1 Peter 2 — TCG

Christ the Living Stone

2Verse 1Ἀποθέμενοι οὖν πᾶσαν κακίαν καὶ πάντα δόλον καὶ⁺ὑποκρίσεις καὶ φθόνους καὶ πάσας καταλαλιάς,^{Verse 2}ὡς ἀρτιγέννητα βρέφη τὸ λογικὸν ἄδολον γάλα ἐπιποθήσατε, ἵνα ἐν αὐτῷ⁺αὐξηθῆτε,^{Verse 3+}εἴπερ ἐγεύσασθε ὅτι⁺χρηστὸς ὁ Κύριος·^{Verse 4}πρὸς ὃν προσερχόμενοι, λίθον ζῶντα, ὑπὸ ἀνθρώπων μὲν ἀποδεδοκιμασμένον, παρὰ δὲ Θεῷ ἐκλεκτόν, ἔντιμον,^{Verse 5}καὶ αὐτοὶ ὡς λίθοι ζῶντες οἰκοδομεῖσθε οἶκος πνευματικός,⁺ἱεράτευμα ἅγιον, ἀνενέγκαι πνευματικὰς θυσίας εὐπροσδέκτους⁺τῷ Θεῷ διὰ Ἰησοῦ Χριστοῦ.^{Verse 6+}Διότι περιέχει⁺ἐν τῇ γραφῇ,
Ἰδού, τίθημι ἐν Σιὼν λίθον⁺ἀκρογωνιαῖον,
ἐκλεκτόν, ἔντιμον,
καὶ ὁ πιστεύων ἐπ᾽ αὐτῷ οὐ μὴ καταισχυνθῇ.^{Verse 7}Ὑμῖν οὖν ἡ τιμὴ τοῖς πιστεύουσιν,⁺ἀπειθοῦσι δέ,
⁺Λίθον ὃν ἀπεδοκίμασαν οἱ οἰκοδομοῦντες,
οὗτος ἐγενήθη εἰς κεφαλὴν γωνίας,^{Verse 8}καί,
Λίθος προσκόμματος
καὶ πέτρα σκανδάλου·
οἳ προσκόπτουσι τῷ λόγῳ ἀπειθοῦντες, εἰς ὃ καὶ ἐτέθησαν.^{Verse 9}Ὑμεῖς δὲ γένος ἐκλεκτόν, βασίλειον ἱεράτευμα, ἔθνος ἅγιον, λαὸς εἰς περιποίησιν, ὅπως τὰς ἀρετὰς ἐξαγγείλητε τοῦ ἐκ σκότους ὑμᾶς καλέσαντος εἰς τὸ θαυμαστὸν αὐτοῦ φῶς·^{Verse 10}οἱ ποτὲ οὐ λαός, νῦν δὲ λαὸς Θεοῦ· οἱ οὐκ ἠλεημένοι, νῦν δὲ ἐλεηθέντες.

Live as Servants of God

^{Verse 11}Ἀγαπητοί, παρακαλῶ ὡς παροίκους καὶ παρεπιδήμους⁺ἀπέχεσθαι τῶν σαρκικῶν ἐπιθυμιῶν, αἵτινες στρατεύονται κατὰ τῆς ψυχῆς,^{Verse 12}τὴν ἀναστροφὴν ὑμῶν⁺ἔχοντες καλὴν ἐν τοῖς ἔθνεσιν, ἵνα, ἐν ᾧ⁺καταλαλοῦσιν ὑμῶν ὡς κακοποιῶν, ἐκ τῶν καλῶν ἔργων⁺ἐποπτεύσαντες δοξάσωσι τὸν Θεὸν ἐν ἡμέρᾳ ἐπισκοπῆς.^{Verse 13}Ὑποτάγητε⁺οὖν πάσῃ ἀνθρωπίνῃ κτίσει διὰ τὸν Κύριον, εἴτε βασιλεῖ ὡς ὑπερέχοντι,^{Verse 14}εἴτε ἡγεμόσιν ὡς δι᾽ αὐτοῦ πεμπομένοις εἰς⁺ἐκδίκησιν κακοποιῶν, ἔπαινον δὲ ἀγαθοποιῶν—^{Verse 15}ὅτι οὕτως ἐστὶ τὸ θέλημα τοῦ Θεοῦ, ἀγαθοποιοῦντας⁺φιμοῦν τὴν τῶν ἀφρόνων ἀνθρώπων ἀγνωσίαν—^{Verse 16}ὡς ἐλεύθεροι, καὶ μὴ ὡς ἐπικάλυμμα ἔχοντες τῆς κακίας τὴν ἐλευθερίαν, ἀλλ᾽ ὡς⁺δοῦλοι Θεοῦ.^{Verse 17}Πάντας τιμήσατε, τὴν ἀδελφότητα⁺ἀγαπήσατε, τὸν Θεὸν φοβεῖσθε, τὸν βασιλέα τιμᾶτε.

The Example of Christ's Suffering

^{Verse 18}Οἱ οἰκέται, ὑποτασσόμενοι ἐν παντὶ φόβῳ τοῖς δεσπόταις, οὐ μόνον τοῖς ἀγαθοῖς καὶ ἐπιεικέσιν, ἀλλὰ καὶ τοῖς σκολιοῖς.^{Verse 19}Τοῦτο γὰρ χάρις, εἰ διὰ συνείδησιν Θεοῦ ὑποφέρει τις λύπας, πάσχων ἀδίκως.^{Verse 20}Ποῖον γὰρ κλέος, εἰ ἁμαρτάνοντες καὶ κολαφιζόμενοι ὑπομενεῖτε; Ἀλλ᾽ εἰ ἀγαθοποιοῦντες καὶ πάσχοντες ὑπομενεῖτε, τοῦτο χάρις παρὰ⁺Θεῷ.^{Verse 21}Εἰς τοῦτο⁺γὰρ ἐκλήθητε, ὅτι καὶ Χριστὸς⁺ἔπαθεν ὑπὲρ ἡμῶν, ὑμῖν ὑπολιμπάνων ὑπογραμμόν, ἵνα ἐπακολουθήσητε τοῖς ἴχνεσιν αὐτοῦ·^{Verse 22}ὃς ἁμαρτίαν οὐκ ἐποίησεν, οὐδὲ εὑρέθη δόλος ἐν τῷ στόματι αὐτοῦ·^{Verse 23}ὃς λοιδορούμενος οὐκ ἀντελοιδόρει, πάσχων οὐκ ἠπείλει, παρεδίδου δὲ τῷ κρίνοντι δικαίως·^{Verse 24}ὃς τὰς ἁμαρτίας ἡμῶν αὐτὸς ἀνήνεγκεν ἐν τῷ σώματι αὐτοῦ ἐπὶ τὸ ξύλον, ἵνα, ταῖς ἁμαρτίαις ἀπογενόμενοι, τῇ δικαιοσύνῃ ζήσωμεν· οὗ τῷ μώλωπι⁺αὐτοῦ ἰάθητε.^{Verse 25}Ἦτε γὰρ ὡς πρόβατα⁺πλανώμενα·⁺ἀλλ᾽ ἐπεστράφητε νῦν ἐπὶ τὸν ποιμένα καὶ ἐπίσκοπον τῶν ψυχῶν⁺ὑμῶν.