1 Corinthians 14 — TCG

Prophecy and Tongues

14Verse 1Διώκετε τὴν ἀγάπην· ζηλοῦτε δὲ τὰ πνευματικά, μᾶλλον δὲ ἵνα προφητεύητε.^{Verse 2}Ὁ γὰρ λαλῶν γλώσσῃ οὐκ ἀνθρώποις λαλεῖ, ἀλλὰ⁺τῷ Θεῷ· οὐδεὶς γὰρ ἀκούει, πνεύματι δὲ λαλεῖ μυστήρια.^{Verse 3}Ὁ δὲ προφητεύων ἀνθρώποις λαλεῖ οἰκοδομὴν καὶ παράκλησιν καὶ παραμυθίαν.^{Verse 4}Ὁ λαλῶν γλώσσῃ ἑαυτὸν οἰκοδομεῖ, ὁ δὲ προφητεύων ἐκκλησίαν οἰκοδομεῖ.^{Verse 5}Θέλω δὲ πάντας ὑμᾶς λαλεῖν γλώσσαις, μᾶλλον δὲ ἵνα προφητεύητε· μείζων⁺γὰρ ὁ προφητεύων ἢ ὁ λαλῶν γλώσσαις, ἐκτὸς εἰ μὴ⁺διερμηνεύει, ἵνα ἡ ἐκκλησία οἰκοδομὴν λάβῃ.^{Verse 6+}Νυνὶ δέ, ἀδελφοί, ἐὰν ἔλθω πρὸς ὑμᾶς γλώσσαις λαλῶν, τί ὑμᾶς ὠφελήσω, ἐὰν μὴ ὑμῖν λαλήσω ἢ ἐν ἀποκαλύψει, ἢ ἐν γνώσει, ἢ ἐν προφητείᾳ ἢ ἐν διδαχῇ;^{Verse 7}Ὅμως τὰ ἄψυχα φωνὴν διδόντα, εἴτε αὐλός, εἴτε κιθάρα, ἐὰν διαστολὴν τοῖς φθόγγοις μὴ⁺διδῷ, πῶς γνωσθήσεται τὸ αὐλούμενον ἢ τὸ κιθαριζόμενον;^{Verse 8}Καὶ γὰρ ἐὰν ἄδηλον⁺φωνὴν σάλπιγξ δῷ, τίς παρασκευάσεται εἰς πόλεμον;^{Verse 9}Οὕτω καὶ ὑμεῖς διὰ τῆς γλώσσης ἐὰν μὴ εὔσημον λόγον δῶτε, πῶς γνωσθήσεται τὸ λαλούμενον; Ἔσεσθε γὰρ εἰς ἀέρα λαλοῦντες.^{Verse 10}Τοσαῦτα, εἰ τύχοι, γένη φωνῶν⁺ἐστιν ἐν κόσμῳ καὶ οὐδὲν⁺αὐτῶν ἄφωνον.^{Verse 11}Ἐὰν οὖν μὴ εἰδῶ τὴν δύναμιν τῆς φωνῆς, ἔσομαι τῷ λαλοῦντι βάρβαρος, καὶ ὁ λαλῶν ἐν ἐμοὶ βάρβαρος.^{Verse 12}Οὕτω καὶ ὑμεῖς, ἐπεὶ ζηλωταί ἐστε πνευμάτων, πρὸς τὴν οἰκοδομὴν τῆς ἐκκλησίας ζητεῖτε ἵνα περισσεύητε.^{Verse 13+}Διόπερ ὁ λαλῶν γλώσσῃ προσευχέσθω ἵνα διερμηνεύῃ.^{Verse 14}Ἐὰν γὰρ προσεύχωμαι γλώσσῃ, τὸ πνεῦμά μου προσεύχεται, ὁ δὲ νοῦς μου ἄκαρπός ἐστι.^{Verse 15}Τί οὖν ἐστι; Προσεύξομαι τῷ πνεύματι, προσεύξομαι δὲ καὶ τῷ νοΐ· ψαλῶ τῷ πνεύματι, ψαλῶ δὲ καὶ τῷ νοΐ.^{Verse 16}Ἐπεὶ ἐὰν⁺εὐλογήσῃς⁺τῷ πνεύματι, ὁ ἀναπληρῶν τὸν τόπον τοῦ ἰδιώτου πῶς ἐρεῖ τὸ Ἀμὴν ἐπὶ τῇ σῇ εὐχαριστίᾳ, ἐπειδὴ τί λέγεις οὐκ οἶδε;^{Verse 17}Σὺ μὲν γὰρ καλῶς εὐχαριστεῖς, ἀλλ᾽ ὁ ἕτερος οὐκ οἰκοδομεῖται.^{Verse 18}Εὐχαριστῶ τῷ Θεῷ⁺μου, πάντων ὑμῶν μᾶλλον γλώσσαις⁺λαλῶν·^{Verse 19+}ἀλλ᾽ ἐν ἐκκλησίᾳ θέλω πέντε λόγους⁺διὰ τοῦ νοός μου λαλῆσαι, ἵνα καὶ ἄλλους κατηχήσω, ἢ μυρίους λόγους ἐν γλώσσῃ.^{Verse 20}Ἀδελφοί, μὴ παιδία⁺γίνεσθε ταῖς φρεσίν· ἀλλὰ τῇ κακίᾳ νηπιάζετε, ταῖς δὲ φρεσὶ τέλειοι⁺γίνεσθε.^{Verse 21}Ἐν τῷ νόμῳ γέγραπται ὅτι Ἐν ἑτερογλώσσοις καὶ ἐν χείλεσιν⁺ἑτέροις λαλήσω τῷ λαῷ τούτῳ, καὶ οὐδ᾽ οὕτως εἰσακούσονταί μου, λέγει Κύριος.^{Verse 22}Ὥστε αἱ γλῶσσαι εἰς σημεῖόν εἰσιν, οὐ τοῖς πιστεύουσιν, ἀλλὰ τοῖς ἀπίστοις· ἡ δὲ προφητεία, οὐ τοῖς ἀπίστοις, ἀλλὰ τοῖς πιστεύουσιν.^{Verse 23}Ἐὰν οὖν συνέλθῃ ἡ ἐκκλησία ὅλη ἐπὶ τὸ αὐτό, καὶ πάντες⁺γλώσσαις λαλῶσιν, εἰσέλθωσι δὲ ἰδιῶται ἢ ἄπιστοι, οὐκ ἐροῦσιν ὅτι μαίνεσθε;^{Verse 24}Ἐὰν δὲ πάντες προφητεύωσιν, εἰσέλθῃ δέ τις ἄπιστος ἢ ἰδιώτης, ἐλέγχεται ὑπὸ πάντων, ἀνακρίνεται ὑπὸ πάντων,^{Verse 25+}καὶ οὕτω τὰ κρυπτὰ τῆς καρδίας αὐτοῦ φανερὰ⁺γίνεται· καὶ οὕτω πεσὼν ἐπὶ πρόσωπον προσκυνήσει τῷ Θεῷ ἀπαγγέλλων ὅτι⁺Ὁ Θεὸς ὄντως ἐν ὑμῖν ἐστι.

