Matthew 9 — TCG

Jesus Heals a Paralytic

9Verse 1Καὶ ἐμβὰς εἰς⁺τὸ πλοῖον διεπέρασε καὶ ἦλθεν εἰς τὴν ἰδίαν πόλιν.^{Verse 2}Καὶ ἰδού, προσέφερον αὐτῷ παραλυτικὸν ἐπὶ⁺κλίνης βεβλημένον· καὶ ἰδὼν ὁ Ἰησοῦς τὴν πίστιν αὐτῶν εἶπε τῷ παραλυτικῷ,Θάρσει, τέκνον·⁺ἀφέωνταί⁺σοι αἱ ἁμαρτίαι σου.^{Verse 3}Καὶ ἰδού, τινὲς τῶν γραμματέων⁺εἶπον ἐν ἑαυτοῖς, Οὗτος βλασφημεῖ.^{Verse 4}Καὶ⁺ἰδὼν ὁ Ἰησοῦς τὰς ἐνθυμήσεις αὐτῶν εἶπεν,Ἵνα τί⁺ὑμεῖς ἐνθυμεῖσθε πονηρὰ ἐν ταῖς καρδίαις ὑμῶν;^{Verse 5}Τί γάρ ἐστιν εὐκοπώτερον, εἰπεῖν,⁺Ἀφέωνταί⁺σου αἱ ἁμαρτίαι· ἢ εἰπεῖν,⁺Ἔγειραι καὶ περιπάτει;^{Verse 6}Ἵνα δὲ εἰδῆτε, ὅτι ἐξουσίαν ἔχει ὁ υἱὸς τοῦ ἀνθρώπου ἐπὶ τῆς γῆς ἀφιέναι ἁμαρτίας—τότε λέγει τῷ παραλυτικῷ—⁺Ἐγερθεὶς ἆρόν σου τὴν⁺κλίνην, καὶ ὕπαγε εἰς τὸν οἶκόν σου.^{Verse 7}Καὶ ἐγερθεὶς ἀπῆλθεν εἰς τὸν οἶκον αὐτοῦ.^{Verse 8}Ἰδόντες δὲ οἱ ὄχλοι⁺ἐθαύμασαν, καὶ ἐδόξασαν τὸν Θεόν, τὸν δόντα ἐξουσίαν τοιαύτην τοῖς ἀνθρώποις.

Jesus Calls Matthew

^{Verse 9}Καὶ παράγων ὁ Ἰησοῦς ἐκεῖθεν εἶδεν ἄνθρωπον καθήμενον ἐπὶ τὸ τελώνιον,⁺Ματθαῖον λεγόμενον, καὶ λέγει αὐτῷ,Ἀκολούθει μοι.Καὶ ἀναστὰς ἠκολούθησεν αὐτῷ.^{Verse 10}Καὶ ἐγένετο αὐτοῦ ἀνακειμένου ἐν τῇ οἰκίᾳ, καὶ ἰδού, πολλοὶ τελῶναι καὶ ἁμαρτωλοὶ ἐλθόντες συνανέκειντο τῷ Ἰησοῦ καὶ τοῖς μαθηταῖς αὐτοῦ.^{Verse 11}Καὶ ἰδόντες οἱ Φαρισαῖοι⁺εἶπον τοῖς μαθηταῖς αὐτοῦ, Διὰ τί μετὰ τῶν τελωνῶν καὶ ἁμαρτωλῶν⁺ἐσθίει ὁ διδάσκαλος ὑμῶν;^{Verse 12}Ὁ δὲ⁺Ἰησοῦς ἀκούσας εἶπεν⁺αὐτοῖς,Οὐ χρείαν ἔχουσιν οἱ ἰσχύοντες ἰατροῦ,⁺ἀλλ᾽ οἱ κακῶς ἔχοντες.^{Verse 13}Πορευθέντες δὲ μάθετε τί ἐστιν,⁺Ἔλεον θέλω, καὶ οὐ θυσίαν· οὐ γὰρ ἦλθον καλέσαι δικαίους,⁺ἀλλὰ ἁμαρτωλοὺς⁺εἰς μετάνοιαν.

