Titus 2 — SRG

2Verse 1Σὺ δὲ λάλει ἃ πρέπει τῇ ὑγιαινούσῃ διδασκαλίᾳ·^{Verse 2}πρεσβύτας νηφαλέους εἶναι, σεμνούς, σώφρονας, ὑγιαίνοντας τῇ πίστει, τῇ ἀγάπῃ, τῇ ὑπομονῇ·^{Verse 3}πρεσβύτιδας ὡσαύτως ἐν καταστήματι ἱεροπρεπεῖς,^*⸂μὴ διαβόλους, μὴ οἴνῳ πολλῷ δεδουλωμένας,⸃ καλοδιδασκάλους,^{Verse 4}ἵνα^*⸂σωφρονίζωσιν⸃ τὰς νέας φιλάνδρους εἶναι, φιλοτέκνους,^{Verse 5}σώφρονας, ἁγνάς, οἰκουρούς, ἀγαθάς, ὑποτασσομένας τοῖς ἰδίοις ἀνδράσιν, ἵνα μὴ ὁ λόγος τοῦ θεοῦ βλασφημῆται·^{Verse 6}τοὺς νεωτέρους ὡσαύτως παρακάλει σωφρονεῖν·^{Verse 7}περὶ πάντα σεαυτὸν παρεχόμενος τύπον καλῶν ἔργων, ἐν τῇ διδασκαλίᾳ^*⸂ἀδιαφθορίαν,⸃ σεμνότητα,^*⸋ἀφθαρσίαν,⸌^{Verse 8}λόγον ὑγιῆ, ἀκατάγνωστον, ἵνα ὁ ἐξ ἐναντίας ἐντραπῇ, μηδὲν ἔχων^*⸂περὶ ἡμῶν λέγειν⸃ φαῦλον.^{Verse 9}Δούλους ἰδίοις δεσπόταις ὑποτάσσεσθαι, ἐν πᾶσιν εὐαρέστους εἶναι, μὴ ἀντιλέγοντας,^{Verse 10}μὴ νοσφιζομένους, ἀλλὰ^*⸉πίστιν πᾶσαν⸊ ἐνδεικνυμένους ἀγαθήν, ἵνα τὴν διδασκαλίαν^*⸆ τοῦ σωτῆρος^*⸂ἡμῶν⸃ θεοῦ κοσμῶσιν ἐν πᾶσιν.^{Verse 11}Ἐπεφάνη γὰρ ἡ χάρις τοῦ θεοῦ^*⸋ἡ⸌ σωτήριος πᾶσιν ἀνθρώποις,^{Verse 12}παιδεύουσα ἡμᾶς ἵνα, ἀρνησάμενοι τὴν ἀσέβειαν καὶ τὰς κοσμικὰς ἐπιθυμίας, σωφρόνως καὶ δικαίως καὶ εὐσεβῶς ζήσωμεν ἐν τῷ νῦν αἰῶνι,^{Verse 13}προσδεχόμενοι τὴν μακαρίαν ἐλπίδα καὶ ἐπιφάνειαν τῆς δόξης τοῦ μεγάλου θεοῦ καὶ σωτῆρος ἡμῶν^*⸉Ἰησοῦ χριστοῦ,⸊^{Verse 14}ὃς ἔδωκεν ἑαυτὸν ὑπὲρ ἡμῶν, ἵνα λυτρώσηται ἡμᾶς ἀπὸ πάσης ἀνομίας, καὶ καθαρίσῃ ἑαυτῷ λαὸν περιούσιον, ζηλωτὴν καλῶν ἔργων.^{Verse 15}Ταῦτα λάλει, καὶ παρακάλει, καὶ ἔλεγχε μετὰ πάσης ἐπιταγῆς. Μηδείς σου περιφρονείτω.