Orderly Worship

^{Verse 26}Τί οὖν ἐστιν, ἀδελφοί; Ὅταν συνέρχησθε, ἕκαστος⁺ὑμῶν ψαλμὸν ἔχει, διδαχὴν ἔχει,⁺γλῶσσαν ἔχει, ἀποκάλυψιν ἔχει,⁺ἑρμηνείαν ἔχει. Πάντα πρὸς οἰκοδομὴν⁺γινέσθω.^{Verse 27}Εἴτε γλώσσῃ τις λαλεῖ, κατὰ δύο ἢ τὸ πλεῖστον τρεῖς, καὶ ἀνὰ μέρος, καὶ εἷς διερμηνευέτω·^{Verse 28}ἐὰν δὲ μὴ ᾖ διερμηνευτής, σιγάτω ἐν ἐκκλησίᾳ· ἑαυτῷ δὲ λαλείτω καὶ τῷ Θεῷ.^{Verse 29}Προφῆται δὲ δύο ἢ τρεῖς λαλείτωσαν, καὶ οἱ ἄλλοι διακρινέτωσαν.^{Verse 30}Ἐὰν δὲ ἄλλῳ ἀποκαλυφθῇ καθημένῳ, ὁ πρῶτος σιγάτω.^{Verse 31}Δύνασθε γὰρ καθ᾽ ἕνα πάντες προφητεύειν, ἵνα πάντες μανθάνωσι, καὶ πάντες παρακαλῶνται·^{Verse 32}καὶ πνεύματα προφητῶν προφήταις ὑποτάσσεται.^{Verse 33}Οὐ γάρ ἐστιν ἀκαταστασίας ὁ Θεός,⁺ἀλλὰ εἰρήνης, ὡς ἐν πάσαις ταῖς ἐκκλησίαις τῶν ἁγίων.^{Verse 34}Αἱ γυναῖκες⁺ὑμῶν ἐν ταῖς ἐκκλησίαις σιγάτωσαν· οὐ γὰρ⁺ἐπιτέτραπται αὐταῖς λαλεῖν,⁺ἀλλ᾽⁺ὑποτάσσεσθαι, καθὼς καὶ ὁ νόμος λέγει.^{Verse 35}Εἰ δέ τι⁺μαθεῖν θέλουσιν, ἐν οἴκῳ τοὺς ἰδίους ἄνδρας ἐπερωτάτωσαν· αἰσχρὸν γάρ ἐστι⁺γυναιξὶν⁺ἐν ἐκκλησίᾳ λαλεῖν.^{Verse 36}Ἢ ἀφ᾽ ὑμῶν ὁ λόγος τοῦ Θεοῦ ἐξῆλθεν; Ἢ εἰς ὑμᾶς μόνους κατήντησεν;^{Verse 37}Εἴ τις δοκεῖ προφήτης εἶναι ἢ πνευματικός,⁺ἐπιγινωσκέτω ἃ γράφω ὑμῖν, ὅτι⁺Κυρίου⁺εἰσὶν ἐντολαί.^{Verse 38}Εἰ δέ τις ἀγνοεῖ,⁺ἀγνοείτω.^{Verse 39}Ὥστε,⁺ἀδελφοί, ζηλοῦτε τὸ προφητεύειν, καὶ τὸ λαλεῖν⁺γλώσσαις μὴ κωλύετε·^{Verse 40+}πάντα εὐσχημόνως καὶ κατὰ τάξιν⁺γινέσθω.