John 5 — TCG

The Healing at the Pool of Bethesda

5Verse 1Μετὰ ταῦτα ἦν⁺ἡ ἑορτὴ τῶν Ἰουδαίων, καὶ ἀνέβη⁺ὁ Ἰησοῦς εἰς Ἱεροσόλυμα.^{Verse 2}Ἔστι δὲ ἐν τοῖς Ἱεροσολύμοις ἐπὶ τῇ προβατικῇ κολυμβήθρα, ἡ ἐπιλεγομένη Ἑβραϊστὶ⁺Βηθεσδά, πέντε στοὰς ἔχουσα.^{Verse 3}Ἐν ταύταις κατέκειτο πλῆθος⁺πολὺ τῶν ἀσθενούντων, τυφλῶν, χωλῶν, ξηρῶν,⁺ἐκδεχομένων τὴν τοῦ ὕδατος κίνησιν.^{Verse 4+}Ἄγγελος γὰρ κατὰ καιρὸν κατέβαινεν ἐν τῇ κολυμβήθρᾳ, καὶ⁺ἐτάρασσε τὸ ὕδωρ· ὁ οὖν πρῶτος ἐμβὰς μετὰ τὴν ταραχὴν τοῦ ὕδατος, ὑγιὴς ἐγίνετο, ᾧ δήποτε κατείχετο νοσήματι.^{Verse 5}Ἦν δέ τις ἄνθρωπος ἐκεῖ⁺τριάκοντα ὀκτὼ ἔτη ἔχων ἐν τῇ⁺ἀσθενείᾳ.^{Verse 6}Τοῦτον ἰδὼν ὁ Ἰησοῦς κατακείμενον, καὶ γνοὺς ὅτι πολὺν ἤδη χρόνον ἔχει, λέγει αὐτῷ,Θέλεις ὑγιὴς γενέσθαι;^{Verse 7}Ἀπεκρίθη αὐτῷ ὁ ἀσθενῶν, Κύριε, ἄνθρωπον οὐκ ἔχω ἵνα, ὅταν ταραχθῇ τὸ ὕδωρ,⁺βάλῃ με εἰς τὴν κολυμβήθραν· ἐν ᾧ δὲ ἔρχομαι ἐγώ, ἄλλος πρὸ ἐμοῦ καταβαίνει.^{Verse 8}Λέγει αὐτῷ ὁ Ἰησοῦς,⁺Ἔγειραι, ἆρον τὸν⁺κράββατόν σου, καὶ περιπάτει.^{Verse 9}Καὶ εὐθέως ἐγένετο ὑγιὴς ὁ ἄνθρωπος, καὶ ἦρε τὸν⁺κράββατον αὐτοῦ καὶ περιεπάτει. Ἦν δὲ σάββατον ἐν ἐκείνῃ τῇ ἡμέρᾳ.^{Verse 10}Ἔλεγον οὖν οἱ Ἰουδαῖοι τῷ τεθεραπευμένῳ, Σάββατόν ἐστιν·⁺οὐκ ἔξεστί σοι ἆραι τὸν⁺κράββατον.^{Verse 11+}Ἀπεκρίθη αὐτοῖς, Ὁ ποιήσας με ὑγιῆ, ἐκεῖνός μοι εἶπεν, Ἆρον τὸν⁺κράββατόν σου καὶ περιπάτει.^{Verse 12}Ἠρώτησαν⁺οὖν αὐτόν, Τίς ἐστιν ὁ ἄνθρωπος ὁ εἰπών σοι, Ἆρον⁺τὸν⁺κράββατόν σου καὶ περιπάτει;^{Verse 13}Ὁ δὲ ἰαθεὶς οὐκ ᾔδει τίς ἐστιν· ὁ γὰρ Ἰησοῦς ἐξένευσεν, ὄχλου ὄντος ἐν τῷ τόπῳ.^{Verse 14}Μετὰ ταῦτα εὑρίσκει αὐτὸν ὁ Ἰησοῦς ἐν τῷ ἱερῷ, καὶ εἶπεν αὐτῷ,Ἴδε ὑγιὴς γέγονας· μηκέτι ἁμάρτανε, ἵνα μὴ χεῖρόν⁺τί σοι γένηται.^{Verse 15}Ἀπῆλθεν ὁ ἄνθρωπος, καὶ⁺ἀνήγγειλε τοῖς Ἰουδαίοις ὅτι Ἰησοῦς ἐστιν ὁ ποιήσας αὐτὸν ὑγιῆ.^{Verse 16}Καὶ διὰ τοῦτο ἐδίωκον⁺τὸν Ἰησοῦν οἱ Ἰουδαῖοι, καὶ ἐζήτουν αὐτὸν ἀποκτεῖναι, ὅτι ταῦτα ἐποίει ἐν σαββάτῳ.^{Verse 17}Ὁ δὲ⁺Ἰησοῦς ἀπεκρίνατο αὐτοῖς,Ὁ πατήρ μου ἕως ἄρτι ἐργάζεται, κἀγὼ ἐργάζομαι.^{Verse 18}Διὰ τοῦτο οὖν μᾶλλον ἐζήτουν αὐτὸν οἱ Ἰουδαῖοι ἀποκτεῖναι, ὅτι οὐ μόνον ἔλυε τὸ σάββατον, ἀλλὰ καὶ πατέρα ἴδιον ἔλεγε τὸν Θεόν, ἴσον ἑαυτὸν ποιῶν τῷ Θεῷ.

