Luke 11 — TCG

Instruction About Prayer

11Verse 1Καὶ ἐγένετο ἐν τῷ εἶναι αὐτὸν ἐν τόπῳ τινὶ προσευχόμενον, ὡς ἐπαύσατο, εἶπέ τις τῶν μαθητῶν αὐτοῦ πρὸς αὐτόν, Κύριε, δίδαξον ἡμᾶς προσεύχεσθαι, καθὼς καὶ⁺Ἰωάννης ἐδίδαξε τοὺς μαθητὰς αὐτοῦ.^{Verse 2}Εἶπε δὲ αὐτοῖς,Ὅταν προσεύχησθε, λέγετε,
Πάτερ⁺ἡμῶν ὁ ἐν τοῖς οὐρανοῖς,
ἁγιασθήτω τὸ ὄνομά σου.
⁺Ἐλθέτω ἡ βασιλεία σου.
⁺Γενηθήτω τὸ θέλημά σου,
ὡς ἐν οὐρανῷ, καὶ ἐπὶ τῆς γῆς.
^{Verse 3}Τὸν ἄρτον ἡμῶν τὸν ἐπιούσιον δίδου ἡμῖν τὸ καθ᾽ ἡμέραν.
^{Verse 4}Καὶ ἄφες ἡμῖν τὰς ἁμαρτίας ἡμῶν,
καὶ γὰρ αὐτοὶ⁺ἀφίεμεν παντὶ⁺ὀφείλοντι ἡμῖν.
Καὶ μὴ εἰσενέγκῃς ἡμᾶς εἰς πειρασμόν,
⁺ἀλλὰ ῥῦσαι ἡμᾶς ἀπὸ τοῦ πονηροῦ.^{Verse 5}Καὶ εἶπε πρὸς αὐτούς,Τίς ἐξ ὑμῶν ἕξει φίλον, καὶ πορεύσεται πρὸς αὐτὸν μεσονυκτίου, καὶ⁺εἴπῃ αὐτῷ, Φίλε, χρῆσόν μοι τρεῖς ἄρτους,^{Verse 6}ἐπειδὴ⁺φίλος παρεγένετο ἐξ ὁδοῦ πρός με, καὶ οὐκ ἔχω ὃ παραθήσω αὐτῷ·^{Verse 7}κἀκεῖνος ἔσωθεν ἀποκριθεὶς εἴπῃ, Μή μοι κόπους πάρεχε· ἤδη ἡ θύρα κέκλεισται, καὶ τὰ παιδία μου μετ᾽ ἐμοῦ εἰς τὴν κοίτην εἰσίν· οὐ δύναμαι ἀναστὰς δοῦναί σοι.^{Verse 8}Λέγω ὑμῖν, εἰ καὶ οὐ δώσει αὐτῷ ἀναστάς, διὰ τὸ εἶναι⁺αὐτοῦ φίλον, διά γε τὴν⁺ἀναίδειαν αὐτοῦ ἐγερθεὶς δώσει αὐτῷ⁺ὅσον χρῄζει.^{Verse 9}Κἀγὼ ὑμῖν λέγω, αἰτεῖτε, καὶ δοθήσεται ὑμῖν· ζητεῖτε, καὶ εὑρήσετε· κρούετε, καὶ ἀνοιγήσεται ὑμῖν.^{Verse 10}Πᾶς γὰρ ὁ αἰτῶν λαμβάνει· καὶ ὁ ζητῶν εὑρίσκει· καὶ τῷ κρούοντι⁺ἀνοιγήσεται.^{Verse 11}Τίνα δὲ⁺ὑμῶν τὸν πατέρα αἰτήσει ὁ υἱὸς⁺ἄρτον, μὴ λίθον ἐπιδώσει αὐτῷ; Ἢ καὶ ἰχθύν, μὴ ἀντὶ ἰχθύος ὄφιν⁺ἐπιδώσει αὐτῷ;^{Verse 12}Ἢ καὶ⁺ἐὰν αἰτήσῃ ᾠόν,⁺μὴ ἐπιδώσει αὐτῷ σκορπίον;^{Verse 13}Εἰ οὖν ὑμεῖς⁺πονηροὶ ὑπάρχοντες οἴδατε⁺δόματα ἀγαθὰ διδόναι τοῖς τέκνοις ὑμῶν, πόσῳ μᾶλλον ὁ πατὴρ ὁ ἐξ οὐρανοῦ δώσει Πνεῦμα⁺Ἅγιον τοῖς αἰτοῦσιν αὐτόν;

