Acts 12 — TCG

James Killed and Peter Imprisoned

12Verse 1Κατ᾽ ἐκεῖνον δὲ τὸν καιρὸν ἐπέβαλεν Ἡρῴδης ὁ βασιλεὺς τὰς χεῖρας κακῶσαί τινας τῶν ἀπὸ τῆς ἐκκλησίας.^{Verse 2}Ἀνεῖλε δὲ Ἰάκωβον τὸν ἀδελφὸν⁺Ἰωάννου⁺μαχαίρᾳ.^{Verse 3+}Καὶ ἰδὼν ὅτι ἀρεστόν ἐστι τοῖς Ἰουδαίοις, προσέθετο συλλαβεῖν καὶ Πέτρον—ἦσαν δὲ⁺αἱ ἡμέραι τῶν ἀζύμων—^{Verse 4}ὃν καὶ πιάσας ἔθετο εἰς φυλακήν, παραδοὺς τέσσαρσι τετραδίοις στρατιωτῶν φυλάσσειν αὐτόν, βουλόμενος μετὰ τὸ Πάσχα ἀναγαγεῖν αὐτὸν τῷ λαῷ.^{Verse 5}Ὁ μὲν οὖν Πέτρος ἐτηρεῖτο ἐν τῇ φυλακῇ· προσευχὴ δὲ ἦν⁺ἐκτενὴς γινομένη ὑπὸ τῆς ἐκκλησίας πρὸς τὸν Θεὸν⁺ὑπὲρ αὐτοῦ.

An Angel Frees Peter from Prison

^{Verse 6}Ὅτε δὲ⁺ἔμελλεν⁺αὐτὸν προάγειν ὁ Ἡρῴδης, τῇ νυκτὶ ἐκείνῃ ἦν ὁ Πέτρος κοιμώμενος μεταξὺ δύο στρατιωτῶν, δεδεμένος ἁλύσεσι δυσί· φύλακές τε πρὸ τῆς θύρας ἐτήρουν τὴν φυλακήν.^{Verse 7}Καὶ ἰδού, ἄγγελος Κυρίου ἐπέστη, καὶ φῶς ἔλαμψεν ἐν τῷ οἰκήματι· πατάξας δὲ τὴν πλευρὰν τοῦ Πέτρου, ἤγειρεν αὐτὸν λέγων, Ἀνάστα ἐν τάχει. Καὶ⁺ἐξέπεσον αὐτοῦ αἱ ἁλύσεις ἐκ τῶν χειρῶν.^{Verse 8}Εἶπέ⁺τε ὁ ἄγγελος πρὸς αὐτόν,⁺Περίζωσαι καὶ ὑπόδησαι τὰ σανδάλιά σου. Ἐποίησε δὲ οὕτω. Καὶ λέγει αὐτῷ, Περιβαλοῦ τὸ ἱμάτιόν σου, καὶ ἀκολούθει μοι.^{Verse 9}Καὶ ἐξελθὼν ἠκολούθει⁺αὐτῷ· καὶ οὐκ ᾔδει ὅτι ἀληθές ἐστι τὸ γινόμενον διὰ τοῦ ἀγγέλου, ἐδόκει δὲ ὅραμα βλέπειν.^{Verse 10}Διελθόντες δὲ πρώτην φυλακὴν καὶ δευτέραν,⁺ἦλθον ἐπὶ τὴν πύλην τὴν σιδηρᾶν, τὴν φέρουσαν εἰς τὴν πόλιν, ἥτις αὐτομάτη⁺ἠνοίχθη αὐτοῖς· καὶ ἐξελθόντες προῆλθον ῥύμην μίαν, καὶ εὐθέως ἀπέστη ὁ ἄγγελος ἀπ᾽ αὐτοῦ.^{Verse 11}Καὶ ὁ Πέτρος,⁺γενόμενος ἐν ἑαυτῷ, εἶπε, Νῦν οἶδα ἀληθῶς ὅτι ἐξαπέστειλε⁺Κύριος τὸν ἄγγελον αὐτοῦ, καὶ⁺ἐξείλετό με ἐκ χειρὸς Ἡρῴδου καὶ πάσης τῆς προσδοκίας τοῦ λαοῦ τῶν Ἰουδαίων.^{Verse 12}Συνιδών τε ἦλθεν ἐπὶ τὴν οἰκίαν⁺Μαρίας τῆς μητρὸς⁺Ἰωάννου τοῦ ἐπικαλουμένου Μάρκου, οὗ ἦσαν ἱκανοὶ συνηθροισμένοι καὶ προσευχόμενοι.^{Verse 13}Κρούσαντος δὲ⁺τοῦ Πέτρου τὴν θύραν τοῦ πυλῶνος, προσῆλθε παιδίσκη ὑπακοῦσαι, ὀνόματι Ῥόδη.^{Verse 14}Καὶ ἐπιγνοῦσα τὴν φωνὴν τοῦ Πέτρου, ἀπὸ τῆς χαρᾶς οὐκ ἤνοιξε τὸν πυλῶνα, εἰσδραμοῦσα δὲ ἀπήγγειλεν ἑστάναι τὸν Πέτρον πρὸ τοῦ πυλῶνος.^{Verse 15}Οἱ δὲ πρὸς αὐτὴν⁺εἶπον, Μαίνῃ. Ἡ δὲ διϊσχυρίζετο οὕτως ἔχειν. Οἱ⁺δὲ ἔλεγον, Ὁ ἄγγελος⁺αὐτοῦ ἐστιν.^{Verse 16}Ὁ δὲ Πέτρος ἐπέμενε κρούων· ἀνοίξαντες δὲ⁺εἶδον αὐτόν, καὶ ἐξέστησαν.^{Verse 17}Κατασείσας δὲ αὐτοῖς τῇ χειρὶ σιγᾷν, διηγήσατο αὐτοῖς πῶς ὁ Κύριος⁺αὐτὸν ἐξήγαγεν ἐκ τῆς φυλακῆς. Εἶπε⁺δέ, Ἀπαγγείλατε Ἰακώβῳ καὶ τοῖς ἀδελφοῖς ταῦτα. Καὶ ἐξελθὼν ἐπορεύθη εἰς ἕτερον τόπον.^{Verse 18}Γενομένης δὲ ἡμέρας, ἦν τάραχος οὐκ ὀλίγος ἐν τοῖς στρατιώταις, τί ἄρα ὁ Πέτρος ἐγένετο.^{Verse 19}Ἡρῴδης δὲ ἐπιζητήσας αὐτὸν καὶ μὴ εὑρών, ἀνακρίνας τοὺς φύλακας, ἐκέλευσεν ἀπαχθῆναι. Καὶ κατελθὼν ἀπὸ τῆς Ἰουδαίας εἰς⁺τὴν⁺Καισάρειαν διέτριβεν.

