Acts 3 — TCG

Peter Heals a Lame Man

3Verse 1Ἐπὶ τὸ αὐτὸ δὲ Πέτρος καὶ⁺Ἰωάννης ἀνέβαινον εἰς τὸ ἱερὸν ἐπὶ τὴν ὥραν τῆς προσευχῆς τὴν⁺ἐνάτην.^{Verse 2}Καί τις ἀνὴρ χωλὸς ἐκ κοιλίας μητρὸς αὐτοῦ ὑπάρχων ἐβαστάζετο· ὃν ἐτίθουν καθ᾽ ἡμέραν πρὸς τὴν θύραν τοῦ ἱεροῦ τὴν λεγομένην Ὡραίαν, τοῦ αἰτεῖν ἐλεημοσύνην παρὰ τῶν εἰσπορευομένων εἰς τὸ ἱερόν.^{Verse 3}Ὃς ἰδὼν Πέτρον καὶ⁺Ἰωάννην μέλλοντας εἰσιέναι εἰς τὸ ἱερόν, ἠρώτα⁺ἐλεημοσύνην.^{Verse 4}Ἀτενίσας δὲ Πέτρος εἰς αὐτὸν σὺν τῷ⁺Ἰωάννῃ, εἶπε, Βλέψον εἰς ἡμᾶς.^{Verse 5}Ὁ δὲ ἐπεῖχεν αὐτοῖς, προσδοκῶν τι παρ᾽ αὐτῶν λαβεῖν.^{Verse 6}Εἶπε δὲ Πέτρος, Ἀργύριον καὶ χρυσίον οὐχ ὑπάρχει μοι· ὃ δὲ ἔχω, τοῦτό σοι δίδωμι. Ἐν τῷ ὀνόματι Ἰησοῦ Χριστοῦ τοῦ Ναζωραίου,⁺ἔγειραι καὶ περιπάτει.^{Verse 7}Καὶ πιάσας αὐτὸν τῆς δεξιᾶς χειρὸς⁺ἤγειρε· παραχρῆμα δὲ ἐστερεώθησαν⁺αὐτοῦ αἱ βάσεις καὶ τὰ⁺σφυρά.^{Verse 8}Καὶ ἐξαλλόμενος ἔστη καὶ περιεπάτει, καὶ εἰσῆλθε σὺν αὐτοῖς εἰς τὸ ἱερόν, περιπατῶν καὶ ἁλλόμενος καὶ αἰνῶν τὸν Θεόν.^{Verse 9}Καὶ εἶδεν⁺αὐτὸν πᾶς ὁ λαὸς περιπατοῦντα καὶ αἰνοῦντα τὸν Θεόν·^{Verse 10}ἐπεγίνωσκόν⁺τε αὐτὸν ὅτι⁺οὗτος ἦν ὁ πρὸς τὴν ἐλεημοσύνην καθήμενος ἐπὶ τῇ Ὡραίᾳ πύλῃ τοῦ ἱεροῦ· καὶ ἐπλήσθησαν θάμβους καὶ ἐκστάσεως ἐπὶ τῷ συμβεβηκότι αὐτῷ.

