθῆτε ὀπίσω αὐτῶν.^{Verse 9}Ὅταν δὲ ἀκούσητε πολέμους καὶ ἀκαταστασίας, μὴ πτοηθῆτε· δεῖ γὰρ ταῦτα γενέσθαι πρῶτον, ἀλλ᾽ οὐκ εὐθέως τὸ τέλος.^{Verse 10}Τότε ἔλεγεν αὐτοῖς,Ἐγερθήσεται ἔθνος⁺ἐπὶ ἔθνος, καὶ βασιλεία ἐπὶ βασιλείαν·^{Verse 11}σεισμοί τε μεγάλοι⁺κατὰ τόπους καὶ λιμοὶ καὶ λοιμοὶ ἔσονται,⁺φόβητρά τε καὶ⁺σημεῖα ἀπ᾽ οὐρανοῦ μεγάλα ἔσται.^{Verse 12}Πρὸ δὲ τούτων⁺πάντων ἐπιβαλοῦσιν ἐφ᾽ ὑμᾶς τὰς χεῖρας αὐτῶν, καὶ διώξουσι, παραδιδόντες εἰς⁺συναγωγὰς καὶ φυλακάς,⁺ἀγομένους ἐπὶ βασιλεῖς καὶ ἡγεμόνας, ἕνεκεν τοῦ ὀνόματός μου.^{Verse 13}Ἀποβήσεται⁺δὲ ὑμῖν εἰς μαρτύριον.^{Verse 14+}Θέσθε οὖν εἰς τὰς καρδίας ὑμῶν μὴ προμελετᾷν ἀπολογηθῆναι·^{Verse 15}ἐγὼ γὰρ δώσω ὑμῖν στόμα καὶ σοφίαν, ᾗ οὐ δυνήσονται⁺ἀντειπεῖν οὐδὲ ἀντιστῆναι⁺πάντες οἱ ἀντικείμενοι ὑμῖν.^{Verse 16}Παραδοθήσεσθε δὲ καὶ ὑπὸ γονέων καὶ⁺συγγενῶν καὶ φίλων καὶ ἀδελφῶν, καὶ θανατώσουσιν ἐξ ὑμῶν.^{Verse 17}Καὶ ἔσεσθε⁺μισούμενοι ὑπὸ πάντων διὰ τὸ ὄνομά μου.^{Verse 18}Καὶ θρὶξ ἐκ τῆς κεφαλῆς ὑμῶν οὐ μὴ ἀπόληται.^{Verse 19}Ἐν τῇ ὑπομονῇ ὑμῶν⁺κτήσασθε τὰς ψυχὰς ὑμῶν.

The Destruction of Jerusalem

^{Verse 20}Ὅταν δὲ ἴδητε κυκλουμένην ὑπὸ στρατοπέδων⁺τὴν Ἱερουσαλήμ, τότε γνῶτε ὅτι ἤγγικεν ἡ ἐρήμωσις αὐτῆς.^{Verse 21}Τότε οἱ ἐν τῇ Ἰουδαίᾳ φευγέτωσαν εἰς τὰ ὄρη· καὶ οἱ ἐν μέσῳ αὐτῆς ἐκχωρείτωσαν· καὶ οἱ ἐν ταῖς χώραις μὴ εἰσερχέσθωσαν εἰς αὐτήν.^{Verse 22}Ὅτι ἡμέραι ἐκδικήσεως αὗταί εἰσι, τοῦ⁺πλησθῆναι πάντα τὰ γεγραμμένα.^{Verse 23}Οὐαὶ⁺δὲ ταῖς ἐν γαστρὶ ἐχούσαις καὶ ταῖς θηλαζούσαις ἐν ἐκείναις ταῖς ἡμέραις· ἔσται⁺γὰρ ἀνάγκη μεγάλη ἐπὶ τῆς γῆς, καὶ ὀργὴ⁺ἐν τῷ λαῷ τούτῳ.^{Verse 24}Καὶ πεσοῦνται στόματι⁺μαχαίρας, καὶ αἰχμαλωτισθήσονται εἰς⁺πάντα τὰ ἔθνη· καὶ Ἱερουσαλὴμ ἔσται πατουμένη ὑπὸ ἐθνῶν,⁺ἄχρι πληρωθῶσι⁺καιροὶ ἐθνῶν.

