Numbers 2 — W88
2Verse 1And the Lord spak to Moises and to Aaron, and seide,Verse 2Alle men of the sones of Israel schulen sette tentis bi the cumpenyes, signes, and baneris, and housis of her kynredis, bi the cumpas of the tabernacle of boond of pees.Verse 3At the est Judas schal sette tentis, bi the cumpenyes of his oost; and Naason, the sone of Amynadab, schal be prince of the sones of Juda;Verse 4and al the summe of fiyteris of his kynrede, foure and seuenty thousynde and sixe hundrid.Verse 5Men of the lynage of Ysachar settiden tentis bysydis hym, of whiche the prince was Nathanael, the sone of Suar;Verse 6and al the noumbre of hise fiyteris, foure and fifti thousynde and foure hundrid.Verse 7Eliab, the sone of Elon, was prince of the lynage of Zabulon;Verse 8al the oost of fiyteris of his kynrede, seuene and fifti thousynde and foure hundrid.Verse 9Alle that weren noumbrid in the castels of Judas, weren an hundrid thousynde `foure scoore thousynde and sixe and foure hundrid; and thei schulen go out the firste bi her cumpanyes.Verse 10In the castels of the sones of Ruben, at the south coost, Elisur, the sone of Sedeur, schal be prince; and al the oost of hise fiyteris,Verse 11that weren noumbrid, sixe and fourti thousynde and fyue hundrid.Verse 12Men of the lynage of Symeon settiden tentis bisidis hym, of whiche the prince was Salamyhel, the sone of Surisaddai; and al the oost of hise fiyteris,Verse 13that weren noumbrid, nyne and fifty thousynde and thre hundrid.Verse 14Eliasaph, sone of Duel, was prince in the lynage of Gad; and al the oost of his fiyteris,Verse 15that weren noumbrid, fyue and fourti thousynde sixe hundrid and fifti.Verse 16Alle that weren noumbrid in the castels of Ruben, an hundrid thousynde fifty thousinde and a thousinde foure hundrid and fifty; thei schulen go forth in the secounde place bi her cumpenyes.Verse 17Sotheli the tabernacle of witnessyng schal be reisid bi the offices of dekenes, and bi the cumpenyes `of hem; as it schal be reisid, so and it schal be takun doun; alle schulen go forth bi her places and ordris.Verse 18The castels of the sones of Effraym schulen be at the west coost, of whiche the prince was Elisama, the sone of Amyud;Verse 19and al the oost of his fiyteris, that weren noumbrid, fourti thousynde and fyue hundrid.Verse 20And with hem was the lynage of `the sones of Manasses, of whiche the prince was Gamaliel, the sone of Fadassur;Verse 21al the oost of hise fiyteris, that weren noumbrid, two and thretti thousande and two hundrid.Verse 22In the lynage of the sones of Beniamyn the prince was Abidan, the sone of Gedeon;Verse 23and al the oost of hise fiyteris, that weren noumbrid, fyue and thretti thousynde and foure hundrid.Verse 24Alle that weren noumbrid in the castels of Effraym weren an hundrid thousynde and eiyte thousynde and oon hundrid; thei schulen go forth `the thridde bi her cumpenyes.Verse 25At the `part of the north the sones of Dan settiden tentis, of whiche the prince was Abiezer, the sone of Amysaddai;Verse 26al the oost of hise fiyteris, that weren noumbrid, two and sixti thousynde and seuene hundrid.Verse 27Men of the lynage of Aser settiden tentis bisidis hym, of whiche the prince was Fegiel, the sone of Ochran;Verse 28and al the oost of hise fiyteris, that weren noumbrid, fourti thousynde `and a thousynde and fyue hundrid.Verse 29Of the lynage of the sones of Neptalym the prince was Ahira, the sone of Henam; and al the oost of hise fiyteris,Verse 30thre and fifti thousynde and foure hundrid.Verse 31Alle that weren noumbrid in the castels of Dan weren an hundrid thousynde seuene and fifti thousynde and sixe hundrid; thei schulen go forth the laste.Verse 32This is the noumbre of the sones of Israel, bi the housis of her kynredis, and bi cumpenyes of the oost departid, sixe hundrid thousynde thre thousynde fyue hundrid and fifti.Verse 33Sotheli the dekenes weren not noumbrid among the sones of Israel; for God comaundide so to Moises.Verse 34And the sones of Israel diden bi alle thingis whiche the Lord comaundide; thei settiden tentis bi her cumpenyes, and yeden forth bi the meynees, and housis of her fadris.