Ephesians 3 — SRG

3Verse 1Τούτου χάριν ἐγὼ Παῦλος ὁ δέσμιος τοῦ χριστοῦ Ἰησοῦ ὑπὲρ ὑμῶν τῶν ἐθνῶν,^{Verse 2}εἴγε ἠκούσατε τὴν οἰκονομίαν τῆς χάριτος τοῦ θεοῦ τῆς δοθείσης μοι εἰς ὑμᾶς,^{Verse 3*}⸋ὅτι⸌ κατὰ ἀποκάλυψιν^*⸂ἐγνώρισέν⸃ μοι τὸ μυστήριον, καθὼς προέγραψα ἐν ὀλίγῳ,^{Verse 4}πρὸς ὃ δύνασθε ἀναγινώσκοντες νοῆσαι τὴν σύνεσίν μου ἐν τῷ μυστηρίῳ τοῦ χριστοῦ·^{Verse 5}ὃ^*⸆ ἑτέραις γενεαῖς οὐκ ἐγνωρίσθη τοῖς υἱοῖς τῶν ἀνθρώπων, ὡς νῦν ἀπεκαλύφθη τοῖς ἁγίοις ἀποστόλοις αὐτοῦ καὶ προφήταις ἐν πνεύματι·^{Verse 6}εἶναι τὰ ἔθνη συγκληρονόμα καὶ σύσσωμα καὶ συμμέτοχα τῆς ἐπαγγελίας^*⸋αὐτοῦ⸌ ἐν^*⸂τῷ χριστῷ,⸃ διὰ τοῦ εὐαγγελίου,^{Verse 7}οὗ^*⸂ἐγενόμην⸃ διάκονος κατὰ^*⸂2τὴν δωρεὰν τῆς χάριτος τοῦ θεοῦ, τὴν δοθεῖσάν⸃ μοι κατὰ τὴν ἐνέργειαν τῆς δυνάμεως αὐτοῦ.^{Verse 8}Ἐμοὶ τῷ ἐλαχιστοτέρῳ πάντων^*⸆ ἁγίων ἐδόθη ἡ χάρις αὕτη,^*⸋ἐν⸌ τοῖς ἔθνεσιν εὐαγγελίσασθαι^*⸂τὸν ἀνεξιχνίαστον πλοῦτον⸃ τοῦ χριστοῦ,^{Verse 9}καὶ φωτίσαι^*⸋πάντας⸌ τίς ἡ^*⸂οἰκονομία⸃ τοῦ μυστηρίου τοῦ ἀποκεκρυμμένου ἀπὸ τῶν αἰώνων ἐν τῷ θεῷ τῷ τὰ πάντα κτίσαντι^*⸋2διὰ Ἰησοῦ χριστοῦ,⸌^{Verse 10}ἵνα γνωρισθῇ νῦν ταῖς ἀρχαῖς καὶ ταῖς ἐξουσίαις ἐν τοῖς ἐπουρανίοις διὰ τῆς ἐκκλησίας ἡ πολυποίκιλος σοφία τοῦ θεοῦ,^{Verse 11}κατὰ πρόθεσιν τῶν αἰώνων ἣν ἐποίησεν ἐν^*⸂χριστῷ Ἰησοῦ τῷ κυρίῳ ἡμῶν·⸃^{Verse 12}ἐν ᾧ ἔχομεν τὴν παρρησίαν καὶ^*⸋τὴν⸌ προσαγωγὴν ἐν πεποιθήσει διὰ τῆς πίστεως αὐτοῦ.^{Verse 13}Διὸ αἰτοῦμαι μὴ ἐκκακεῖν ἐν ταῖς θλίψεσίν μου ὑπὲρ ὑμῶν, ἥτις ἐστὶν δόξα ὑμῶν.^{Verse 14}Τούτου χάριν κάμπτω τὰ γόνατά μου πρὸς τὸν πατέρα^*⸋τοῦ κυρίου ἡμῶν Ἰησοῦ χριστοῦ,⸌^{Verse 15}ἐξ οὗ πᾶσα πατριὰ ἐν οὐρανοῖς καὶ ἐπὶ γῆς ὀνομάζεται,^{Verse 16}ἵνα δῴη ὑμῖν, κατὰ^*⸂τὸν πλοῦτον⸃ τῆς δόξης αὐτοῦ, δυνάμει κραταιωθῆναι διὰ τοῦ πνεύματος αὐτοῦ εἰς τὸν ἔσω ἄνθρωπον,^{Verse 17}κατοικῆσαι τὸν χριστὸν διὰ τῆς πίστεως ἐν ταῖς καρδίαις ὑμῶν·^{Verse 18}ἐν ἀγάπῃ ἐρριζωμένοι καὶ τεθεμελιωμένοι ἵνα ἐξισχύσητε καταλαβέσθαι σὺν πᾶσιν τοῖς ἁγίοις τί τὸ πλάτος καὶ μῆκος καὶ^*⸉βάθος καὶ ὕψος,⸊^{Verse 19}γνῶναί τε τὴν ὑπερβάλλουσαν τῆς γνώσεως ἀγάπην τοῦ χριστοῦ, ἵνα πληρωθῆτε εἰς πᾶν τὸ πλήρωμα τοῦ θεοῦ.^{Verse 20}Τῷ δὲ δυναμένῳ ὑπὲρ πάντα ποιῆσαι ὑπερεκπερισσοῦ ὧν αἰτούμεθα ἢ νοοῦμεν, κατὰ τὴν δύναμιν τὴν ἐνεργουμένην ἐν ἡμῖν,^{Verse 21}αὐτῷ ἡ δόξα ἐν τῇ ἐκκλησίᾳ^*⸆ ἐν χριστῷ Ἰησοῦ, εἰς πάσας τὰς γενεὰς τοῦ αἰῶνος τῶν αἰώνων. Ἀμήν.