Genesis 10 — W88
10Verse 1These ben the generaciouns of the sones of Noe, Sem, Cham, and Jafeth. And sones weren borun to hem aftir the greet flood.Verse 2The sones of Jafeth weren Gomer, and Magog, and Madai, and Jauan, and Tubal, and Mosoth, and Thiras.Verse 3Forsothe the sones of Gomer weren Asseneth, and Rifath, and Thogorma.Verse 4Forsothe the sones of Jauan weren Helisa, and Tharsis, Cethym, and Dodanym;Verse 5of these sones the ylis of hethen men weren departid in her cuntrees, ech bi his langage and meynees, in hise naciouns.Verse 6Sotheli the sones of Cham weren Thus, and Mesraym, and Futh, and Chanaan.Verse 7Forsothe the sones of Thus weren Saba, and Euila, and Sabatha, and Regma, and Sabatacha. The sones of Regma weren Saba, and Dadan.Verse 8Forsothe Thus gendride Nemroth; he bigan to be myyti in erthe,Verse 9and he was a strong huntere of men bifore the Lord; of hym a prouerbe yede out, as Nemroth, a strong huntere bifore the Lord.Verse 10Sotheli the bigynnyng of his rewme was Babiloyne, and Arach, and Archad, and Thalamye, in the lond of Sennaar.Verse 11Assur yede out of that lond, and bildide Nynyue, `and stretis of the citee,Verse 12and Chale, and Resen bitwixe Nynyue and Chale; this is a greet citee.Verse 13And sotheli Mesraym gendride Ludym, and Anamym, and Laabym, Neptuym, and Ferrusym, and Cesluym;Verse 14of which the Filisteis and Capturym camen forth.Verse 15Forsothe Chanaan gendride Sidon, his firste gendride sone, Ethei, and Jebusei,Verse 16and Amorrei, Gergesei,Verse 17Euei, and Arathei,Verse 18Ceney, and Aradie, Samarites, and Amathei; and puplis of Chananeis weren sowun abrood bi these men.Verse 19And the termes of Chanaan weren maad to men comynge fro Sidon to Gerara, til to Gasa, til thou entre in to Sodom and Gomore, and Adama, and Seboyne, til to Lesa.Verse 20These weren the sones of Cham, in her kynredis, and langagis, and generaciouns, and londis, and folkis.Verse 21Also of Sem weren borun the fadris of alle the sones of Heber, and Japhet was the more brother.Verse 22The sones of Sem weren Elam, and Assur, and Arfaxath, and Lud, and Aram.Verse 23The sones of Aram weren Vs, and Hul, and Gether, and Mes.Verse 24And sotheli Arfaxath gendride Sale, of whom Heber was borun.Verse 25And twei sones weren borun to Heber, the name to o sone was Faleg, for the lond was departid in hise daies; and the name of his brothir was Jectan.Verse 26And thilke Jectan gendride Elmodad, and Salech,Verse 27and Asamoth, Jare, and Adhuram, and Vsal,Verse 28and Deda, and Ebal, and Abymahel, Saba, and Ofir, and Euila, and Jobab;Verse 29alle these weren the sones of Jectan.Verse 30And the habitacioun of hem was maad fro Messa, as `me goith til to Sefar, an hil of the eest.Verse 31These ben the sones of Sem, bi kynredis, and langagis, and cuntrees, in her folkis.Verse 32These ben the meynees of Noe, bi her puplis and naciouns; folkis in erthe weren departid of these aftir the greet flood.