Acts 24 — TCG

The Accusation Against Paul

24Verse 1Μετὰ δὲ πέντε ἡμέρας κατέβη ὁ ἀρχιερεὺς Ἀνανίας μετὰ⁺τῶν πρεσβυτέρων καὶ ῥήτορος Τερτύλλου τινός, οἵτινες ἐνεφάνισαν τῷ ἡγεμόνι κατὰ τοῦ Παύλου.^{Verse 2}Κληθέντος δὲ αὐτοῦ, ἤρξατο κατηγορεῖν ὁ Τέρτυλλος λέγων, Πολλῆς εἰρήνης τυγχάνοντες διὰ σοῦ, καὶ⁺κατορθωμάτων γινομένων τῷ ἔθνει τούτῳ διὰ τῆς σῆς προνοίας,^{Verse 3}πάντῃ τε καὶ πανταχοῦ ἀποδεχόμεθα, κράτιστε Φῆλιξ, μετὰ πάσης εὐχαριστίας.^{Verse 4}Ἵνα δὲ μὴ ἐπὶ⁺πλεῖόν σε⁺ἐγκόπτω, παρακαλῶ ἀκοῦσαί σε ἡμῶν συντόμως τῇ σῇ⁺ἐπιεικείᾳ.^{Verse 5}Εὑρόντες γὰρ τὸν ἄνδρα τοῦτον λοιμόν, καὶ⁺κινοῦντα⁺στάσιν πᾶσι τοῖς Ἰουδαίοις τοῖς κατὰ τὴν οἰκουμένην, πρωτοστάτην τε τῆς τῶν Ναζωραίων αἱρέσεως·^{Verse 6}ὃς καὶ τὸ ἱερὸν ἐπείρασε βεβηλῶσαι· ὃν καὶ⁺ἐκρατήσαμεν·^{Verse 8}παρ᾽ οὗ δυνήσῃ, αὐτὸς ἀνακρίνας, περὶ πάντων τούτων ἐπιγνῶναι ὧν ἡμεῖς κατηγοροῦμεν αὐτοῦ.^{Verse 9+}Συνεπέθεντο δὲ καὶ οἱ Ἰουδαῖοι, φάσκοντες ταῦτα οὕτως ἔχειν.

