Luke 19 — TCG

Jesus Visits Zacchaeus

19Verse 1Καὶ εἰσελθὼν διήρχετο τὴν⁺Ἰεριχώ.^{Verse 2}Καὶ ἰδού, ἀνὴρ ὀνόματι καλούμενος Ζακχαῖος, καὶ αὐτὸς ἦν ἀρχιτελώνης, καὶ⁺οὗτος ἦν πλούσιος.^{Verse 3}Καὶ ἐζήτει ἰδεῖν τὸν Ἰησοῦν τίς ἐστι, καὶ οὐκ ἠδύνατο ἀπὸ τοῦ ὄχλου, ὅτι τῇ ἡλικίᾳ μικρὸς ἦν.^{Verse 4}Καὶ προδραμὼν⁺ἔμπροσθεν ἀνέβη ἐπὶ⁺συκομωραίαν ἵνα ἴδῃ αὐτόν· ὅτι⁺ἐκείνης⁺ἔμελλε διέρχεσθαι.^{Verse 5}Καὶ ὡς ἦλθεν ἐπὶ τὸν τόπον, ἀναβλέψας ὁ Ἰησοῦς⁺εἶδεν αὐτόν, καὶ εἶπε πρὸς αὐτόν,Ζακχαῖε, σπεύσας κατάβηθι· σήμερον γὰρ ἐν τῷ οἴκῳ σου δεῖ με μεῖναι.^{Verse 6}Καὶ σπεύσας κατέβη, καὶ ὑπεδέξατο αὐτὸν χαίρων.^{Verse 7}Καὶ ἰδόντες⁺πάντες διεγόγγυζον, λέγοντες ὅτι Παρὰ ἁμαρτωλῷ ἀνδρὶ εἰσῆλθε καταλῦσαι.^{Verse 8}Σταθεὶς δὲ Ζακχαῖος εἶπε πρὸς τὸν Κύριον, Ἰδού, τὰ⁺ἡμίση τῶν ὑπαρχόντων μου, Κύριε,⁺δίδωμι τοῖς πτωχοῖς· καὶ εἴ τινός τι ἐσυκοφάντησα, ἀποδίδωμι τετραπλοῦν.^{Verse 9}Εἶπε δὲ πρὸς αὐτὸν ὁ Ἰησοῦς ὅτιΣήμερον σωτηρία τῷ οἴκῳ τούτῳ ἐγένετο, καθότι καὶ αὐτὸς υἱὸς Ἀβραάμ ἐστιν.^{Verse 10}Ἦλθε γὰρ ὁ υἱὸς τοῦ ἀνθρώπου ζητῆσαι καὶ σῶσαι τὸ ἀπολωλός.

