Luke 23 — SRG

23Verse 1Καὶ ἀναστὰν ἅπαν τὸ πλῆθος αὐτῶν,^*⸂ἤγαγον⸃ αὐτὸν ἐπὶ τὸν Πιλάτον.^{Verse 2}Ἤρξαντο δὲ κατηγορεῖν αὐτοῦ, λέγοντες, Τοῦτον εὕρομεν διαστρέφοντα τὸ ἔθνος,^*⸆ καὶ κωλύοντα^*⸉Καίσαρι φόρους⸊ διδόναι,^*⸆2 λέγοντα ἑαυτὸν χριστὸν βασιλέα εἶναι.^{Verse 3}Ὁ δὲ Πιλάτος^*⸂ἐπηρώτησεν⸃ αὐτόν, λέγων, Σὺ εἶ ὁ βασιλεὺς τῶν Ἰουδαίων; Ὁ δὲ ἀποκριθεὶς αὐτῷ ἔφη, Σὺ λέγεις.^{Verse 4}Ὁ δὲ Πιλάτος εἶπεν πρὸς τοὺς ἀρχιερεῖς καὶ τοὺς ὄχλους, Οὐδὲν εὑρίσκω αἴτιον ἐν τῷ ἀνθρώπῳ τούτῳ.^{Verse 5}Οἱ δὲ ἐπίσχυον, λέγοντες ὅτι Ἀνασείει τὸν λαόν, διδάσκων καθ᾽ ὅλης τῆς Ἰουδαίας,^*⸆ ἀρξάμενος ἀπὸ τῆς Γαλιλαίας ἕως ὧδε.^{Verse 6}Πιλάτος δὲ ἀκούσας^*⸋Γαλιλαίαν⸌ ἐπηρώτησεν εἰ ὁ ἄνθρωπος Γαλιλαῖός ἐστιν.^{Verse 7}Καὶ ἐπιγνοὺς ὅτι ἐκ τῆς ἐξουσίας Ἡρῴδου ἐστίν, ἀνέπεμψεν αὐτὸν πρὸς Ἡρῴδην, ὄντα καὶ αὐτὸν ἐν Ἱεροσολύμοις ἐν ταύταις ταῖς ἡμέραις.^{Verse 8}Ὁ δὲ Ἡρῴδης ἰδὼν τὸν Ἰησοῦν ἐχάρη λίαν· ἦν γὰρ^*⸂θέλων ἐξ ἱκανοῦ⸃ ἰδεῖν αὐτόν, διὰ τὸ ἀκούειν^*⸋πολλὰ⸌ περὶ αὐτοῦ· καὶ ἤλπιζέν τι σημεῖον ἰδεῖν ὑπ᾽ αὐτοῦ γινόμενον.^{Verse 9}Ἐπηρώτα δὲ αὐτὸν ἐν λόγοις ἱκανοῖς· αὐτὸς δὲ οὐδὲν ἀπεκρίνατο αὐτῷ.^{Verse 10}Εἱστήκεισαν δὲ οἱ ἀρχιερεῖς καὶ οἱ γραμματεῖς, εὐτόνως κατηγοροῦντες αὐτοῦ.^{Verse 11}Ἐξουθενήσας δὲ αὐτὸν^*⸆ ὁ Ἡρῴδης σὺν τοῖς στρατεύμασιν αὐτοῦ, καὶ ἐμπαίξας, περιβαλὼν^*⸋αὐτὸν⸌ ἐσθῆτα λαμπράν, ἀνέπεμψεν αὐτὸν τῷ Πιλάτῳ.^{Verse 12}Ἐγένοντο δὲ φίλοι^*⸉ὅ τε Πιλάτος καὶ ὁ Ἡρῴδης⸊ ἐν αὐτῇ τῇ ἡμέρᾳ μετ᾽ ἀλλήλων· προϋπῆρχον γὰρ ἐν ἔχθρᾳ ὄντες πρὸς^*⸂ἑαυτούς.