Jesus and Beelzebul

^{Verse 14}Καὶ ἦν ἐκβάλλων δαιμόνιον,⁺καὶ αὐτὸ ἦν κωφόν. Ἐγένετο δέ, τοῦ δαιμονίου ἐξελθόντος, ἐλάλησεν ὁ κωφός· καὶ⁺ἐθαύμασαν οἱ ὄχλοι.^{Verse 15}Τινὲς δὲ ἐξ αὐτῶν⁺εἶπον, Ἐν⁺Βεελζεβοὺλ⁺ἄρχοντι τῶν δαιμονίων ἐκβάλλει τὰ δαιμόνια.^{Verse 16}Ἕτεροι δὲ πειράζοντες σημεῖον⁺παρ᾽ αὐτοῦ ἐζήτουν ἐξ οὐρανοῦ.^{Verse 17}Αὐτὸς δὲ εἰδὼς αὐτῶν τὰ διανοήματα εἶπεν αὐτοῖς,Πᾶσα βασιλεία ἐφ᾽ ἑαυτὴν διαμερισθεῖσα ἐρημοῦται· καὶ οἶκος ἐπὶ οἶκον, πίπτει.^{Verse 18}Εἰ δὲ καὶ ὁ Σατανᾶς ἐφ᾽ ἑαυτὸν διεμερίσθη, πῶς σταθήσεται ἡ βασιλεία αὐτοῦ; Ὅτι λέγετε ἐν⁺Βεελζεβοὺλ⁺ἐκβάλλειν με τὰ δαιμόνια.^{Verse 19}Εἰ δὲ ἐγὼ ἐν⁺Βεελζεβοὺλ ἐκβάλλω τὰ δαιμόνια, οἱ υἱοὶ ὑμῶν ἐν τίνι⁺ἐκβάλλουσι; Διὰ τοῦτο⁺κριταὶ ὑμῶν αὐτοὶ ἔσονται.^{Verse 20}Εἰ δὲ ἐν δακτύλῳ Θεοῦ⁺ἐκβάλλω τὰ δαιμόνια, ἄρα ἔφθασεν ἐφ᾽ ὑμᾶς ἡ βασιλεία τοῦ Θεοῦ.^{Verse 21}Ὅταν ὁ ἰσχυρὸς καθωπλισμένος φυλάσσῃ τὴν ἑαυτοῦ αὐλήν, ἐν εἰρήνῃ ἐστὶ τὰ ὑπάρχοντα αὐτοῦ·^{Verse 22}ἐπὰν δὲ⁺ὁ ἰσχυρότερος αὐτοῦ ἐπελθὼν νικήσῃ αὐτόν, τὴν πανοπλίαν αὐτοῦ αἴρει ἐφ᾽ ᾗ ἐπεποίθει, καὶ τὰ σκῦλα αὐτοῦ διαδίδωσιν.^{Verse 23}Ὁ μὴ ὢν μετ᾽ ἐμοῦ κατ᾽ ἐμοῦ ἐστι· καὶ ὁ μὴ συνάγων μετ᾽ ἐμοῦ σκορπίζει.

An Unclean Spirit Returns

^{Verse 24}Ὅταν τὸ ἀκάθαρτον πνεῦμα ἐξέλθῃ ἀπὸ τοῦ ἀνθρώπου, διέρχεται δι᾽ ἀνύδρων τόπων, ζητοῦν ἀνάπαυσιν· καὶ μὴ εὑρίσκον⁺λέγει, Ὑποστρέψω εἰς τὸν οἶκόν μου ὅθεν ἐξῆλθον.^{Verse 25}Καὶ ἐλθὸν εὑρίσκει⁺σεσαρωμένον καὶ κεκοσμημένον.^{Verse 26}Τότε πορεύεται καὶ παραλαμβάνει⁺ἑπτὰ ἕτερα πνεύματα πονηρότερα ἑαυτοῦ, καὶ⁺ἐλθόντα κατοικεῖ ἐκεῖ· καὶ⁺γίνεται τὰ ἔσχατα τοῦ ἀνθρώπου ἐκείνου χείρονα τῶν πρώτων.

True Blessedness

^{Verse 27}Ἐγένετο δὲ ἐν τῷ λέγειν αὐτὸν ταῦτα, ἐπάρασά τις⁺γυνὴ φωνὴν ἐκ τοῦ ὄχλου εἶπεν αὐτῷ, Μακαρία ἡ κοιλία ἡ βαστάσασά σε, καὶ μαστοὶ οὓς ἐθήλασας.^{Verse 28}Αὐτὸς δὲ εἶπε,⁺Μενοῦνγε μακάριοι οἱ ἀκούοντες τὸν λόγον τοῦ Θεοῦ καὶ φυλάσσοντες⁺αὐτόν.

