Acts 9 — TCG

The Conversion of Saul

9Verse 1Ὁ δὲ Σαῦλος ἔτι⁺ἐμπνέων ἀπειλῆς καὶ φόνου εἰς τοὺς μαθητὰς τοῦ Κυρίου, προσελθὼν τῷ ἀρχιερεῖ,^{Verse 2}ᾐτήσατο παρ᾽ αὐτοῦ ἐπιστολὰς εἰς Δαμασκὸν πρὸς τὰς συναγωγάς, ὅπως ἐάν τινας εὕρῃ⁺τῆς ὁδοῦ ὄντας ἄνδρας τε καὶ γυναῖκας, δεδεμένους ἀγάγῃ εἰς Ἱερουσαλήμ.^{Verse 3}Ἐν δὲ τῷ πορεύεσθαι, ἐγένετο αὐτὸν ἐγγίζειν τῇ Δαμασκῷ·⁺καὶ ἐξαίφνης⁺περιήστραψεν αὐτὸν φῶς⁺ἀπὸ τοῦ οὐρανοῦ·^{Verse 4}καὶ πεσὼν ἐπὶ τὴν γῆν, ἤκουσε φωνὴν λέγουσαν αὐτῷ,Σαούλ, Σαούλ, τί με διώκεις;^{Verse 5}Εἶπε δέ, Τίς εἶ, Κύριε; Ὁ δὲ⁺Κύριος εἶπεν,Ἐγώ εἰμι Ἰησοῦς ὃν σὺ⁺διώκεις·^{Verse 6+}ἀλλὰ ἀνάστηθι καὶ εἴσελθε εἰς τὴν πόλιν, καὶ λαληθήσεταί σοι⁺τί σε δεῖ ποιεῖν.^{Verse 7}Οἱ δὲ ἄνδρες οἱ συνοδεύοντες αὐτῷ⁺εἱστήκεισαν⁺ἐνεοί, ἀκούοντες μὲν τῆς φωνῆς, μηδένα δὲ θεωροῦντες.^{Verse 8}Ἠγέρθη δὲ⁺ὁ Σαῦλος ἀπὸ τῆς γῆς· ἀνεῳγμένων⁺τε τῶν ὀφθαλμῶν αὐτοῦ,⁺οὐδένα ἔβλεπε, χειραγωγοῦντες δὲ αὐτὸν εἰσήγαγον εἰς Δαμασκόν.^{Verse 9}Καὶ ἦν ἡμέρας τρεῖς μὴ βλέπων, καὶ οὐκ ἔφαγεν οὐδὲ ἔπιεν.^{Verse 10}Ἦν δέ τις μαθητὴς ἐν Δαμασκῷ ὀνόματι Ἀνανίας, καὶ εἶπε πρὸς αὐτὸν⁺ὁ Κύριος ἐν ὁράματι,Ἀνανία.Ὁ δὲ εἶπεν, Ἰδοὺ ἐγώ, Κύριε.^{Verse 11}Ὁ δὲ Κύριος πρὸς αὐτόν,⁺Ἀναστὰς πορεύθητι ἐπὶ τὴν ῥύμην τὴν καλουμένην Εὐθεῖαν, καὶ ζήτησον ἐν οἰκίᾳ Ἰούδα Σαῦλον ὀνόματι, Ταρσέα· ἰδοὺ γὰρ προσεύχεται,^{Verse 12}καὶ εἶδεν⁺ἐν ὁράματι ἄνδρα⁺ὀνόματι Ἀνανίαν εἰσελθόντα καὶ ἐπιθέντα αὐτῷ⁺χεῖρα, ὅπως ἀναβλέψῃ.^{Verse 13}Ἀπεκρίθη δὲ⁺Ἀνανίας, Κύριε,⁺ἀκήκοα ἀπὸ πολλῶν περὶ τοῦ ἀνδρὸς τούτου, ὅσα κακὰ⁺ἐποίησε τοῖς ἁγίοις σου ἐν Ἱερουσαλήμ·^{Verse 14}καὶ ὧδε ἔχει ἐξουσίαν παρὰ τῶν ἀρχιερέων, δῆσαι πάντας τοὺς ἐπικαλουμένους τὸ ὄνομά σου.^{Verse 15}Εἶπε δὲ πρὸς αὐτὸν ὁ Κύριος,Πορεύου, ὅτι σκεῦος ἐκλογῆς⁺μοί ἐστιν οὗτος, τοῦ βαστάσαι τὸ ὄνομά μου ἐνώπιον⁺ἐθνῶν⁺καὶ βασιλέων, υἱῶν τε Ἰσραήλ·^{Verse 16}ἐγὼ γὰρ ὑποδείξω αὐτῷ ὅσα δεῖ αὐτὸν ὑπὲρ τοῦ ὀνόματός μου παθεῖν.^{Verse 17}Ἀπῆλθε δὲ Ἀνανίας καὶ εἰσῆλθεν εἰς τὴν οἰκίαν, καὶ ἐπιθεὶς ἐπ᾽ αὐτὸν τὰς χεῖρας εἶπε, Σαοὺλ ἀδελφέ, ὁ Κύριος ἀπέσταλκέ με,⁺ὁ ὀφθείς σοι ἐν τῇ ὁδῷ ᾗ ἤρχου, ὅπως ἀναβλέψῃς καὶ πλησθῇς Πνεύματος Ἁγίου.^{Verse 18}Καὶ εὐθέως⁺ἀπέπεσον⁺ἀπὸ τῶν ὀφθαλμῶν αὐτοῦ⁺ὡσεὶ λεπίδες, ἀνέβλεψέ⁺τε καὶ ἀναστὰς ἐβαπτίσθη,^{Verse 19}καὶ λαβὼν τροφὴν⁺ἐνίσχυσεν. Paul Preaches Christ in Damascus Ἐγένετο δὲ⁺ὁ Σαῦλος μετὰ⁺τῶν ἐν Δαμασκῷ μαθητῶν ἡμέρας τινάς.^{Verse 20}Καὶ εὐθέως ἐν ταῖς συναγωγαῖς ἐκήρυσσε τὸν⁺Χριστόν, ὅτι οὗτός ἐστιν ὁ υἱὸς τοῦ Θεοῦ.^{Verse 21}Ἐξίσταντο δὲ πάντες οἱ ἀκούοντες καὶ ἔλεγον, Οὐχ οὗτός ἐστιν ὁ πορθήσας⁺ἐν Ἱερουσαλὴμ τοὺς ἐπικαλουμένους τὸ ὄνομα τοῦτο, καὶ ὧδε εἰς τοῦτο⁺ἐλήλυθεν ἵνα δεδεμένους αὐτοὺς ἀγάγῃ ἐπὶ τοὺς ἀρχιερεῖς;^{Verse 22}Σαῦλος δὲ μᾶλλον ἐνεδυναμοῦτο, καὶ⁺συνέχυνε⁺τοὺς Ἰουδαίους τοὺς κατοικοῦντας ἐν Δαμασκῷ,⁺συμβιβάζων ὅτι οὗτός ἐστιν ὁ Χριστός.

