1 Corinthians 12 — TCG

Spiritual Gifts

12Verse 1Περὶ δὲ τῶν πνευματικῶν, ἀδελφοί, οὐ θέλω ὑμᾶς ἀγνοεῖν.^{Verse 2}Οἴδατε ὅτι⁺ὅτε ἔθνη ἦτε πρὸς τὰ εἴδωλα τὰ ἄφωνα, ὡς ἂν ἤγεσθε, ἀπαγόμενοι.^{Verse 3}Διὸ γνωρίζω ὑμῖν ὅτι οὐδεὶς ἐν πνεύματι Θεοῦ λαλῶν λέγει⁺Ἀνάθεμα Ἰησοῦν· καὶ οὐδεὶς δύναται εἰπεῖν,⁺Κύριον Ἰησοῦν, εἰ μὴ ἐν Πνεύματι Ἁγίῳ.^{Verse 4}Διαιρέσεις δὲ χαρισμάτων εἰσί, τὸ δὲ αὐτὸ πνεῦμα.^{Verse 5}Καὶ διαιρέσεις διακονιῶν εἰσι, καὶ ὁ αὐτὸς Κύριος.^{Verse 6}Καὶ διαιρέσεις ἐνεργημάτων εἰσίν,⁺ὁ δὲ αὐτός⁺ἐστι Θεός, ὁ ἐνεργῶν τὰ πάντα ἐν πᾶσιν.^{Verse 7}Ἑκάστῳ δὲ δίδοται ἡ φανέρωσις τοῦ πνεύματος πρὸς τὸ συμφέρον.^{Verse 8}ᾯ μὲν γὰρ διὰ τοῦ πνεύματος δίδοται λόγος σοφίας, ἄλλῳ δὲ λόγος γνώσεως, κατὰ τὸ αὐτὸ πνεῦμα·^{Verse 9}ἑτέρῳ⁺δὲ πίστις, ἐν τῷ αὐτῷ πνεύματι· ἄλλῳ⁺δὲ χαρίσματα ἰαμάτων ἐν τῷ⁺αὐτῷ πνεύματι·^{Verse 10}ἄλλῳ⁺δὲ ἐνεργήματα δυνάμεων, ἄλλῳ⁺δὲ προφητεία, ἄλλῳ⁺δὲ διακρίσεις πνευμάτων, ἑτέρῳ⁺δὲ γένη γλωσσῶν, ἄλλῳ⁺δὲ⁺ἑρμηνεία γλωσσῶν·^{Verse 11}πάντα δὲ ταῦτα ἐνεργεῖ τὸ ἓν καὶ τὸ αὐτὸ πνεῦμα, διαιροῦν ἰδίᾳ ἑκάστῳ καθὼς βούλεται.

