Luke 15 — TCG

The Parable of the Lost Sheep

15Verse 1Ἦσαν δὲ⁺ἐγγίζοντες αὐτῷ πάντες οἱ τελῶναι καὶ οἱ ἁμαρτωλοί, ἀκούειν αὐτοῦ.^{Verse 2}Καὶ διεγόγγυζον⁺οἱ Φαρισαῖοι καὶ οἱ γραμματεῖς λέγοντες ὅτι Οὗτος ἁμαρτωλοὺς προσδέχεται, καὶ συνεσθίει αὐτοῖς.^{Verse 3}Εἶπε δὲ πρὸς αὐτοὺς τὴν παραβολὴν ταύτην, λέγων,^{Verse 4}Τίς ἄνθρωπος ἐξ ὑμῶν ἔχων ἑκατὸν πρόβατα, καὶ ἀπολέσας⁺ἓν ἐξ αὐτῶν, οὐ καταλείπει τὰ⁺ἐνενήκοντα ἐννέα ἐν τῇ ἐρήμῳ, καὶ πορεύεται ἐπὶ τὸ ἀπολωλός,⁺ἕως εὕρῃ αὐτό;^{Verse 5}Καὶ εὑρὼν ἐπιτίθησιν ἐπὶ τοὺς ὤμους⁺ἑαυτοῦ χαίρων.^{Verse 6}Καὶ ἐλθὼν εἰς τὸν οἶκον,⁺συγκαλεῖ τοὺς φίλους καὶ τοὺς γείτονας, λέγων αὐτοῖς,⁺Συγχάρητέ μοι, ὅτι εὗρον τὸ πρόβατόν μου τὸ ἀπολωλός.^{Verse 7}Λέγω ὑμῖν ὅτι οὕτω χαρὰ⁺ἔσται ἐν τῷ οὐρανῷ ἐπὶ ἑνὶ ἁμαρτωλῷ μετανοοῦντι, ἢ ἐπὶ⁺ἐνενήκοντα ἐννέα δικαίοις, οἵτινες οὐ χρείαν ἔχουσι μετανοίας.

The Parable of the Lost Coin

^{Verse 8}Ἢ τίς γυνὴ δραχμὰς ἔχουσα δέκα, ἐὰν ἀπολέσῃ δραχμὴν μίαν, οὐχὶ ἅπτει λύχνον, καὶ σαροῖ τὴν οἰκίαν, καὶ ζητεῖ ἐπιμελῶς ἕως⁺ὅτου εὕρῃ;^{Verse 9}Καὶ εὑροῦσα⁺συγκαλεῖται τὰς φίλας καὶ⁺τὰς γείτονας, λέγουσα,⁺Συγχάρητέ μοι, ὅτι εὗρον τὴν δραχμὴν ἣν ἀπώλεσα.^{Verse 10}Οὕτω, λέγω ὑμῖν,⁺χαρὰ γίνεται ἐνώπιον τῶν ἀγγέλων τοῦ Θεοῦ ἐπὶ ἑνὶ ἁμαρτωλῷ μετανοοῦντι.

