Acts 18 — TCG

Paul in Corinth

18Verse 1Μετὰ⁺δὲ ταῦτα χωρισθεὶς⁺ὁ Παῦλος ἐκ τῶν Ἀθηνῶν ἦλθεν εἰς Κόρινθον.^{Verse 2}Καὶ εὑρών τινα Ἰουδαῖον ὀνόματι Ἀκύλαν, Ποντικὸν τῷ γένει, προσφάτως ἐληλυθότα ἀπὸ τῆς Ἰταλίας, καὶ Πρίσκιλλαν γυναῖκα αὐτοῦ, διὰ τὸ⁺τεταχέναι Κλαύδιον χωρίζεσθαι πάντας τοὺς Ἰουδαίους⁺ἐκ τῆς Ῥώμης, προσῆλθεν αὐτοῖς·^{Verse 3}καὶ διὰ τὸ ὁμότεχνον εἶναι,⁺ἔμενε παρ᾽ αὐτοῖς καὶ⁺εἰργάζετο· ἦσαν γὰρ σκηνοποιοὶ⁺τὴν τέχνην.^{Verse 4}Διελέγετο δὲ ἐν τῇ συναγωγῇ κατὰ πᾶν σάββατον, ἔπειθέ τε Ἰουδαίους καὶ Ἕλληνας.^{Verse 5}Ὡς δὲ κατῆλθον ἀπὸ τῆς Μακεδονίας ὅ τε Σίλας καὶ ὁ Τιμόθεος, συνείχετο τῷ⁺πνεύματι ὁ Παῦλος, διαμαρτυρόμενος τοῖς Ἰουδαίοις⁺τὸν Χριστὸν Ἰησοῦν.^{Verse 6}Ἀντιτασσομένων δὲ αὐτῶν καὶ βλασφημούντων, ἐκτιναξάμενος τὰ ἱμάτια, εἶπε πρὸς αὐτούς, Τὸ αἷμα ὑμῶν ἐπὶ⁺τὴν κεφαλὴν ὑμῶν· καθαρὸς ἐγώ· ἀπὸ τοῦ νῦν εἰς τὰ ἔθνη πορεύσομαι.^{Verse 7}Καὶ μεταβὰς ἐκεῖθεν⁺ἦλθεν εἰς οἰκίαν τινὸς ὀνόματι⁺Ἰούστου, σεβομένου τὸν Θεόν, οὗ ἡ οἰκία ἦν συνομοροῦσα τῇ συναγωγῇ.^{Verse 8}Κρίσπος δὲ ὁ ἀρχισυνάγωγος ἐπίστευσε τῷ Κυρίῳ σὺν ὅλῳ τῷ οἴκῳ αὐτοῦ· καὶ πολλοὶ τῶν Κορινθίων ἀκούοντες ἐπίστευον καὶ ἐβαπτίζοντο.^{Verse 9}Εἶπε δὲ ὁ Κύριος⁺δι᾽ ὁράματος ἐν νυκτὶ τῷ Παύλῳ,Μὴ φοβοῦ, ἀλλὰ λάλει καὶ μὴ σιωπήσῃς·^{Verse 10}διότι ἐγώ εἰμι μετὰ σοῦ, καὶ οὐδεὶς ἐπιθήσεταί σοι τοῦ κακῶσαί σε· διότι λαός ἐστί μοι πολὺς ἐν τῇ πόλει ταύτῃ.^{Verse 11}Ἐκάθισέ⁺τε ἐνιαυτὸν καὶ μῆνας ἕξ, διδάσκων ἐν αὐτοῖς τὸν λόγον τοῦ Θεοῦ.^{Verse 12}Γαλλίωνος δὲ⁺ἀνθυπατεύοντος τῆς Ἀχαΐας, κατεπέστησαν⁺ὁμοθυμαδὸν οἱ Ἰουδαῖοι τῷ Παύλῳ, καὶ ἤγαγον αὐτὸν ἐπὶ τὸ βῆμα,^{Verse 13}λέγοντες ὅτι Παρὰ τὸν νόμον⁺οὗτος ἀναπείθει τοὺς ἀνθρώπους σέβεσθαι τὸν Θεόν.^{Verse 14}Μέλλοντος δὲ τοῦ Παύλου ἀνοίγειν τὸ στόμα, εἶπεν ὁ Γαλλίων πρὸς τοὺς Ἰουδαίους, Εἰ μὲν⁺οὖν ἦν ἀδίκημά τι ἢ ῥᾳδιούργημα πονηρόν, ὦ Ἰουδαῖοι, κατὰ λόγον ἂν⁺ἠνεσχόμην ὑμῶν·^{Verse 15}εἰ δὲ⁺ζήτημά ἐστι περὶ λόγου καὶ ὀνομάτων καὶ νόμου τοῦ καθ᾽ ὑμᾶς, ὄψεσθε αὐτοί· κριτὴς⁺γὰρ ἐγὼ τούτων οὐ βούλομαι εἶναι.^{Verse 16}Καὶ ἀπήλασεν αὐτοὺς ἀπὸ τοῦ βήματος.^{Verse 17}Ἐπιλαβόμενοι δὲ πάντες⁺οἱ Ἕλληνες Σωσθένην τὸν ἀρχισυνάγωγον ἔτυπτον ἔμπροσθεν τοῦ βήματος. Καὶ οὐδὲν τούτων τῷ Γαλλίωνι⁺ἔμελλεν.

