John 10 — TCG

The Parable of the Good Shepherd

10Verse 1Ἀμὴν ἀμὴν λέγω ὑμῖν, ὁ μὴ εἰσερχόμενος διὰ τῆς θύρας εἰς τὴν αὐλὴν τῶν προβάτων,⁺ἀλλὰ ἀναβαίνων ἀλλαχόθεν, ἐκεῖνος κλέπτης ἐστὶ καὶ λῃστής.^{Verse 2}Ὁ δὲ εἰσερχόμενος διὰ τῆς θύρας ποιμήν ἐστι τῶν προβάτων.^{Verse 3}Τούτῳ ὁ θυρωρὸς ἀνοίγει, καὶ τὰ πρόβατα τῆς φωνῆς αὐτοῦ ἀκούει, καὶ τὰ ἴδια πρόβατα⁺καλεῖ κατ᾽ ὄνομα, καὶ ἐξάγει αὐτά.^{Verse 4+}Καὶ ὅταν τὰ ἴδια⁺πρόβατα⁺ἐκβάλῃ, ἔμπροσθεν αὐτῶν πορεύεται· καὶ τὰ πρόβατα αὐτῷ ἀκολουθεῖ, ὅτι οἴδασι τὴν φωνὴν αὐτοῦ.^{Verse 5}Ἀλλοτρίῳ δὲ οὐ μὴ⁺ἀκολουθήσωσιν, ἀλλὰ φεύξονται ἀπ᾽ αὐτοῦ· ὅτι οὐκ οἴδασι τῶν ἀλλοτρίων τὴν φωνήν.^{Verse 6}Ταύτην τὴν παροιμίαν εἶπεν αὐτοῖς ὁ Ἰησοῦς· ἐκεῖνοι δὲ οὐκ ἔγνωσαν τίνα ἦν ἃ ἐλάλει αὐτοῖς.