Saul Escapes Death

^{Verse 23}Ὡς δὲ ἐπληροῦντο ἡμέραι ἱκαναί, συνεβουλεύσαντο οἱ Ἰουδαῖοι ἀνελεῖν αὐτόν·^{Verse 24}ἐγνώσθη δὲ τῷ Σαύλῳ ἡ ἐπιβουλὴ αὐτῶν.⁺Παρετήρουν τε τὰς πύλας ἡμέρας τε καὶ νυκτός, ὅπως αὐτὸν ἀνέλωσι·^{Verse 25}λαβόντες δὲ⁺αὐτὸν οἱ μαθηταὶ νυκτός,⁺καθῆκαν διὰ τοῦ τείχους, χαλάσαντες ἐν⁺σπυρίδι.

Saul in Jerusalem

^{Verse 26}Παραγενόμενος δὲ⁺ὁ Σαῦλος⁺ἐν Ἱερουσαλήμ,⁺ἐπειρᾶτο κολλᾶσθαι τοῖς μαθηταῖς· καὶ πάντες ἐφοβοῦντο αὐτόν, μὴ πιστεύοντες ὅτι ἐστὶ μαθητής.^{Verse 27}Βαρνάβας δὲ ἐπιλαβόμενος αὐτὸν ἤγαγε πρὸς τοὺς ἀποστόλους, καὶ διηγήσατο αὐτοῖς πῶς ἐν τῇ ὁδῷ εἶδε τὸν Κύριον, καὶ ὅτι ἐλάλησεν αὐτῷ, καὶ πῶς ἐν Δαμασκῷ ἐπαρρησιάσατο ἐν τῷ ὀνόματι⁺τοῦ Ἰησοῦ.^{Verse 28}Καὶ ἦν μετ᾽ αὐτῶν⁺εἰσπορευόμενος⁺εἰς Ἱερουσαλήμ,⁺καὶ παρρησιαζόμενος ἐν τῷ ὀνόματι τοῦ⁺Κυρίου Ἰησοῦ,^{Verse 29}ἐλάλει τε καὶ συνεζήτει πρὸς τοὺς Ἑλληνιστάς· οἱ δὲ ἐπεχείρουν⁺αὐτὸν ἀνελεῖν.^{Verse 30}Ἐπιγνόντες δὲ οἱ ἀδελφοὶ κατήγαγον αὐτὸν εἰς⁺Καισάρειαν, καὶ ἐξαπέστειλαν⁺αὐτὸν εἰς Ταρσόν.^{Verse 31+}Αἱ μὲν οὖν ἐκκλησίαι καθ᾽ ὅλης τῆς Ἰουδαίας καὶ Γαλιλαίας καὶ⁺Σαμαρείας εἶχον εἰρήνην οἰκοδομούμεναι, καὶ πορευόμεναι τῷ φόβῳ τοῦ Κυρίου καὶ τῇ παρακλήσει τοῦ Ἁγίου Πνεύματος ἐπληθύνοντο.

