Luke 16 — TCG

The Parable of the Unrighteous Steward

16Verse 1Ἔλεγε δὲ καὶ πρὸς τοὺς μαθητὰς⁺αὐτοῦ,Ἄνθρωπός τις ἦν πλούσιος, ὃς εἶχεν οἰκονόμον· καὶ οὗτος διεβλήθη αὐτῷ ὡς διασκορπίζων τὰ ὑπάρχοντα αὐτοῦ.^{Verse 2}Καὶ φωνήσας αὐτὸν εἶπεν αὐτῷ, Τί τοῦτο ἀκούω περὶ σοῦ; Ἀπόδος τὸν λόγον τῆς οἰκονομίας σου· οὐ γὰρ⁺δυνήσῃ ἔτι οἰκονομεῖν.^{Verse 3}Εἶπε δὲ ἐν ἑαυτῷ ὁ οἰκονόμος, Τί ποιήσω, ὅτι ὁ κύριός μου ἀφαιρεῖται τὴν οἰκονομίαν ἀπ᾽ ἐμοῦ; Σκάπτειν οὐκ ἰσχύω, ἐπαιτεῖν αἰσχύνομαι.^{Verse 4}Ἔγνων τί ποιήσω, ἵνα, ὅταν μετασταθῶ⁺τῆς οἰκονομίας, δέξωνταί με εἰς τοὺς οἴκους⁺αὐτῶν.^{Verse 5}Καὶ προσκαλεσάμενος ἕνα ἕκαστον τῶν⁺χρεωφειλετῶν τοῦ κυρίου ἑαυτοῦ, ἔλεγε τῷ πρώτῳ, Πόσον⁺ὀφείλεις τῷ κυρίῳ μου;^{Verse 6}Ὁ δὲ εἶπεν, Ἑκατὸν βάτους ἐλαίου.⁺Καὶ εἶπεν αὐτῷ, Δέξαι σου⁺τὸ γράμμα, καὶ καθίσας ταχέως γράψον πεντήκοντα.^{Verse 7}Ἔπειτα ἑτέρῳ εἶπε, Σὺ δὲ πόσον ὀφείλεις; Ὁ δὲ εἶπεν, Ἑκατὸν κόρους σίτου.⁺Καὶ λέγει αὐτῷ, Δέξαι σου⁺τὸ γράμμα, καὶ γράψον ὀγδοήκοντα.^{Verse 8}Καὶ ἐπῄνεσεν ὁ κύριος τὸν οἰκονόμον τῆς ἀδικίας ὅτι φρονίμως ἐποίησεν· ὅτι οἱ υἱοὶ τοῦ αἰῶνος τούτου φρονιμώτεροι ὑπὲρ τοὺς υἱοὺς τοῦ φωτὸς εἰς τὴν γενεὰν⁺τὴν ἑαυτῶν εἰσι.^{Verse 9+}Κἀγὼ ὑμῖν λέγω,⁺Ποιήσατε ἑαυτοῖς φίλους ἐκ τοῦ μαμωνᾶ τῆς ἀδικίας, ἵνα, ὅταν⁺ἐκλίπητε, δέξωνται ὑμᾶς εἰς τὰς αἰωνίους σκηνάς.^{Verse 10}Ὁ πιστὸς ἐν ἐλαχίστῳ καὶ ἐν πολλῷ πιστός ἐστι, καὶ ὁ ἐν ἐλαχίστῳ ἄδικος καὶ ἐν πολλῷ ἄδικός ἐστιν.^{Verse 11}Εἰ οὖν ἐν τῷ ἀδίκῳ μαμωνᾷ πιστοὶ οὐκ ἐγένεσθε, τὸ ἀληθινὸν τίς ὑμῖν πιστεύσει;^{Verse 12}Καὶ εἰ ἐν τῷ ἀλλοτρίῳ πιστοὶ οὐκ ἐγένεσθε, τὸ⁺ὑμέτερον τίς⁺ὑμῖν δώσει;^{Verse 13}Οὐδεὶς οἰκέτης δύναται δυσὶ κυρίοις δουλεύειν· ἢ γὰρ τὸν ἕνα⁺μισήσει, καὶ τὸν ἕτερον ἀγαπήσει· ἢ ἑνὸς ἀνθέξεται, καὶ τοῦ ἑτέρου καταφρονήσει. Οὐ δύνασθε Θεῷ δουλεύειν καὶ μαμωνᾷ.

