Luke 12 — TCG

Beware of the Leaven of the Pharisees

12Verse 1Ἐν οἷς ἐπισυναχθεισῶν τῶν μυριάδων τοῦ ὄχλου,⁺ὥστε καταπατεῖν ἀλλήλους, ἤρξατο λέγειν πρὸς τοὺς μαθητὰς αὐτοῦ πρῶτον,Προσέχετε ἑαυτοῖς ἀπὸ τῆς ζύμης⁺τῶν Φαρισαίων, ἥτις ἐστὶν ὑπόκρισις.^{Verse 2}Οὐδὲν δὲ συγκεκαλυμμένον ἐστὶν ὃ οὐκ ἀποκαλυφθήσεται, καὶ κρυπτὸν ὃ οὐ γνωσθήσεται.^{Verse 3}Ἀνθ᾽ ὧν ὅσα ἐν τῇ σκοτίᾳ εἴπατε, ἐν τῷ φωτὶ ἀκουσθήσεται· καὶ ὃ πρὸς τὸ οὖς ἐλαλήσατε ἐν τοῖς ταμείοις, κηρυχθήσεται ἐπὶ τῶν δωμάτων.

Fear God Alone

^{Verse 4}Λέγω δὲ ὑμῖν τοῖς φίλοις μου, Μὴ φοβηθῆτε ἀπὸ τῶν⁺ἀποκτενόντων τὸ σῶμα, καὶ μετὰ ταῦτα μὴ ἐχόντων περισσότερόν τι ποιῆσαι.^{Verse 5}Ὑποδείξω δὲ ὑμῖν τίνα φοβηθῆτε· φοβήθητε τὸν μετὰ τὸ ἀποκτεῖναι⁺ἐξουσίαν ἔχοντα ἐμβαλεῖν εἰς τὴν γέενναν· ναί, λέγω ὑμῖν, τοῦτον φοβήθητε.^{Verse 6}Οὐχὶ πέντε στρουθία⁺πωλεῖται ἀσσαρίων δύο; Καὶ ἓν ἐξ αὐτῶν οὐκ ἔστιν ἐπιλελησμένον ἐνώπιον τοῦ Θεοῦ.^{Verse 7}Ἀλλὰ καὶ αἱ τρίχες τῆς κεφαλῆς ὑμῶν πᾶσαι ἠρίθμηνται. Μὴ⁺οὖν φοβεῖσθε·⁺πολλῶν στρουθίων διαφέρετε.

Acknowledging Christ

^{Verse 8}Λέγω δὲ ὑμῖν, Πᾶς ὃς ἂν⁺ὁμολογήσῃ ἐν ἐμοὶ ἔμπροσθεν τῶν ἀνθρώπων, καὶ ὁ υἱὸς τοῦ ἀνθρώπου ὁμολογήσει ἐν αὐτῷ ἔμπροσθεν τῶν ἀγγέλων τοῦ Θεοῦ·^{Verse 9}ὁ δὲ ἀρνησάμενός με ἐνώπιον τῶν ἀνθρώπων ἀπαρνηθήσεται ἐνώπιον τῶν ἀγγέλων τοῦ Θεοῦ.^{Verse 10}Καὶ πᾶς ὃς ἐρεῖ λόγον εἰς τὸν υἱὸν τοῦ ἀνθρώπου, ἀφεθήσεται αὐτῷ· τῷ δὲ εἰς τὸ Ἅγιον Πνεῦμα βλασφημήσαντι οὐκ ἀφεθήσεται.^{Verse 11}Ὅταν δὲ⁺προσφέρωσιν ὑμᾶς ἐπὶ τὰς συναγωγὰς καὶ τὰς ἀρχὰς καὶ τὰς ἐξουσίας, μὴ⁺μεριμνᾶτε πῶς ἢ τί⁺ἀπολογήσησθε, ἢ τί εἴπητε·^{Verse 12}τὸ γὰρ Ἅγιον Πνεῦμα διδάξει ὑμᾶς ἐν αὐτῇ τῇ ὥρᾳ, ἃ δεῖ εἰπεῖν.