Peter Heals Aeneas

^{Verse 32}Ἐγένετο δὲ Πέτρον διερχόμενον διὰ πάντων κατελθεῖν καὶ πρὸς τοὺς ἁγίους τοὺς κατοικοῦντας⁺Λύδδαν.^{Verse 33}Εὗρε δὲ ἐκεῖ ἄνθρωπόν τινα⁺Αἰνέαν ὀνόματι, ἐξ ἐτῶν ὀκτὼ κατακείμενον ἐπὶ⁺κραββάτῳ, ὃς ἦν παραλελυμένος.^{Verse 34}Καὶ εἶπεν αὐτῷ ὁ Πέτρος, Αἰνέα, ἰᾶταί σε Ἰησοῦς⁺ὁ Χριστός· ἀνάστηθι καὶ στρῶσον σεαυτῷ. Καὶ εὐθέως ἀνέστη.^{Verse 35}Καὶ⁺εἶδον αὐτὸν πάντες οἱ κατοικοῦντες⁺Λύδδαν καὶ τὸν⁺Ἀσσάρωνα, οἵτινες ἐπέστρεψαν ἐπὶ τὸν Κύριον.

Peter Raises Dorcas

^{Verse 36}Ἐν Ἰόππῃ δέ τις ἦν μαθήτρια ὀνόματι⁺Ταβηθά, ἣ διερμηνευομένη λέγεται Δορκάς· αὕτη ἦν πλήρης⁺ἀγαθῶν ἔργων καὶ ἐλεημοσυνῶν ὧν ἐποίει.^{Verse 37}Ἐγένετο δὲ ἐν ταῖς ἡμέραις ἐκείναις ἀσθενήσασαν αὐτὴν ἀποθανεῖν· λούσαντες δὲ⁺αὐτὴν ἔθηκαν ἐν⁺ὑπερῴῳ.^{Verse 38}Ἐγγὺς δὲ οὔσης⁺Λύδδης τῇ Ἰόππῃ, οἱ μαθηταὶ ἀκούσαντες ὅτι Πέτρος ἐστὶν ἐν αὐτῇ,⁺ἀπέστειλαν πρὸς αὐτόν, παρακαλοῦντες μὴ⁺ὀκνῆσαι διελθεῖν ἕως αὐτῶν.^{Verse 39}Ἀναστὰς δὲ Πέτρος συνῆλθεν αὐτοῖς· ὃν παραγενόμενον ἀνήγαγον εἰς τὸ ὑπερῷον, καὶ παρέστησαν αὐτῷ πᾶσαι αἱ χῆραι κλαίουσαι καὶ ἐπιδεικνύμεναι χιτῶνας καὶ ἱμάτια ὅσα ἐποίει μετ᾽ αὐτῶν οὖσα ἡ Δορκάς.^{Verse 40}Ἐκβαλὼν δὲ ἔξω πάντας ὁ Πέτρος⁺θεὶς τὰ γόνατα προσηύξατο· καὶ ἐπιστρέψας πρὸς τὸ σῶμα, εἶπε,⁺Ταβηθά, ἀνάστηθι. Ἡ δὲ ἤνοιξε τοὺς ὀφθαλμοὺς αὐτῆς· καὶ ἰδοῦσα τὸν Πέτρον, ἀνεκάθισε.^{Verse 41}Δοὺς δὲ αὐτῇ χεῖρα, ἀνέστησεν αὐτήν· φωνήσας δὲ τοὺς ἁγίους καὶ τὰς χήρας, παρέστησεν αὐτὴν ζῶσαν.^{Verse 42}Γνωστὸν δὲ ἐγένετο καθ᾽ ὅλης⁺τῆς Ἰόππης, καὶ⁺πολλοὶ ἐπίστευσαν ἐπὶ τὸν Κύριον.^{Verse 43}Ἐγένετο δὲ⁺ἡμέρας ἱκανὰς μεῖναι αὐτὸν ἐν Ἰόππῃ παρά τινι Σίμωνι βυρσεῖ.