Numbers 33 — W88
33Verse 1These ben the dwellyngis of the sones of Israel, that yeden out of the lond of Egipt, bi her cumpenyes, in the hond of Moises and of Aaron;Verse 2whiche dwellyngis Moises discriuede bi the places of tentis, that weren chaungid bi comaundement of the Lord.Verse 3Therfor the sones of Israel yeden forth in `an hiy hond fro Ramesses, in the firste monethe, in the fiftenthe dai of the firste monethe, in the tother dai of pask,+while alle Egipcians sien,Verse 4and birieden the firste gendrid children, whiche the Lord hadde slayn; for the Lord hadde take veniaunce also on the goddis `of hem.Verse 5`The sones of Israel settiden tentis in Socoth,Verse 6and fro Sochoth thei camen into Etham, which is in the laste coostis of `the wildirnesse; fro thennus thei yeden out,Verse 7and camen ayens Phiayroth, whiche biholdith Beelsephon, and settiden tentis bifor Magdalun.Verse 8And thei yeden forth fro Phiairoth, and passiden bi the myddil see in to the wildirnesse, and thei yeden thre daies bi the deseert of Ethan, and settiden tentis in Mara.Verse 9And thei yeden forth fro Mara, and camen in to Helym, where weren twelue wellis of watir, and seuenti palm trees; and there thei settiden tentis.Verse 10But also thei yeden out fro thennus, and settiden tentis on the Reed See. And thei yeden forth fro the Reed See,Verse 11and settiden tentis in the deseert of Syn,Verse 12fro whennus thei yeden out, and camen in to Depheca.Verse 13And thei yeden forth fro Depheca, and settiden tentis in Haluys.Verse 14And thei yeden forth fro Haluys, and settiden tentis in Raphidyn, where watir failide to `the puple to drinke.Verse 15And thei yeden forth fro Raphidyn, and settiden tentis in the deseert of Synai.Verse 16But also thei yeden out of the wildirnesse of Synay, and camen to the Sepulcris of Coueitise.Verse 17And thei yeden forth fro the Sepulcris of Coueytise, and settiden tentis in Asseroth.Verse 18And fro Asseroth thei camen in to Rethma.Verse 19And thei yeden forth fro Rethma, and settiden tentis in Remon Phares;Verse 20fro whennus thei yeden forth, and camen in to Lemphna.Verse 21And fro Lemphna thei settiden tentis in Ressa.Verse 22And thei yeden out fro Ressa, and camen into Celatha;Verse 23fro whennus thei yeden forth, and settiden tentis in the hil of Sepher.Verse 24Thei yeden out fro the hil of Sepher, and camen in to Arada;Verse 25fro thennus thei yeden forth, and settiden tentis in Maceloth.Verse 26And thei yeden forth fro Maceloth, and camen in to Caath.Verse 27Fro Caath thei settiden tentis in Thare;Verse 28fro whennus thei yeden out, and settiden tentis in Methcha.Verse 29And fro Methcha thei settiden tentis in Esmona.Verse 30And thei yeden forth fro Asmona, and camen in to Moseroth;Verse 31and fro Moseroth thei settiden tentis in Benalachan.Verse 32And thei yeden forth fro Benalachan, and camen in to the hil of Galgad;Verse 33fro whennus thei yeden forth, and settiden tentis in Jethebacha.Verse 34And fro Jethebacha thei camen in to Ebrona.Verse 35And thei yeden out fro Ebrona, and settiden tentis in Asiongaber;Verse 36fro thennus thei yeden forth, and camen in to deseert of Syn; this is Cades.Verse 37And thei yeden fro Cades, and thei settiden tentis in the hil of Hor, in the laste coostis of the lond of Edom.Verse 38And Aaron, the preest, stiede in to the hil of Hor, for the Lord comaundide, and there he was deed, in the fourti yeer of the goyng out of the sones of Israel fro Egipt, in the fyuethe monethe, in the firste dai of the monethe;Verse 39whanne he was of an hundrid and thre and twenti yeer.Verse 40And Chanaan, kyng of Arad, that dwellide at the south, in the lond of Canaan, herde that the sones of Israel camen.Verse 41And thei yeden forth fro the hil of Hor, and settiden tentis in Salmona;Verse 42fro thennus thei yeden forth, and camen in to Phynon.Verse 43And thei yeden forth fro Phynon, and settiden tentis in Oboth.Verse 44And fro Oboth thei camen in to Neabarym, `that is, into the wildirnesse of Abarym, which is in the endis of Moabitis.Verse 45And thei yeden forth fro Neabarym, and thei settiden tentis in Dibon of Gad;Verse 46fro whennus thei yeden forth, and settiden tentis in Helmon of Deblathaym.Verse 47And thei yeden out fro Helmon of Deblathaym, and camen to the hillis of Abarym, ayens Nabo.Verse 48And thei yeden forth fro the hillis of Abarym, and passiden to the feeldi places of Moab, ouer Jordan, ayens Jericho.Verse 49And there thei settiden tentis, fro Bethsymon `til to Belsathym, in the pleynere places of Moabitis,Verse 50where the Lord spak to Moises,Verse 51Comaunde thou to the sones of Israel, and seie thou to hem, Whanne ye han passid Jordan, and han entrid in to the lond of Canaan,Verse 52distrie ye alle the dwelleris of that cuntrey; breke ye the titlis, `that is, auteris, and dryue ye to poudre the ymagis, and distrie ye alle heiy thingis,Verse 53and clense ye the lond, and alle men dwellynge thereynne. For Y yaf toVerse 54you that lond into possessioun whiche ye schulen departe to you bi lot; to mo men ye schulen yyue largere lond, and to fewere men streytere lond, as lot fallith to alle men, so eritage schal be youun; possessioun schal be departid bi lynagis and meynees.Verse 55But if ye nylen sle the dwelleris of the lond, thei, that abiden, schulen be to you as nailes in the iyen, and speris in the sidis, `that is, deedli aduersaries; and thei schulen be aduersaries to you in the lond of youre abitacioun;Verse 56and what euer thing Y thouyte to do `to hem, Y schal do to you.