Revelation 17 — TCG

The Great Prostitute and the Beast

17Verse 1Καὶ ἦλθεν εἷς ἐκ τῶν ἑπτὰ ἀγγέλων τῶν ἐχόντων τὰς ἑπτὰ φιάλας καὶ ἐλάλησε μετ᾽ ἐμοῦ,⁺λέγων, Δεῦρο, δείξω σοι τὸ κρίμα τῆς πόρνης τῆς μεγάλης τῆς καθημένης ἐπὶ⁺τῶν ὑδάτων τῶν πολλῶν,^{Verse 2}μεθ᾽ ἧς ἐπόρνευσαν οἱ βασιλεῖς τῆς γῆς, καὶ ἐμεθύσθησαν⁺οἱ κατοικοῦντες τὴν γῆν ἐκ τοῦ οἴνου τῆς πορνείας αὐτῆς.^{Verse 3}Καὶ ἀπήνεγκέ με εἰς ἔρημον⁺ἐν πνεύματι. Καὶ εἶδον γυναῖκα καθημένην ἐπὶ⁺θηρίον τὸ κόκκινον⁺γέμον⁺ὀνόματα βλασφημίας,⁺ἔχον κεφαλὰς ἑπτὰ καὶ κέρατα δέκα.^{Verse 4}Καὶ ἡ γυνὴ⁺ἦν περιβεβλημένη⁺πορφυροῦν καὶ⁺κόκκινον,⁺κεχρυσωμένη⁺χρυσίῳ καὶ λίθῳ τιμίῳ καὶ μαργαρίταις, ἔχουσα⁺ποτήριον χρυσοῦν ἐν τῇ χειρὶ αὐτῆς, γέμον βδελυγμάτων καὶ⁺τὰ ἀκάθαρτα τῆς πορνείας τῆς γῆς,^{Verse 5}καὶ ἐπὶ τὸ μέτωπον αὐτῆς ὄνομα γεγραμμένον· Μυστήριον, Βαβυλὼν ἡ μεγάλη, ἡ μήτηρ τῶν πορνῶν καὶ τῶν βδελυγμάτων τῆς γῆς.^{Verse 6}Καὶ⁺εἶδον τὴν γυναῖκα μεθύουσαν⁺τοῦ αἵματος τῶν ἁγίων,⁺ἐκ τοῦ αἵματος τῶν μαρτύρων Ἰησοῦ. Καὶ ἐθαύμασα, ἰδὼν αὐτὴν, θαῦμα μέγα.^{Verse 7}Καὶ εἶπέ μοι ὁ ἄγγελος, Διὰ τί ἐθαύμασας; Ἐγὼ⁺ἐρῶ σοι τὸ μυστήριον τῆς γυναικὸς καὶ τοῦ θηρίου τοῦ βαστάζοντος αὐτήν, τοῦ ἔχοντος τὰς ἑπτὰ κεφαλὰς καὶ τὰ δέκα κέρατα.^{Verse 8+}Τὸ θηρίον ὃ εἶδες ἦν, καὶ οὐκ ἔστι, καὶ μέλλει ἀναβαίνειν ἐκ τῆς ἀβύσσου καὶ εἰς ἀπώλειαν⁺ὑπάγειν. Καὶ⁺θαυμάσονται οἱ κατοικοῦντες⁺τὴν γῆν, ὧν οὐ γέγραπται⁺τὸ ὄνομα ἐπὶ⁺τοῦ βιβλίου τῆς ζωῆς ἀπὸ καταβολῆς κόσμου,⁺βλεπόντων⁺ὅτι ἦν τὸ θηρίον, καὶ οὐκ ἔστι,⁺καὶ παρέσται.^{Verse 9}Ὧδε ὁ νοῦς ὁ ἔχων σοφίαν· αἱ ἑπτὰ κεφαλαὶ⁺ἑπτὰ ὄρη εἰσίν, ὅπου ἡ γυνὴ κάθηται ἐπ᾽ αὐτῶν.^{Verse 10}Καὶ βασιλεῖς⁺εἰσιν ἑπτά· οἱ πέντε⁺ἔπεσον,⁺ὁ εἷς ἔστιν, ὁ ἄλλος οὔπω ἦλθε, καὶ ὅταν ἔλθῃ ὀλίγον⁺δεῖ αὐτὸν μεῖναι.^{Verse 11}Καὶ τὸ θηρίον ὃ ἦν καὶ οὐκ ἔστι, καὶ⁺οὗτος ὄγδοός ἐστι, καὶ ἐκ τῶν ἑπτά ἐστι, καὶ εἰς ἀπώλειαν ὑπάγει.^{Verse 12}Καὶ τὰ δέκα κέρατα ἃ εἶδες δέκα βασιλεῖς εἰσιν, οἵτινες βασιλείαν οὔπω ἔλαβον,⁺ἀλλ᾽ ἐξουσίαν ὡς βασιλεῖς μίαν ὥραν λαμβάνουσι μετὰ τοῦ θηρίου.^{Verse 13}Οὗτοι μίαν⁺ἔχουσι γνώμην, καὶ τὴν δύναμιν καὶ⁺ἐξουσίαν⁺αὐτῶν τῷ θηρίῳ⁺διδόασιν.^{Verse 14}Οὗτοι μετὰ τοῦ ἀρνίου πολεμήσουσι, καὶ τὸ ἀρνίον νικήσει αὐτούς, ὅτι Κύριος κυρίων ἐστὶ καὶ Βασιλεὺς βασιλέων, καὶ οἱ μετ᾽ αὐτοῦ κλητοὶ καὶ ἐκλεκτοὶ καὶ πιστοί.^{Verse 15}Καὶ λέγει μοι, Τὰ ὕδατα ἃ εἶδες, οὗ ἡ πόρνη κάθηται, λαοὶ καὶ ὄχλοι εἰσὶ καὶ ἔθνη καὶ γλῶσσαι.^{Verse 16}Καὶ τὰ δέκα κέρατα ἃ εἶδες⁺καὶ τὸ θηρίον, οὗτοι μισήσουσι τὴν πόρνην, καὶ⁺ἠρημωμένην ποιήσουσιν αὐτὴν⁺καὶ γυμνὴν ποιήσουσιν αὐτήν, καὶ τὰς σάρκας αὐτῆς φάγονται καὶ αὐτὴν κατακαύσουσιν ἐν πυρί.^{Verse 17}Ὁ γὰρ Θεὸς ἔδωκεν εἰς τὰς καρδίας αὐτῶν ποιῆσαι τὴν γνώμην αὐτοῦ⁺καὶ ποιῆσαι γνώμην μίαν καὶ δοῦναι τὴν βασιλείαν αὐτῶν τῷ θηρίῳ, ἄχρι⁺τελεσθῶσιν⁺οἱ λόγοι τοῦ Θεοῦ.^{Verse 18}Καὶ ἡ γυνὴ ἣν εἶδες ἔστιν ἡ πόλις ἡ μεγάλη ἡ ἔχουσα βασιλείαν ἐπὶ τῶν βασιλέων⁺ἐπὶ τῆς γῆς.