Paul's Defense Before Felix

^{Verse 10}Ἀπεκρίθη⁺δὲ ὁ Παῦλος, νεύσαντος αὐτῷ τοῦ ἡγεμόνος λέγειν, Ἐκ πολλῶν ἐτῶν ὄντα σε⁺κριτὴν τῷ ἔθνει τούτῳ ἐπιστάμενος,⁺εὐθυμότερον τὰ περὶ ἐμαυτοῦ ἀπολογοῦμαι,^{Verse 11}δυναμένου σου⁺γνῶναι ὅτι οὐ πλείους εἰσί μοι ἡμέραι⁺δεκαδύο, ἀφ᾽ ἧς ἀνέβην προσκυνήσων⁺ἐν Ἱερουσαλήμ·^{Verse 12}καὶ οὔτε ἐν τῷ ἱερῷ εὗρόν με πρός τινα διαλεγόμενον ἢ⁺ἐπισύστασιν ποιοῦντα ὄχλου, οὔτε ἐν ταῖς συναγωγαῖς, οὔτε κατὰ τὴν πόλιν.^{Verse 13+}Οὔτε⁺παραστῆσαί με⁺δύνανται περὶ ὧν⁺νῦν κατηγοροῦσί μου.^{Verse 14}Ὁμολογῶ δὲ τοῦτό σοι, ὅτι κατὰ τὴν ὁδὸν ἣν λέγουσιν αἵρεσιν, οὕτω λατρεύω τῷ πατρῴῳ Θεῷ, πιστεύων πᾶσι τοῖς κατὰ τὸν νόμον καὶ τοῖς⁺προφήταις γεγραμμένοις·^{Verse 15}ἐλπίδα ἔχων εἰς τὸν Θεόν, ἣν καὶ αὐτοὶ οὗτοι προσδέχονται, ἀνάστασιν μέλλειν ἔσεσθαι⁺νεκρῶν, δικαίων τε καὶ ἀδίκων.^{Verse 16}Ἐν τούτῳ⁺δὲ αὐτὸς ἀσκῶ, ἀπρόσκοπον συνείδησιν⁺ἔχων⁺πρὸς τὸν Θεὸν καὶ τοὺς ἀνθρώπους διὰ παντός.^{Verse 17}Δι᾽ ἐτῶν δὲ πλειόνων⁺παρεγενόμην ἐλεημοσύνας ποιήσων εἰς τὸ ἔθνος μου καὶ προσφοράς·^{Verse 18}ἐν⁺οἷς εὗρόν με ἡγνισμένον ἐν τῷ ἱερῷ, οὐ μετὰ ὄχλου οὐδὲ μετὰ θορύβου,⁺τινὲς ἀπὸ τῆς Ἀσίας Ἰουδαῖοι·^{Verse 19}οὓς⁺δεῖ ἐπὶ σοῦ παρεῖναι καὶ κατηγορεῖν εἴ τι ἔχοιεν πρός⁺με.^{Verse 20}Ἢ αὐτοὶ οὗτοι εἰπάτωσαν,⁺τί εὗρον⁺ἐν ἐμοὶ ἀδίκημα, στάντος μου ἐπὶ τοῦ συνεδρίου,^{Verse 21}ἢ περὶ μιᾶς ταύτης φωνῆς, ἧς⁺ἔκραξα⁺ἑστὼς ἐν αὐτοῖς, ὅτι Περὶ ἀναστάσεως νεκρῶν ἐγὼ κρίνομαι σήμερον⁺ὑφ᾽ ὑμῶν.^{Verse 22+}Ἀκούσας δὲ ταῦτα ὁ Φῆλιξ ἀνεβάλετο αὐτούς, ἀκριβέστερον εἰδὼς τὰ περὶ τῆς ὁδοῦ,⁺εἰπών, Ὅταν Λυσίας ὁ χιλίαρχος καταβῇ, διαγνώσομαι τὰ καθ᾽ ὑμᾶς·^{Verse 23}διαταξάμενός⁺τε τῷ ἑκατοντάρχῃ τηρεῖσθαι⁺τὸν Παῦλον, ἔχειν τε ἄνεσιν, καὶ μηδένα κωλύειν τῶν ἰδίων αὐτοῦ ὑπηρετεῖν⁺ἢ προσέρχεσθαι αὐτῷ.

Paul Held in Custody

^{Verse 24}Μετὰ δὲ ἡμέρας τινάς, παραγενόμενος ὁ Φῆλιξ σὺν Δρουσίλλῃ τῇ⁺γυναικὶ οὔσῃ Ἰουδαίᾳ, μετεπέμψατο τὸν Παῦλον, καὶ ἤκουσεν αὐτοῦ περὶ τῆς εἰς⁺Χριστὸν πίστεως.^{Verse 25}Διαλεγομένου δὲ αὐτοῦ περὶ δικαιοσύνης καὶ ἐγκρατείας καὶ τοῦ κρίματος τοῦ μέλλοντος⁺ἔσεσθαι, ἔμφοβος γενόμενος ὁ Φῆλιξ ἀπεκρίθη, Τὸ νῦν ἔχον πορεύου· καιρὸν δὲ μεταλαβὼν μετακαλέσομαί σε·^{Verse 26}ἅμα⁺καὶ ἐλπίζων ὅτι χρήματα δοθήσεται αὐτῷ ὑπὸ τοῦ Παύλου,⁺ὅπως λύσῃ αὐτόν· διὸ καὶ πυκνότερον⁺αὐτὸν μεταπεμπόμενος ὡμίλει αὐτῷ.^{Verse 27}Διετίας δὲ πληρωθείσης, ἔλαβε διάδοχον ὁ Φῆλιξ Πόρκιον Φῆστον· θέλων⁺τε⁺χάριτας καταθέσθαι τοῖς Ἰουδαίοις ὁ Φῆλιξ κατέλιπε τὸν Παῦλον δεδεμένον.