James 2 — TCG

Warning Against Partiality

2Verse 1Ἀδελφοί μου, μὴ ἐν⁺προσωποληψίαις ἔχετε τὴν πίστιν τοῦ Κυρίου ἡμῶν Ἰησοῦ Χριστοῦ τῆς δόξης.^{Verse 2}Ἐὰν γὰρ εἰσέλθῃ εἰς⁺τὴν συναγωγὴν ὑμῶν ἀνὴρ χρυσοδακτύλιος ἐν ἐσθῆτι λαμπρᾷ, εἰσέλθῃ δὲ καὶ πτωχὸς ἐν ῥυπαρᾷ ἐσθῆτι,^{Verse 3+}καὶ ἐπιβλέψητε ἐπὶ τὸν φοροῦντα τὴν⁺ἐσθῆτα τὴν λαμπρὰν καὶ εἴπητε⁺αὐτῷ, Σὺ κάθου ὧδε καλῶς, καὶ τῷ πτωχῷ εἴπητε, Σὺ στῆθι⁺ἐκεῖ ἢ κάθου ὧδε ὑπὸ τὸ ὑποπόδιόν μου,^{Verse 4+}καὶ οὐ διεκρίθητε ἐν ἑαυτοῖς καὶ ἐγένεσθε κριταὶ διαλογισμῶν πονηρῶν;^{Verse 5}Ἀκούσατε, ἀδελφοί μου ἀγαπητοί· οὐχ ὁ Θεὸς ἐξελέξατο τοὺς πτωχοὺς⁺τοῦ κόσμου πλουσίους ἐν πίστει καὶ κληρονόμους τῆς βασιλείας ἧς ἐπηγγείλατο τοῖς ἀγαπῶσιν αὐτόν;^{Verse 6}Ὑμεῖς δὲ ἠτιμάσατε τὸν πτωχόν. Οὐχ οἱ πλούσιοι καταδυναστεύουσιν ὑμῶν, καὶ αὐτοὶ ἕλκουσιν ὑμᾶς εἰς κριτήρια;^{Verse 7}Οὐκ αὐτοὶ βλασφημοῦσι τὸ καλὸν ὄνομα τὸ ἐπικληθὲν ἐφ᾽ ὑμᾶς;^{Verse 8}Εἰ μέντοι νόμον τελεῖτε βασιλικὸν κατὰ τὴν γραφήν, Ἀγαπήσεις τὸν πλησίον σου ὡς⁺ἑαυτὸν, καλῶς ποιεῖτε·^{Verse 9}εἰ δὲ⁺προσωποληπτεῖτε, ἁμαρτίαν ἐργάζεσθε, ἐλεγχόμενοι ὑπὸ τοῦ νόμου ὡς παραβάται.^{Verse 10}Ὅστις γὰρ ὅλον τὸν νόμον⁺τηρήσει, πταίσει δὲ ἐν ἑνί, γέγονε πάντων ἔνοχος.^{Verse 11}Ὁ γὰρ εἰπών, Μὴ⁺μοιχεύσῃς, εἶπε καί, Μὴ φονεύσῃς· εἰ δὲ οὐ⁺μοιχεύσεις, φονεύσεις δέ, γέγονας παραβάτης νόμου.^{Verse 12}Οὕτω λαλεῖτε καὶ οὕτω ποιεῖτε ὡς διὰ νόμου ἐλευθερίας μέλλοντες κρίνεσθαι.^{Verse 13}Ἡ γὰρ κρίσις⁺ἀνέλεος τῷ μὴ ποιήσαντι⁺ἔλεος· κατακαυχᾶται⁺ἔλεον κρίσεως.

Faith and Works

^{Verse 14}Τί⁺τὸ ὄφελος, ἀδελφοί μου, ἐὰν πίστιν λέγῃ τις ἔχειν, ἔργα δὲ μὴ⁺ἔχῃ; Μὴ δύναται ἡ πίστις σῶσαι αὐτόν;^{Verse 15}Ἐὰν⁺δὲ ἀδελφὸς ἢ ἀδελφὴ γυμνοὶ ὑπάρχωσι καὶ λειπόμενοι⁺ὦσι τῆς ἐφημέρου τροφῆς,^{Verse 16}εἴπῃ δέ τις αὐτοῖς ἐξ ὑμῶν, Ὑπάγετε ἐν εἰρήνῃ, θερμαίνεσθε καὶ χορτάζεσθε, μὴ δῶτε δὲ αὐτοῖς τὰ ἐπιτήδεια τοῦ σώματος, τί⁺τὸ ὄφελος;^{Verse 17}Οὕτω καὶ ἡ πίστις, ἐὰν μὴ⁺ἔργα ἔχῃ, νεκρά ἐστι καθ᾽ ἑαυτήν.^{Verse 18}Ἀλλ᾽ ἐρεῖ τις, Σὺ πίστιν ἔχεις, κἀγὼ ἔργα ἔχω. Δεῖξόν μοι τὴν πίστιν σου⁺ἐκ τῶν ἔργων⁺σου, κἀγὼ⁺δείξω σοι ἐκ τῶν ἔργων μου τὴν πίστιν⁺μου.^{Verse 19}Σὺ πιστεύεις ὅτι⁺ὁ Θεὸς εἷς ἐστι; Καλῶς ποιεῖς· καὶ τὰ δαιμόνια πιστεύουσι—καὶ φρίσσουσι.^{Verse 20}Θέλεις δὲ γνῶναι, ὦ ἄνθρωπε κενέ, ὅτι ἡ πίστις χωρὶς τῶν ἔργων⁺νεκρά ἐστιν;^{Verse 21}Ἀβραὰμ ὁ πατὴρ ἡμῶν οὐκ ἐξ ἔργων ἐδικαιώθη, ἀνενέγκας Ἰσαὰκ τὸν υἱὸν αὐτοῦ ἐπὶ τὸ θυσιαστήριον;^{Verse 22}Βλέπεις ὅτι ἡ πίστις συνήργει τοῖς ἔργοις αὐτοῦ, καὶ ἐκ τῶν ἔργων ἡ πίστις ἐτελειώθη;^{Verse 23}Καὶ ἐπληρώθη ἡ γραφὴ ἡ λέγουσα, Ἐπίστευσε δὲ Ἀβραὰμ τῷ Θεῷ, καὶ ἐλογίσθη αὐτῷ εἰς δικαιοσύνην, καὶ φίλος Θεοῦ ἐκλήθη.^{Verse 24}Ὁρᾶτε⁺τοίνυν ὅτι ἐξ ἔργων δικαιοῦται ἄνθρωπος καὶ οὐκ ἐκ πίστεως μόνον.^{Verse 25}Ὁμοίως δὲ καὶ Ῥαὰβ ἡ πόρνη οὐκ ἐξ ἔργων ἐδικαιώθη, ὑποδεξαμένη τοὺς ἀγγέλους καὶ ἑτέρᾳ ὁδῷ ἐκβαλοῦσα;^{Verse 26}Ὥσπερ⁺γὰρ τὸ σῶμα χωρὶς πνεύματος νεκρόν ἐστιν, οὕτω καὶ ἡ πίστις χωρὶς⁺τῶν ἔργων νεκρά ἐστι.