⸃^{Verse 13}Πιλάτος δὲ συγκαλεσάμενος τοὺς ἀρχιερεῖς καὶ τοὺς ἄρχοντας καὶ τὸν λαόν,^{Verse 14}εἶπεν πρὸς αὐτούς, Προσηνέγκατέ μοι τὸν ἄνθρωπον τοῦτον, ὡς ἀποστρέφοντα τὸν λαόν· καὶ ἰδού, ἐγὼ ἐνώπιον ὑμῶν ἀνακρίνας οὐδὲν εὗρον ἐν τῷ ἀνθρώπῳ τούτῳ αἴτιον ὧν κατηγορεῖτε κατ᾽ αὐτοῦ·^{Verse 15}ἀλλ᾽ οὐδὲ Ἡρῴδης·^*⸂ἀνέπεμψα γὰρ ὑμᾶς πρὸς αὐτόν,⸃ καὶ ἰδού, οὐδὲν ἄξιον θανάτου ἐστὶν πεπραγμένον αὐτῷ.^{Verse 16}Παιδεύσας οὖν αὐτὸν ἀπολύσω.^{Verse 17*}⸋Ἀνάγκην δὲ εἶχεν ἀπολύειν αὐτοῖς κατὰ ἑορτὴν ἕνα.⸌^{Verse 18}Ἀνέκραξαν δὲ παμπληθεί, λέγοντες, Αἶρε τοῦτον, ἀπόλυσον δὲ ἡμῖν^*⸆ Βαραββᾶν·^{Verse 19}ὅστις ἦν διὰ στάσιν τινὰ γενομένην ἐν τῇ πόλει καὶ φόνον^*⸂βεβλημένος⸃^*⸂2εἰς φυλακήν.⸃^{Verse 20}Πάλιν^*⸂οὖν⸃ ὁ Πιλάτος προσεφώνησεν,^*⸆ θέλων ἀπολῦσαι τὸν Ἰησοῦν.^{Verse 21}Οἱ δὲ ἐπεφώνουν, λέγοντες,^*⸂Σταύρωσον, σταύρωσον⸃ αὐτόν.^{Verse 22}Ὁ δὲ τρίτον εἶπεν πρὸς αὐτούς, Τί γὰρ κακὸν ἐποίησεν οὗτος; Οὐδὲν αἴτιον θανάτου εὗρον ἐν αὐτῷ· παιδεύσας οὖν αὐτὸν ἀπολύσω.^{Verse 23}Οἱ δὲ ἐπέκειντο φωναῖς μεγάλαις, αἰτούμενοι αὐτὸν σταυρωθῆναι· καὶ κατίσχυον αἱ φωναὶ αὐτῶν^*⸋καὶ τῶν ἀρχιερέων.⸌^{Verse 24*}⸂Ὁ δὲ⸃ Πιλάτος ἐπέκρινεν γενέσθαι τὸ αἴτημα αὐτῶν.^{Verse 25}Ἀπέλυσεν δὲ^*⸆ τὸν διὰ στάσιν καὶ φόνον βεβλημένον εἰς^*⸋τὴν⸌ φυλακήν, ὃν ᾐτοῦντο· τὸν δὲ Ἰησοῦν παρέδωκεν τῷ θελήματι αὐτῶν.^{Verse 26}Καὶ ὡς ἀπήγαγον αὐτόν, ἐπιλαβόμενοι^*⸂Σίμωνός τινος Κυρηναίου ἐρχομένου⸃ ἀπ᾽ ἀγροῦ, ἐπέθηκαν αὐτῷ τὸν σταυρόν, φέρειν ὄπισθεν τοῦ Ἰησοῦ.^{Verse 27}Ἠκολούθει δὲ αὐτῷ πολὺ πλῆθος τοῦ λαοῦ, καὶ γυναικῶν αἳ^*⸋καὶ⸌ ἐκόπτοντο καὶ ἐθρήνουν αὐτόν.^{Verse 28}Στραφεὶς δὲ πρὸς αὐτὰς^*⸋ὁ⸌ Ἰησοῦς εἶπεν, Θυγατέρες Ἱερουσαλήμ, μὴ κλαίετε ἐπ᾽ ἐμέ, πλὴν ἐφ᾽ ἑαυτὰς κλαίετε καὶ ἐπὶ τὰ τέκνα ὑμῶν.