The Law and the Kingdom of God

^{Verse 14}Ἤκουον δὲ ταῦτα⁺πάντα καὶ οἱ Φαρισαῖοι φιλάργυροι ὑπάρχοντες, καὶ ἐξεμυκτήριζον αὐτόν.^{Verse 15}Καὶ εἶπεν αὐτοῖς,Ὑμεῖς ἐστε οἱ δικαιοῦντες ἑαυτοὺς ἐνώπιον τῶν ἀνθρώπων, ὁ δὲ Θεὸς⁺γινώσκει τὰς καρδίας ὑμῶν· ὅτι τὸ ἐν ἀνθρώποις ὑψηλὸν βδέλυγμα ἐνώπιον τοῦ⁺Θεοῦ.^{Verse 16}Ὁ νόμος καὶ οἱ προφῆται⁺ἕως⁺Ἰωάννου· ἀπὸ τότε ἡ βασιλεία τοῦ Θεοῦ εὐαγγελίζεται, καὶ πᾶς εἰς αὐτὴν βιάζεται.^{Verse 17}Εὐκοπώτερον δέ ἐστι τὸν οὐρανὸν καὶ τὴν γῆν παρελθεῖν, ἢ τοῦ νόμου μίαν⁺κεραίαν πεσεῖν.^{Verse 18}Πᾶς ὁ ἀπολύων τὴν γυναῖκα αὐτοῦ καὶ γαμῶν ἑτέραν μοιχεύει· καὶ⁺πᾶς ὁ ἀπολελυμένην ἀπὸ ἀνδρὸς γαμῶν μοιχεύει.

The Rich Man and Lazarus

^{Verse 19}Ἄνθρωπος δέ τις ἦν πλούσιος, καὶ ἐνεδιδύσκετο πορφύραν καὶ βύσσον, εὐφραινόμενος καθ᾽ ἡμέραν λαμπρῶς.^{Verse 20}Πτωχὸς δέ τις⁺ἦν ὀνόματι Λάζαρος, ὃς ἐβέβλητο πρὸς τὸν πυλῶνα αὐτοῦ⁺ἡλκωμένος^{Verse 21}καὶ ἐπιθυμῶν χορτασθῆναι ἀπὸ⁺τῶν ψιχίων τῶν πιπτόντων ἀπὸ τῆς τραπέζης τοῦ πλουσίου· ἀλλὰ καὶ οἱ κύνες ἐρχόμενοι⁺ἀπέλειχον τὰ ἕλκη αὐτοῦ.^{Verse 22}Ἐγένετο δὲ ἀποθανεῖν τὸν πτωχόν, καὶ ἀπενεχθῆναι αὐτὸν ὑπὸ τῶν ἀγγέλων εἰς τὸν κόλπον⁺Ἀβραάμ· ἀπέθανε δὲ καὶ ὁ πλούσιος, καὶ ἐτάφη.^{Verse 23}Καὶ ἐν τῷ ᾍδῃ ἐπάρας τοὺς ὀφθαλμοὺς αὐτοῦ, ὑπάρχων ἐν βασάνοις, ὁρᾷ⁺τὸν Ἀβραὰμ ἀπὸ μακρόθεν, καὶ Λάζαρον ἐν τοῖς κόλποις αὐτοῦ.^{Verse 24}Καὶ αὐτὸς φωνήσας εἶπε, Πάτερ Ἀβραάμ, ἐλέησόν με, καὶ πέμψον Λάζαρον, ἵνα βάψῃ τὸ ἄκρον τοῦ δακτύλου αὐτοῦ ὕδατος, καὶ καταψύξῃ τὴν γλῶσσάν μου· ὅτι ὀδυνῶμαι ἐν τῇ φλογὶ ταύτῃ.^{Verse 25}Εἶπε δὲ Ἀβραάμ, Τέκνον, μνήσθητι ὅτι ἀπέλαβες⁺σὺ τὰ ἀγαθά σου ἐν τῇ ζωῇ σου, καὶ Λάζαρος ὁμοίως τὰ κακά· νῦν δὲ⁺ὧδε παρακαλεῖται, σὺ δὲ ὀδυνᾶσαι.^{Verse 26}Καὶ⁺ἐπὶ πᾶσι τούτοις, μεταξὺ ἡμῶν καὶ ὑμῶν χάσμα μέγα ἐστήρικται, ὅπως οἱ θέλοντες διαβῆναι⁺ἔνθεν πρὸς ὑμᾶς μὴ δύνωνται, μηδὲ⁺οἱ ἐκεῖθεν πρὸς ἡμᾶς διαπερῶσιν.^{Verse 27}Εἶπε δέ, Ἐρωτῶ⁺οὖν σε, πάτερ, ἵνα πέμψῃς αὐτὸν εἰς τὸν οἶκον τοῦ πατρός μου,^{Verse 28}ἔχω γὰρ πέντε ἀδελφούς, ὅπως διαμαρτύρηται αὐτοῖς, ἵνα μὴ καὶ αὐτοὶ ἔλθωσιν εἰς τὸν τόπον τοῦτον τῆς βασάνου.^{Verse 29}Λέγει⁺αὐτῷ Ἀβραάμ, Ἔχουσι⁺Μωσέα καὶ τοὺς προφήτας· ἀκουσάτωσαν αὐτῶν.^{Verse 30}Ὁ δὲ εἶπεν, Οὐχί, πάτερ Ἀβραάμ· ἀλλ᾽ ἐάν τις ἀπὸ νεκρῶν πορευθῇ πρὸς αὐτούς, μετανοήσουσιν.^{Verse 31}Εἶπε δὲ αὐτῷ, Εἰ⁺Μωσέως καὶ τῶν προφητῶν οὐκ ἀκούουσιν,⁺οὐδέ, ἐάν τις ἐκ νεκρῶν ἀναστῇ, πεισθήσονται.