Paul's Return to Antioch

^{Verse 18}Ὁ δὲ Παῦλος ἔτι προσμείνας ἡμέρας ἱκανάς, τοῖς ἀδελφοῖς ἀποταξάμενος, ἐξέπλει εἰς τὴν Συρίαν, καὶ σὺν αὐτῷ Πρίσκιλλα καὶ Ἀκύλας, κειράμενος⁺τὴν κεφαλὴν ἐν Κεγχρεαῖς· εἶχε γὰρ εὐχήν.^{Verse 19+}Κατήντησε δὲ εἰς Ἔφεσον,⁺καὶ ἐκείνους κατέλιπεν αὐτοῦ· αὐτὸς δὲ εἰσελθὼν εἰς τὴν συναγωγὴν⁺διελέχθη τοῖς Ἰουδαίοις.^{Verse 20}Ἐρωτώντων δὲ αὐτῶν ἐπὶ πλείονα χρόνον μεῖναι⁺παρ᾽ αὐτοῖς, οὐκ ἐπένευσεν·^{Verse 21+}ἀλλ᾽⁺ἀπετάξατο αὐτοῖς εἰπών, Δεῖ με πάντως τὴν ἑορτὴν τὴν ἐρχομένην ποιῆσαι εἰς Ἱεροσόλυμα· πάλιν δὲ ἀνακάμψω πρὸς ὑμᾶς, τοῦ Θεοῦ θέλοντος.⁺Ἀνήχθη ἀπὸ τῆς Ἐφέσου,^{Verse 22}καὶ κατελθὼν εἰς⁺Καισάρειαν, ἀναβὰς καὶ ἀσπασάμενος τὴν ἐκκλησίαν, κατέβη εἰς Ἀντιόχειαν.^{Verse 23}Καὶ ποιήσας χρόνον τινὰ ἐξῆλθε, διερχόμενος καθεξῆς τὴν Γαλατικὴν χώραν καὶ Φρυγίαν,⁺ἐπιστηρίζων πάντας τοὺς μαθητάς.

Apollos Speaks Boldly in Ephesus

^{Verse 24}Ἰουδαῖος δέ τις Ἀπολλὼς ὀνόματι, Ἀλεξανδρεὺς τῷ γένει, ἀνὴρ λόγιος, κατήντησεν εἰς Ἔφεσον, δυνατὸς ὢν ἐν ταῖς γραφαῖς.^{Verse 25}Οὗτος ἦν κατηχημένος τὴν ὁδὸν τοῦ Κυρίου, καὶ ζέων τῷ πνεύματι ἐλάλει καὶ ἐδίδασκεν ἀκριβῶς τὰ περὶ τοῦ⁺Κυρίου, ἐπιστάμενος μόνον τὸ βάπτισμα⁺Ἰωάννου·^{Verse 26}οὗτός τε ἤρξατο παρρησιάζεσθαι ἐν τῇ συναγωγῇ. Ἀκούσαντες δὲ αὐτοῦ⁺Ἀκύλας καὶ Πρίσκιλλα, προσελάβοντο αὐτόν, καὶ ἀκριβέστερον αὐτῷ ἐξέθεντο τὴν⁺τοῦ Θεοῦ ὁδόν.^{Verse 27}Βουλομένου δὲ αὐτοῦ διελθεῖν εἰς τὴν Ἀχαΐαν, προτρεψάμενοι οἱ ἀδελφοὶ ἔγραψαν τοῖς μαθηταῖς ἀποδέξασθαι αὐτόν· ὃς παραγενόμενος συνεβάλετο πολὺ τοῖς πεπιστευκόσι διὰ τῆς χάριτος·^{Verse 28}εὐτόνως γὰρ τοῖς Ἰουδαίοις διακατηλέγχετο δημοσίᾳ, ἐπιδεικνὺς διὰ τῶν γραφῶν εἶναι τὸν Χριστὸν Ἰησοῦν.