^{Verse 29}Ὅτι ἰδού, ἔρχονται ἡμέραι ἐν αἷς ἐροῦσιν, Μακάριαι^*⸂αἱ στεῖραι, καὶ κοιλίαι αἳ οὐκ ἐγέννησαν, καὶ μαστοὶ⸃ οἳ οὐκ^*⸂2ἐθήλασαν.⸃^{Verse 30}Τότε ἄρξονται λέγειν τοῖς ὄρεσιν, Πέσετε ἐφ᾽ ἡμᾶς· καὶ τοῖς βουνοῖς, Καλύψατε ἡμᾶς.^{Verse 31}Ὅτι εἰ ἐν^*⸋τῷ⸌ ὑγρῷ ξύλῳ ταῦτα ποιοῦσιν, ἐν τῷ ξηρῷ τί γένηται;^{Verse 32}Ἤγοντο δὲ καὶ ἕτεροι^*⸉δύο κακοῦργοι⸊ σὺν αὐτῷ ἀναιρεθῆναι.^{Verse 33}Καὶ ὅτε^*⸂ἀπῆλθον⸃ ἐπὶ τὸν τόπον τὸν καλούμενον Κρανίον, ἐκεῖ ἐσταύρωσαν αὐτόν, καὶ τοὺς κακούργους, ὃν μὲν ἐκ δεξιῶν, ὃν δὲ ἐξ ἀριστερῶν.^{Verse 34}Ὁ δὲ Ἰησοῦς ἔλεγεν, Πάτερ, ἄφες αὐτοῖς· οὐ γὰρ οἴδασιν τί ποιοῦσιν. Διαμεριζόμενοι δὲ τὰ ἱμάτια αὐτοῦ, ἔβαλον^*⸂κλῆρον.⸃^{Verse 35}Καὶ εἱστήκει ὁ λαὸς θεωρῶν. Ἐξεμυκτήριζον δὲ καὶ οἱ ἄρχοντες^*⸋σὺν αὐτοῖς,⸌ λέγοντες, Ἄλλους ἔσωσεν, σωσάτω ἑαυτόν, εἰ οὗτός ἐστιν ὁ χριστός,^*⸉ὁ τοῦ θεοῦ ἐκλεκτός.⸊^{Verse 36*}⸂Ἐνέπαιζον⸃ δὲ αὐτῷ καὶ οἱ στρατιῶται, προσερχόμενοι^*⸋καὶ⸌ ὄξος προσφέροντες αὐτῷ,^{Verse 37}καὶ λέγοντες, Εἰ σὺ εἶ ὁ βασιλεὺς τῶν Ἰουδαίων, σῶσον σεαυτόν.^{Verse 38}Ἦν δὲ καὶ ἐπιγραφὴ^*⸂γεγραμμένη⸃ ἐπ᾽ αὐτῷ^*⸋γράμμασιν Ἑλληνικοῖς καὶ Ῥωμαϊκοῖς καὶ Ἑβραϊκοῖς,⸌^*⸂2Οὗτός ἐστιν ὁ βασιλεὺς τῶν Ἰουδαίων.⸃^{Verse 39}Εἷς δὲ τῶν κρεμασθέντων κακούργων ἐβλασφήμει αὐτόν,^*⸋λέγων,⸌^*⸂Εἰ σὺ εἶ ὁ χριστός,⸃ σῶσον σεαυτὸν καὶ ἡμᾶς.^{Verse 40}Ἀποκριθεὶς δὲ ὁ ἕτερος^*⸂ἐπετίμα αὐτῷ, λέγων,⸃ Οὐδὲ φοβῇ σὺ τὸν θεόν, ὅτι ἐν τῷ αὐτῷ κρίματι εἶ;^{Verse 41}Καὶ ἡμεῖς μὲν δικαίως, ἄξια γὰρ ὧν ἐπράξαμεν ἀπολαμβάνομεν· οὗτος δὲ οὐδὲν ἄτοπον ἔπραξεν.^{Verse 42}Καὶ ἔλεγεν^*⸋τῷ⸌ Ἰησοῦ, Μνήσθητί μου,^*⸋2κύριε,⸌ ὅταν ἔλθῃς^*⸂ἐν τῇ βασιλείᾳ⸃ σου.