Mark 15 — TCG

Jesus Handed Over to Pontius Pilate

15Verse 1Καὶ⁺εὐθέως⁺ἐπὶ τὸ πρωῒ συμβούλιον ποιήσαντες οἱ ἀρχιερεῖς μετὰ τῶν πρεσβυτέρων καὶ γραμματέων, καὶ ὅλον τὸ συνέδριον, δήσαντες τὸν Ἰησοῦν ἀπήνεγκαν καὶ παρέδωκαν⁺τῷ⁺Πιλάτῳ.^{Verse 2}Καὶ ἐπηρώτησεν αὐτὸν ὁ⁺Πιλάτος, Σὺ εἶ ὁ βασιλεὺς τῶν Ἰουδαίων; Ὁ δὲ ἀποκριθεὶς⁺εἶπεν αὐτῷ,Σὺ λέγεις.^{Verse 3}Καὶ κατηγόρουν αὐτοῦ οἱ ἀρχιερεῖς⁺πολλά·^{Verse 4}ὁ δὲ⁺Πιλάτος πάλιν⁺ἐπηρώτησεν αὐτόν, λέγων, Οὐκ ἀποκρίνῃ οὐδέν; Ἴδε, πόσα σου⁺καταμαρτυροῦσιν.^{Verse 5}Ὁ δὲ Ἰησοῦς οὐκέτι οὐδὲν ἀπεκρίθη, ὥστε θαυμάζειν τὸν⁺Πιλάτον.

The Crowd Calls For Jesus' Crucifixion

^{Verse 6}Κατὰ δὲ ἑορτὴν ἀπέλυεν αὐτοῖς ἕνα δέσμιον,⁺ὅνπερ ᾐτοῦντο.^{Verse 7}Ἦν δὲ ὁ λεγόμενος Βαραββᾶς μετὰ τῶν⁺συστασιαστῶν δεδεμένος, οἵτινες ἐν τῇ στάσει φόνον πεποιήκεισαν.^{Verse 8}Καὶ⁺ἀναβοήσας ὁ ὄχλος ἤρξατο αἰτεῖσθαι καθὼς⁺ἀεὶ ἐποίει αὐτοῖς.^{Verse 9}Ὁ δὲ⁺Πιλάτος ἀπεκρίθη αὐτοῖς, λέγων, Θέλετε ἀπολύσω ὑμῖν τὸν βασιλέα τῶν Ἰουδαίων;^{Verse 10+}Ἐγίνωσκε γὰρ ὅτι διὰ φθόνον παραδεδώκεισαν αὐτὸν οἱ ἀρχιερεῖς.^{Verse 11}Οἱ δὲ ἀρχιερεῖς ἀνέσεισαν τὸν ὄχλον ἵνα μᾶλλον τὸν Βαραββᾶν ἀπολύσῃ αὐτοῖς.^{Verse 12}Ὁ δὲ⁺Πιλάτος⁺ἀποκριθεὶς πάλιν⁺εἶπεν αὐτοῖς, Τί οὖν⁺θέλετε ποιήσω ὃν λέγετε⁺βασιλέα τῶν Ἰουδαίων;^{Verse 13}Οἱ δὲ πάλιν ἔκραξαν, Σταύρωσον αὐτόν.^{Verse 14}Ὁ δὲ⁺Πιλάτος ἔλεγεν αὐτοῖς, Τί γὰρ⁺κακὸν ἐποίησεν; Οἱ δὲ⁺περισσοτέρως ἔκραξαν, Σταύρωσον αὐτόν.^{Verse 15}Ὁ δὲ⁺Πιλάτος βουλόμενος τῷ ὄχλῳ τὸ ἱκανὸν ποιῆσαι, ἀπέλυσεν αὐτοῖς τὸν Βαραββᾶν· καὶ παρέδωκε τὸν Ἰησοῦν φραγελλώσας ἵνα σταυρωθῇ.

