John 7 — TCG

The Unbelief of Jesus' Brothers

7Verse 1Καὶ⁺περιεπάτει ὁ Ἰησοῦς μετὰ ταῦτα ἐν τῇ Γαλιλαίᾳ· οὐ γὰρ ἤθελεν ἐν τῇ Ἰουδαίᾳ περιπατεῖν, ὅτι ἐζήτουν αὐτὸν οἱ Ἰουδαῖοι ἀποκτεῖναι.^{Verse 2}Ἦν δὲ ἐγγὺς ἡ ἑορτὴ τῶν Ἰουδαίων ἡ Σκηνοπηγία.^{Verse 3}Εἶπον οὖν πρὸς αὐτὸν οἱ ἀδελφοὶ αὐτοῦ, Μετάβηθι ἐντεῦθεν, καὶ ὕπαγε εἰς τὴν Ἰουδαίαν, ἵνα καὶ οἱ μαθηταί σου⁺θεωρήσωσι τὰ ἔργα σου ἃ ποιεῖς.^{Verse 4}Οὐδεὶς γὰρ⁺ἐν κρυπτῷ τι ποιεῖ, καὶ ζητεῖ αὐτὸς ἐν παρρησίᾳ εἶναι. Εἰ ταῦτα ποιεῖς, φανέρωσον σεαυτὸν τῷ κόσμῳ.^{Verse 5}Οὐδὲ γὰρ οἱ ἀδελφοὶ αὐτοῦ ἐπίστευον εἰς αὐτόν.^{Verse 6}Λέγει οὖν αὐτοῖς ὁ Ἰησοῦς,Ὁ καιρὸς ὁ ἐμὸς οὔπω πάρεστιν, ὁ δὲ καιρὸς ὁ ὑμέτερος πάντοτέ ἐστιν ἕτοιμος.^{Verse 7}Οὐ δύναται ὁ κόσμος μισεῖν ὑμᾶς· ἐμὲ δὲ μισεῖ, ὅτι ἐγὼ μαρτυρῶ περὶ αὐτοῦ, ὅτι τὰ ἔργα αὐτοῦ πονηρά ἐστιν.^{Verse 8}Ὑμεῖς ἀνάβητε εἰς τὴν ἑορτὴν⁺ταύτην· ἐγὼ⁺οὔπω ἀναβαίνω εἰς τὴν ἑορτὴν ταύτην, ὅτι ὁ⁺καιρὸς ὁ ἐμὸς οὔπω πεπλήρωται.^{Verse 9}Ταῦτα⁺δὲ εἰπὼν⁺αὐτοῖς, ἔμεινεν ἐν τῇ Γαλιλαίᾳ.

Jesus at the Festival of Booths

^{Verse 10}Ὡς δὲ ἀνέβησαν οἱ ἀδελφοὶ αὐτοῦ,⁺τότε καὶ αὐτὸς ἀνέβη εἰς τὴν ἑορτήν, οὐ φανερῶς,⁺ἀλλ᾽ ὡς ἐν κρυπτῷ.^{Verse 11}Οἱ οὖν Ἰουδαῖοι ἐζήτουν αὐτὸν ἐν τῇ ἑορτῇ, καὶ ἔλεγον, Ποῦ ἐστιν ἐκεῖνος;^{Verse 12}Καὶ γογγυσμὸς⁺πολὺς περὶ αὐτοῦ ἦν ἐν τοῖς ὄχλοις· οἱ μὲν ἔλεγον ὅτι Ἀγαθός ἐστιν·⁺ἄλλοι ἔλεγον, Οὔ, ἀλλὰ πλανᾷ τὸν ὄχλον.^{Verse 13}Οὐδεὶς μέντοι παρρησίᾳ ἐλάλει περὶ αὐτοῦ διὰ τὸν φόβον τῶν Ἰουδαίων.^{Verse 14}Ἤδη δὲ τῆς ἑορτῆς μεσούσης, ἀνέβη⁺ὁ Ἰησοῦς εἰς τὸ ἱερόν, καὶ ἐδίδασκε.^{Verse 15+}Καὶ ἐθαύμαζον οἱ Ἰουδαῖοι λέγοντες, Πῶς οὗτος γράμματα οἶδε, μὴ μεμαθηκώς;^{Verse 16}Ἀπεκρίθη⁺οὖν αὐτοῖς⁺ὁ Ἰησοῦς καὶ εἶπεν,Ἡ ἐμὴ διδαχὴ οὐκ ἔστιν ἐμή, ἀλλὰ τοῦ πέμψαντός με.^{Verse 17}Ἐάν τις θέλῃ τὸ θέλημα αὐτοῦ ποιεῖν, γνώσεται περὶ τῆς διδαχῆς, πότερον ἐκ τοῦ Θεοῦ ἐστιν, ἢ ἐγὼ ἀπ᾽ ἐμαυτοῦ λαλῶ.^{Verse 18}Ὁ ἀφ᾽ ἑαυτοῦ λαλῶν, τὴν δόξαν τὴν ἰδίαν ζητεῖ· ὁ δὲ ζητῶν τὴν δόξαν τοῦ πέμψαντος αὐτόν, οὗτος ἀληθής ἐστι, καὶ ἀδικία ἐν αὐτῷ οὐκ ἔστιν.^{Verse 19}Οὐ⁺Μωσῆς⁺δέδωκεν ὑμῖν τὸν νόμον, καὶ οὐδεὶς ἐξ ὑμῶν ποιεῖ τὸν νόμον; Τί με ζητεῖτε ἀποκτεῖναι;^{Verse 20}Ἀπεκρίθη ὁ ὄχλος⁺καὶ εἶπε, Δαιμόνιον ἔχεις· τίς σε ζητεῖ ἀποκτεῖναι;^{Verse 21}Ἀπεκρίθη⁺Ἰησοῦς καὶ εἶπεν αὐτοῖς,Ἓν ἔργον ἐποίησα, καὶ πάντες θαυμάζετε.^{Verse 22}Διὰ τοῦτο⁺Μωσῆς δέδωκεν ὑμῖν τὴν περιτομήν—οὐχ ὅτι ἐκ τοῦ⁺Μωσέως ἐστίν, ἀλλ᾽ ἐκ τῶν πατέρων—καὶ ἐν σαββάτῳ περιτέμνετε ἄνθρωπον.^{Verse 23}Εἰ περιτομὴν λαμβάνει⁺ἄνθρωπος ἐν σαββάτῳ, ἵνα μὴ λυθῇ ὁ νόμος⁺Μωσέως, ἐμοὶ χολᾶτε ὅτι ὅλον ἄνθρωπον ὑγιῆ ἐποίησα ἐν σαββάτῳ;^{Verse 24}Μὴ κρίνετε κατ᾽ ὄψιν, ἀλλὰ τὴν δικαίαν κρίσιν⁺κρίνατε.

