1 Corinthians 3 — TCG

Division Is of the Flesh

3Verse 1⁺Καὶ ἐγώ, ἀδελφοί, οὐκ ἠδυνήθην⁺ὑμῖν λαλῆσαι ὡς πνευματικοῖς, ἀλλ᾽ ὡς⁺σαρκικοῖς, ὡς νηπίοις ἐν Χριστῷ.^{Verse 2}Γάλα ὑμᾶς ἐπότισα,⁺καὶ οὐ βρῶμα· οὔπω γὰρ⁺ἐδύνασθε, ἀλλ᾽⁺οὔτε ἔτι νῦν δύνασθε·^{Verse 3}ἔτι γὰρ σαρκικοί ἐστε· ὅπου γὰρ ἐν ὑμῖν ζῆλος καὶ ἔρις⁺καὶ διχοστασίαι, οὐχὶ σαρκικοί ἐστε, καὶ κατὰ ἄνθρωπον περιπατεῖτε;^{Verse 4}Ὅταν γὰρ λέγῃ τις, Ἐγὼ μέν εἰμι Παύλου, ἕτερος δέ, Ἐγὼ Ἀπολλώ,⁺οὐχὶ σαρκικοί ἐστε;^{Verse 5+}Τίς οὖν ἐστι⁺Παῦλος, τίς δὲ Ἀπολλώς,⁺ἀλλ᾽ ἢ διάκονοι δι᾽ ὧν ἐπιστεύσατε, καὶ ἑκάστῳ ὡς ὁ Κύριος ἔδωκεν;^{Verse 6}Ἐγὼ ἐφύτευσα, Ἀπολλὼς ἐπότισεν,⁺ἀλλ᾽ ὁ Θεὸς ηὔξανεν.^{Verse 7}Ὥστε οὔτε ὁ φυτεύων ἐστί τι, οὔτε ὁ ποτίζων, ἀλλ᾽ ὁ αὐξάνων Θεός.^{Verse 8}Ὁ φυτεύων δὲ καὶ ὁ ποτίζων ἕν εἰσιν· ἕκαστος δὲ τὸν ἴδιον μισθὸν⁺λήψεται κατὰ τὸν ἴδιον κόπον.^{Verse 9}Θεοῦ γάρ ἐσμεν συνεργοί· Θεοῦ γεώργιον, Θεοῦ οἰκοδομή ἐστε.^{Verse 10}Κατὰ τὴν χάριν τοῦ Θεοῦ τὴν δοθεῖσάν μοι, ὡς σοφὸς ἀρχιτέκτων θεμέλιον⁺τέθεικα, ἄλλος δὲ ἐποικοδομεῖ. Ἕκαστος δὲ βλεπέτω πῶς ἐποικοδομεῖ.^{Verse 11}Θεμέλιον γὰρ ἄλλον οὐδεὶς δύναται θεῖναι παρὰ τὸν κείμενον, ὅς ἐστιν Ἰησοῦς⁺Χριστός.^{Verse 12}Εἰ δέ τις ἐποικοδομεῖ ἐπὶ τὸν θεμέλιον⁺τοῦτον⁺χρυσόν, ἄργυρον, λίθους τιμίους, ξύλα, χόρτον, καλάμην,^{Verse 13}ἑκάστου τὸ ἔργον φανερὸν γενήσεται· ἡ γὰρ ἡμέρα δηλώσει, ὅτι ἐν πυρὶ ἀποκαλύπτεται· καὶ ἑκάστου τὸ ἔργον ὁποῖόν ἐστι τὸ πῦρ⁺δοκιμάσει.^{Verse 14}Εἴ τινος τὸ ἔργον⁺μένει ὃ⁺ἐποικοδόμησε, μισθὸν⁺λήψεται.^{Verse 15}Εἴ τινος τὸ ἔργον κατακαήσεται, ζημιωθήσεται· αὐτὸς δὲ σωθήσεται, οὕτω δὲ ὡς διὰ πυρός.^{Verse 16}Οὐκ οἴδατε ὅτι ναὸς Θεοῦ ἐστε, καὶ τὸ πνεῦμα τοῦ Θεοῦ⁺οἰκεῖ ἐν ὑμῖν;^{Verse 17}Εἴ τις τὸν ναὸν τοῦ Θεοῦ φθείρει, φθερεῖ τοῦτον ὁ Θεός· ὁ γὰρ ναὸς τοῦ Θεοῦ ἅγιός ἐστιν, οἵτινές ἐστε ὑμεῖς.^{Verse 18}Μηδεὶς ἑαυτὸν ἐξαπατάτω· εἴ τις δοκεῖ σοφὸς εἶναι ἐν ὑμῖν ἐν τῷ αἰῶνι τούτῳ, μωρὸς γενέσθω, ἵνα γένηται σοφός.^{Verse 19}Ἡ γὰρ σοφία τοῦ κόσμου τούτου μωρία παρὰ τῷ Θεῷ ἐστι. Γέγραπται γάρ, Ὁ δρασσόμενος τοὺς σοφοὺς ἐν τῇ πανουργίᾳ αὐτῶν.^{Verse 20}Καὶ πάλιν, Κύριος⁺γινώσκει τοὺς διαλογισμοὺς τῶν σοφῶν, ὅτι εἰσὶ μάταιοι.^{Verse 21}Ὥστε μηδεὶς καυχάσθω ἐν ἀνθρώποις· πάντα γὰρ ὑμῶν ἐστιν,^{Verse 22}εἴτε Παῦλος, εἴτε Ἀπολλώς, εἴτε Κηφᾶς, εἴτε κόσμος, εἴτε ζωή, εἴτε θάνατος, εἴτε ἐνεστῶτα, εἴτε μέλλοντα· πάντα ὑμῶν⁺ἐστιν,^{Verse 23}ὑμεῖς δὲ Χριστοῦ, Χριστὸς δὲ Θεοῦ.