1 Timothy 5 — TCG

Instructions for the Church

5Verse 1Πρεσβυτέρῳ μὴ ἐπιπλήξῃς, ἀλλὰ παρακάλει ὡς πατέρα· νεωτέρους, ὡς ἀδελφούς·^{Verse 2}πρεσβυτέρας, ὡς μητέρας· νεωτέρας, ὡς ἀδελφάς, ἐν πάσῃ⁺ἁγνείᾳ.^{Verse 3}Χήρας τίμα τὰς ὄντως χήρας.^{Verse 4}Εἰ δέ τις χήρα τέκνα ἢ ἔκγονα ἔχει, μανθανέτωσαν πρῶτον τὸν ἴδιον οἶκον εὐσεβεῖν, καὶ ἀμοιβὰς ἀποδιδόναι τοῖς προγόνοις· τοῦτο γάρ ἐστιν⁺ἀπόδεκτον ἐνώπιον τοῦ Θεοῦ.^{Verse 5}Ἡ δὲ ὄντως χήρα καὶ μεμονωμένη ἤλπικεν ἐπὶ⁺τὸν Θεόν, καὶ προσμένει ταῖς δεήσεσι καὶ ταῖς προσευχαῖς νυκτὸς καὶ ἡμέρας.^{Verse 6}Ἡ δὲ σπαταλῶσα, ζῶσα τέθνηκε.^{Verse 7}Καὶ ταῦτα παράγγελλε, ἵνα⁺ἀνεπίληπτοι ὦσιν.^{Verse 8}Εἰ δέ τις τῶν ἰδίων καὶ μάλιστα⁺τῶν οἰκείων οὐ⁺προνοεῖ, τὴν πίστιν ἤρνηται, καὶ ἔστιν ἀπίστου χείρων.^{Verse 9}Χήρα καταλεγέσθω μὴ ἔλαττον ἐτῶν ἑξήκοντα, γεγονυῖα ἑνὸς ἀνδρὸς γυνή,^{Verse 10}ἐν ἔργοις καλοῖς μαρτυρουμένη, εἰ ἐτεκνοτρόφησεν, εἰ ἐξενοδόχησεν, εἰ ἁγίων πόδας ἔνιψεν, εἰ θλιβομένοις ἐπήρκεσεν, εἰ παντὶ ἔργῳ ἀγαθῷ ἐπηκολούθησε.^{Verse 11}Νεωτέρας δὲ χήρας παραιτοῦ· ὅταν γὰρ καταστρηνιάσωσι τοῦ Χριστοῦ, γαμεῖν θέλουσιν,^{Verse 12}ἔχουσαι κρίμα, ὅτι τὴν πρώτην πίστιν ἠθέτησαν.^{Verse 13}Ἅμα δὲ καὶ ἀργαὶ μανθάνουσι, περιερχόμεναι τὰς οἰκίας, οὐ μόνον δὲ ἀργαί, ἀλλὰ καὶ φλύαροι καὶ περίεργοι, λαλοῦσαι τὰ μὴ δέοντα.^{Verse 14}Βούλομαι οὖν νεωτέρας γαμεῖν, τεκνογονεῖν, οἰκοδεσποτεῖν, μηδεμίαν ἀφορμὴν διδόναι τῷ ἀντικειμένῳ λοιδορίας χάριν.^{Verse 15}Ἤδη γάρ τινες ἐξετράπησαν ὀπίσω τοῦ Σατανᾶ.^{Verse 16}Εἴ⁺τις πιστὸς ἢ πιστὴ ἔχει χήρας,⁺ἐπαρκείτω αὐταῖς, καὶ μὴ βαρείσθω ἡ ἐκκλησία, ἵνα ταῖς ὄντως χήραις ἐπαρκέσῃ.^{Verse 17}Οἱ καλῶς προεστῶτες πρεσβύτεροι διπλῆς τιμῆς ἀξιούσθωσαν, μάλιστα οἱ κοπιῶντες ἐν λόγῳ καὶ διδασκαλίᾳ.^{Verse 18}Λέγει γὰρ ἡ γραφή, Βοῦν ἀλοῶντα οὐ φιμώσεις· καί,Ἄξιος ὁ ἐργάτης τοῦ μισθοῦ αὐτοῦ.^{Verse 19}Κατὰ πρεσβυτέρου κατηγορίαν μὴ παραδέχου, ἐκτὸς εἰ μὴ ἐπὶ δύο ἢ τριῶν μαρτύρων.^{Verse 20+}Τοὺς ἁμαρτάνοντας ἐνώπιον πάντων ἔλεγχε, ἵνα καὶ οἱ λοιποὶ φόβον ἔχωσι.^{Verse 21}Διαμαρτύρομαι ἐνώπιον τοῦ Θεοῦ καὶ⁺Κυρίου Ἰησοῦ Χριστοῦ καὶ τῶν ἐκλεκτῶν ἀγγέλων, ἵνα ταῦτα φυλάξῃς χωρὶς προκρίματος, μηδὲν ποιῶν κατὰ⁺πρόσκλησιν.^{Verse 22}Χεῖρας ταχέως μηδενὶ ἐπιτίθει, μηδὲ κοινώνει ἁμαρτίαις ἀλλοτρίαις· σεαυτὸν ἁγνὸν τήρει.^{Verse 23}Μηκέτι ὑδροπότει,⁺ἀλλ᾽ οἴνῳ ὀλίγῳ χρῶ, διὰ τὸν στόμαχόν⁺σου καὶ τὰς πυκνάς σου ἀσθενείας.^{Verse 24}Τινῶν ἀνθρώπων αἱ ἁμαρτίαι πρόδηλοί εἰσι, προάγουσαι εἰς κρίσιν· τισὶ δὲ καὶ ἐπακολουθοῦσιν.^{Verse 25}Ὡσαύτως καὶ τὰ⁺καλὰ ἔργα πρόδηλά⁺ἐστι· καὶ τὰ ἄλλως ἔχοντα κρυβῆναι οὐ⁺δύνανται.