Is Jesus the Christ?

^{Verse 25}Ἔλεγον οὖν τινες ἐκ τῶν⁺Ἱεροσολυμιτῶν, Οὐχ οὗτός ἐστιν ὃν ζητοῦσιν ἀποκτεῖναι;^{Verse 26}Καὶ ἴδε παρρησίᾳ λαλεῖ, καὶ οὐδὲν αὐτῷ λέγουσι. Μήποτε ἀληθῶς ἔγνωσαν οἱ ἄρχοντες ὅτι οὗτός ἐστιν⁺ἀληθῶς ὁ Χριστός;^{Verse 27}Ἀλλὰ τοῦτον οἴδαμεν πόθεν ἐστίν· ὁ δὲ Χριστὸς ὅταν ἔρχηται, οὐδεὶς γινώσκει πόθεν ἐστίν.^{Verse 28}Ἔκραξεν οὖν ἐν τῷ ἱερῷ διδάσκων ὁ Ἰησοῦς καὶ λέγων,Κἀμὲ οἴδατε, καὶ οἴδατε πόθεν εἰμί· καὶ ἀπ᾽ ἐμαυτοῦ οὐκ ἐλήλυθα, ἀλλ᾽ ἔστιν ἀληθινὸς ὁ πέμψας με, ὃν ὑμεῖς οὐκ οἴδατε.^{Verse 29+}Ἐγὼ οἶδα αὐτόν, ὅτι παρ᾽ αὐτοῦ εἰμι, κἀκεῖνός με ἀπέστειλεν.^{Verse 30}Ἐζήτουν οὖν αὐτὸν πιάσαι. Καὶ οὐδεὶς ἐπέβαλεν ἐπ᾽ αὐτὸν τὴν χεῖρα, ὅτι οὔπω ἐληλύθει ἡ ὥρα αὐτοῦ.^{Verse 31+}Πολλοὶ δὲ ἐκ τοῦ ὄχλου ἐπίστευσαν εἰς αὐτόν, καὶ ἔλεγον⁺ὅτι Ὁ Χριστὸς ὅταν ἔλθῃ,⁺μήτι πλείονα σημεῖα⁺τούτων ποιήσει ὧν οὗτος ἐποίησεν;

You Will Seek Me But Not Find Me

^{Verse 32}Ἤκουσαν οἱ Φαρισαῖοι τοῦ ὄχλου γογγύζοντος περὶ αὐτοῦ ταῦτα· καὶ ἀπέστειλαν⁺ὑπηρέτας οἱ Φαρισαῖοι καὶ οἱ ἀρχιερεῖς ἵνα πιάσωσιν αὐτόν.^{Verse 33}Εἶπεν⁺οὖν ὁ Ἰησοῦς,Ἔτι⁺μικρὸν χρόνον μεθ᾽ ὑμῶν εἰμι, καὶ ὑπάγω πρὸς τὸν πέμψαντά με.^{Verse 34}Ζητήσετέ με, καὶ οὐχ⁺εὑρήσετε· καὶ ὅπου εἰμὶ ἐγώ, ὑμεῖς οὐ δύνασθε ἐλθεῖν.^{Verse 35}Εἶπον οὖν οἱ Ἰουδαῖοι πρὸς ἑαυτούς, Ποῦ οὗτος μέλλει πορεύεσθαι ὅτι ἡμεῖς οὐχ εὑρήσομεν αὐτόν; Μὴ εἰς τὴν διασπορὰν τῶν Ἑλλήνων μέλλει πορεύεσθαι, καὶ διδάσκειν τοὺς Ἕλληνας;^{Verse 36}Τίς ἐστιν⁺οὗτος ὁ λόγος ὃν εἶπε,Ζητήσετέ με, καὶ οὐχ⁺εὑρήσετε· καὶ ὅπου εἰμὶ ἐγώ, ὑμεῖς οὐ δύνασθε ἐλθεῖν;

