Luke 18 — TCG

The Parable of the Widow and the Unrighteous Judge

18Verse 1Ἔλεγε δὲ⁺καὶ παραβολὴν αὐτοῖς πρὸς τὸ δεῖν πάντοτε⁺προσεύχεσθαι, καὶ μὴ⁺ἐκκακεῖν,^{Verse 2}λέγων,Κριτής τις ἦν ἔν τινι πόλει, τὸν Θεὸν μὴ φοβούμενος, καὶ ἄνθρωπον μὴ ἐντρεπόμενος·^{Verse 3}χήρα δὲ ἦν ἐν τῇ πόλει ἐκείνῃ, καὶ ἤρχετο πρὸς αὐτόν, λέγουσα, Ἐκδίκησόν με ἀπὸ τοῦ ἀντιδίκου μου.^{Verse 4}Καὶ οὐκ⁺ἠθέλησεν ἐπὶ χρόνον· μετὰ⁺δὲ ταῦτα εἶπεν ἐν ἑαυτῷ, Εἰ καὶ τὸν Θεὸν οὐ φοβοῦμαι,⁺καὶ ἄνθρωπον οὐκ ἐντρέπομαι·^{Verse 5}διά γε τὸ παρέχειν μοι κόπον τὴν χήραν ταύτην, ἐκδικήσω αὐτήν, ἵνα μὴ εἰς τέλος ἐρχομένη⁺ὑποπιάζῃ με.^{Verse 6}Εἶπε δὲ ὁ Κύριος,Ἀκούσατε τί ὁ κριτὴς τῆς ἀδικίας λέγει.^{Verse 7}Ὁ δὲ Θεὸς οὐ μὴ⁺ποιήσῃ τὴν ἐκδίκησιν τῶν ἐκλεκτῶν αὐτοῦ τῶν βοώντων⁺πρὸς αὐτὸν ἡμέρας καὶ νυκτός, καὶ⁺μακροθυμῶν ἐπ᾽ αὐτοῖς;^{Verse 8}Λέγω ὑμῖν ὅτι ποιήσει τὴν ἐκδίκησιν αὐτῶν ἐν τάχει. Πλὴν ὁ υἱὸς τοῦ ἀνθρώπου ἐλθὼν ἆρα εὑρήσει τὴν πίστιν ἐπὶ τῆς γῆς;

The Parable of the Pharisee and the Tax Collector

^{Verse 9}Εἶπε⁺δὲ πρός τινας τοὺς πεποιθότας ἐφ᾽ ἑαυτοῖς ὅτι εἰσὶ δίκαιοι, καὶ⁺ἐξουθενοῦντας τοὺς λοιπούς, τὴν παραβολὴν ταύτην·^{Verse 10}Ἄνθρωποι δύο ἀνέβησαν εἰς τὸ ἱερὸν προσεύξασθαι·⁺ὁ εἷς Φαρισαῖος, καὶ ὁ ἕτερος τελώνης.^{Verse 11}Ὁ Φαρισαῖος σταθεὶς⁺πρὸς ἑαυτὸν ταῦτα προσηύχετο, Ὁ Θεός, εὐχαριστῶ σοι ὅτι οὐκ εἰμὶ ὥσπερ οἱ λοιποὶ τῶν ἀνθρώπων, ἅρπαγες, ἄδικοι, μοιχοί, ἢ καὶ ὡς οὗτος ὁ τελώνης.^{Verse 12}Νηστεύω δὶς τοῦ σαββάτου,⁺ἀποδεκατῶ πάντα ὅσα κτῶμαι.^{Verse 13+}Καὶ ὁ τελώνης μακρόθεν ἑστὼς οὐκ ἤθελεν οὐδὲ τοὺς ὀφθαλμοὺς⁺εἰς τὸν οὐρανὸν ἐπᾶραι, ἀλλ᾽ ἔτυπτεν⁺εἰς τὸ στῆθος⁺αὐτοῦ, λέγων, Ὁ Θεός,⁺ἱλάσθητί μοι τῷ ἁμαρτωλῷ.^{Verse 14}Λέγω ὑμῖν, κατέβη οὗτος δεδικαιωμένος εἰς τὸν οἶκον αὐτοῦ⁺ἢ γὰρ ἐκεῖνος· ὅτι πᾶς ὁ ὑψῶν ἑαυτὸν ταπεινωθήσεται, ὁ δὲ ταπεινῶν ἑαυτὸν ὑψωθήσεται.