A Question About Fasting

^{Verse 14}Τότε προσέρχονται αὐτῷ οἱ μαθηταὶ⁺Ἰωάννου, λέγοντες, Διὰ τί ἡμεῖς καὶ οἱ Φαρισαῖοι νηστεύομεν⁺πολλά, οἱ δὲ μαθηταί σου οὐ νηστεύουσι;^{Verse 15}Καὶ εἶπεν αὐτοῖς ὁ Ἰησοῦς,Μὴ δύνανται οἱ υἱοὶ τοῦ νυμφῶνος πενθεῖν, ἐφ᾽⁺ὅσον μετ᾽ αὐτῶν ἐστιν ὁ νυμφίος; Ἐλεύσονται δὲ ἡμέραι ὅταν ἀπαρθῇ ἀπ᾽ αὐτῶν ὁ νυμφίος, καὶ τότε νηστεύσουσιν.^{Verse 16}Οὐδεὶς δὲ ἐπιβάλλει ἐπίβλημα ῥάκους ἀγνάφου ἐπὶ ἱματίῳ παλαιῷ· αἴρει γὰρ τὸ πλήρωμα αὐτοῦ ἀπὸ τοῦ ἱματίου, καὶ χεῖρον σχίσμα γίνεται.^{Verse 17}Οὐδὲ βάλλουσιν οἶνον νέον εἰς ἀσκοὺς παλαιούς· εἰ δὲ μήγε, ῥήγνυνται οἱ ἀσκοί, καὶ ὁ οἶνος ἐκχεῖται, καὶ οἱ ἀσκοὶ⁺ἀπολοῦνται· ἀλλὰ⁺βάλλουσιν οἶνον νέον εἰς ἀσκοὺς καινούς, καὶ⁺ἀμφότεροι συντηροῦνται.

A Girl Restored to Life and a Woman Healed

^{Verse 18}Ταῦτα αὐτοῦ λαλοῦντος αὐτοῖς, ἰδού, ἄρχων⁺εἷς⁺ἐλθὼν προσεκύνει αὐτῷ, λέγων ὅτι Ἡ θυγάτηρ μου ἄρτι ἐτελεύτησεν·⁺ἀλλὰ ἐλθὼν ἐπίθες τὴν χεῖρά σου ἐπ᾽ αὐτήν, καὶ ζήσεται.^{Verse 19}Καὶ ἐγερθεὶς ὁ Ἰησοῦς⁺ἠκολούθησεν αὐτῷ καὶ οἱ μαθηταὶ αὐτοῦ.^{Verse 20}Καὶ ἰδού, γυνὴ αἱμορροοῦσα δώδεκα ἔτη, προσελθοῦσα ὄπισθεν, ἥψατο τοῦ κρασπέδου τοῦ ἱματίου αὐτοῦ.^{Verse 21}Ἔλεγε γὰρ ἐν ἑαυτῇ, Ἐὰν μόνον ἅψωμαι τοῦ ἱματίου αὐτοῦ, σωθήσομαι.^{Verse 22}Ὁ δὲ Ἰησοῦς⁺ἐπιστραφεὶς καὶ ἰδὼν αὐτὴν εἶπε,Θάρσει, θύγατερ· ἡ πίστις σου σέσωκέ σε.Καὶ ἐσώθη ἡ γυνὴ ἀπὸ τῆς ὥρας ἐκείνης.^{Verse 23}Καὶ ἐλθὼν ὁ Ἰησοῦς εἰς τὴν οἰκίαν τοῦ ἄρχοντος, καὶ ἰδὼν τοὺς αὐλητὰς καὶ τὸν ὄχλον θορυβούμενον,^{Verse 24+}λέγει αὐτοῖς,Ἀναχωρεῖτε· οὐ γὰρ ἀπέθανε τὸ κοράσιον, ἀλλὰ καθεύδει.Καὶ κατεγέλων αὐτοῦ.^{Verse 25}Ὅτε δὲ ἐξεβλήθη ὁ ὄχλος, εἰσελθὼν ἐκράτησε τῆς χειρὸς αὐτῆς, καὶ ἠγέρθη τὸ κοράσιον.^{Verse 26}Καὶ ἐξῆλθεν ἡ φήμη αὕτη εἰς ὅλην τὴν γῆν ἐκείνην.