The Parable of the Rich Fool

^{Verse 13}Εἶπε δέ τις⁺αὐτῷ ἐκ τοῦ ὄχλου, Διδάσκαλε, εἰπὲ τῷ ἀδελφῷ μου μερίσασθαι⁺μετ᾽ ἐμοῦ τὴν κληρονομίαν.^{Verse 14}Ὁ δὲ εἶπεν αὐτῷ,Ἄνθρωπε, τίς με κατέστησε⁺δικαστὴν ἢ μεριστὴν ἐφ᾽ ὑμᾶς;^{Verse 15}Εἶπε δὲ πρὸς αὐτούς,Ὁρᾶτε καὶ φυλάσσεσθε ἀπὸ⁺τῆς πλεονεξίας· ὅτι οὐκ ἐν τῷ περισσεύειν τινὶ ἡ ζωὴ⁺αὐτῷ ἐστιν ἐκ τῶν ὑπαρχόντων⁺αὐτοῦ.^{Verse 16}Εἶπε δὲ παραβολὴν πρὸς αὐτούς, λέγων,Ἀνθρώπου τινὸς πλουσίου εὐφόρησεν ἡ χώρα·^{Verse 17}καὶ διελογίζετο ἐν⁺ἑαυτῷ λέγων, Τί ποιήσω, ὅτι οὐκ ἔχω ποῦ συνάξω τοὺς καρπούς μου;^{Verse 18}Καὶ εἶπε, Τοῦτο ποιήσω· καθελῶ μου τὰς ἀποθήκας, καὶ μείζονας οἰκοδομήσω, καὶ συνάξω ἐκεῖ πάντα⁺τὰ γενήματά μου καὶ τὰ ἀγαθά μου.^{Verse 19}Καὶ ἐρῶ τῇ ψυχῇ μου, Ψυχή, ἔχεις πολλὰ ἀγαθὰ κείμενα εἰς ἔτη πολλά· ἀναπαύου, φάγε, πίε, εὐφραίνου.^{Verse 20}Εἶπε δὲ αὐτῷ ὁ Θεός,⁺Ἄφρον, ταύτῃ τῇ νυκτὶ τὴν ψυχήν σου⁺ἀπαιτοῦσιν ἀπὸ σοῦ· ἃ δὲ ἡτοίμασας, τίνι ἔσται;^{Verse 21}Οὕτως ὁ θησαυρίζων⁺ἑαυτῷ, καὶ μὴ εἰς Θεὸν πλουτῶν.

Do Not Be Anxious

^{Verse 22}Εἶπε δὲ πρὸς τοὺς μαθητὰς⁺αὐτοῦ,Διὰ τοῦτο⁺ὑμῖν λέγω, μὴ μεριμνᾶτε τῇ ψυχῇ⁺ὑμῶν, τί φάγητε· μηδὲ τῷ⁺σώματι, τί⁺ἐνδύσησθε.^{Verse 23+}Ἡ ψυχὴ⁺πλεῖόν ἐστι τῆς τροφῆς, καὶ τὸ σῶμα τοῦ ἐνδύματος.^{Verse 24}Κατανοήσατε τοὺς κόρακας, ὅτι οὐ σπείρουσιν, οὐδὲ θερίζουσιν, οἷς οὐκ ἔστι ταμεῖον οὐδὲ ἀποθήκη, καὶ ὁ Θεὸς τρέφει αὐτούς· πόσῳ μᾶλλον ὑμεῖς διαφέρετε τῶν πετεινῶν;^{Verse 25}Τίς δὲ ἐξ ὑμῶν μεριμνῶν δύναται⁺προσθεῖναι ἐπὶ τὴν ἡλικίαν αὐτοῦ πῆχυν⁺ἕνα;^{Verse 26}Εἰ οὖν⁺οὔτε ἐλάχιστον δύνασθε, τί περὶ τῶν λοιπῶν μεριμνᾶτε;^{Verse 27}Κατανοήσατε τὰ κρίνα πῶς αὐξάνει· οὐ κοπιᾷ, οὐδὲ νήθει· λέγω⁺δὲ ὑμῖν, οὐδὲ Σολομὼν ἐν πάσῃ τῇ δόξῃ αὐτοῦ περιεβάλετο ὡς ἓν τούτων.^{Verse 28}Εἰ δὲ⁺τὸν χόρτον ἐν τῷ ἀγρῷ⁺σήμερον ὄντα, καὶ αὔριον εἰς⁺κλίβανον βαλλόμενον, ὁ Θεὸς οὕτως⁺ἀμφιέννυσι, πόσῳ μᾶλλον ὑμᾶς, ὀλιγόπιστοι;^{Verse 29}Καὶ ὑμεῖς μὴ ζητεῖτε τί φάγητε,⁺ἢ τί πίητε· καὶ μὴ μετεωρίζεσθε.^{Verse 30}Ταῦτα γὰρ πάντα τὰ ἔθνη τοῦ κόσμου⁺ἐπιζητεῖ· ὑμῶν δὲ ὁ πατὴρ οἶδεν ὅτι χρῄζετε τούτων.^{Verse 31}Πλὴν ζητεῖτε τὴν βασιλείαν⁺τοῦ Θεοῦ, καὶ ταῦτα⁺πάντα προστεθήσεται ὑμῖν.^{Verse 32}Μὴ φοβοῦ, τὸ μικρὸν ποίμνιον· ὅτι εὐδόκησεν ὁ πατὴρ ὑμῶν δοῦναι ὑμῖν τὴν βασιλείαν.^{Verse 33}Πωλήσατε τὰ ὑπάρχοντα ὑμῶν καὶ δότε ἐλεημοσύνην. Ποιήσατε ἑαυτοῖς⁺βαλάντια μὴ παλαιούμενα, θησαυρὸν ἀνέκλειπτον ἐν τοῖς οὐρανοῖς, ὅπου κλέπτης οὐκ ἐγγίζει, οὐδὲ σὴς διαφθείρει·^{Verse 34}ὅπου γάρ ἐστιν ὁ θησαυρὸς ὑμῶν, ἐκεῖ καὶ ἡ καρδία ὑμῶν ἔσται.