The Soldiers Mock Jesus

^{Verse 16}Οἱ δὲ στρατιῶται ἀπήγαγον αὐτὸν ἔσω τῆς αὐλῆς, ὅ ἐστι πραιτώριον, καὶ⁺συγκαλοῦσιν ὅλην τὴν σπεῖραν.^{Verse 17}Καὶ⁺ἐνδύουσιν αὐτὸν πορφύραν, καὶ περιτιθέασιν αὐτῷ πλέξαντες ἀκάνθινον στέφανον,^{Verse 18}καὶ ἤρξαντο ἀσπάζεσθαι⁺αὐτόν, Χαῖρε,⁺ὁ βασιλεὺς τῶν Ἰουδαίων·^{Verse 19}καὶ ἔτυπτον αὐτοῦ τὴν κεφαλὴν καλάμῳ, καὶ ἐνέπτυον αὐτῷ, καὶ τιθέντες τὰ γόνατα προσεκύνουν αὐτῷ.^{Verse 20}Καὶ ὅτε ἐνέπαιξαν αὐτῷ, ἐξέδυσαν αὐτὸν τὴν πορφύραν, καὶ ἐνέδυσαν αὐτὸν τὰ ἱμάτια⁺τὰ ἴδια, καὶ ἐξάγουσιν αὐτὸν ἵνα σταυρώσωσιν αὐτόν.

The Crucifixion

^{Verse 21}Καὶ ἀγγαρεύουσι παράγοντά τινα Σίμωνα Κυρηναῖον, ἐρχόμενον ἀπ᾽ ἀγροῦ, τὸν πατέρα Ἀλεξάνδρου καὶ Ῥούφου, ἵνα ἄρῃ τὸν σταυρὸν αὐτοῦ.^{Verse 22}Καὶ φέρουσιν αὐτὸν ἐπὶ⁺Γολγοθᾶ τόπον, ὅ ἐστι⁺μεθερμηνευόμενον Κρανίου Τόπος.^{Verse 23}Καὶ ἐδίδουν αὐτῷ⁺πιεῖν ἐσμυρνισμένον οἶνον·⁺ὁ δὲ οὐκ ἔλαβε.^{Verse 24}Καὶ⁺σταυρώσαντες αὐτόν,⁺διαμερίζονται τὰ ἱμάτια αὐτοῦ, βάλλοντες κλῆρον ἐπ᾽ αὐτά, τίς τί ἄρῃ.^{Verse 25}Ἦν δὲ ὥρα τρίτη, καὶ ἐσταύρωσαν αὐτόν.^{Verse 26}Καὶ ἦν ἡ ἐπιγραφὴ τῆς αἰτίας αὐτοῦ ἐπιγεγραμμένη, Ὁ βασιλεὺς τῶν Ἰουδαίων.^{Verse 27}Καὶ σὺν αὐτῷ σταυροῦσι δύο λῃστάς, ἕνα ἐκ δεξιῶν καὶ ἕνα ἐξ εὐωνύμων αὐτοῦ.^{Verse 28+}Καὶ ἐπληρώθη ἡ γραφὴ ἡ λέγουσα, Καὶ μετὰ ἀνόμων ἐλογίσθη.^{Verse 29}Καὶ οἱ παραπορευόμενοι ἐβλασφήμουν αὐτόν,⁺κινοῦντες τὰς κεφαλὰς αὐτῶν, καὶ λέγοντες, Οὐά, ὁ καταλύων τὸν ναὸν καὶ⁺ἐν τρισὶν ἡμέραις οἰκοδομῶν,^{Verse 30}σῶσον σεαυτόν,⁺καὶ κατάβα ἀπὸ τοῦ σταυροῦ.^{Verse 31}Ὁμοίως⁺καὶ οἱ ἀρχιερεῖς ἐμπαίζοντες πρὸς ἀλλήλους μετὰ τῶν γραμματέων ἔλεγον, Ἄλλους ἔσωσεν, ἑαυτὸν οὐ δύναται σῶσαι.^{Verse 32}Ὁ Χριστὸς ὁ βασιλεὺς⁺τοῦ Ἰσραὴλ καταβάτω νῦν ἀπὸ τοῦ σταυροῦ, ἵνα ἴδωμεν καὶ πιστεύσωμεν⁺αὐτῷ. Καὶ οἱ συνεσταυρωμένοι⁺αὐτῷ ὠνείδιζον αὐτόν.