I Am the Good Shepherd

^{Verse 7}Εἶπεν οὖν⁺πάλιν αὐτοῖς ὁ Ἰησοῦς,Ἀμὴν ἀμὴν λέγω ὑμῖν⁺ὅτι ἐγώ εἰμι ἡ θύρα τῶν προβάτων.^{Verse 8}Πάντες ὅσοι⁺ἦλθον κλέπται εἰσὶ καὶ λῃσταί· ἀλλ᾽ οὐκ ἤκουσαν αὐτῶν τὰ πρόβατα.^{Verse 9}Ἐγώ εἰμι ἡ θύρα· δι᾽ ἐμοῦ ἐάν τις εἰσέλθῃ, σωθήσεται, καὶ εἰσελεύσεται καὶ ἐξελεύσεται, καὶ νομὴν εὑρήσει.^{Verse 10}Ὁ κλέπτης οὐκ ἔρχεται εἰ μὴ ἵνα κλέψῃ καὶ θύσῃ καὶ ἀπολέσῃ· ἐγὼ ἦλθον ἵνα ζωὴν ἔχωσι, καὶ περισσὸν ἔχωσιν.^{Verse 11}Ἐγώ εἰμι ὁ ποιμὴν ὁ καλός· ὁ ποιμὴν ὁ καλὸς τὴν ψυχὴν αὐτοῦ τίθησιν ὑπὲρ τῶν προβάτων.^{Verse 12}Ὁ⁺μισθωτὸς δέ, καὶ οὐκ ὢν ποιμήν, οὗ οὐκ⁺εἰσὶ τὰ πρόβατα ἴδια, θεωρεῖ τὸν λύκον ἐρχόμενον, καὶ ἀφίησι τὰ πρόβατα, καὶ φεύγει· καὶ ὁ λύκος ἁρπάζει αὐτά, καὶ σκορπίζει⁺τὰ πρόβατα.^{Verse 13+}Ὁ δὲ μισθωτὸς φεύγει, ὅτι μισθωτός ἐστι, καὶ οὐ μέλει αὐτῷ περὶ τῶν προβάτων.^{Verse 14}Ἐγώ εἰμι ὁ ποιμὴν ὁ καλός, καὶ⁺γινώσκω τὰ ἐμά, καὶ⁺γινώσκομαι ὑπὸ τῶν ἐμῶν.^{Verse 15}Καθὼς⁺γινώσκει με ὁ πατήρ, κἀγὼ⁺γινώσκω τὸν πατέρα· καὶ τὴν ψυχήν μου τίθημι ὑπὲρ τῶν προβάτων.^{Verse 16}Καὶ ἄλλα πρόβατα ἔχω, ἃ οὐκ ἔστιν ἐκ τῆς αὐλῆς ταύτης· κἀκεῖνά⁺με δεῖ ἀγαγεῖν, καὶ τῆς φωνῆς μου ἀκούσουσι· καὶ⁺γενήσεται μία ποίμνη, εἷς ποιμήν.^{Verse 17}Διὰ τοῦτο⁺ὁ πατήρ με ἀγαπᾷ, ὅτι ἐγὼ τίθημι τὴν ψυχήν μου, ἵνα πάλιν λάβω αὐτήν.^{Verse 18}Οὐδεὶς⁺αἴρει αὐτὴν ἀπ᾽ ἐμοῦ, ἀλλ᾽ ἐγὼ τίθημι αὐτὴν ἀπ᾽ ἐμαυτοῦ. Ἐξουσίαν ἔχω θεῖναι αὐτήν, καὶ ἐξουσίαν ἔχω πάλιν λαβεῖν αὐτήν. Ταύτην τὴν ἐντολὴν ἔλαβον παρὰ τοῦ πατρός μου.^{Verse 19}Σχίσμα⁺οὖν πάλιν ἐγένετο ἐν τοῖς Ἰουδαίοις διὰ τοὺς λόγους τούτους.^{Verse 20}Ἔλεγον δὲ πολλοὶ ἐξ αὐτῶν, Δαιμόνιον ἔχει καὶ μαίνεται· τί αὐτοῦ ἀκούετε;^{Verse 21}Ἄλλοι ἔλεγον, Ταῦτα τὰ ῥήματα οὐκ ἔστι δαιμονιζομένου· μὴ δαιμόνιον δύναται τυφλῶν ὀφθαλμοὺς⁺ἀνοίγειν;

