John 17 — TCG

Jesus Prays for His Disciples

17Verse 1Ταῦτα ἐλάλησεν⁺ὁ Ἰησοῦς, καὶ⁺ἐπῆρε τοὺς ὀφθαλμοὺς αὐτοῦ εἰς τὸν οὐρανόν,⁺καὶ εἶπε,Πάτερ, ἐλήλυθεν ἡ ὥρα· δόξασόν σου τὸν υἱόν, ἵνα⁺καὶ ὁ υἱός σου δοξάσῃ σε·^{Verse 2}καθὼς ἔδωκας αὐτῷ ἐξουσίαν πάσης σαρκός, ἵνα πᾶν ὃ δέδωκας αὐτῷ,⁺δώσει αὐτοῖς ζωὴν αἰώνιον.^{Verse 3}Αὕτη δέ ἐστιν ἡ αἰώνιος ζωή, ἵνα γινώσκωσί σε τὸν μόνον ἀληθινὸν Θεόν, καὶ ὃν ἀπέστειλας Ἰησοῦν Χριστόν.^{Verse 4}Ἐγώ σε ἐδόξασα ἐπὶ τῆς γῆς· τὸ ἔργον⁺ἐτελείωσα ὃ δέδωκάς μοι ἵνα ποιήσω.^{Verse 5}Καὶ νῦν δόξασόν με σύ, πάτερ, παρὰ σεαυτῷ τῇ δόξῃ ᾗ εἶχον πρὸ τοῦ τὸν κόσμον εἶναι παρὰ σοί.^{Verse 6}Ἐφανέρωσά σου τὸ ὄνομα τοῖς ἀνθρώποις οὓς⁺δέδωκάς μοι ἐκ τοῦ κόσμου· σοὶ ἦσαν,⁺καὶ ἐμοὶ αὐτοὺς⁺δέδωκας· καὶ τὸν λόγον σου⁺τετηρήκασι.^{Verse 7}Νῦν ἔγνωκαν ὅτι πάντα ὅσα⁺δέδωκάς μοι, παρὰ σοῦ⁺ἐστιν·^{Verse 8}ὅτι τὰ ῥήματα ἃ⁺δέδωκάς μοι, δέδωκα αὐτοῖς· καὶ αὐτοὶ ἔλαβον, καὶ ἔγνωσαν ἀληθῶς ὅτι παρὰ σοῦ ἐξῆλθον, καὶ ἐπίστευσαν ὅτι σύ με ἀπέστειλας.^{Verse 9}Ἐγὼ περὶ αὐτῶν ἐρωτῶ· οὐ περὶ τοῦ κόσμου ἐρωτῶ, ἀλλὰ περὶ ὧν δέδωκάς μοι, ὅτι σοί εἰσι·^{Verse 10}καὶ τὰ ἐμὰ πάντα σά ἐστι, καὶ τὰ σὰ ἐμά· καὶ δεδόξασμαι ἐν αὐτοῖς.^{Verse 11}Καὶ οὐκέτι εἰμὶ ἐν τῷ κόσμῳ, καὶ⁺οὗτοι ἐν τῷ κόσμῳ εἰσί,⁺καὶ ἐγὼ πρὸς σὲ ἔρχομαι. Πάτερ ἅγιε, τήρησον αὐτοὺς ἐν τῷ ὀνόματί σου,⁺ᾧ δέδωκάς μοι, ἵνα ὦσιν ἕν, καθὼς⁺ἡμεῖς.^{Verse 12}Ὅτε ἤμην μετ᾽ αὐτῶν⁺ἐν τῷ κόσμῳ, ἐγὼ ἐτήρουν αὐτοὺς ἐν τῷ ὀνόματί σου·⁺οὓς δέδωκάς μοι,⁺ἐφύλαξα, καὶ οὐδεὶς ἐξ αὐτῶν ἀπώλετο, εἰ μὴ ὁ υἱὸς τῆς ἀπωλείας, ἵνα ἡ γραφὴ πληρωθῇ.