3 John 1 — TCG

Greeting

1Verse 1Ὁ πρεσβύτερος Γαΐῳ τῷ ἀγαπητῷ, ὃν ἐγὼ ἀγαπῶ ἐν ἀληθείᾳ.^{Verse 2}Ἀγαπητέ, περὶ πάντων εὔχομαί σε εὐοδοῦσθαι καὶ ὑγιαίνειν, καθὼς εὐοδοῦταί σου ἡ ψυχή.^{Verse 3}Ἐχάρην γὰρ λίαν, ἐρχομένων ἀδελφῶν καὶ μαρτυρούντων σου τῇ ἀληθείᾳ, καθὼς σὺ ἐν ἀληθείᾳ περιπατεῖς.^{Verse 4}Μειζοτέραν τούτων οὐκ ἔχω⁺χαράν, ἵνα ἀκούω τὰ ἐμὰ τέκνα ἐν⁺ἀληθείᾳ περιπατοῦντα.

Gaius Commended

^{Verse 5}Ἀγαπητέ, πιστὸν ποιεῖς ὃ ἐὰν ἐργάσῃ εἰς τοὺς ἀδελφοὺς καὶ⁺εἰς τοὺς ξένους,^{Verse 6}οἳ ἐμαρτύρησάν σου τῇ ἀγάπῃ ἐνώπιον ἐκκλησίας· οὓς καλῶς ποιήσεις προπέμψας ἀξίως τοῦ Θεοῦ.^{Verse 7}Ὑπὲρ γὰρ τοῦ⁺ὀνόματος⁺ἐξῆλθον μηδὲν λαμβάνοντες ἀπὸ τῶν⁺ἐθνῶν.^{Verse 8}Ἡμεῖς οὖν ὀφείλομεν⁺ἀπολαμβάνειν τοὺς τοιούτους, ἵνα συνεργοὶ γινώμεθα τῇ ἀληθείᾳ.

Diotrephes Denounced

^{Verse 9+}Ἔγραψα τῇ ἐκκλησίᾳ· ἀλλ᾽ ὁ φιλοπρωτεύων αὐτῶν Διοτρεφὴς οὐκ ἐπιδέχεται ἡμᾶς.^{Verse 10}Διὰ τοῦτο, ἐὰν ἔλθω, ὑπομνήσω αὐτοῦ τὰ ἔργα ἃ ποιεῖ, λόγοις πονηροῖς φλυαρῶν ἡμᾶς· καὶ μὴ ἀρκούμενος ἐπὶ τούτοις, οὔτε αὐτὸς ἐπιδέχεται τοὺς ἀδελφούς, καὶ τοὺς βουλομένους κωλύει, καὶ ἐκ τῆς ἐκκλησίας ἐκβάλλει.

Demetrius Commended

^{Verse 11}Ἀγαπητέ, μὴ μιμοῦ τὸ κακόν, ἀλλὰ τὸ ἀγαθόν. Ὁ ἀγαθοποιῶν ἐκ τοῦ Θεοῦ ἐστιν·⁺ὁ κακοποιῶν οὐχ ἑώρακε τὸν Θεόν.^{Verse 12}Δημητρίῳ μεμαρτύρηται ὑπὸ πάντων, καὶ⁺ὑπ᾽ αὐτῆς τῆς ἀληθείας· καὶ ἡμεῖς δὲ μαρτυροῦμεν, καὶ⁺οἴδατε ὅτι ἡ μαρτυρία ἡμῶν ἀληθής ἐστι.

Final Greetings

^{Verse 13}Πολλὰ εἶχον⁺γράφειν, ἀλλ᾽ οὐ θέλω διὰ μέλανος καὶ καλάμου σοι⁺γράψαι·^{Verse 14}ἐλπίζω δὲ εὐθέως⁺ἰδεῖν σε, καὶ στόμα πρὸς στόμα λαλήσομεν. Εἰρήνη σοι. Ἀσπάζονταί σε οἱ φίλοι. Ἀσπάζου τοὺς φίλους κατ᾽ ὄνομα.