The Parable of the Prodigal Son

^{Verse 11}Εἶπε δέ,Ἄνθρωπός τις εἶχε δύο υἱούς·^{Verse 12}καὶ εἶπεν ὁ νεώτερος αὐτῶν τῷ πατρί, Πάτερ, δός μοι τὸ ἐπιβάλλον μέρος τῆς οὐσίας.⁺Καὶ διεῖλεν αὐτοῖς τὸν βίον.^{Verse 13}Καὶ μετ᾽ οὐ πολλὰς ἡμέρας συναγαγὼν⁺ἅπαντα ὁ νεώτερος υἱὸς ἀπεδήμησεν εἰς χώραν μακράν, καὶ ἐκεῖ διεσκόρπισε τὴν οὐσίαν αὐτοῦ, ζῶν ἀσώτως.^{Verse 14}Δαπανήσαντος δὲ αὐτοῦ πάντα, ἐγένετο⁺λιμὸς⁺ἰσχυρὸς κατὰ τὴν χώραν ἐκείνην, καὶ αὐτὸς ἤρξατο ὑστερεῖσθαι.^{Verse 15}Καὶ πορευθεὶς ἐκολλήθη ἑνὶ τῶν⁺πολιτῶν τῆς χώρας ἐκείνης· καὶ ἔπεμψεν αὐτὸν εἰς τοὺς ἀγροὺς αὐτοῦ βόσκειν χοίρους.^{Verse 16}Καὶ ἐπεθύμει⁺γεμίσαι τὴν κοιλίαν αὐτοῦ ἀπὸ τῶν κερατίων ὧν ἤσθιον οἱ χοῖροι· καὶ οὐδεὶς ἐδίδου αὐτῷ.^{Verse 17}Εἰς ἑαυτὸν δὲ ἐλθὼν⁺εἶπε, Πόσοι μίσθιοι τοῦ πατρός μου⁺περισσεύουσιν ἄρτων, ἐγὼ δὲ⁺λιμῷ ἀπόλλυμαι·^{Verse 18}ἀναστὰς πορεύσομαι πρὸς τὸν πατέρα μου, καὶ ἐρῶ αὐτῷ, Πάτερ, ἥμαρτον εἰς τὸν οὐρανὸν καὶ ἐνώπιόν σου·^{Verse 19+}καὶ οὐκέτι εἰμὶ ἄξιος κληθῆναι υἱός σου· ποίησόν με ὡς ἕνα τῶν μισθίων σου.^{Verse 20}Καὶ ἀναστὰς ἦλθε πρὸς τὸν πατέρα⁺αὐτοῦ. Ἔτι δὲ αὐτοῦ μακρὰν ἀπέχοντος, εἶδεν αὐτὸν ὁ πατὴρ αὐτοῦ, καὶ ἐσπλαγχνίσθη, καὶ δραμὼν ἐπέπεσεν ἐπὶ τὸν τράχηλον αὐτοῦ, καὶ κατεφίλησεν αὐτόν.^{Verse 21}Εἶπε δὲ⁺αὐτῷ ὁ υἱός, Πάτερ, ἥμαρτον εἰς τὸν οὐρανὸν καὶ ἐνώπιόν σου,⁺καὶ οὐκέτι εἰμὶ ἄξιος κληθῆναι υἱός⁺σου.^{Verse 22}Εἶπε δὲ ὁ πατὴρ πρὸς τοὺς δούλους αὐτοῦ,⁺Ἐξενέγκατε⁺τὴν στολὴν τὴν πρώτην καὶ ἐνδύσατε αὐτόν, καὶ δότε δακτύλιον εἰς τὴν χεῖρα αὐτοῦ, καὶ ὑποδήματα εἰς τοὺς πόδας·^{Verse 23}καὶ⁺ἐνέγκαντες τὸν μόσχον τὸν σιτευτὸν θύσατε, καὶ φαγόντες εὐφρανθῶμεν·^{Verse 24}ὅτι οὗτος ὁ υἱός μου νεκρὸς ἦν, καὶ ἀνέζησε·⁺καὶ ἀπολωλὼς ἦν, καὶ εὑρέθη. Καὶ ἤρξαντο εὐφραίνεσθαι.^{Verse 25}Ἦν δὲ ὁ υἱὸς αὐτοῦ ὁ πρεσβύτερος ἐν ἀγρῷ· καὶ ὡς ἐρχόμενος ἤγγισε τῇ οἰκίᾳ, ἤκουσε συμφωνίας καὶ χορῶν.^{Verse 26}Καὶ προσκαλεσάμενος ἕνα τῶν⁺παίδων, ἐπυνθάνετο τί⁺εἴη ταῦτα.^{Verse 27}Ὁ δὲ εἶπεν αὐτῷ ὅτι Ὁ ἀδελφός σου ἥκει· καὶ ἔθυσεν ὁ πατήρ σου τὸν μόσχον τὸν σιτευτόν, ὅτι ὑγιαίνοντα αὐτὸν ἀπέλαβεν.^{Verse 28}Ὠργίσθη δέ, καὶ οὐκ ἤθελεν εἰσελθεῖν· ὁ⁺οὖν πατὴρ αὐτοῦ ἐξελθὼν παρεκάλει αὐτόν.^{Verse 29}Ὁ δὲ ἀποκριθεὶς εἶπε τῷ⁺πατρί, Ἰδού, τοσαῦτα ἔτη δουλεύω σοι, καὶ οὐδέποτε ἐντολήν σου παρῆλθον, καὶ ἐμοὶ οὐδέποτε ἔδωκας ἔριφον, ἵνα μετὰ τῶν φίλων μου εὐφρανθῶ.^{Verse 30}Ὅτε δὲ ὁ υἱός σου οὗτος ὁ καταφαγών σου τὸν βίον μετὰ πορνῶν ἦλθεν, ἔθυσας αὐτῷ τὸν⁺μόσχον τὸν σιτευτόν.^{Verse 31}Ὁ δὲ εἶπεν αὐτῷ, Τέκνον, σὺ πάντοτε μετ᾽ ἐμοῦ εἶ, καὶ πάντα τὰ ἐμὰ σά ἐστιν.^{Verse 32}Εὐφρανθῆναι δὲ καὶ χαρῆναι ἔδει· ὅτι ὁ ἀδελφός σου οὗτος νεκρὸς ἦν, καὶ⁺ἀνέζησε· καὶ ἀπολωλὼς⁺ἦν, καὶ εὑρέθη.