The Sign of Jonah

^{Verse 29}Τῶν δὲ ὄχλων ἐπαθροιζομένων ἤρξατο λέγειν,Ἡ γενεὰ αὕτη⁺πονηρά ἐστι· σημεῖον⁺ἐπιζητεῖ, καὶ σημεῖον οὐ δοθήσεται αὐτῇ, εἰ μὴ τὸ σημεῖον Ἰωνᾶ⁺τοῦ προφήτου.^{Verse 30}Καθὼς γὰρ ἐγένετο⁺Ἰωνᾶς⁺σημεῖον τοῖς Νινευΐταις, οὕτως ἔσται καὶ ὁ υἱὸς τοῦ ἀνθρώπου τῇ γενεᾷ⁺ταύτῃ.^{Verse 31}Βασίλισσα νότου ἐγερθήσεται ἐν τῇ κρίσει μετὰ τῶν ἀνδρῶν τῆς γενεᾶς ταύτης, καὶ κατακρινεῖ αὐτούς· ὅτι ἦλθεν ἐκ τῶν περάτων τῆς γῆς ἀκοῦσαι τὴν σοφίαν⁺Σολομῶνος, καὶ ἰδού, πλεῖον⁺Σολομῶνος ὧδε.^{Verse 32}Ἄνδρες⁺Νινευῒ ἀναστήσονται ἐν τῇ κρίσει μετὰ τῆς γενεᾶς ταύτης καὶ κατακρινοῦσιν αὐτήν· ὅτι μετενόησαν εἰς τὸ κήρυγμα Ἰωνᾶ, καὶ ἰδού, πλεῖον Ἰωνᾶ ὧδε.

The Lamp of the Body

^{Verse 33}Οὐδεὶς⁺δὲ λύχνον ἅψας εἰς⁺κρύπτην τίθησιν,⁺οὐδὲ ὑπὸ τὸν μόδιον, ἀλλ᾽ ἐπὶ τὴν λυχνίαν, ἵνα οἱ εἰσπορευόμενοι τὸ⁺φέγγος βλέπωσιν.^{Verse 34}Ὁ λύχνος τοῦ σώματός ἐστιν ὁ⁺ὀφθαλμός· ὅταν⁺οὖν ὁ ὀφθαλμός σου ἁπλοῦς ᾖ,⁺καὶ ὅλον τὸ σῶμά σου⁺φωτεινόν ἐστιν· ἐπὰν δὲ πονηρὸς ᾖ, καὶ τὸ σῶμά σου⁺σκοτεινόν.^{Verse 35}Σκόπει οὖν μὴ τὸ φῶς τὸ ἐν σοὶ σκότος ἐστίν.^{Verse 36}Εἰ οὖν τὸ σῶμά σου ὅλον⁺φωτεινόν, μὴ ἔχον⁺τι μέρος⁺σκοτεινόν, ἔσται⁺φωτεινὸν ὅλον, ὡς ὅταν ὁ λύχνος τῇ ἀστραπῇ φωτίζῃ σε.