The Parable of the Ten Minas

^{Verse 11}Ἀκουόντων δὲ αὐτῶν ταῦτα, προσθεὶς εἶπε παραβολήν, διὰ τὸ ἐγγὺς⁺αὐτὸν εἶναι Ἱερουσαλήμ, καὶ δοκεῖν αὐτοὺς ὅτι παραχρῆμα μέλλει ἡ βασιλεία τοῦ Θεοῦ ἀναφαίνεσθαι.^{Verse 12}Εἶπεν οὖν,Ἄνθρωπός τις εὐγενὴς ἐπορεύθη εἰς χώραν μακράν, λαβεῖν ἑαυτῷ βασιλείαν, καὶ ὑποστρέψαι.^{Verse 13}Καλέσας δὲ δέκα δούλους ἑαυτοῦ, ἔδωκεν αὐτοῖς δέκα μνᾶς, καὶ εἶπε πρὸς αὐτούς,⁺Πραγματεύσασθε⁺ἕως ἔρχομαι.^{Verse 14}Οἱ δὲ⁺πολῖται αὐτοῦ⁺ἐμίσουν αὐτόν, καὶ ἀπέστειλαν πρεσβείαν ὀπίσω αὐτοῦ, λέγοντες, Οὐ θέλομεν τοῦτον βασιλεῦσαι ἐφ᾽ ἡμᾶς.^{Verse 15}Καὶ ἐγένετο ἐν τῷ ἐπανελθεῖν αὐτὸν λαβόντα τὴν βασιλείαν,⁺καὶ εἶπε φωνηθῆναι αὐτῷ τοὺς δούλους τούτους, οἷς⁺ἔδωκε τὸ ἀργύριον, ἵνα⁺γνῷ⁺τίς τί διεπραγματεύσατο.^{Verse 16}Παρεγένετο δὲ ὁ πρῶτος, λέγων, Κύριε, ἡ μνᾶ σου⁺προσειργάσατο δέκα μνᾶς.^{Verse 17}Καὶ εἶπεν αὐτῷ,⁺Εὖ, ἀγαθὲ δοῦλε· ὅτι ἐν ἐλαχίστῳ πιστὸς ἐγένου, ἴσθι ἐξουσίαν ἔχων ἐπάνω δέκα πόλεων.^{Verse 18}Καὶ ἦλθεν ὁ δεύτερος, λέγων,⁺Κύριε, ἡ μνᾶ σου ἐποίησε πέντε μνᾶς.^{Verse 19}Εἶπε δὲ καὶ τούτῳ, Καὶ σὺ⁺γίνου ἐπάνω πέντε πόλεων.^{Verse 20}Καὶ⁺ἕτερος ἦλθε, λέγων, Κύριε, ἰδού, ἡ μνᾶ σου, ἣν εἶχον ἀποκειμένην ἐν σουδαρίῳ·^{Verse 21}ἐφοβούμην γάρ σε, ὅτι ἄνθρωπος αὐστηρὸς εἶ· αἴρεις ὃ οὐκ ἔθηκας, καὶ θερίζεις ὃ οὐκ⁺ἔσπειρας.^{Verse 22}Λέγει⁺δὲ αὐτῷ, Ἐκ τοῦ στόματός σου κρινῶ σε, πονηρὲ δοῦλε. ᾜδεις ὅτι⁺ἐγὼ ἄνθρωπος αὐστηρός εἰμι, αἴρων ὃ οὐκ ἔθηκα, καὶ θερίζων ὃ οὐκ⁺ἔσπειρα·^{Verse 23}καὶ διὰ τί οὐκ ἔδωκας⁺τὸ ἀργύριόν μου ἐπὶ⁺τράπεζαν,⁺καὶ ἐγὼ ἐλθὼν σὺν τόκῳ ἂν⁺ἔπραξα αὐτό;^{Verse 24}Καὶ τοῖς παρεστῶσιν εἶπεν, Ἄρατε ἀπ᾽ αὐτοῦ τὴν μνᾶν, καὶ δότε τῷ τὰς δέκα μνᾶς ἔχοντι.^{Verse 25}Καὶ⁺εἶπον αὐτῷ, Κύριε, ἔχει δέκα μνᾶς.^{Verse 26}Λέγω⁺γὰρ ὑμῖν ὅτι παντὶ τῷ ἔχοντι δοθήσεται· ἀπὸ δὲ τοῦ μὴ ἔχοντος, καὶ ὃ ἔχει ἀρθήσεται⁺ἀπ᾽ αὐτοῦ.^{Verse 27}Πλὴν τοὺς ἐχθρούς μου⁺ἐκείνους, τοὺς μὴ θελήσαντάς με βασιλεῦσαι ἐπ᾽ αὐτούς, ἀγάγετε ὧδε, καὶ⁺κατασφάξατε ἔμπροσθέν μου.