Be Ready

^{Verse 35}Ἔστωσαν ὑμῶν αἱ ὀσφύες περιεζωσμέναι, καὶ οἱ λύχνοι καιόμενοι·^{Verse 36}καὶ ὑμεῖς ὅμοιοι ἀνθρώποις προσδεχομένοις τὸν κύριον ἑαυτῶν, πότε⁺ἀναλύσῃ ἐκ τῶν γάμων, ἵνα, ἐλθόντος καὶ κρούσαντος, εὐθέως ἀνοίξωσιν αὐτῷ.^{Verse 37}Μακάριοι οἱ δοῦλοι ἐκεῖνοι, οὓς ἐλθὼν ὁ κύριος εὑρήσει γρηγοροῦντας· ἀμὴν λέγω ὑμῖν ὅτι περιζώσεται καὶ ἀνακλινεῖ αὐτούς, καὶ παρελθὼν διακονήσει αὐτοῖς.^{Verse 38+}Καὶ ἐὰν ἔλθῃ ἐν τῇ δευτέρᾳ φυλακῇ, καὶ ἐν τῇ τρίτῃ φυλακῇ ἔλθῃ, καὶ εὕρῃ οὕτω, μακάριοί εἰσιν⁺οἱ δοῦλοι ἐκεῖνοι.^{Verse 39}Τοῦτο δὲ⁺γινώσκετε, ὅτι εἰ ᾔδει ὁ οἰκοδεσπότης ποίᾳ ὥρᾳ ὁ κλέπτης ἔρχεται,⁺ἐγρηγόρησεν ἄν, καὶ οὐκ⁺ἂν ἀφῆκε⁺διορυγῆναι τὸν οἶκον αὐτοῦ.^{Verse 40}Καὶ ὑμεῖς⁺οὖν⁺γίνεσθε ἕτοιμοι· ὅτι ᾗ ὥρᾳ οὐ δοκεῖτε ὁ υἱὸς τοῦ ἀνθρώπου ἔρχεται.^{Verse 41}Εἶπε δὲ⁺αὐτῷ ὁ Πέτρος, Κύριε, πρὸς ἡμᾶς τὴν παραβολὴν ταύτην λέγεις, ἢ καὶ πρὸς πάντας;^{Verse 42+}Εἶπε δὲ ὁ Κύριος,Τίς ἄρα ἐστὶν ὁ πιστὸς οἰκονόμος⁺καὶ φρόνιμος, ὃν καταστήσει ὁ κύριος ἐπὶ τῆς θεραπείας αὐτοῦ, τοῦ διδόναι ἐν καιρῷ⁺τὸ σιτομέτριον;^{Verse 43}Μακάριος ὁ δοῦλος ἐκεῖνος, ὃν ἐλθὼν ὁ κύριος αὐτοῦ εὑρήσει⁺ποιοῦντα οὕτως.^{Verse 44}Ἀληθῶς λέγω ὑμῖν ὅτι ἐπὶ πᾶσι τοῖς ὑπάρχουσιν αὐτοῦ καταστήσει αὐτόν.^{Verse 45}Ἐὰν δὲ εἴπῃ ὁ δοῦλος ἐκεῖνος ἐν τῇ καρδίᾳ αὐτοῦ, Χρονίζει ὁ κύριός μου ἔρχεσθαι, καὶ ἄρξηται τύπτειν τοὺς παῖδας καὶ τὰς παιδίσκας, ἐσθίειν τε καὶ πίνειν καὶ μεθύσκεσθαι·^{Verse 46}ἥξει ὁ κύριος τοῦ δούλου ἐκείνου ἐν ἡμέρᾳ ᾗ οὐ προσδοκᾷ, καὶ ἐν ὥρᾳ ᾗ οὐ⁺γινώσκει, καὶ διχοτομήσει αὐτόν, καὶ τὸ μέρος αὐτοῦ μετὰ τῶν ἀπίστων θήσει.^{Verse 47}Ἐκεῖνος δὲ ὁ δοῦλος ὁ γνοὺς τὸ θέλημα τοῦ κυρίου⁺ἑαυτοῦ, καὶ μὴ ἑτοιμάσας⁺μηδὲ ποιήσας πρὸς τὸ θέλημα αὐτοῦ, δαρήσεται πολλάς·^{Verse 48}ὁ δὲ μὴ γνούς, ποιήσας δὲ ἄξια πληγῶν, δαρήσεται ὀλίγας. Παντὶ δὲ ᾧ ἐδόθη πολύ, πολὺ ζητηθήσεται παρ᾽ αὐτοῦ· καὶ ᾧ παρέθεντο πολύ, περισσότερον αἰτήσουσιν αὐτόν.