^{Verse 13}Νῦν δὲ πρὸς σὲ ἔρχομαι, καὶ ταῦτα λαλῶ ἐν τῷ κόσμῳ, ἵνα ἔχωσι τὴν χαρὰν τὴν ἐμὴν πεπληρωμένην ἐν⁺αὐτοῖς.^{Verse 14}Ἐγὼ δέδωκα αὐτοῖς τὸν λόγον σου, καὶ ὁ κόσμος ἐμίσησεν αὐτούς, ὅτι οὐκ εἰσὶν ἐκ τοῦ κόσμου, καθὼς ἐγὼ οὐκ εἰμὶ ἐκ τοῦ κόσμου.^{Verse 15}Οὐκ ἐρωτῶ ἵνα ἄρῃς αὐτοὺς ἐκ τοῦ κόσμου, ἀλλ᾽ ἵνα τηρήσῃς αὐτοὺς ἐκ τοῦ πονηροῦ.^{Verse 16}Ἐκ τοῦ κόσμου οὐκ εἰσί, καθὼς ἐγὼ⁺ἐκ τοῦ κόσμου οὐκ εἰμί.^{Verse 17}Ἁγίασον αὐτοὺς ἐν τῇ ἀληθείᾳ⁺σου· ὁ λόγος ὁ σὸς ἀλήθειά ἐστι.^{Verse 18}Καθὼς ἐμὲ ἀπέστειλας εἰς τὸν κόσμον, κἀγὼ ἀπέστειλα αὐτοὺς εἰς τὸν κόσμον.^{Verse 19}Καὶ ὑπὲρ αὐτῶν ἐγὼ ἁγιάζω ἐμαυτόν, ἵνα⁺καὶ αὐτοὶ ὦσιν ἡγιασμένοι ἐν ἀληθείᾳ.^{Verse 20}Οὐ περὶ τούτων δὲ ἐρωτῶ μόνον, ἀλλὰ καὶ περὶ τῶν⁺πιστευόντων διὰ τοῦ λόγου αὐτῶν εἰς ἐμέ·^{Verse 21}ἵνα πάντες ἓν ὦσι· καθὼς σύ,⁺πάτερ, ἐν ἐμοί, κἀγὼ ἐν σοί, ἵνα καὶ αὐτοὶ ἐν ἡμῖν⁺ἓν ὦσιν· ἵνα ὁ κόσμος⁺πιστεύσῃ ὅτι σύ με ἀπέστειλας.^{Verse 22+}Καὶ ἐγὼ τὴν δόξαν ἣν δέδωκάς μοι, δέδωκα αὐτοῖς, ἵνα ὦσιν ἕν, καθὼς ἡμεῖς ἕν⁺ἐσμεν.^{Verse 23}Ἐγὼ ἐν αὐτοῖς, καὶ σὺ ἐν ἐμοί, ἵνα ὦσι τετελειωμένοι εἰς ἕν,⁺καὶ ἵνα γινώσκῃ ὁ κόσμος ὅτι σύ με ἀπέστειλας, καὶ ἠγάπησας αὐτούς, καθὼς ἐμὲ ἠγάπησας.^{Verse 24+}Πάτερ,⁺οὓς δέδωκάς μοι, θέλω ἵνα ὅπου εἰμὶ ἐγὼ κἀκεῖνοι ὦσι μετ᾽ ἐμοῦ· ἵνα θεωρῶσι τὴν δόξαν τὴν ἐμὴν ἣν⁺ἔδωκάς μοι, ὅτι ἠγάπησάς με πρὸ καταβολῆς κόσμου.^{Verse 25+}Πάτερ δίκαιε, καὶ ὁ κόσμος σε οὐκ ἔγνω, ἐγὼ δέ σε ἔγνων, καὶ οὗτοι ἔγνωσαν ὅτι σύ με ἀπέστειλας·^{Verse 26}καὶ ἐγνώρισα αὐτοῖς τὸ ὄνομά σου, καὶ γνωρίσω· ἵνα ἡ ἀγάπη, ἣν ἠγάπησάς με, ἐν αὐτοῖς ᾖ, κἀγὼ ἐν αὐτοῖς.