John 12 — TCG

Mary Anoints Jesus' Feet

12Verse 1Ὁ οὖν Ἰησοῦς πρὸ ἓξ ἡμερῶν τοῦ Πάσχα ἦλθεν εἰς Βηθανίαν, ὅπου ἦν Λάζαρος⁺ὁ τεθνηκώς, ὃν ἤγειρεν ἐκ⁺νεκρῶν.^{Verse 2}Ἐποίησαν οὖν αὐτῷ δεῖπνον ἐκεῖ, καὶ ἡ Μάρθα διηκόνει· ὁ δὲ Λάζαρος εἷς ἦν⁺τῶν⁺ἀνακειμένων σὺν αὐτῷ.^{Verse 3}Ἡ οὖν⁺Μαρία λαβοῦσα λίτραν μύρου νάρδου πιστικῆς πολυτίμου, ἤλειψε τοὺς πόδας τοῦ Ἰησοῦ, καὶ ἐξέμαξε ταῖς θριξὶν αὐτῆς τοὺς πόδας αὐτοῦ· ἡ δὲ οἰκία ἐπληρώθη ἐκ τῆς ὀσμῆς τοῦ μύρου.^{Verse 4}Λέγει⁺οὖν⁺εἷς ἐκ τῶν μαθητῶν αὐτοῦ, Ἰούδας Σίμωνος Ἰσκαριώτης, ὁ μέλλων αὐτὸν παραδιδόναι,^{Verse 5}Διὰ τί τοῦτο τὸ μύρον οὐκ ἐπράθη τριακοσίων δηναρίων, καὶ ἐδόθη πτωχοῖς;^{Verse 6}Εἶπε δὲ τοῦτο, οὐχ ὅτι περὶ τῶν πτωχῶν ἔμελεν αὐτῷ,⁺ἀλλ᾽ ὅτι κλέπτης ἦν, καὶ τὸ γλωσσόκομον⁺εἶχε, καὶ τὰ βαλλόμενα ἐβάσταζεν.^{Verse 7}Εἶπεν οὖν ὁ Ἰησοῦς,Ἄφες αὐτήν·⁺εἰς τὴν ἡμέραν τοῦ ἐνταφιασμοῦ μου⁺τετήρηκεν αὐτό.^{Verse 8}Τοὺς πτωχοὺς γὰρ πάντοτε ἔχετε μεθ᾽ ἑαυτῶν, ἐμὲ δὲ οὐ πάντοτε ἔχετε.

The Plot to Kill Lazarus

^{Verse 9}Ἔγνω οὖν⁺ὄχλος πολὺς ἐκ τῶν Ἰουδαίων ὅτι ἐκεῖ ἐστι· καὶ⁺ἦλθον οὐ διὰ τὸν Ἰησοῦν μόνον, ἀλλ᾽ ἵνα καὶ τὸν Λάζαρον ἴδωσιν, ὃν ἤγειρεν ἐκ νεκρῶν.^{Verse 10}Ἐβουλεύσαντο δὲ οἱ ἀρχιερεῖς ἵνα καὶ τὸν Λάζαρον ἀποκτείνωσιν·^{Verse 11}ὅτι πολλοὶ δι᾽ αὐτὸν ὑπῆγον τῶν Ἰουδαίων, καὶ ἐπίστευον εἰς τὸν Ἰησοῦν.

The Triumphal Entry

^{Verse 12}Τῇ ἐπαύριον⁺ὄχλος πολὺς ὁ ἐλθὼν εἰς τὴν ἑορτήν, ἀκούσαντες ὅτι ἔρχεται⁺Ἰησοῦς εἰς Ἱεροσόλυμα,^{Verse 13}ἔλαβον τὰ βαΐα τῶν φοινίκων, καὶ ἐξῆλθον εἰς⁺ὑπάντησιν αὐτῷ, καὶ⁺ἔκραζον,
Ὡσαννά·
εὐλογημένος ὁ ἐρχόμενος ἐν ὀνόματι Κυρίου,
⁺βασιλεὺς τοῦ Ἰσραήλ.^{Verse 14}Εὑρὼν δὲ ὁ Ἰησοῦς ὀνάριον, ἐκάθισεν ἐπ᾽⁺αὐτό, καθώς ἐστι γεγραμμένον,^{Verse 15}Μὴ φοβοῦ,⁺θύγατερ⁺Σιών·
ἰδού, ὁ βασιλεύς σου ἔρχεται,
καθήμενος ἐπὶ πῶλον ὄνου.^{Verse 16}Ταῦτα⁺δὲ οὐκ ἔγνωσαν⁺οἱ μαθηταὶ αὐτοῦ τὸ πρῶτον· ἀλλ᾽ ὅτε ἐδοξάσθη⁺Ἰησοῦς, τότε ἐμνήσθησαν ὅτι ταῦτα ἦν ἐπ᾽ αὐτῷ γεγραμμένα, καὶ ταῦτα ἐποίησαν αὐτῷ.^{Verse 17}Ἐμαρτύρει οὖν ὁ ὄχλος ὁ ὢν μετ᾽ αὐτοῦ ὅτε τὸν Λάζαρον ἐφώνησεν ἐκ τοῦ μνημείου, καὶ ἤγειρεν αὐτὸν ἐκ νεκρῶν.^{Verse 18}Διὰ τοῦτο καὶ ὑπήντησεν αὐτῷ ὁ ὄχλος, ὅτι⁺ἤκουσε τοῦτο αὐτὸν πεποιηκέναι τὸ σημεῖον.^{Verse 19}Οἱ οὖν Φαρισαῖοι⁺εἶπον πρὸς ἑαυτούς, Θεωρεῖτε ὅτι οὐκ ὠφελεῖτε οὐδέν· ἴδε ὁ κόσμος ὀπίσω αὐτοῦ ἀπῆλθεν.

