Romans 13 — TCG

Be Subject to the Governing Authorities

13Verse 1Πᾶσα ψυχὴ ἐξουσίαις ὑπερεχούσαις ὑποτασσέσθω· οὐ γάρ ἐστιν ἐξουσία εἰ μὴ⁺ὑπὸ Θεοῦ, αἱ δὲ οὖσαι⁺ἐξουσίαι ὑπὸ⁺τοῦ Θεοῦ τεταγμέναι εἰσίν.^{Verse 2}Ὥστε ὁ ἀντιτασσόμενος τῇ ἐξουσίᾳ, τῇ τοῦ Θεοῦ διαταγῇ ἀνθέστηκεν· οἱ δὲ ἀνθεστηκότες ἑαυτοῖς κρίμα⁺λήψονται.^{Verse 3}Οἱ γὰρ ἄρχοντες οὐκ εἰσὶ φόβος⁺τῶν ἀγαθῶν ἔργων, ἀλλὰ τῶν κακῶν. Θέλεις δὲ μὴ φοβεῖσθαι τὴν ἐξουσίαν; Τὸ ἀγαθὸν ποίει, καὶ ἕξεις ἔπαινον ἐξ αὐτῆς·^{Verse 4}Θεοῦ γὰρ διάκονός ἐστί σοι εἰς τὸ ἀγαθόν. Ἐὰν δὲ τὸ κακὸν ποιῇς, φοβοῦ· οὐ γὰρ εἰκῇ τὴν μάχαιραν φορεῖ· Θεοῦ γὰρ διάκονός ἐστιν,⁺ἔκδικος εἰς ὀργὴν τῷ τὸ κακὸν πράσσοντι.^{Verse 5}Διὸ ἀνάγκη ὑποτάσσεσθαι, οὐ μόνον διὰ τὴν ὀργήν, ἀλλὰ καὶ διὰ τὴν συνείδησιν.^{Verse 6}Διὰ τοῦτο γὰρ καὶ φόρους τελεῖτε· λειτουργοὶ γὰρ Θεοῦ εἰσιν, εἰς αὐτὸ τοῦτο προσκαρτεροῦντες.^{Verse 7}Ἀπόδοτε⁺οὖν πᾶσι τὰς ὀφειλάς· τῷ τὸν φόρον τὸν φόρον· τῷ τὸ τέλος τὸ τέλος· τῷ τὸν φόβον τὸν φόβον· τῷ τὴν τιμὴν τὴν τιμήν.

Love One Another

^{Verse 8}Μηδενὶ μηδὲν ὀφείλετε, εἰ μὴ τὸ⁺ἀγαπᾷν ἀλλήλους· ὁ γὰρ ἀγαπῶν τὸν ἕτερον, νόμον πεπλήρωκε.^{Verse 9}Τὸ γάρ, Οὐ μοιχεύσεις, οὐ φονεύσεις, οὐ⁺κλέψεις, οὐκ ἐπιθυμήσεις, καὶ εἴ τις ἑτέρα ἐντολή, ἐν⁺τούτῳ τῷ λόγῳ ἀνακεφαλαιοῦται, ἐν τῷ, Ἀγαπήσεις τὸν πλησίον σου ὡς⁺ἑαυτόν.^{Verse 10}Ἡ ἀγάπη τῷ πλησίον κακὸν οὐκ ἐργάζεται· πλήρωμα οὖν νόμου ἡ ἀγάπη.^{Verse 11}Καὶ τοῦτο, εἰδότες τὸν καιρόν, ὅτι ὥρα⁺ἡμᾶς ἤδη ἐξ ὕπνου ἐγερθῆναι· νῦν γὰρ ἐγγύτερον ἡμῶν ἡ σωτηρία ἢ ὅτε ἐπιστεύσαμεν.^{Verse 12}Ἡ νὺξ προέκοψεν, ἡ δὲ ἡμέρα ἤγγικεν·⁺ἀποθώμεθα οὖν τὰ ἔργα τοῦ σκότους,⁺καὶ ἐνδυσώμεθα τὰ ὅπλα τοῦ φωτός.^{Verse 13}Ὡς ἐν ἡμέρᾳ, εὐσχημόνως περιπατήσωμεν, μὴ κώμοις καὶ μέθαις, μὴ κοίταις καὶ ἀσελγείαις, μὴ ἔριδι καὶ ζήλῳ.^{Verse 14+}Ἀλλ᾽ ἐνδύσασθε τὸν Κύριον Ἰησοῦν Χριστόν, καὶ τῆς σαρκὸς πρόνοιαν μὴ ποιεῖσθε, εἰς ἐπιθυμίας.