The Coming of the Son of Man

^{Verse 25}Καὶ⁺ἔσται σημεῖα ἐν ἡλίῳ καὶ σελήνῃ καὶ ἄστροις, καὶ ἐπὶ τῆς γῆς συνοχὴ ἐθνῶν ἐν ἀπορίᾳ,⁺ἠχούσης θαλάσσης καὶ σάλου,^{Verse 26}ἀποψυχόντων ἀνθρώπων ἀπὸ φόβου καὶ προσδοκίας τῶν ἐπερχομένων τῇ οἰκουμένῃ· αἱ γὰρ δυνάμεις τῶν οὐρανῶν σαλευθήσονται.^{Verse 27}Καὶ τότε ὄψονται τὸν υἱὸν τοῦ ἀνθρώπου ἐρχόμενον ἐν νεφέλῃ μετὰ δυνάμεως καὶ δόξης πολλῆς.^{Verse 28}Ἀρχομένων δὲ τούτων⁺γίνεσθαι, ἀνακύψατε καὶ ἐπάρατε τὰς κεφαλὰς ὑμῶν· διότι ἐγγίζει ἡ ἀπολύτρωσις ὑμῶν.

The Lesson of the Fig Tree

^{Verse 29}Καὶ εἶπε παραβολὴν αὐτοῖς,Ἴδετε τὴν συκῆν καὶ πάντα τὰ δένδρα·^{Verse 30}ὅταν⁺προβάλωσιν ἤδη, βλέποντες ἀφ᾽ ἑαυτῶν⁺γινώσκετε ὅτι ἤδη ἐγγὺς τὸ θέρος ἐστίν.^{Verse 31}Οὕτω καὶ ὑμεῖς, ὅταν ἴδητε ταῦτα⁺γινόμενα, γινώσκετε ὅτι ἐγγύς ἐστιν ἡ βασιλεία τοῦ Θεοῦ.^{Verse 32}Ἀμὴν λέγω ὑμῖν ὅτι οὐ μὴ παρέλθῃ ἡ γενεὰ αὕτη, ἕως ἂν πάντα γένηται.^{Verse 33}Ὁ οὐρανὸς καὶ ἡ γῆ⁺παρελεύσονται, οἱ δὲ λόγοι μου οὐ μὴ⁺παρέλθωσι.

Watch Yourselves

^{Verse 34}Προσέχετε δὲ ἑαυτοῖς, μήποτε⁺βαρηθῶσιν⁺ὑμῶν αἱ καρδίαι ἐν⁺κραιπάλῃ καὶ μέθῃ καὶ μερίμναις βιωτικαῖς, καὶ⁺αἰφνίδιος ἐφ᾽ ὑμᾶς ἐπιστῇ ἡ ἡμέρα ἐκείνη·^{Verse 35}ὡς παγὶς⁺γὰρ ἐπελεύσεται ἐπὶ πάντας τοὺς καθημένους ἐπὶ πρόσωπον πάσης τῆς γῆς.^{Verse 36}Ἀγρυπνεῖτε⁺οὖν ἐν παντὶ καιρῷ δεόμενοι, ἵνα⁺καταξιωθῆτε ἐκφυγεῖν⁺πάντα τὰ μέλλοντα⁺γίνεσθαι, καὶ σταθῆναι ἔμπροσθεν τοῦ υἱοῦ τοῦ ἀνθρώπου.^{Verse 37}Ἦν δὲ τὰς ἡμέρας ἐν τῷ ἱερῷ διδάσκων· τὰς δὲ νύκτας ἐξερχόμενος ηὐλίζετο εἰς τὸ ὄρος τὸ καλούμενον Ἐλαιῶν.^{Verse 38}Καὶ πᾶς ὁ λαὸς ὤρθριζε πρὸς αὐτὸν ἐν τῷ⁺ἱερῷ ἀκούειν αὐτοῦ.