The Death of Herod

^{Verse 20}Ἦν δὲ⁺ὁ Ἡρῴδης θυμομαχῶν Τυρίοις καὶ Σιδωνίοις· ὁμοθυμαδὸν⁺δὲ παρῆσαν πρὸς αὐτόν, καὶ πείσαντες Βλάστον τὸν ἐπὶ τοῦ κοιτῶνος τοῦ βασιλέως, ᾐτοῦντο εἰρήνην, διὰ τὸ τρέφεσθαι αὐτῶν τὴν χώραν ἀπὸ τῆς βασιλικῆς.^{Verse 21}Τακτῇ δὲ ἡμέρᾳ ὁ Ἡρῴδης ἐνδυσάμενος ἐσθῆτα βασιλικήν,⁺καὶ καθίσας ἐπὶ τοῦ βήματος, ἐδημηγόρει πρὸς αὐτούς.^{Verse 22}Ὁ δὲ δῆμος ἐπεφώνει,⁺Φωνὴ Θεοῦ καὶ οὐκ ἀνθρώπου.^{Verse 23}Παραχρῆμα δὲ ἐπάταξεν αὐτὸν ἄγγελος Κυρίου, ἀνθ᾽ ὧν οὐκ ἔδωκε⁺δόξαν τῷ Θεῷ· καὶ γενόμενος σκωληκόβρωτος, ἐξέψυξεν.^{Verse 24}Ὁ δὲ λόγος τοῦ⁺Θεοῦ ηὔξανε καὶ ἐπληθύνετο.^{Verse 25}Βαρνάβας δὲ καὶ Σαῦλος ὑπέστρεψαν⁺εἰς Ἱερουσαλήμ, πληρώσαντες τὴν διακονίαν,⁺συμπαραλαβόντες⁺καὶ⁺Ἰωάννην τὸν ἐπικληθέντα Μάρκον.