Jesus Heals Two Blind Men

^{Verse 27}Καὶ παράγοντι ἐκεῖθεν τῷ Ἰησοῦ, ἠκολούθησαν⁺αὐτῷ δύο τυφλοί, κράζοντες καὶ λέγοντες, Ἐλέησον ἡμᾶς,⁺υἱὲ⁺Δαυίδ.^{Verse 28}Ἐλθόντι δὲ εἰς τὴν οἰκίαν,⁺προσῆλθον αὐτῷ οἱ τυφλοί, καὶ λέγει αὐτοῖς⁺ὁ Ἰησοῦς,Πιστεύετε ὅτι δύναμαι τοῦτο ποιῆσαι;Λέγουσιν αὐτῷ, Ναί, Κύριε.^{Verse 29}Τότε ἥψατο τῶν ὀφθαλμῶν αὐτῶν, λέγων,Κατὰ τὴν πίστιν ὑμῶν γενηθήτω ὑμῖν.^{Verse 30}Καὶ⁺ἀνεῴχθησαν αὐτῶν οἱ ὀφθαλμοί· καὶ⁺ἐνεβριμήσατο αὐτοῖς ὁ Ἰησοῦς, λέγων,Ὁρᾶτε μηδεὶς γινωσκέτω.^{Verse 31}Οἱ δὲ ἐξελθόντες διεφήμισαν αὐτὸν ἐν ὅλῃ τῇ γῇ ἐκείνῃ.

Jesus Heals a Mute Man

^{Verse 32}Αὐτῶν δὲ ἐξερχομένων, ἰδού, προσήνεγκαν αὐτῷ⁺ἄνθρωπον κωφὸν δαιμονιζόμενον.^{Verse 33}Καὶ ἐκβληθέντος τοῦ δαιμονίου, ἐλάλησεν ὁ κωφός· καὶ ἐθαύμασαν οἱ ὄχλοι,⁺λέγοντες, Οὐδέποτε ἐφάνη οὕτως ἐν τῷ Ἰσραήλ.^{Verse 34}Οἱ δὲ Φαρισαῖοι ἔλεγον, Ἐν τῷ ἄρχοντι τῶν δαιμονίων ἐκβάλλει τὰ δαιμόνια.

The Compassion of Jesus

^{Verse 35}Καὶ περιῆγεν ὁ Ἰησοῦς τὰς πόλεις πάσας καὶ τὰς κώμας, διδάσκων ἐν ταῖς συναγωγαῖς αὐτῶν, καὶ κηρύσσων τὸ εὐαγγέλιον τῆς βασιλείας, καὶ θεραπεύων πᾶσαν νόσον καὶ πᾶσαν μαλακίαν⁺ἐν τῷ λαῷ.^{Verse 36}Ἰδὼν δὲ τοὺς ὄχλους, ἐσπλαγχνίσθη περὶ αὐτῶν, ὅτι ἦσαν⁺ἐσκυλμένοι καὶ⁺ἐρριμμένοι⁺ὡσεὶ πρόβατα μὴ ἔχοντα ποιμένα.^{Verse 37}Τότε λέγει τοῖς μαθηταῖς αὐτοῦ,Ὁ μὲν θερισμὸς πολύς, οἱ δὲ ἐργάται ὀλίγοι·^{Verse 38}δεήθητε οὖν τοῦ Κυρίου τοῦ θερισμοῦ, ὅπως ἐκβάλῃ ἐργάτας εἰς τὸν θερισμὸν αὐτοῦ.