The Authority of the Son

^{Verse 19}Ἀπεκρίνατο οὖν ὁ Ἰησοῦς καὶ⁺εἶπεν αὐτοῖς,Ἀμὴν ἀμὴν λέγω ὑμῖν, οὐ δύναται ὁ υἱὸς ποιεῖν ἀφ᾽ ἑαυτοῦ οὐδέν,⁺ἐὰν μή τι βλέπῃ τὸν πατέρα ποιοῦντα· ἃ γὰρ ἂν ἐκεῖνος ποιῇ, ταῦτα καὶ ὁ υἱὸς ὁμοίως ποιεῖ.^{Verse 20}Ὁ γὰρ πατὴρ φιλεῖ τὸν υἱόν, καὶ πάντα δείκνυσιν αὐτῷ ἃ αὐτὸς ποιεῖ· καὶ μείζονα τούτων δείξει αὐτῷ ἔργα, ἵνα ὑμεῖς θαυμάζητε.^{Verse 21}Ὥσπερ γὰρ ὁ πατὴρ ἐγείρει τοὺς νεκροὺς καὶ ζῳοποιεῖ, οὕτω καὶ ὁ υἱὸς οὓς θέλει ζῳοποιεῖ.^{Verse 22}Οὐδὲ γὰρ ὁ πατὴρ κρίνει οὐδένα, ἀλλὰ τὴν κρίσιν πᾶσαν δέδωκε τῷ υἱῷ·^{Verse 23}ἵνα πάντες τιμῶσι τὸν υἱόν, καθὼς τιμῶσι τὸν πατέρα. Ὁ μὴ τιμῶν τὸν υἱόν, οὐ τιμᾷ τὸν πατέρα τὸν πέμψαντα αὐτόν.^{Verse 24}Ἀμὴν ἀμὴν λέγω ὑμῖν ὅτι ὁ τὸν λόγον μου ἀκούων, καὶ πιστεύων τῷ πέμψαντί με, ἔχει ζωὴν αἰώνιον· καὶ εἰς κρίσιν οὐκ ἔρχεται, ἀλλὰ μεταβέβηκεν ἐκ τοῦ θανάτου εἰς τὴν ζωήν.^{Verse 25}Ἀμὴν ἀμὴν λέγω ὑμῖν ὅτι ἔρχεται ὥρα καὶ νῦν ἐστιν, ὅτε οἱ νεκροὶ⁺ἀκούσονται τῆς φωνῆς τοῦ υἱοῦ τοῦ Θεοῦ, καὶ οἱ ἀκούσαντες⁺ζήσονται.^{Verse 26}Ὥσπερ γὰρ ὁ πατὴρ ἔχει ζωὴν ἐν ἑαυτῷ, οὕτως⁺ἔδωκε καὶ τῷ υἱῷ ζωὴν ἔχειν ἐν ἑαυτῷ·^{Verse 27}καὶ ἐξουσίαν ἔδωκεν αὐτῷ⁺καὶ κρίσιν ποιεῖν, ὅτι υἱὸς ἀνθρώπου ἐστί.^{Verse 28}Μὴ θαυμάζετε τοῦτο· ὅτι ἔρχεται ὥρα, ἐν ᾗ πάντες οἱ ἐν τοῖς μνημείοις⁺ἀκούσονται τῆς φωνῆς αὐτοῦ,^{Verse 29}καὶ ἐκπορεύσονται, οἱ τὰ ἀγαθὰ ποιήσαντες, εἰς ἀνάστασιν ζωῆς· οἱ⁺δὲ τὰ φαῦλα πράξαντες, εἰς ἀνάστασιν κρίσεως.^{Verse 30}Οὐ δύναμαι ἐγὼ ποιεῖν ἀπ᾽ ἐμαυτοῦ οὐδέν· καθὼς ἀκούω, κρίνω· καὶ ἡ κρίσις ἡ ἐμὴ δικαία ἐστίν· ὅτι οὐ ζητῶ τὸ θέλημα τὸ ἐμόν, ἀλλὰ τὸ θέλημα τοῦ πέμψαντός με⁺πατρός.^{Verse 31}Ἐὰν ἐγὼ μαρτυρῶ περὶ ἐμαυτοῦ, ἡ μαρτυρία μου οὐκ ἔστιν ἀληθής.