Romans 10 — TCG

10Verse 1Ἀδελφοί, ἡ μὲν εὐδοκία τῆς ἐμῆς καρδίας καὶ ἡ δέησις⁺ἡ πρὸς τὸν Θεὸν ὑπὲρ⁺τοῦ Ἰσραήλ⁺ἐστιν εἰς σωτηρίαν.^{Verse 2}Μαρτυρῶ γὰρ αὐτοῖς ὅτι ζῆλον Θεοῦ ἔχουσιν, ἀλλ᾽ οὐ κατ᾽ ἐπίγνωσιν.^{Verse 3}Ἀγνοοῦντες γὰρ τὴν τοῦ Θεοῦ δικαιοσύνην, καὶ τὴν ἰδίαν⁺δικαιοσύνην ζητοῦντες στῆσαι, τῇ δικαιοσύνῃ τοῦ Θεοῦ οὐχ ὑπετάγησαν.^{Verse 4}Τέλος γὰρ νόμου Χριστὸς εἰς δικαιοσύνην παντὶ τῷ πιστεύοντι.

Salvation for All Who Believe

^{Verse 5+}Μωϋσῆς γὰρ γράφει⁺τὴν δικαιοσύνην τὴν ἐκ τοῦ νόμου, ὅτι ὁ ποιήσας⁺αὐτὰ ἄνθρωπος ζήσεται ἐν⁺αὐτοῖς.^{Verse 6}Ἡ δὲ ἐκ πίστεως δικαιοσύνη οὕτω λέγει, Μὴ εἴπῃς ἐν τῇ καρδίᾳ σου, Τίς ἀναβήσεται εἰς τὸν οὐρανόν;—τοῦτ᾽ ἔστι Χριστὸν καταγαγεῖν—^{Verse 7}ἤ, Τίς καταβήσεται εἰς τὴν ἄβυσσον;—τοῦτ᾽ ἔστι Χριστὸν ἐκ νεκρῶν ἀναγαγεῖν.^{Verse 8}Ἀλλὰ τί λέγει; Ἐγγύς σου τὸ ῥῆμά ἐστιν, ἐν τῷ στόματί σου καὶ ἐν τῇ καρδίᾳ σου· τοῦτ᾽ ἔστι τὸ ῥῆμα τῆς πίστεως ὃ κηρύσσομεν·^{Verse 9}ὅτι ἐὰν ὁμολογήσῃς⁺ἐν τῷ στόματί σου Κύριον Ἰησοῦν, καὶ πιστεύσῃς ἐν τῇ καρδίᾳ σου ὅτι ὁ Θεὸς αὐτὸν ἤγειρεν ἐκ νεκρῶν, σωθήσῃ·^{Verse 10}καρδίᾳ γὰρ πιστεύεται εἰς δικαιοσύνην, στόματι δὲ ὁμολογεῖται εἰς σωτηρίαν.^{Verse 11}Λέγει γὰρ ἡ γραφή, Πᾶς ὁ πιστεύων ἐπ᾽ αὐτῷ οὐ καταισχυνθήσεται.^{Verse 12}Οὐ γάρ ἐστι διαστολὴ Ἰουδαίου τε καὶ Ἕλληνος· ὁ γὰρ αὐτὸς Κύριος πάντων, πλουτῶν εἰς πάντας τοὺς ἐπικαλουμένους αὐτόν.^{Verse 13}Πᾶς γὰρ ὃς ἂν ἐπικαλέσηται τὸ ὄνομα Κυρίου σωθήσεται.^{Verse 14}Πῶς οὖν⁺ἐπικαλέσονται εἰς ὃν οὐκ ἐπίστευσαν; Πῶς δὲ⁺πιστεύσουσιν οὗ οὐκ ἤκουσαν; Πῶς δὲ⁺ἀκούσουσι χωρὶς κηρύσσοντος;^{Verse 15}Πῶς δὲ⁺κηρύξουσιν ἐὰν μὴ ἀποσταλῶσι;⁺Καθὼς γέγραπται, Ὡς ὡραῖοι οἱ πόδες⁺τῶν εὐαγγελιζομένων εἰρήνην, τῶν εὐαγγελιζομένων⁺τὰ ἀγαθά.^{Verse 16}Ἀλλ᾽ οὐ πάντες ὑπήκουσαν τῷ εὐαγγελίῳ. Ἠσαΐας γὰρ λέγει, Κύριε, τίς ἐπίστευσε τῇ ἀκοῇ ἡμῶν;^{Verse 17}Ἄρα ἡ πίστις ἐξ ἀκοῆς, ἡ δὲ ἀκοὴ διὰ ῥήματος⁺Θεοῦ.^{Verse 18}Ἀλλὰ λέγω, μὴ οὐκ ἤκουσαν; Μενοῦνγε·
Εἰς πᾶσαν τὴν γῆν ἐξῆλθεν ὁ φθόγγος αὐτῶν,
καὶ εἰς τὰ πέρατα τῆς οἰκουμένης τὰ ῥήματα αὐτῶν.^{Verse 19}Ἀλλὰ λέγω, μὴ⁺οὐκ ἔγνω Ἰσραήλ; Πρῶτος⁺Μωϋσῆς λέγει,
Ἐγὼ παραζηλώσω ὑμᾶς ἐπ᾽ οὐκ ἔθνει,
⁺ἐπὶ ἔθνει ἀσυνέτῳ παροργιῶ ὑμᾶς.^{Verse 20}Ἠσαΐας δὲ ἀποτολμᾷ καὶ λέγει,
Εὑρέθην⁺τοῖς ἐμὲ μὴ ζητοῦσιν,
ἐμφανὴς ἐγενόμην τοῖς ἐμὲ μὴ ἐπερωτῶσι.^{Verse 21}Πρὸς δὲ τὸν Ἰσραὴλ λέγει, Ὅλην τὴν ἡμέραν ἐξεπέτασα τὰς χεῖράς μου πρὸς λαὸν ἀπειθοῦντα καὶ ἀντιλέγοντα.