Some Greeks Wish to See Jesus

^{Verse 20}Ἦσαν δέ⁺τινες Ἕλληνες ἐκ τῶν ἀναβαινόντων ἵνα προσκυνήσωσιν ἐν τῇ ἑορτῇ·^{Verse 21}οὗτοι οὖν⁺προσῆλθον Φιλίππῳ τῷ ἀπὸ Βηθσαϊδὰ τῆς Γαλιλαίας, καὶ ἠρώτων αὐτὸν λέγοντες, Κύριε, θέλομεν τὸν Ἰησοῦν ἰδεῖν.^{Verse 22}Ἔρχεται⁺Φίλιππος καὶ λέγει τῷ Ἀνδρέᾳ·⁺καὶ πάλιν Ἀνδρέας καὶ Φίλιππος⁺λέγουσι τῷ Ἰησοῦ.^{Verse 23}Ὁ δὲ Ἰησοῦς⁺ἀπεκρίνατο αὐτοῖς λέγων,Ἐλήλυθεν ἡ ὥρα ἵνα δοξασθῇ ὁ υἱὸς τοῦ ἀνθρώπου.^{Verse 24}Ἀμὴν ἀμὴν λέγω ὑμῖν, ἐὰν μὴ ὁ κόκκος τοῦ σίτου πεσὼν εἰς τὴν γῆν ἀποθάνῃ, αὐτὸς μόνος μένει· ἐὰν δὲ ἀποθάνῃ, πολὺν καρπὸν φέρει.^{Verse 25}Ὁ φιλῶν τὴν ψυχὴν αὐτοῦ⁺ἀπολέσει αὐτήν· καὶ ὁ μισῶν τὴν ψυχὴν αὐτοῦ ἐν τῷ κόσμῳ τούτῳ εἰς ζωὴν αἰώνιον φυλάξει αὐτήν.^{Verse 26}Ἐὰν ἐμοὶ⁺διακονῇ τις, ἐμοὶ ἀκολουθείτω· καὶ ὅπου εἰμὶ ἐγώ, ἐκεῖ καὶ ὁ διάκονος ὁ ἐμὸς ἔσται·⁺καὶ ἐάν τις ἐμοὶ διακονῇ, τιμήσει αὐτὸν ὁ πατήρ.