^{Verse 43}Καὶ εἶπεν αὐτῷ^*⸋ὁ Ἰησοῦς,⸌ Ἀμὴν^*⸉λέγω σοι,⸊ σήμερον μετ᾽ ἐμοῦ ἔσῃ ἐν τῷ παραδείσῳ.^{Verse 44*}⸂Ἦν δὲ⸃^*⸆ ὡσεὶ ὥρα ἕκτη, καὶ σκότος ἐγένετο ἐφ᾽ ὅλην τὴν γῆν ἕως ὥρας ἐνάτης.^{Verse 45*}⸂Καὶ ἐσκοτίσθη ὁ ἥλιος,⸃^*⸂2καὶ ἐσχίσθη⸃ τὸ καταπέτασμα τοῦ ναοῦ μέσον.^{Verse 46}Καὶ φωνήσας φωνῇ μεγάλῃ ὁ Ἰησοῦς εἶπεν, Πάτερ, εἰς χεῖράς σου παραθήσομαι τὸ πνεῦμά μου·^*⸂καὶ ταῦτα⸃ εἰπὼν ἐξέπνευσεν.^{Verse 47}Ἰδὼν δὲ ὁ ἑκατόνταρχος τὸ γενόμενον,^*⸂ἐδόξασεν⸃ τὸν θεόν, λέγων, Ὄντως ὁ ἄνθρωπος οὗτος δίκαιος ἦν.^{Verse 48}Καὶ πάντες οἱ συμπαραγενόμενοι ὄχλοι ἐπὶ τὴν θεωρίαν ταύτην,^*⸂θεωροῦντες⸃ τὰ γενόμενα, τύπτοντες^*⸋ἑαυτῶν⸌ τὰ στήθη ὑπέστρεφον.^{Verse 49}Εἱστήκεισαν δὲ πάντες οἱ γνωστοὶ^*⸂αὐτοῦ⸃^*⸆ μακρόθεν, καὶ γυναῖκες αἱ συνακολουθήσασαι αὐτῷ ἀπὸ τῆς Γαλιλαίας, ὁρῶσαι ταῦτα.^{Verse 50}Καὶ ἰδού, ἀνὴρ ὀνόματι Ἰωσήφ, βουλευτὴς ὑπάρχων,^*⸆ ἀνὴρ ἀγαθὸς καὶ δίκαιος—^{Verse 51}οὗτος οὐκ ἦν συγκατατεθειμένος τῇ βουλῇ καὶ τῇ πράξει αὐτῶν—ἀπὸ Ἀριμαθαίας πόλεως τῶν Ἰουδαίων,^*⸂ὃς καὶ προσεδέχετο καὶ αὐτὸς⸃ τὴν βασιλείαν τοῦ θεοῦ·^{Verse 52}οὗτος προσελθὼν τῷ Πιλάτῳ ᾐτήσατο τὸ σῶμα τοῦ Ἰησοῦ.^{Verse 53*}⸂Καὶ καθελὼν αὐτὸ ἐνετύλιξεν αὐτὸ σινδόνι, καὶ ἔθηκεν αὐτὸ⸃ ἐν μνήματι λαξευτῷ, οὗ οὐκ ἦν^*⸂2οὐδέπω οὐδεὶς⸃ κείμενος.^{Verse 54}Καὶ ἡμέρα ἦν Παρασκευή,^*⸆ σάββατον ἐπέφωσκεν.^{Verse 55}Κατακολουθήσασαι δὲ^*⸆ γυναῖκες, αἵτινες ἦσαν συνεληλυθυῖαι^*⸉αὐτῷ ἐκ τῆς Γαλιλαίας,⸊ ἐθεάσαντο τὸ μνημεῖον, καὶ ὡς ἐτέθη τὸ σῶμα αὐτοῦ.^{Verse 56}Ὑποστρέψασαι δὲ ἡτοίμασαν ἀρώματα καὶ μύρα. Καὶ τὸ μὲν σάββατον ἡσύχασαν κατὰ τὴν ἐντολήν.