The Triumphal Entry

^{Verse 28}Καὶ εἰπὼν ταῦτα, ἐπορεύετο ἔμπροσθεν, ἀναβαίνων εἰς Ἱεροσόλυμα.^{Verse 29}Καὶ ἐγένετο ὡς ἤγγισεν εἰς⁺Βηθσφαγὴ καὶ⁺Βηθανίαν πρὸς τὸ ὄρος τὸ καλούμενον Ἐλαιῶν, ἀπέστειλε δύο τῶν μαθητῶν⁺αὐτοῦ,^{Verse 30+}εἰπών,Ὑπάγετε εἰς τὴν κατέναντι κώμην· ἐν ᾗ εἰσπορευόμενοι εὑρήσετε πῶλον δεδεμένον, ἐφ᾽ ὃν οὐδεὶς πώποτε ἀνθρώπων⁺ἐκάθισε· λύσαντες αὐτὸν ἀγάγετε.^{Verse 31}Καὶ ἐάν τις ὑμᾶς ἐρωτᾷ, Διὰ τί λύετε; οὕτως ἐρεῖτε⁺αὐτῷ ὅτι Ὁ Κύριος αὐτοῦ χρείαν ἔχει.^{Verse 32}Ἀπελθόντες δὲ οἱ ἀπεσταλμένοι εὗρον καθὼς εἶπεν⁺αὐτοῖς.^{Verse 33}Λυόντων δὲ αὐτῶν τὸν πῶλον,⁺εἶπον οἱ κύριοι αὐτοῦ πρὸς αὐτούς, Τί λύετε τὸν πῶλον;^{Verse 34}Οἱ δὲ⁺εἶπον, Ὁ Κύριος αὐτοῦ χρείαν ἔχει.^{Verse 35}Καὶ ἤγαγον αὐτὸν πρὸς τὸν Ἰησοῦν· καὶ⁺ἐπιρρίψαντες⁺ἑαυτῶν τὰ ἱμάτια ἐπὶ τὸν πῶλον, ἐπεβίβασαν τὸν Ἰησοῦν.^{Verse 36}Πορευομένου δὲ αὐτοῦ, ὑπεστρώννυον τὰ ἱμάτια⁺αὐτῶν ἐν τῇ ὁδῷ.^{Verse 37}Ἐγγίζοντος δὲ αὐτοῦ ἤδη πρὸς τῇ καταβάσει τοῦ ὄρους τῶν Ἐλαιῶν,⁺ἤρξαντο ἅπαν τὸ πλῆθος τῶν μαθητῶν χαίροντες αἰνεῖν τὸν Θεὸν φωνῇ μεγάλῃ περὶ πασῶν ὧν εἶδον δυνάμεων,^{Verse 38}λέγοντες,
Εὐλογημένος ὁ ἐρχόμενος
⁺βασιλεὺς ἐν ὀνόματι Κυρίου·
⁺εἰρήνη ἐν οὐρανῷ,
καὶ δόξα ἐν ὑψίστοις.^{Verse 39}Καί τινες τῶν Φαρισαίων ἀπὸ τοῦ ὄχλου⁺εἶπον πρὸς αὐτόν, Διδάσκαλε, ἐπιτίμησον τοῖς μαθηταῖς σου.^{Verse 40}Καὶ ἀποκριθεὶς εἶπεν⁺αὐτοῖς,Λέγω ὑμῖν⁺ὅτι ἐὰν οὗτοι⁺σιωπήσωσιν, οἱ λίθοι⁺κεκράξονται.

Jesus Weeps over Jerusalem

^{Verse 41}Καὶ ὡς ἤγγισεν, ἰδὼν τὴν πόλιν, ἔκλαυσεν ἐπ᾽⁺αὐτῇ,^{Verse 42}λέγων ὅτιΕἰ ἔγνως⁺καὶ σύ, καί γε ἐν τῇ ἡμέρᾳ σου ταύτῃ, τὰ πρὸς εἰρήνην⁺σου· νῦν δὲ ἐκρύβη ἀπὸ ὀφθαλμῶν σου.^{Verse 43}Ὅτι ἥξουσιν ἡμέραι ἐπὶ σέ, καὶ⁺περιβαλοῦσιν οἱ ἐχθροί σου χάρακά σοι, καὶ περικυκλώσουσί σε, καὶ συνέξουσί σε πάντοθεν,^{Verse 44}καὶ ἐδαφιοῦσί σε καὶ τὰ τέκνα σου ἐν σοί, καὶ οὐκ ἀφήσουσιν⁺ἐν σοὶ λίθον ἐπὶ λίθῳ· ἀνθ᾽ ὧν οὐκ ἔγνως τὸν καιρὸν τῆς ἐπισκοπῆς σου.

Jesus Cleanses the Temple Courts

^{Verse 45}Καὶ εἰσελθὼν εἰς τὸ ἱερόν, ἤρξατο ἐκβάλλειν τοὺς πωλοῦντας⁺ἐν αὐτῷ καὶ ἀγοράζοντας,^{Verse 46}λέγων αὐτοῖς,⁺Γέγραπται,⁺Ὁ οἶκός μου οἶκος προσευχῆς ἐστιν· ὑμεῖς δὲ αὐτὸν ἐποιήσατε σπήλαιον λῃστῶν.^{Verse 47}Καὶ ἦν διδάσκων τὸ καθ᾽ ἡμέραν ἐν τῷ ἱερῷ· οἱ δὲ ἀρχιερεῖς καὶ οἱ γραμματεῖς ἐζήτουν αὐτὸν ἀπολέσαι, καὶ οἱ πρῶτοι τοῦ λαοῦ·^{Verse 48}καὶ οὐχ⁺εὕρισκον τὸ τί⁺ποιήσωσιν, ὁ λαὸς γὰρ ἅπας⁺ἐξεκρέματο αὐτοῦ ἀκούων.