Let the Little Children Come to Me

^{Verse 15}Προσέφερον δὲ αὐτῷ καὶ τὰ βρέφη, ἵνα αὐτῶν ἅπτηται·⁺ἰδόντες δὲ οἱ μαθηταὶ⁺ἐπετίμησαν αὐτοῖς.^{Verse 16}Ὁ δὲ Ἰησοῦς⁺προσκαλεσάμενος αὐτὰ εἶπεν,Ἄφετε τὰ παιδία ἔρχεσθαι πρός με, καὶ μὴ κωλύετε αὐτά· τῶν γὰρ τοιούτων ἐστὶν ἡ βασιλεία τοῦ Θεοῦ.^{Verse 17}Ἀμὴν λέγω ὑμῖν, ὃς⁺ἐὰν μὴ δέξηται τὴν βασιλείαν τοῦ Θεοῦ ὡς παιδίον, οὐ μὴ εἰσέλθῃ εἰς αὐτήν.

The Rich Young Ruler

^{Verse 18}Καὶ ἐπηρώτησέ τις αὐτὸν ἄρχων, λέγων, Διδάσκαλε ἀγαθέ, τί ποιήσας ζωὴν αἰώνιον κληρονομήσω;^{Verse 19}Εἶπε δὲ αὐτῷ ὁ Ἰησοῦς,Τί με λέγεις ἀγαθόν; Οὐδεὶς ἀγαθός, εἰ μὴ εἷς, ὁ Θεός.^{Verse 20}Τὰς ἐντολὰς οἶδας, Μὴ μοιχεύσῃς, μὴ φονεύσῃς, μὴ κλέψῃς, μὴ ψευδομαρτυρήσῃς, τίμα τὸν πατέρα σου καὶ τὴν μητέρα⁺σου.^{Verse 21}Ὁ δὲ εἶπε, Ταῦτα πάντα⁺ἐφυλαξάμην ἐκ νεότητός⁺μου.^{Verse 22}Ἀκούσας δὲ⁺ταῦτα ὁ Ἰησοῦς εἶπεν αὐτῷ,Ἔτι ἕν σοι λείπει· πάντα ὅσα ἔχεις πώλησον, καὶ διάδος πτωχοῖς, καὶ ἕξεις θησαυρὸν ἐν⁺οὐρανῷ· καὶ δεῦρο, ἀκολούθει μοι.^{Verse 23}Ὁ δὲ ἀκούσας ταῦτα περίλυπος⁺ἐγένετο· ἦν γὰρ πλούσιος σφόδρα.^{Verse 24}Ἰδὼν δὲ αὐτὸν ὁ Ἰησοῦς⁺περίλυπον γενόμενον εἶπε,Πῶς δυσκόλως οἱ τὰ χρήματα ἔχοντες⁺εἰσελεύσονται εἰς τὴν βασιλείαν τοῦ Θεοῦ.^{Verse 25}Εὐκοπώτερον γάρ ἐστι κάμηλον διὰ⁺τρυμαλιᾶς ῥαφίδος εἰσελθεῖν, ἢ πλούσιον εἰς τὴν βασιλείαν τοῦ Θεοῦ εἰσελθεῖν.^{Verse 26+}Εἶπον δὲ οἱ ἀκούσαντες, Καὶ τίς δύναται σωθῆναι;^{Verse 27}Ὁ δὲ εἶπε,Τὰ ἀδύνατα παρὰ ἀνθρώποις δυνατά⁺ἐστι παρὰ τῷ Θεῷ.^{Verse 28}Εἶπε δὲ⁺Πέτρος, Ἰδού, ἡμεῖς⁺ἀφήκαμεν πάντα καὶ ἠκολουθήσαμέν σοι.^{Verse 29}Ὁ δὲ εἶπεν αὐτοῖς,Ἀμὴν λέγω ὑμῖν ὅτι οὐδείς ἐστιν ὃς ἀφῆκεν οἰκίαν, ἢ⁺γονεῖς, ἢ ἀδελφούς, ἢ γυναῖκα, ἢ τέκνα,⁺ἕνεκεν τῆς βασιλείας τοῦ Θεοῦ,^{Verse 30}ὃς⁺οὐ μὴ⁺ἀπολάβῃ πολλαπλασίονα ἐν τῷ καιρῷ τούτῳ, καὶ ἐν τῷ αἰῶνι τῷ ἐρχομένῳ ζωὴν αἰώνιον.

