Exodus 38 — W88
38Verse 1He made also the auter of brent sacrifice of the trees of Sechym, of fyue cubitis bi square, and of thre cubitis in heiythe;Verse 2whose hornes camen forth of the corneris, and he hilide it with platis of bras.Verse 3And in to vsis therof he made redi of bras dyuerse vessels, caudruns, tongis, fleischhokis, hokis, and `resseittis of firis.Verse 4He made also the brasun gridile therof, `bi the maner of a net, and a `panne for colis vndur it, in the myddis of the auter.Verse 5And he yetide foure ryngis, by so many endis of the gridile, to putte in the barris to bere;Verse 6and he made tho same barris of the trees of Sechym, and hilide with platis of bras.Verse 7And ledde in to the serclis that stonden forth in the sidis of the auter. Forsothe thilke auter was not sad, but holowe of the bildyngis of tablis, and voide with ynne.Verse 8He made also a `greet waischyng vessel of bras, with his foundement, of the myrours of wymmen that wakiden in the `greet street of the tabernacle.Verse 9And he made the greet street, in whose south coost weren tentis of bijs foldid ayen, of an hundrid cubitis, twenti brasun pilers with her foundementis,Verse 10the heedis+of pilers, and al the grauyng of the werk, weren of siluer;Verse 11euenli at the north coost the tentis, pilers, and foundementis and heedis of pilers, weren of the same mesure, and werk, and metal.Verse 12Forsothe in that coost that biholdith the west weren tentis of fyfty cubitis, ten brasun pilers with her foundementis, and the `heedis of pilers, and al the grauyng of werk, weren of siluer.Verse 13Sotheli ayens the eest he made redi tentis of fifti cubitis,Verse 14of whiche tentis o side helde fiftene cubitis of thre pilers with her foundementis; and in the tother side,Verse 15for he made the entryng of the tabernacle bitwixe euer either, weren tentis euenli of fiftene cubitis, thre pilers, and so many foundementis.Verse 16Bijs foldid ayen hilide alle the tentis of the greet street.Verse 17The foundementis of pilers weren of bras; forsothe the heedis of tho pilers, with alle her grauyngis, weren of siluer; but also he clothide with siluer tho pilers+of the greet street.Verse 18And in the entryng therof he made a tente, bi `werk of broiderie, of iacynt, purpur, vermyloun, and of bijs foldid ayen, which tente hadde twenti cubitis in lengthe, and the heiythe was of fyue cubitis, bi the mesure which alle the tentis of the greet street hadden.Verse 19Forsothe the pylers in the entryng weren foure, with brasun foundementis, and the heedis of tho pilers and grauyngis weren of siluer;Verse 20and he made brasun stakis of the tabernacle, and of the greet street, bi cumpas.Verse 21These ben the instrumentis+of the tabernacle of witnessyng, that ben noumbrid, bi the comaundement of Moises, in the cerymonyes of Leuytis, bi the hond of Ithamar, sone of Aaron, preest.Verse 22Whiche instrumentis Beseleel, sone of Huri, sone of Hur, of the lynage of Juda, fillide; for the Lord comaundide bi Moises,Verse 23while Ooliab, sone of Achysameth, of the lynage of Dan, was ioyned felowe to hym, and he hym silf was a noble crafti man of trees, and a tapesere and a broderere of iacynt, purpur, vermyloun and bijs.Verse 24Al the gold that was spendid in the werk of seyntuarie, and that was offrid in yiftis, was of `nyne and twenti talentis,+and of seuene hundrid and thretti siclis, at the mesure of seyntuarie.Verse 25Forsothe it was offrid of hem+that passiden to noumbre fro twenti yeer and aboue, of sixe hundrid and thre thousand, and fyue hundrid and fifty of armed men.Verse 26Ferthermore, an hundrid talentis of siluer weren, of whiche the foundementis of the seyntuarie weren yotun togidere, and of the entryng, where the veil hangith;Verse 27an hundrid foundementis weren maad of an hundrid talentis, and for ech foundement was ordeyned o talent.Verse 28Forsothe of a thousynde seuene hundrid and `thre scoor and fiftene siclis he made the heedis of pilers,+and he `clothide tho same pilers with siluer.Verse 29Also of bras weren offrid `thre scoor and twelue thousynde talentis, and foure hundrid siclis ouer.Verse 30Of whiche the foundementis in the entryng of the tabernacle of witnessyng weren yotun, and the brasun auter, with his gridele, and al the vessels that perteynen to the vss therof,Verse 31and the foundementis of the greet street, as wel in the cumpas, as in the entryng therof, and the stakis of the tabernacle, and of the greet street bi cumpas.