Jesus Is Rejected by the Jews

^{Verse 22}Ἐγένετο⁺δὲ τὰ⁺Ἐγκαίνια ἐν⁺Ἱεροσολύμοις,⁺καὶ χειμὼν ἦν·^{Verse 23}καὶ περιεπάτει ὁ Ἰησοῦς ἐν τῷ ἱερῷ ἐν τῇ στοᾷ⁺Σολομῶνος.^{Verse 24}Ἐκύκλωσαν οὖν αὐτὸν οἱ Ἰουδαῖοι, καὶ ἔλεγον αὐτῷ, Ἕως πότε τὴν ψυχὴν ἡμῶν αἴρεις; Εἰ σὺ εἶ ὁ Χριστός,⁺εἰπὲ ἡμῖν παρρησίᾳ.^{Verse 25}Ἀπεκρίθη αὐτοῖς ὁ Ἰησοῦς,Εἶπον ὑμῖν, καὶ οὐ πιστεύετε· τὰ ἔργα ἃ ἐγὼ ποιῶ ἐν τῷ ὀνόματι τοῦ πατρός μου, ταῦτα μαρτυρεῖ περὶ ἐμοῦ·^{Verse 26+}ἀλλ᾽ ὑμεῖς οὐ πιστεύετε·⁺οὐ γάρ ἐστε ἐκ τῶν προβάτων τῶν ἐμῶν,⁺καθὼς εἶπον ὑμῖν.^{Verse 27}Τὰ πρόβατα τὰ ἐμὰ τῆς φωνῆς μου⁺ἀκούει, κἀγὼ⁺γινώσκω αὐτά, καὶ ἀκολουθοῦσί μοι·^{Verse 28}κἀγὼ⁺ζωὴν αἰώνιον δίδωμι αὐτοῖς· καὶ οὐ μὴ ἀπόλωνται εἰς τὸν αἰῶνα, καὶ οὐχ ἁρπάσει τις αὐτὰ ἐκ τῆς χειρός μου.^{Verse 29}Ὁ πατήρ μου⁺ὃς δέδωκέ μοι,⁺μείζων πάντων ἐστί· καὶ οὐδεὶς δύναται ἁρπάζειν ἐκ τῆς χειρὸς τοῦ πατρός⁺μου.^{Verse 30}Ἐγὼ καὶ ὁ πατὴρ ἕν ἐσμεν.^{Verse 31}Ἐβάστασαν⁺οὖν πάλιν λίθους οἱ Ἰουδαῖοι ἵνα λιθάσωσιν αὐτόν.^{Verse 32}Ἀπεκρίθη αὐτοῖς ὁ Ἰησοῦς,Πολλὰ⁺καλὰ ἔργα ἔδειξα ὑμῖν ἐκ τοῦ πατρός⁺μου· διὰ ποῖον αὐτῶν ἔργον⁺λιθάζετέ με;^{Verse 33}Ἀπεκρίθησαν αὐτῷ οἱ Ἰουδαῖοι⁺λέγοντες, Περὶ καλοῦ ἔργου οὐ λιθάζομέν σε, ἀλλὰ περὶ βλασφημίας, καὶ ὅτι σὺ ἄνθρωπος ὢν ποιεῖς σεαυτὸν Θεόν.^{Verse 34}Ἀπεκρίθη αὐτοῖς ὁ Ἰησοῦς,Οὐκ ἔστι γεγραμμένον ἐν τῷ νόμῳ⁺ὑμῶν, Ἐγὼ εἶπα, Θεοί ἐστε;^{Verse 35}Εἰ ἐκείνους εἶπε θεούς, πρὸς οὓς ὁ λόγος τοῦ Θεοῦ ἐγένετο—καὶ οὐ δύναται λυθῆναι ἡ γραφή—^{Verse 36}ὃν ὁ πατὴρ ἡγίασε καὶ ἀπέστειλεν εἰς τὸν κόσμον, ὑμεῖς λέγετε ὅτι Βλασφημεῖς, ὅτι εἶπον, Υἱὸς τοῦ Θεοῦ εἰμι;^{Verse 37}Εἰ οὐ ποιῶ τὰ ἔργα τοῦ πατρός μου, μὴ πιστεύετέ μοι·^{Verse 38}εἰ δὲ ποιῶ, κἂν ἐμοὶ μὴ πιστεύητε, τοῖς ἔργοις⁺πιστεύσατε· ἵνα γνῶτε καὶ⁺πιστεύσητε ὅτι ἐν ἐμοὶ ὁ πατήρ, κἀγὼ ἐν⁺αὐτῷ.^{Verse 39}Ἐζήτουν⁺οὖν πάλιν αὐτὸν πιάσαι· καὶ ἐξῆλθεν ἐκ τῆς χειρὸς αὐτῶν.^{Verse 40}Καὶ ἀπῆλθε πάλιν πέραν τοῦ Ἰορδάνου εἰς τὸν τόπον ὅπου ἦν⁺Ἰωάννης τὸ πρῶτον βαπτίζων· καὶ⁺ἔμεινεν ἐκεῖ.^{Verse 41}Καὶ πολλοὶ ἦλθον πρὸς αὐτόν, καὶ ἔλεγον ὅτι⁺Ἰωάννης μὲν σημεῖον ἐποίησεν οὐδέν· πάντα δὲ ὅσα εἶπεν⁺Ἰωάννης περὶ τούτου, ἀληθῆ ἦν.^{Verse 42}Καὶ⁺ἐπίστευσαν πολλοὶ ἐκεῖ εἰς αὐτόν.