Not Peace, but Division

^{Verse 49}Πῦρ ἦλθον βαλεῖν⁺εἰς τὴν γῆν, καὶ τί θέλω εἰ ἤδη ἀνήφθη;^{Verse 50}Βάπτισμα δὲ ἔχω βαπτισθῆναι, καὶ πῶς συνέχομαι ἕως⁺οὗ τελεσθῇ.^{Verse 51}Δοκεῖτε ὅτι εἰρήνην παρεγενόμην δοῦναι ἐν τῇ γῇ; Οὐχί, λέγω ὑμῖν, ἀλλ᾽ ἢ διαμερισμόν.^{Verse 52}Ἔσονται γὰρ ἀπὸ τοῦ νῦν πέντε ἐν⁺οἴκῳ ἑνὶ διαμεμερισμένοι, τρεῖς ἐπὶ δυσί, καὶ δύο ἐπὶ τρισί.^{Verse 53+}Διαμερισθήσεται πατὴρ⁺ἐπὶ υἱῷ, καὶ υἱὸς ἐπὶ πατρί· μήτηρ ἐπὶ⁺θυγατρί, καὶ θυγάτηρ ἐπὶ⁺μητρί· πενθερὰ ἐπὶ τὴν νύμφην αὐτῆς, καὶ νύμφη ἐπὶ τὴν πενθερὰν⁺αὐτῆς.

Interpreting the Present Time

^{Verse 54}Ἔλεγε δὲ καὶ τοῖς ὄχλοις,Ὅταν ἴδητε⁺τὴν νεφέλην ἀνατέλλουσαν⁺ἀπὸ δυσμῶν, εὐθέως⁺λέγετε, Ὄμβρος ἔρχεται· καὶ⁺γίνεται οὕτω.^{Verse 55}Καὶ ὅταν νότον πνέοντα, λέγετε ὅτι Καύσων ἔσται· καὶ⁺γίνεται.^{Verse 56}Ὑποκριταί, τὸ πρόσωπον⁺τῆς γῆς καὶ τοῦ οὐρανοῦ οἴδατε δοκιμάζειν· τὸν⁺δὲ καιρὸν τοῦτον πῶς⁺οὐ δοκιμάζετε;

Settle with Your Adversary

^{Verse 57}Τί δὲ καὶ ἀφ᾽ ἑαυτῶν οὐ κρίνετε τὸ δίκαιον;^{Verse 58}Ὡς γὰρ ὑπάγεις μετὰ τοῦ ἀντιδίκου σου ἐπ᾽ ἄρχοντα, ἐν τῇ ὁδῷ δὸς ἐργασίαν ἀπηλλάχθαι ἀπ᾽ αὐτοῦ· μήποτε κατασύρῃ σε πρὸς τὸν κριτήν, καὶ ὁ κριτής σε⁺παραδῷ τῷ πράκτορι, καὶ ὁ πράκτωρ⁺σε βάλῃ εἰς φυλακήν.^{Verse 59}Λέγω σοι, οὐ μὴ ἐξέλθῃς ἐκεῖθεν, ἕως⁺οὗ καὶ⁺τὸν ἔσχατον λεπτὸν ἀποδῷς.