^{Verse 32}Ἄλλος ἐστὶν ὁ μαρτυρῶν περὶ ἐμοῦ, καὶ οἶδα ὅτι ἀληθής ἐστιν ἡ μαρτυρία ἣν μαρτυρεῖ περὶ ἐμοῦ.^{Verse 33}Ὑμεῖς ἀπεστάλκατε πρὸς⁺Ἰωάννην, καὶ μεμαρτύρηκε τῇ ἀληθείᾳ.^{Verse 34}Ἐγὼ δὲ οὐ παρὰ ἀνθρώπου τὴν μαρτυρίαν λαμβάνω, ἀλλὰ ταῦτα λέγω ἵνα ὑμεῖς σωθῆτε.^{Verse 35}Ἐκεῖνος ἦν ὁ λύχνος ὁ καιόμενος καὶ φαίνων, ὑμεῖς δὲ ἠθελήσατε⁺ἀγαλλιαθῆναι πρὸς ὥραν ἐν τῷ φωτὶ αὐτοῦ.^{Verse 36}Ἐγὼ δὲ ἔχω τὴν μαρτυρίαν⁺μείζω τοῦ⁺Ἰωάννου· τὰ γὰρ ἔργα ἃ⁺ἔδωκέ μοι ὁ πατὴρ ἵνα τελειώσω αὐτά, αὐτὰ τὰ ἔργα ἃ⁺ἐγὼ ποιῶ, μαρτυρεῖ περὶ ἐμοῦ ὅτι ὁ πατήρ με ἀπέσταλκε.^{Verse 37}Καὶ ὁ πέμψας με πατήρ,⁺αὐτὸς μεμαρτύρηκε περὶ ἐμοῦ. Οὔτε φωνὴν αὐτοῦ⁺ἀκηκόατε πώποτε, οὔτε εἶδος αὐτοῦ ἑωράκατε.^{Verse 38}Καὶ τὸν λόγον αὐτοῦ οὐκ ἔχετε⁺μένοντα ἐν ὑμῖν, ὅτι ὃν ἀπέστειλεν ἐκεῖνος, τούτῳ ὑμεῖς οὐ πιστεύετε.^{Verse 39+}Ἐρευνᾶτε τὰς γραφάς, ὅτι ὑμεῖς δοκεῖτε ἐν αὐταῖς ζωὴν αἰώνιον ἔχειν, καὶ ἐκεῖναί εἰσιν αἱ μαρτυροῦσαι περὶ ἐμοῦ·^{Verse 40}καὶ οὐ θέλετε ἐλθεῖν πρός με, ἵνα ζωὴν ἔχητε.^{Verse 41}Δόξαν παρὰ ἀνθρώπων οὐ λαμβάνω·^{Verse 42+}ἀλλ᾽ ἔγνωκα ὑμᾶς, ὅτι τὴν ἀγάπην τοῦ Θεοῦ οὐκ ἔχετε ἐν ἑαυτοῖς.^{Verse 43}Ἐγὼ ἐλήλυθα ἐν τῷ ὀνόματι τοῦ πατρός μου, καὶ οὐ λαμβάνετέ με· ἐὰν ἄλλος ἔλθῃ ἐν τῷ ὀνόματι τῷ ἰδίῳ, ἐκεῖνον⁺λήψεσθε.^{Verse 44}Πῶς δύνασθε ὑμεῖς πιστεῦσαι, δόξαν⁺παρὰ ἀλλήλων λαμβάνοντες, καὶ τὴν δόξαν τὴν παρὰ τοῦ μόνου Θεοῦ οὐ ζητεῖτε;^{Verse 45}Μὴ δοκεῖτε ὅτι ἐγὼ κατηγορήσω ὑμῶν πρὸς τὸν πατέρα· ἔστιν ὁ κατηγορῶν ὑμῶν,⁺Μωσῆς, εἰς ὃν ὑμεῖς ἠλπίκατε.^{Verse 46}Εἰ γὰρ ἐπιστεύετε⁺Μωσῇ, ἐπιστεύετε ἂν ἐμοί· περὶ⁺γὰρ ἐμοῦ ἐκεῖνος ἔγραψεν.^{Verse 47}Εἰ δὲ τοῖς ἐκείνου γράμμασιν οὐ πιστεύετε, πῶς τοῖς ἐμοῖς ῥήμασι πιστεύσετε;