Rivers of Living Water

^{Verse 37}Ἐν δὲ τῇ ἐσχάτῃ ἡμέρᾳ τῇ μεγάλῃ τῆς ἑορτῆς⁺εἱστήκει ὁ Ἰησοῦς καὶ ἔκραξε, λέγων,Ἐάν τις διψᾷ, ἐρχέσθω πρός με καὶ πινέτω.^{Verse 38}Ὁ πιστεύων εἰς ἐμέ, καθὼς εἶπεν ἡ γραφή, ποταμοὶ ἐκ τῆς κοιλίας αὐτοῦ ῥεύσουσιν ὕδατος ζῶντος.^{Verse 39}Τοῦτο δὲ εἶπε περὶ τοῦ πνεύματος⁺οὗ⁺ἔμελλον λαμβάνειν οἱ⁺πιστεύοντες εἰς αὐτόν· οὔπω γὰρ ἦν Πνεῦμα⁺Ἅγιον, ὅτι⁺Ἰησοῦς⁺οὐδέπω ἐδοξάσθη.

Division over Jesus

^{Verse 40+}Πολλοὶ οὖν ἐκ τοῦ ὄχλου ἀκούσαντες⁺τὸν λόγον⁺ἔλεγον, Οὗτός ἐστιν ἀληθῶς ὁ προφήτης.^{Verse 41}Ἄλλοι ἔλεγον, Οὗτός ἐστιν ὁ Χριστός.⁺Ἄλλοι ἔλεγον, Μὴ γὰρ ἐκ τῆς Γαλιλαίας ὁ Χριστὸς ἔρχεται;^{Verse 42+}Οὐχὶ ἡ γραφὴ εἶπεν ὅτι ἐκ τοῦ σπέρματος⁺Δαυίδ, καὶ ἀπὸ Βηθλεέμ, τῆς κώμης ὅπου ἦν⁺Δαυίδ,⁺ὁ Χριστὸς ἔρχεται;^{Verse 43}Σχίσμα οὖν⁺ἐν τῷ ὄχλῳ ἐγένετο δι᾽ αὐτόν.^{Verse 44}Τινὲς δὲ ἤθελον ἐξ αὐτῶν πιάσαι αὐτόν, ἀλλ᾽ οὐδεὶς⁺ἐπέβαλεν ἐπ᾽ αὐτὸν τὰς χεῖρας.

The Unbelief of the Jewish Leaders

^{Verse 45}Ἦλθον οὖν οἱ ὑπηρέται πρὸς τοὺς ἀρχιερεῖς καὶ Φαρισαίους· καὶ εἶπον αὐτοῖς ἐκεῖνοι, Διὰ τί οὐκ ἠγάγετε αὐτόν;^{Verse 46}Ἀπεκρίθησαν οἱ ὑπηρέται, Οὐδέποτε⁺οὕτως ἐλάλησεν ἄνθρωπος,⁺ὡς οὗτος ὁ ἄνθρωπος.^{Verse 47}Ἀπεκρίθησαν οὖν αὐτοῖς οἱ Φαρισαῖοι, Μὴ καὶ ὑμεῖς πεπλάνησθε;^{Verse 48}Μή τις ἐκ τῶν ἀρχόντων ἐπίστευσεν εἰς αὐτόν, ἢ ἐκ τῶν Φαρισαίων;^{Verse 49+}Ἀλλ᾽ ὁ ὄχλος οὗτος ὁ μὴ γινώσκων τὸν νόμον⁺ἐπικατάρατοί εἰσι.^{Verse 50}Λέγει Νικόδημος πρὸς αὐτούς—ὁ ἐλθὼν⁺νυκτὸς πρὸς αὐτόν,⁺εἷς ὢν ἐξ αὐτῶν—^{Verse 51}Μὴ ὁ νόμος ἡμῶν κρίνει τὸν ἄνθρωπον, ἐὰν μὴ ἀκούσῃ⁺παρ᾽ αὐτοῦ πρότερον καὶ γνῷ τί ποιεῖ;^{Verse 52}Ἀπεκρίθησαν καὶ⁺εἶπον αὐτῷ, Μὴ καὶ σὺ ἐκ τῆς Γαλιλαίας εἶ;⁺Ἐρεύνησον καὶ ἴδε ὅτι⁺προφήτης ἐκ τῆς Γαλιλαίας οὐκ⁺ἐγήγερται.

The Woman Caught in Adultery

^{Verse 53+}Καὶ⁺ἐπορεύθη ἕκαστος εἰς τὸν οἶκον αὐτοῦ·