One Body with Many Members

^{Verse 12}Καθάπερ γὰρ τὸ σῶμα ἕν ἐστι, καὶ μέλη⁺ἔχει πολλά, πάντα δὲ τὰ μέλη τοῦ σώματος⁺τοῦ ἑνός, πολλὰ ὄντα, ἕν ἐστι σῶμα· οὕτω καὶ ὁ Χριστός.^{Verse 13}Καὶ γὰρ ἐν ἑνὶ πνεύματι ἡμεῖς πάντες εἰς ἓν σῶμα ἐβαπτίσθημεν, εἴτε Ἰουδαῖοι εἴτε Ἕλληνες, εἴτε δοῦλοι εἴτε ἐλεύθεροι· καὶ πάντες⁺εἰς ἓν πνεῦμα ἐποτίσθημεν.^{Verse 14}Καὶ γὰρ τὸ σῶμα οὐκ ἔστιν ἓν μέλος ἀλλὰ πολλά.^{Verse 15}Ἐὰν εἴπῃ ὁ πούς, Ὅτι οὐκ εἰμὶ χείρ, οὐκ εἰμὶ ἐκ τοῦ σώματος· οὐ παρὰ τοῦτο οὐκ ἔστιν ἐκ τοῦ σώματος;^{Verse 16}Καὶ ἐὰν εἴπῃ τὸ οὖς, Ὅτι οὐκ εἰμὶ ὀφθαλμός, οὐκ εἰμὶ ἐκ τοῦ σώματος· οὐ παρὰ τοῦτο οὐκ ἔστιν ἐκ τοῦ σώματος;^{Verse 17}Εἰ ὅλον τὸ σῶμα ὀφθαλμός, ποῦ ἡ ἀκοή; Εἰ ὅλον ἀκοή, ποῦ ἡ ὄσφρησις;^{Verse 18+}Νυνὶ δὲ ὁ Θεὸς ἔθετο τὰ μέλη ἓν ἕκαστον αὐτῶν ἐν τῷ σώματι, καθὼς ἠθέλησεν.^{Verse 19}Εἰ δὲ ἦν τὰ πάντα ἓν μέλος, ποῦ τὸ σῶμα;^{Verse 20}Νῦν δὲ πολλὰ⁺μὲν μέλη, ἓν δὲ σῶμα.^{Verse 21}Οὐ δύναται δὲ⁺ὁ ὀφθαλμὸς εἰπεῖν τῇ χειρί, Χρείαν σου οὐκ ἔχω· ἢ πάλιν ἡ κεφαλὴ τοῖς ποσί, Χρείαν ὑμῶν οὐκ ἔχω.^{Verse 22}Ἀλλὰ πολλῷ μᾶλλον τὰ δοκοῦντα μέλη τοῦ σώματος ἀσθενέστερα ὑπάρχειν, ἀναγκαῖά ἐστι·^{Verse 23}καὶ ἃ δοκοῦμεν ἀτιμότερα εἶναι τοῦ σώματος, τούτοις τιμὴν περισσοτέραν περιτίθεμεν· καὶ τὰ ἀσχήμονα ἡμῶν εὐσχημοσύνην περισσοτέραν ἔχει·^{Verse 24}τὰ δὲ εὐσχήμονα ἡμῶν οὐ χρείαν ἔχει·⁺ἀλλ᾽ ὁ Θεὸς συνεκέρασε τὸ σῶμα, τῷ⁺ὑστεροῦντι περισσοτέραν δοὺς τιμήν,^{Verse 25}ἵνα μὴ ᾖ⁺σχίσματα ἐν τῷ σώματι, ἀλλὰ τὸ αὐτὸ ὑπὲρ ἀλλήλων μεριμνῶσι τὰ μέλη.^{Verse 26}Καὶ εἴτε πάσχει ἓν μέλος,⁺συμπάσχει πάντα τὰ μέλη· εἴτε δοξάζεται⁺ἓν μέλος,⁺συγχαίρει πάντα τὰ μέλη.^{Verse 27}Ὑμεῖς δέ ἐστε σῶμα Χριστοῦ, καὶ μέλη ἐκ μέρους.^{Verse 28}Καὶ οὓς μὲν ἔθετο ὁ Θεὸς ἐν τῇ ἐκκλησίᾳ πρῶτον ἀποστόλους, δεύτερον προφήτας, τρίτον διδασκάλους, ἔπειτα δυνάμεις,⁺εἶτα χαρίσματα ἰαμάτων,⁺ἀντιλήψεις, κυβερνήσεις, γένη γλωσσῶν.^{Verse 29}Μὴ πάντες ἀπόστολοι; Μὴ πάντες προφῆται; Μὴ πάντες διδάσκαλοι; Μὴ πάντες δυνάμεις;^{Verse 30}Μὴ πάντες χαρίσματα ἔχουσιν ἰαμάτων; Μὴ πάντες γλώσσαις λαλοῦσι; Μὴ πάντες διερμηνεύουσι;^{Verse 31}Ζηλοῦτε δὲ τὰ χαρίσματα τὰ⁺κρείττονα. Καὶ ἔτι καθ᾽ ὑπερβολὴν ὁδὸν ὑμῖν δείκνυμι.