Jesus Speaks About His Death

^{Verse 27}Νῦν ἡ ψυχή μου τετάρακται· καὶ τί εἴπω; Πάτερ, σῶσόν με ἐκ τῆς ὥρας ταύτης. Ἀλλὰ διὰ τοῦτο ἦλθον εἰς τὴν ὥραν ταύτην.^{Verse 28}Πάτερ, δόξασόν σου τὸ ὄνομα.Ἦλθεν οὖν φωνὴ ἐκ τοῦ οὐρανοῦ, Καὶ ἐδόξασα, καὶ πάλιν δοξάσω.^{Verse 29}Ὁ οὖν ὄχλος ὁ ἑστὼς καὶ ἀκούσας ἔλεγε βροντὴν γεγονέναι· ἄλλοι ἔλεγον, Ἄγγελος αὐτῷ λελάληκεν.^{Verse 30}Ἀπεκρίθη⁺Ἰησοῦς καὶ εἶπεν,Οὐ δι᾽ ἐμὲ⁺αὕτη ἡ φωνὴ γέγονεν, ἀλλὰ δι᾽ ὑμᾶς.^{Verse 31}Νῦν κρίσις ἐστὶ τοῦ κόσμου τούτου· νῦν ὁ ἄρχων τοῦ κόσμου τούτου ἐκβληθήσεται ἔξω.^{Verse 32}Κἀγὼ⁺ἐὰν ὑψωθῶ ἐκ τῆς γῆς, πάντας ἑλκύσω πρὸς ἐμαυτόν.^{Verse 33}Τοῦτο δὲ ἔλεγε, σημαίνων ποίῳ θανάτῳ⁺ἔμελλεν ἀποθνῄσκειν.^{Verse 34+}Ἀπεκρίθη αὐτῷ ὁ ὄχλος, Ἡμεῖς ἠκούσαμεν ἐκ τοῦ νόμου ὅτι ὁ Χριστὸς μένει εἰς τὸν αἰῶνα· καὶ πῶς⁺σὺ λέγεις,Δεῖ ὑψωθῆναι τὸν υἱὸν τοῦ ἀνθρώπου; Τίς ἐστιν οὗτος ὁ υἱὸς τοῦ ἀνθρώπου;^{Verse 35}Εἶπεν οὖν αὐτοῖς ὁ Ἰησοῦς,Ἔτι μικρὸν χρόνον τὸ φῶς⁺μεθ᾽ ὑμῶν ἐστι. Περιπατεῖτε⁺ἕως τὸ φῶς ἔχετε, ἵνα μὴ σκοτία ὑμᾶς καταλάβῃ· καὶ ὁ περιπατῶν ἐν τῇ σκοτίᾳ οὐκ οἶδε ποῦ ὑπάγει.^{Verse 36+}Ἕως τὸ φῶς ἔχετε, πιστεύετε εἰς τὸ φῶς, ἵνα υἱοὶ φωτὸς γένησθε.The Unbelief of the People Ταῦτα ἐλάλησεν⁺ὁ Ἰησοῦς, καὶ ἀπελθὼν ἐκρύβη ἀπ᾽ αὐτῶν.^{Verse 37}Τοσαῦτα δὲ αὐτοῦ σημεῖα πεποιηκότος ἔμπροσθεν αὐτῶν, οὐκ ἐπίστευον εἰς αὐτόν·^{Verse 38}ἵνα ὁ λόγος Ἠσαΐου τοῦ προφήτου πληρωθῇ, ὃν εἶπε,
Κύριε, τίς ἐπίστευσε τῇ ἀκοῇ ἡμῶν;
Καὶ ὁ βραχίων Κυρίου τίνι ἀπεκαλύφθη;^{Verse 39}Διὰ τοῦτο οὐκ ἠδύναντο πιστεύειν, ὅτι πάλιν εἶπεν Ἠσαΐας,^{Verse 40}Τετύφλωκεν αὐτῶν τοὺς ὀφθαλμούς,
καὶ⁺πεπώρωκεν αὐτῶν τὴν καρδίαν·
ἵνα μὴ ἴδωσι τοῖς ὀφθαλμοῖς,
καὶ νοήσωσι τῇ καρδίᾳ, καὶ⁺ἐπιστραφῶσι,
καὶ⁺ἰάσωμαι αὐτούς.^{Verse 41}Ταῦτα εἶπεν Ἠσαΐας,⁺ὅτε εἶδε τὴν δόξαν αὐτοῦ, καὶ ἐλάλησε περὶ αὐτοῦ.^{Verse 42}Ὅμως μέντοι καὶ ἐκ τῶν ἀρχόντων πολλοὶ ἐπίστευσαν εἰς αὐτόν· ἀλλὰ διὰ τοὺς Φαρισαίους οὐχ ὡμολόγουν, ἵνα μὴ ἀποσυνάγωγοι γένωνται.^{Verse 43}Ἠγάπησαν γὰρ τὴν δόξαν τῶν ἀνθρώπων μᾶλλον ἤπερ τὴν δόξαν τοῦ Θεοῦ.

Jesus' Words Will Judge the World

^{Verse 44}Ἰησοῦς δὲ ἔκραξε καὶ εἶπεν,Ὁ πιστεύων εἰς ἐμέ, οὐ πιστεύει εἰς ἐμέ,⁺ἀλλ᾽ εἰς τὸν πέμψαντά με·^{Verse 45}καὶ ὁ θεωρῶν ἐμέ, θεωρεῖ τὸν πέμψαντά με.^{Verse 46}Ἐγὼ φῶς εἰς τὸν κόσμον ἐλήλυθα, ἵνα πᾶς ὁ πιστεύων εἰς ἐμέ, ἐν τῇ σκοτίᾳ μὴ μείνῃ.^{Verse 47}Καὶ ἐάν τίς μου ἀκούσῃ τῶν ῥημάτων καὶ μὴ⁺πιστεύσῃ, ἐγὼ οὐ κρίνω αὐτόν· οὐ γὰρ ἦλθον ἵνα κρίνω τὸν κόσμον, ἀλλ᾽ ἵνα σώσω τὸν κόσμον.^{Verse 48}Ὁ ἀθετῶν ἐμὲ καὶ μὴ λαμβάνων τὰ ῥήματά μου, ἔχει τὸν κρίνοντα αὐτόν· ὁ λόγος ὃν ἐλάλησα, ἐκεῖνος κρινεῖ αὐτὸν ἐν τῇ ἐσχάτῃ ἡμέρᾳ.^{Verse 49}Ὅτι ἐγὼ ἐξ ἐμαυτοῦ οὐκ ἐλάλησα· ἀλλ᾽ ὁ πέμψας με πατήρ, αὐτός μοι ἐντολὴν⁺ἔδωκε, τί εἴπω καὶ τί λαλήσω.^{Verse 50}Καὶ οἶδα ὅτι ἡ ἐντολὴ αὐτοῦ ζωὴ αἰώνιός ἐστιν· ἃ οὖν⁺λαλῶ ἐγώ, καθὼς εἴρηκέ μοι ὁ πατήρ, οὕτω λαλῶ.