Peter Speaks in Solomon's Portico

^{Verse 11}Κρατοῦντος δὲ⁺τοῦ ἰαθέντος χωλοῦ τὸν Πέτρον καὶ Ἰωάννην, συνέδραμε πρὸς αὐτοὺς πᾶς ὁ λαὸς ἐπὶ τῇ στοᾷ τῇ καλουμένῃ Σολομῶντος, ἔκθαμβοι.^{Verse 12}Ἰδὼν δὲ⁺Πέτρος ἀπεκρίνατο πρὸς τὸν λαόν, Ἄνδρες⁺Ἰσραηλῖται, τί θαυμάζετε ἐπὶ τούτῳ, ἢ ἡμῖν τί ἀτενίζετε, ὡς ἰδίᾳ δυνάμει ἢ εὐσεβείᾳ πεποιηκόσι τοῦ περιπατεῖν αὐτόν;^{Verse 13}Ὁ Θεὸς Ἀβραὰμ καὶ⁺Ἰσαὰκ καὶ Ἰακώβ, ὁ Θεὸς τῶν πατέρων ἡμῶν, ἐδόξασε τὸν παῖδα αὐτοῦ Ἰησοῦν· ὃν ὑμεῖς⁺μὲν παρεδώκατε, καὶ ἠρνήσασθε⁺αὐτὸν κατὰ πρόσωπον⁺Πιλάτου, κρίναντος ἐκείνου ἀπολύειν.^{Verse 14}Ὑμεῖς δὲ τὸν ἅγιον καὶ δίκαιον ἠρνήσασθε, καὶ ᾐτήσασθε ἄνδρα φονέα χαρισθῆναι ὑμῖν,^{Verse 15}τὸν δὲ ἀρχηγὸν τῆς ζωῆς ἀπεκτείνατε· ὃν ὁ Θεὸς ἤγειρεν ἐκ νεκρῶν, οὗ ἡμεῖς μάρτυρές ἐσμεν.^{Verse 16}Καὶ⁺ἐπὶ τῇ πίστει τοῦ ὀνόματος αὐτοῦ, τοῦτον ὃν θεωρεῖτε καὶ οἴδατε ἐστερέωσε τὸ ὄνομα αὐτοῦ· καὶ ἡ πίστις ἡ δι᾽ αὐτοῦ ἔδωκεν αὐτῷ τὴν ὁλοκληρίαν ταύτην ἀπέναντι πάντων ὑμῶν.^{Verse 17}Καὶ νῦν, ἀδελφοί, οἶδα ὅτι κατὰ ἄγνοιαν ἐπράξατε, ὥσπερ καὶ οἱ ἄρχοντες ὑμῶν.^{Verse 18}Ὁ δὲ Θεὸς ἃ προκατήγγειλε διὰ στόματος πάντων τῶν προφητῶν⁺αὐτοῦ, παθεῖν τὸν Χριστόν, ἐπλήρωσεν οὕτω.^{Verse 19}Μετανοήσατε οὖν καὶ ἐπιστρέψατε,⁺εἰς τὸ⁺ἐξαλειφθῆναι ὑμῶν τὰς ἁμαρτίας, ὅπως ἂν ἔλθωσι καιροὶ ἀναψύξεως ἀπὸ προσώπου τοῦ Κυρίου,^{Verse 20}καὶ ἀποστείλῃ τὸν⁺προκεχειρισμένον ὑμῖν⁺Χριστὸν Ἰησοῦν·^{Verse 21}ὃν δεῖ οὐρανὸν μὲν δέξασθαι ἄχρι χρόνων ἀποκαταστάσεως πάντων, ὧν ἐλάλησεν ὁ Θεὸς διὰ στόματος⁺πάντων⁺τῶν ἁγίων⁺αὐτοῦ προφητῶν ἀπ᾽ αἰῶνος.^{Verse 22+}Μωσῆς μὲν⁺γὰρ πρὸς τοὺς πατέρας εἶπεν ὅτι Προφήτην ὑμῖν ἀναστήσει Κύριος ὁ Θεὸς⁺ὑμῶν ἐκ τῶν ἀδελφῶν ὑμῶν ὡς ἐμέ· αὐτοῦ ἀκούσεσθε κατὰ πάντα ὅσα ἂν λαλήσῃ πρὸς ὑμᾶς.^{Verse 23}Ἔσται δέ, πᾶσα ψυχή, ἥτις⁺ἐὰν μὴ ἀκούσῃ τοῦ προφήτου ἐκείνου,⁺ἐξολοθρευθήσεται ἐκ τοῦ λαοῦ.^{Verse 24}Καὶ πάντες δὲ οἱ προφῆται ἀπὸ Σαμουὴλ καὶ τῶν καθεξῆς, ὅσοι ἐλάλησαν, καὶ⁺κατήγγειλαν τὰς ἡμέρας ταύτας.^{Verse 25}Ὑμεῖς ἐστε⁺υἱοὶ τῶν προφητῶν, καὶ τῆς διαθήκης ἧς⁺διέθετο ὁ Θεὸς πρὸς τοὺς πατέρας⁺ἡμῶν, λέγων πρὸς Ἀβραάμ, Καὶ⁺ἐν τῷ σπέρματί σου⁺ἐνευλογηθήσονται πᾶσαι αἱ πατριαὶ τῆς γῆς.^{Verse 26}Ὑμῖν πρῶτον⁺ὁ Θεός, ἀναστήσας τὸν παῖδα αὐτοῦ⁺Ἰησοῦν, ἀπέστειλεν αὐτὸν εὐλογοῦντα ὑμᾶς, ἐν τῷ ἀποστρέφειν ἕκαστον ἀπὸ τῶν πονηριῶν ὑμῶν.