The Death of Jesus

^{Verse 33+}Γενομένης δὲ ὥρας ἕκτης, σκότος ἐγένετο ἐφ᾽ ὅλην τὴν γῆν ἕως ὥρας⁺ἐνάτης.^{Verse 34}Καὶ τῇ⁺ὥρᾳ τῇ ἐνάτῃ ἐβόησεν ὁ Ἰησοῦς φωνῇ μεγάλῃ,⁺λέγων,Ἐλωΐ, Ἐλωΐ,⁺λιμὰ⁺σαβαχθανί;Ὅ ἐστι μεθερμηνευόμενον,Ὁ Θεός⁺μου, ὁ Θεός μου, εἰς τί⁺με ἐγκατέλιπες;^{Verse 35}Καί τινες τῶν παρεστηκότων ἀκούσαντες ἔλεγον,⁺Ἰδού,⁺Ἠλίαν φωνεῖ.^{Verse 36}Δραμὼν δὲ⁺εἷς,⁺καὶ γεμίσας σπόγγον ὄξους, περιθείς⁺τε καλάμῳ, ἐπότιζεν αὐτόν, λέγων, Ἄφετε, ἴδωμεν εἰ ἔρχεται⁺Ἠλίας καθελεῖν αὐτόν.^{Verse 37}Ὁ δὲ Ἰησοῦς ἀφεὶς φωνὴν μεγάλην ἐξέπνευσε.^{Verse 38}Καὶ τὸ καταπέτασμα τοῦ ναοῦ ἐσχίσθη εἰς δύο⁺ἀπὸ ἄνωθεν ἕως κάτω.^{Verse 39}Ἰδὼν δὲ ὁ κεντυρίων ὁ παρεστηκὼς ἐξ ἐναντίας αὐτοῦ ὅτι οὕτω⁺κράξας ἐξέπνευσεν, εἶπεν, Ἀληθῶς⁺ὁ ἄνθρωπος οὗτος υἱὸς⁺ἦν Θεοῦ.^{Verse 40}Ἦσαν δὲ καὶ γυναῖκες ἀπὸ μακρόθεν θεωροῦσαι, ἐν αἷς⁺ἦν⁺καὶ⁺Μαρία ἡ Μαγδαληνή, καὶ Μαρία ἡ⁺τοῦ Ἰακώβου τοῦ μικροῦ καὶ⁺Ἰωσῆ μήτηρ, καὶ Σαλώμη,^{Verse 41+}αἳ καί, ὅτε ἦν ἐν τῇ Γαλιλαίᾳ, ἠκολούθουν αὐτῷ, καὶ διηκόνουν αὐτῷ, καὶ ἄλλαι πολλαὶ αἱ συναναβᾶσαι αὐτῷ εἰς Ἱεροσόλυμα.

The Burial of Jesus

^{Verse 42}Καὶ ἤδη ὀψίας γενομένης, ἐπεὶ⁺ἦν Παρασκευή, ὅ ἐστι⁺προσάββατον,^{Verse 43+}ἦλθεν Ἰωσὴφ⁺ὁ ἀπὸ Ἀριμαθαίας, εὐσχήμων βουλευτής, ὃς καὶ αὐτὸς ἦν προσδεχόμενος τὴν βασιλείαν τοῦ Θεοῦ· τολμήσας εἰσῆλθε πρὸς⁺Πιλάτον, καὶ ᾐτήσατο τὸ σῶμα τοῦ Ἰησοῦ.^{Verse 44}Ὁ δὲ⁺Πιλάτος ἐθαύμασεν εἰ ἤδη τέθνηκε· καὶ προσκαλεσάμενος τὸν κεντυρίωνα, ἐπηρώτησεν αὐτὸν εἰ⁺πάλαι ἀπέθανε.^{Verse 45}Καὶ γνοὺς ἀπὸ τοῦ κεντυρίωνος, ἐδωρήσατο τὸ⁺σῶμα τῷ Ἰωσήφ.^{Verse 46}Καὶ ἀγοράσας σινδόνα,⁺καὶ καθελὼν αὐτόν, ἐνείλησε τῇ σινδόνι, καὶ⁺κατέθηκεν αὐτὸν ἐν⁺μνημείῳ, ὃ ἦν λελατομημένον ἐκ πέτρας· καὶ προσεκύλισε λίθον ἐπὶ τὴν θύραν τοῦ μνημείου.^{Verse 47}Ἡ δὲ Μαρία ἡ Μαγδαληνὴ καὶ Μαρία⁺Ἰωσῆ ἐθεώρουν ποῦ⁺τίθεται.