2 John 1 — TCG

Greeting

1Verse 1Ὁ πρεσβύτερος ἐκλεκτῇ κυρίᾳ καὶ τοῖς τέκνοις αὐτῆς, οὓς ἐγὼ ἀγαπῶ ἐν ἀληθείᾳ, καὶ οὐκ ἐγὼ μόνος, ἀλλὰ καὶ πάντες οἱ ἐγνωκότες τὴν ἀλήθειαν,^{Verse 2}διὰ τὴν ἀλήθειαν τὴν μένουσαν ἐν ἡμῖν, καὶ μεθ᾽ ἡμῶν ἔσται εἰς τὸν αἰῶνα·^{Verse 3}ἔσται μεθ᾽⁺ἡμῶν χάρις, ἔλεος, εἰρήνη⁺παρὰ Θεοῦ πατρός, καὶ παρὰ⁺Κυρίου Ἰησοῦ Χριστοῦ τοῦ υἱοῦ τοῦ πατρός, ἐν ἀληθείᾳ καὶ ἀγάπῃ.

Walking in Truth and Love

^{Verse 4}Ἐχάρην λίαν ὅτι εὕρηκα ἐκ τῶν τέκνων σου περιπατοῦντας ἐν ἀληθείᾳ, καθὼς ἐντολὴν ἐλάβομεν παρὰ τοῦ πατρός.^{Verse 5}Καὶ νῦν ἐρωτῶ σε, κυρία, οὐχ ὡς ἐντολὴν⁺γράφων σοι καινήν,⁺ἀλλ᾽ ἣν⁺εἴχομεν ἀπ᾽ ἀρχῆς, ἵνα ἀγαπῶμεν ἀλλήλους.^{Verse 6}Καὶ αὕτη ἐστὶν ἡ ἀγάπη, ἵνα περιπατῶμεν κατὰ τὰς ἐντολὰς αὐτοῦ. Αὕτη⁺ἐστὶν ἡ ἐντολή, καθὼς ἠκούσατε ἀπ᾽ ἀρχῆς, ἵνα ἐν αὐτῇ περιπατῆτε.^{Verse 7}Ὅτι πολλοὶ πλάνοι⁺εἰσῆλθον εἰς τὸν κόσμον, οἱ μὴ ὁμολογοῦντες Ἰησοῦν Χριστὸν ἐρχόμενον ἐν σαρκί. Οὗτός ἐστιν ὁ πλάνος καὶ ὁ ἀντίχριστος.^{Verse 8}Βλέπετε ἑαυτούς, ἵνα μὴ⁺ἀπολέσωμεν ἃ⁺εἰργασάμεθα, ἀλλὰ μισθὸν πλήρη ἀπολάβωμεν.^{Verse 9}Πᾶς ὁ⁺παραβαίνων καὶ μὴ μένων ἐν τῇ διδαχῇ τοῦ Χριστοῦ, Θεὸν οὐκ ἔχει·⁺ὁ μένων ἐν τῇ διδαχῇ⁺τοῦ Χριστοῦ, οὗτος καὶ τὸν⁺πατέρα καὶ τὸν υἱὸν ἔχει.^{Verse 10}Εἴ τις ἔρχεται πρὸς ὑμᾶς, καὶ ταύτην τὴν διδαχὴν οὐ φέρει, μὴ λαμβάνετε αὐτὸν εἰς οἰκίαν, καὶ χαίρειν αὐτῷ μὴ λέγετε·^{Verse 11}ὁ⁺γὰρ λέγων αὐτῷ χαίρειν κοινωνεῖ τοῖς ἔργοις αὐτοῦ τοῖς πονηροῖς.

Final Greetings

^{Verse 12}Πολλὰ ἔχων ὑμῖν γράφειν, οὐκ⁺ἐβουλήθην διὰ χάρτου καὶ μέλανος·⁺ἀλλὰ ἐλπίζω⁺ἐλθεῖν πρὸς ὑμᾶς, καὶ στόμα πρὸς στόμα λαλῆσαι, ἵνα ἡ χαρὰ⁺ἡμῶν⁺ᾖ πεπληρωμένη.^{Verse 13}Ἀσπάζεταί σε τὰ τέκνα τῆς ἀδελφῆς σου τῆς ἐκλεκτῆς.⁺Ἀμήν.