Woe to the Pharisees and Lawyers

^{Verse 37}Ἐν δὲ τῷ⁺λαλῆσαι,⁺ἠρώτα αὐτὸν Φαρισαῖός⁺τις ὅπως ἀριστήσῃ παρ᾽ αὐτῷ· εἰσελθὼν δὲ ἀνέπεσεν.^{Verse 38}Ὁ δὲ Φαρισαῖος ἰδὼν ἐθαύμασεν ὅτι οὐ πρῶτον ἐβαπτίσθη πρὸ τοῦ ἀρίστου.^{Verse 39}Εἶπε δὲ ὁ Κύριος πρὸς αὐτόν,Νῦν ὑμεῖς οἱ Φαρισαῖοι τὸ ἔξωθεν τοῦ ποτηρίου καὶ τοῦ πίνακος καθαρίζετε, τὸ δὲ ἔσωθεν ὑμῶν γέμει ἁρπαγῆς καὶ πονηρίας.^{Verse 40}Ἄφρονες, οὐχ ὁ ποιήσας τὸ ἔξωθεν καὶ τὸ ἔσωθεν ἐποίησε;^{Verse 41}Πλὴν τὰ ἐνόντα δότε ἐλεημοσύνην· καὶ ἰδού,⁺πάντα καθαρὰ ὑμῖν⁺ἐστιν.^{Verse 42+}Ἀλλ᾽ οὐαὶ ὑμῖν τοῖς Φαρισαίοις, ὅτι ἀποδεκατοῦτε τὸ ἡδύοσμον καὶ τὸ πήγανον καὶ πᾶν λάχανον, καὶ παρέρχεσθε τὴν κρίσιν καὶ τὴν ἀγάπην τοῦ Θεοῦ·⁺ταῦτα ἔδει ποιῆσαι, κἀκεῖνα μὴ⁺ἀφιέναι.^{Verse 43}Οὐαὶ ὑμῖν τοῖς Φαρισαίοις, ὅτι ἀγαπᾶτε τὴν πρωτοκαθεδρίαν ἐν ταῖς συναγωγαῖς, καὶ τοὺς ἀσπασμοὺς ἐν ταῖς ἀγοραῖς.^{Verse 44}Οὐαὶ ὑμῖν,⁺γραμματεῖς καὶ Φαρισαῖοι, ὑποκριταί, ὅτι ἐστὲ ὡς τὰ μνημεῖα τὰ ἄδηλα, καὶ οἱ ἄνθρωποι⁺περιπατοῦντες ἐπάνω οὐκ οἴδασιν.^{Verse 45}Ἀποκριθεὶς δέ τις τῶν νομικῶν λέγει αὐτῷ, Διδάσκαλε, ταῦτα λέγων καὶ ἡμᾶς ὑβρίζεις.^{Verse 46}Ὁ δὲ εἶπε,Καὶ ὑμῖν τοῖς νομικοῖς οὐαί, ὅτι φορτίζετε τοὺς ἀνθρώπους φορτία δυσβάστακτα, καὶ αὐτοὶ ἑνὶ τῶν δακτύλων ὑμῶν οὐ προσψαύετε τοῖς φορτίοις.^{Verse 47}Οὐαὶ ὑμῖν, ὅτι οἰκοδομεῖτε τὰ μνημεῖα τῶν προφητῶν, οἱ δὲ πατέρες ὑμῶν ἀπέκτειναν αὐτούς.^{Verse 48}Ἄρα⁺μαρτυρεῖτε καὶ συνευδοκεῖτε τοῖς ἔργοις τῶν πατέρων ὑμῶν· ὅτι αὐτοὶ μὲν ἀπέκτειναν αὐτούς, ὑμεῖς δὲ οἰκοδομεῖτε⁺αὐτῶν τὰ μνημεῖα.^{Verse 49}Διὰ τοῦτο καὶ ἡ σοφία τοῦ Θεοῦ εἶπεν, Ἀποστελῶ εἰς αὐτοὺς προφήτας καὶ ἀποστόλους, καὶ ἐξ αὐτῶν ἀποκτενοῦσι καὶ⁺ἐκδιώξουσιν·^{Verse 50}ἵνα ἐκζητηθῇ τὸ αἷμα πάντων τῶν προφητῶν τὸ⁺ἐκχυνόμενον ἀπὸ καταβολῆς κόσμου ἀπὸ τῆς γενεᾶς ταύτης,^{Verse 51}ἀπὸ⁺τοῦ αἵματος Ἄβελ ἕως⁺τοῦ αἵματος Ζαχαρίου τοῦ ἀπολομένου μεταξὺ τοῦ θυσιαστηρίου καὶ τοῦ οἴκου. Ναί, λέγω ὑμῖν, ἐκζητηθήσεται ἀπὸ τῆς γενεᾶς ταύτης.^{Verse 52}Οὐαὶ ὑμῖν τοῖς νομικοῖς, ὅτι ἤρατε τὴν κλεῖδα τῆς γνώσεως· αὐτοὶ οὐκ⁺εἰσήλθετε, καὶ τοὺς εἰσερχομένους ἐκωλύσατε.^{Verse 53+}Λέγοντος δὲ αὐτοῦ⁺ταῦτα πρὸς αὐτούς, ἤρξαντο οἱ γραμματεῖς καὶ οἱ Φαρισαῖοι δεινῶς⁺ἐνέχειν, καὶ ἀποστοματίζειν αὐτὸν περὶ πλειόνων,^{Verse 54}ἐνεδρεύοντες αὐτόν,⁺ζητοῦντες θηρεῦσαί τι ἐκ τοῦ στόματος αὐτοῦ,⁺ἵνα κατηγορήσωσιν αὐτοῦ.