Jesus Predicts His Death and Resurrection a Third Time

^{Verse 31}Παραλαβὼν δὲ τοὺς δώδεκα, εἶπε πρὸς αὐτούς,Ἰδού, ἀναβαίνομεν εἰς⁺Ἱεροσόλυμα, καὶ⁺τελεσθήσεται πάντα τὰ γεγραμμένα διὰ τῶν προφητῶν τῷ υἱῷ τοῦ ἀνθρώπου.^{Verse 32}Παραδοθήσεται γὰρ τοῖς ἔθνεσι, καὶ ἐμπαιχθήσεται, καὶ ὑβρισθήσεται, καὶ ἐμπτυσθήσεται,^{Verse 33}καὶ μαστιγώσαντες ἀποκτενοῦσιν αὐτόν· καὶ τῇ ἡμέρᾳ τῇ τρίτῃ ἀναστήσεται.^{Verse 34}Καὶ αὐτοὶ οὐδὲν τούτων συνῆκαν, καὶ ἦν τὸ ῥῆμα τοῦτο κεκρυμμένον ἀπ᾽ αὐτῶν, καὶ οὐκ⁺ἐγίνωσκον τὰ λεγόμενα.

Jesus Heals a Blind Man

^{Verse 35}Ἐγένετο δὲ ἐν τῷ ἐγγίζειν αὐτὸν εἰς⁺Ἰεριχώ, τυφλός τις ἐκάθητο παρὰ τὴν ὁδὸν⁺προσαιτῶν·^{Verse 36}ἀκούσας δὲ ὄχλου διαπορευομένου, ἐπυνθάνετο τί εἴη⁺τοῦτο.^{Verse 37}Ἀπήγγειλαν δὲ αὐτῷ ὅτι Ἰησοῦς ὁ Ναζωραῖος παρέρχεται.^{Verse 38}Καὶ ἐβόησε, λέγων, Ἰησοῦ, υἱὲ⁺Δαυίδ, ἐλέησόν με.^{Verse 39}Καὶ οἱ προάγοντες ἐπετίμων αὐτῷ ἵνα⁺σιωπήσῃ· αὐτὸς δὲ πολλῷ μᾶλλον ἔκραζεν, Υἱὲ⁺Δαυίδ, ἐλέησόν με.^{Verse 40}Σταθεὶς δὲ⁺ὁ Ἰησοῦς ἐκέλευσεν αὐτὸν ἀχθῆναι πρὸς αὐτόν· ἐγγίσαντος δὲ αὐτοῦ ἐπηρώτησεν αὐτόν,^{Verse 41+}λέγων,Τί σοι θέλεις ποιήσω;Ὁ δὲ εἶπε, Κύριε, ἵνα ἀναβλέψω.^{Verse 42}Καὶ ὁ Ἰησοῦς εἶπεν αὐτῷ,Ἀνάβλεψον· ἡ πίστις σου σέσωκέ σε.^{Verse 43}Καὶ παραχρῆμα ἀνέβλεψε, καὶ ἠκολούθει αὐτῷ, δοξάζων τὸν Θεόν· καὶ πᾶς ὁ λαὸς ἰδὼν ἔδωκεν αἶνον τῷ Θεῷ.